ئه‌ڤرۆ نيوز:
ئێڤاريا ئه‌ڤرۆ، نێچيرڤان بارزانى سه‌رۆك وه‌زيرێن هه‌رێما كوردستانێ و ره‌جه‌ب ته‌يب ئه‌ردوگان سه‌رۆك كومارێ توركيا په‌يوه‌نديه‌كا ته‌له‌فونى ئه‌نجام دان.
ل دووڤ راگه‌هاندنه‌كا حوكمه‌تا هه‌رێما كوردستانێ، د وێ په‌يوه‌نديا ته‌له‌فونى دا، ل ده‌ستپێكێ نێچيرڤان بارزانى ب گه‌رمى پيرۆزباهى ل ئه‌ردوگان كرينه ب هه‌لكه‌فتا سه‌ركه‌فتنا وى و پارتا وى ل هه‌لبژارتنێن سه‌رۆكايه‌تى و په‌رله‌مانێ توركيا و هيڤيا سه‌ركه‌فتێ بۆ خواست، د هه‌مبه‌ر دا، ئه‌ردوگان سوپاسيا نێچيرڤان بارزانى كر.
ئه‌ڤرۆ نیوز، بارزان مزوورى:
ژێده‌ره‌كێ ژ پاسه‌وانێن سنوری ل فێرگه‌ها مه‌شق و راهێنانێ ل زێلكان بو ئه‌ڤرۆ نیوز ئاشكرا كر كو ئه‌ڤ شه‌ڤه ده‌مژمێر 9:40 خوله‌ك رێكه‌فتى 2/7 پشتى ڤه‌گه‌ریانا پاسه‌وانا ل گوره‌پانا مه‌شق و راهێنانێ بو سه‌ر جهێن خوی ێن بهێن ڤه‌دانێ ئه‌وان پاسه‌وانا سه‌رێ خو شیشتیه پشتى سه‌ر شیشتنێ توشى نه‌خوشیه‌كێ بوینه ئێكسه‌ر بو نه‌خوشخانا شێخان یا گشتى هاتن ڤه‌گوهاستن هنده‌ك ژوان ره‌وشا وان یا خرابه بو نه‌خوشخانا ته‌نگاڤیا دهوك ره‌وانه‌كرن.
وى ژێده‌رى گوت ژى كو ژوان 20 پاسه‌وانێن سنوری به‌رده‌وام رێژا وان پاسه‌وانا یێن توشى نه‌خوشیێ دبن زێده‌بووینه پشتى پشكنین ژلایێ نوژدارێن نه‌خوشخانا شێخان بو هاتیه كرن دیاركر كو ژبه‌ر گه‌رمێ توشى ڤێ نه‌خوشیێ بووینه.
ئەڤرۆ نیوز:
ھەلبژارتیێ بەلچیکا زەحمەتەکا مەزن دیت ھەتا شیاین سەرکەفتنێ لسەر ھەلبژارتیێ ژاپونێ توماربکەن ب سێ گۆلان بەرامبەر دو گۆلان د یاریێن قوناغا شازدێ یا موندیالا روسیا دا.
د نیڤا ئێکێ یا ڤێ یاریێ دا ھەردو ھەلبژارتیێن ژاپون و بەلچیکا شیان ئاستەکێ باش پێشکێش بکەن لێ چو ژ ڤان ھێرشان دەلیڤە ژێ نە ھاتە وەرگرتن و یاری ب وەکھەڤی بێ گۆل ب دوماھی ھات.
د نیڤا دویێ دا ھەردو ھەلبژارتیان ئاستەکێ گەلەک باشتر ھاتنە د یاریێ دا و ھەلبژارتیێ ژاپون شیا دو گۆلان توماربکەن لێ ھند پێ نەچوو ھەلبژارتیێ بەلچیکا شیا وەکھەڤیێ بینت و ل دەمێ زێدەکری شیان گۆلا سیێ و سەرکەفتنێ توماربکەن و دەربازی قوناغا چارێک دوماھیا موندیالا روسیا و یاریا بھێت دێ ھەمبەر ھەلبژارتیێ بەرازیل کەت.
ئه‌ڤرۆ نيوز، فاتما مزوورى:
بالیۆزێ ئیرانێ ل عيراقێ راگه‌هاند كو قه‌بارێ بازرگانیا د ناڤبه‌را عيراق و ئیرانێ دا، 13 ملیار دۆلار ده‌رباز كرینه و پشتی توركیا، ئیران ب هه‌ڤپشكا دویێ يا بازرگانیا عيراقێ دهێته وه‌سف كرن.
ئاژانسا نووچێن ئیرنێ یا ئیرانی ل سه‌ر زارێ ئیره‌ج مه‌سجدی بالیۆزێ ئیرانێ ل عيراقێ راگه‌هاند: قه‌باره‌یا بازرگانیا د ناڤبه‌را عيراق و ئیرانێ دا، د سالا بوری دا 13 ملیار و 210 ملیۆن دولار بووينه، پشتی توركیایێ، ئیران وه‌لاتێ دويێ يه كو پترترین هه‌ڤگوهه‌ڕتنا بازرگانی ل گه‌ل عيراقێ دكه‌ت.
بالیۆزێ ئیرانێ ئه‌و یه‌ك ژی دیار كر كو قه‌بارێ كه‌لوپه‌ل و كه‌ره‌ستێن نه‌يێن نه‌ته‌وی ب بهایێ شه‌ش ملیار و 500 ملیۆن دولاران بوويه.
ئه‌ڤرۆ نيوز:
ئه‌ڤرو ئێڤاری 2-7-2018 ل كوچكا مێهڤانداریا فه‌رهاد ئه‌مین ئه‌تروشی پارێزگه‌رێ دهوكێ پێشوازیا شانده‌كێ قوتابیێن كولیژا به‌ره‌ڤانیا نیشتمانی سه‌رب كولیژا ڤه‌كولینێن سه‌ربازی سه‌ر ب وه‌زاره‌تا به‌ره‌ڤانیا عیراقێ ب سه‌روكاتیا لیوا روكنێ فروكڤان (عقیل مسته‌فا مه‌هدی) راگرێ كولیژا ناڤبری كر.
دهه‌ڤدیتنه‌كێدا ب ئاماده‌بوونا لیوا(نه‌زیرعاصم گوران) راگرێ كولیژا سه‌ربازی ل زاخو به‌حسێ ره‌وشا ده‌ڤه‌رێ ژ رویێ خزمه‌تكاری و سه‌ربازی ب گشتی هاته كرن.
د ته‌وه‌ره‌كێ دن دا به‌حسێ ئارمانجا هاتنا شاندێ ناڤبری بو پارێزگه‌ها دهوكێ كو ئه‌وژی گه‌شته‌كا زانستی یه بو ئاماده‌كرنا ڤه‌كولینێن زانتسی ل سه‌ر پارێزگه‌هێن دهوكێ وسلێمانیێ كو ده‌مێ چه‌ند روژا دێ به‌رده‌وامكه‌ت هاته كرن.
پارێزگه‌رێ دهوكێ بخێر هاتنا شاندی كر وبه‌رهه‌ڤیا پارێزگه‌هێ نیشان دا بو هه‌ر هاریكاریه‌كێ دگه‌ل قوتابیێن كولیژا ناڤبری وداخازا سه‌ركه‌فتنێ بو شاندی كر.
هه‌ژی گوتنێ یه شاندێ ناڤبری سێ روژا ل پارێزگه‌ها دهوكێ وقه‌زا زاخو هه‌روه‌سا سێ روژا دێ ل پارێزگه‌ها سلێمانیێ مینیت بو ئاماده‌كرنا ڤه‌كولینێن زانستی.
ئه‌ڤرۆ نيوز، فاتما مزوورى:
د نووترين داخویانی دا ژبۆ كه‌نالێ فۆكس نیوز، دۆنالد تره‌مپ سه‌رۆك كۆمارێ ئه‌مه‌ریكا ل دۆر به‌رده‌وامبوونا سه‌ره‌ده‌ریا بازرگانی یا وه‌لاتێن ئورۆپا ل گه‌ل ئیرانێ راگه‌هاند: هه‌ر وه‌لاته‌كی ئورۆپی هزرا وێ ئێكێ بكهت ل گه‌ل ئیرانێ سه‌ره‌ده‌ریا بازرگانيێ بكهت، دێ راستی سزایێن ئابووری یێن ئه‌مه‌ریكا بيت.
ل دۆر ئالۆزیێن ڤێ دووماهیێ یێ ناڤخۆ یێن ئیرانێ دۆنالد تره‌مپ ئاماژه ب وێ یه‌كێ كر كو ده‌ستهه‌لاتدارێن ئیرانێ ئێدی ده‌ستێوه‌ردان ل وه‌لاتێن رۆژهه‌لاتا ناڤین و وه‌لاتێن دن ناكه‌ت.
گۆتژى: “ئه‌و ب ئاريشێن خوه ڤه مژوولن و د نها دا رۆلێ وان د بوویه‌رێن سوریا دا كێمتر بوویه”.
ئاماژه ب وێ چه‌ندێ ژى كر كو ل یه‌مه‌ن و گه‌له‌ك وه‌لاتێن دى ب هه‌مان ره‌نگ رۆل و كارتێكرنا وان وه‌كو جاران نه‌مایه.
ل دۆر بهایێ نه‌فتێ ژی تره‌مپ ره‌خنه ل وه‌لاتێن ئه‌ندام د رێكخستنا ئۆپێك دا گرت و هه‌ڤده‌م رێكخستنا ئۆپێك ب وێ یه‌كێ تۆمه‌تبار كر كو ده‌ستكاری یا بهایێ نه‌فتێ دكه‌ت و راگه‌هاند: ب نه‌رینا من دڤێت ئۆپێك دو ملیون به‌رمیل نه‌فت به‌رهه‌م بینيت دا كو وێ ڤالاهی و خواستا ل سه‌ر نه‌فتێ ل سه‌ر ئاستێ جیهاتێ به‌رهه‌م بينن.
ئه‌ڤرۆ نيوز، فاتما مزوورى:
ئاژانسا نووچه‌یێن ئه‌لعه‌ره‌بیه ل سه‌ر زارێ عه‌قید ئه‌حمه‌د نایف په‌یڤدارێ هێزێن زێره‌ڤانی یێن سنوری ل پارێزگه‌ها ئه‌نبار به‌لاڤ كریه كو عيراقێ ده‌ست ب دیواره‌كێ ئه‌منی ب درێژاهیا سنورێن سوریا كریه ژبۆ رێگرتن ل هاتنا تيرۆریستان دا كو ئارامی و ئاسایشا عيراقێ بپارێزيت.
وی په‌یڤداری گۆتژی: ” ده‌ما 10 رۆژانه وان ده‌ست ب دروستكرنا وی دیواری كرى و دانانا تاوه‌رێن چاڤدێریێ ب درێژاهیا سنور ژی داناینه”.
ناڤبری هه‌روه‌سا ئاماژه ب وێ یه‌كێ ژی كر كو وه‌كو قۆناغا ئێكێ ب درێژاهیا 20 كێلومه‌تران ل ده‌ڤه‌را قائیم ده‌ست ب ئاڤاكرنا دیواره‌كی كريه و د ناڤبه‌را هه‌ر تاوه‌ره‌كی ژی ئێك كێلۆمه‌تر هه‌یه تایبه‌ت ب چاڤدێریكرنا هێریشێن داعش بۆ سه‌ر ده‌ڤه‌رێ.
هه‌ر چه‌نده حه‌يده‌ر عه‌بادى سه‌رۆك وزه‌يرێن عيراقێ نه‌مانا چه‌كدارێن داعش ل عيراقێ راگه‌هاندبوو كو نه‌ماينه د ناڤ عيراقێ دا، به‌لێ هه‌ر ماوه بۆ ماوه‌ى ل ده‌ڤه‌رێن سه‌ر سنور يێن سوريا هێرشان دكه‌نه سه‌ر پارێزگه‌هێن عيراقێ و نوكه ل ده‌ڤه‌رێن ده‌وروبه‌رێ كه‌ركووك ژى ب ره‌نگه‌كێ گه‌له‌ك به‌رچاڤ ديار بووينه.
ئه‌ڤرۆ نيوز، فاتما مزوورى:
جۆن بۆلتن شیره‌تكارێ ئاسایشا نشتیمانی یێ ئه‌مه‌ریكا راگه‌هاند، واشنتن پلانه‌ك دانایه كو ده‌ما وێ یه‌ك ساله ژبۆ نه‌هێلانا چه‌كێن كۆمه‌لكوژی و موشه‌كێن بالێستی یێن كوریا باكوور ب مه‌رجه‌كى ئه‌و وه‌لات هاریكار بيت و وان چه‌كان ده‌ربێخيت.
گۆتژی: “شاره‌زایێن ڤی واری دبێژن ره‌نگه ئه‌ڤ پرۆسه‌یه ده‌مه‌ك زێده‌تر ب كێشيت، به‌لێ ئه‌گه‌ر ب راستی وان بڕیاره‌ك ستراتیژی هه‌بيت و بخوازن هاريكار بن دكارن ب له‌ز بلڤن و ژ ئالیێ ماددی ڤه پشكه‌كا مه‌زن یا به‌رنامێ وان د ده‌مێ ساله‌كێ دا نه‌هێلن.
بۆلتن ئاشكهرا ژی كر كو دبيت وه‌زیرێ ده‌رڤه یێ ئه‌مه‌ریكا مایك پۆمپیۆ حه‌فتیا بهێت سه‌ره‌دانا كۆریا باكوور بكهت و ڤى بابه‌تى ژبۆ به‌رپرسێن كوریا باكوور پێشنیاز بكهت.
ئه‌ڤرۆ نيوز:
ئەڤرۆ 2-7-2018 لیژنا خزمەتگوزاریان ب سەرۆکاتیا جەھوەر عەلی قائیمقامێ قەزا دھۆکێ ل کوچکا قائیمقامیێ کۆمبوو.
د کۆمبوونێ دا ب ئامادەبوونا ھژمارەکا لایەنێن پەیوەندیدار بەحسێ باشتر گەھاندنا خزمەتگوزاریان بۆ وەلاتیان د ناڤ شوقەیان و چارەسەرکرنا کێشە و گرفتان ھاتە کرن.
تەوەرێ بجھئینانا پرۆژێن ماینە ب رێڤە ژی ھاتە گەنگەشەکرن، ژبۆ چارەکرنا کێشەیا ئاڤێ ل پرۆژێ پاشا ستی بڕیار ھاته دان کو عومبارەک ژبۆ ڤی پرۆژی بھێتە دروستکرن.
ئه‌ڤرۆنيوز:
به‌رپرسه‌كێ كۆمسيۆنا بلند يا هه‌لبژارتن وراپرسى ل هه‌رێما كوردستانێ ئاشكراكر كو ل هه‌فتيا داهاتى دێ ده‌ست ب دامه‌رزاندنا 1500 فه‌رمانبه‌ران ب شێوێ گرێبه‌ست ول رۆژا ده‌نگدانێ 45 هزار كه‌س بۆ سه‌ر سندووقێن ده‌نگدانێ بۆ ده‌مێ تنێ رۆژه‌كێ دێ هێنه دامه‌زراندن.
وى به‌رپرسێ كۆمسيۆنا كوردستانێ، ل دووڤ مالپه‌رێ سه‌ته‌لايتا كوردستانێ، گۆت ژى”
زێده‌تره هه‌يڤه‌كێ ده‌ست ب به‌رهه‌ڤيان هاتيه كرن بۆ هه‌لبژارتنێن په‌رله‌مانێ كوردستانێ كو ل ده‌ستپێكێ ناڤێ قه‌وارێن سياسى هاتنه تۆماركرن وپاشى هه‌ڤپه‌يمانى، ل هه‌فتيا داهاتى ژى دا پرۆسا نووكرنا ناڤه‌ندێن تۆمارا ده‌نگده‌ران بۆ وه‌لاتيان دێ هێنه ڤه‌كرن”.
نيشاندان