ئەڤرۆ نیوز ، ئیقبال:
ل ده‌ڤه‌را بارزان ب تنێ لسه‌ر ئاستێ كه‌سان كه‌لتوور و فولكلورى هاتیه پاراستن هه‌ر ده‌ڤه‌ره‌كا كوردستانێ كه‌لتوور و فولكلوره‌كێ تایبه‌ت بخوڤه هه‌یه و پێ دهێته نیاسین ، ده‌ڤه‌را بارزان ژى ئێكه ژ وان ده‌ڤه‌رێن كوردستانێ كو زه‌نگینه ب هه‌بوونا كه‌لتوور و فولكلوره‌كێ زۆر به‌لێ هه‌تا نها لایه‌نێن شوله‌ژێ چوو كار و بزاڤ بو پاراستنا وان نه‌كرینه ، نڤیسه‌ره‌كێ بارزان و خێزانا خوه لسه‌ر كیسێ خوه رابووینه ب پاراستنا به‌شه‌ك ژ كه‌لتوور و فولكلورێ ده‌ڤه‌رێ و دخوازن كو لایه‌نێن شوله‌ژێ هاریكاریا وان بكه‌ن.
رێبوار ره‌مه‌زان نڤیسه‌ر و ڤه‌كوله‌ر ل ده‌ڤه‌را بارزان دیاركر كو ده‌ڤه‌را بارزان ئێكه ژ زه‌نگرین ترین ده‌ڤه‌رێن كوردستانێ ب هه‌بوونا كه‌لتوور و فولكلوره‌كێ تایبه‌ت بخوڤه به‌لێ هه‌تا نها كار بو پاراستن و كومكرنا وێ وه‌كو پێدڤى نه‌هاتیه‌كرن و بۆ ئه‌ڤرۆ نیوز گۆت: (نێزیكێ 10 سالایه ئه‌ز و خێزانا خوه رابوینه ب كومكرنا وێنه و زانیارى و به‌لگه و دیكیومێن و كه‌لوپه‌لێن كه‌لتوورى و فولكلورى كو تایبه‌ت بن ب ده‌ڤه‌را بارزانڤه و سوپاس بو خودێ تا راده‌یه‌كێ باش شیاینه هه‌ند ژ وان كه‌لوپه‌ل و ئامیرێن كه‌لتوورى و فولكلورى كوم بكه‌ین و ل موزه‌خانه‌كا تایبه‌ت دا ل مالا خوه بپارێزین كو ئه‌ڤ یه‌ك ژى شانازیه‌كا مه‌زن بو كوردستانێ ب گشتى و ده‌ڤه‌را بارزان ب تایبه‌تى دكه‌م).
زێده‌تر گۆت: (من موزه‌خانا خوه ل مال كریه چه‌ند پشكه‌ك كو د هه‌ر پشكه‌كێ دا كومه‌كا وێنه و به‌لگه‌نامه و زانیارى و كه‌لوپه‌ل و ئامیرێن كه‌لتوورى ب گوره‌ى جور هاتینه پاراستنكو دیروكێن وان ژى دناڤبه‌را 40 سال بو هزار و 500 سالایه ، و لگه‌ل كومركرنا به‌شه‌كێ زور ژ كه‌لتوور و فولكلور و كه‌لوپه‌ێن نوو و سه‌رده‌م ، و پاشماوه‌یێن پێشمه‌رگه و كه‌س و كارێن شه‌هیدێن شه‌رێ داعش).
رێبوارى د درێژاهیا ئاخفتنێ، خودا دیاركر ژى كو زێده‌بارى چێكرنا موزه‌خانه‌كا تایبه‌ت ل مالا خوه ، ئه‌وى كومه‌كا كه‌لوپه‌لێن كه‌لتورى و فولكلوریێن خوه ب دیارى پێكێشى موزه‌خانا جینوسایدا بارزانیان و موزه‌خانا رێڤه‌به‌ریا شه‌هیدان كرینه كو تایبه‌تن ب ئه‌نفال و جینوسایدێن كوردستان ب گشتى و بارزان ب تایبه‌تى و گۆت ژى: (سه‌رجه‌م ئه‌و كار و بزاڤێن كو من كرین هه‌موو ژ كیسێ من بوینه وه‌كو ماددى ، و بتنێ لسه‌ر ئاستێ كه‌سایه‌تى و مه‌عنه‌وى ده‌ستخوشى و سوپاسى و رێزگرتن بو من هاتینه كو ئه‌ڤ یه‌ك ژى جهێ ده‌ستخوشیێ یه ، به‌لێ یا گرنگ ئه‌وه كو جهێن شوله‌ژێ كار بكه‌ن بو پاراستنا زێده‌تر یا كه‌لتوور و فولكلورێ ده‌ڤه‌را بارزان ژ به‌ركو ژ ئه‌گه‌رێ نه‌گریندان و نه‌بوونا چووجهێن تایبه‌ت بو پاراستنا وان گه‌له‌ك ژ وان به‌رزه بوینه و ب ده‌ربازبوونا ده‌مى ناماینه كو ئه‌ڤ یه‌ك ژى ب رامانا ناسنامه و كه‌لتوور و فولكلورێ ده‌ڤه‌رێ دهێت نیاسین ژبه‌ركو هه‌ر مله‌ته‌كێ بهێت نیاسین ب كه‌لتوور و فولكلورێ خوه بوویه ، و من ل موزه‌خانا خوه په‌رتوك و گوڤار و رۆژنامێن كه‌ڤن ، و وێ،ه و زانیارێن تایبه‌ت ب ئه‌نفال و جینوساید ب هه‌موو قوناغێ، خوڤه ، ل گه‌ل پاراستنا هژماره‌كا زور یا كه‌لوپه‌ل و ئامیرێن كارى و خوارن و ڤه‌خوارن و پاره و ده‌هان كه‌لوپه‌لێن دن پاراستینه).
رێبوار كو ده‌رچوویێ پشكا كومه‌لایه‌تى ل زانكویا سه‌لاحه‌دین و هژماره‌كا زور یا په‌رتوك و ڤه‌كولینان درۆستكرینه و ل گوندێ بازێ یا سه‌ر ب ده‌ڤه‌را بارزا دژیت ل دوماهیێ گۆت: (تاكه كه‌س كو زور هاریكارێ منه بو پاراستنا كه‌وپه‌لێن جینوسایدا گه‌لێ كوردستانێ ب گشتى و بارزان ب تایبه‌تى خێزانا منه و مه ب هه‌ڤرا كارێ، خوبه‌خشیێن زور بو ده‌ڤه‌رێ كرینه ، به‌لێ یا گرنگتر ژ وێ ئه‌وه كو پێدڤى یه كه‌لتوورێ پاراستنا كه‌لوپه‌لێن كه‌ڤن و دیروكى ل ده‌ڤ خه‌لكێ مه ببیته كه‌لتوور و هه‌ر ئێك ژلایێ خوڤه بپارێزیت و لسه‌ر پاراستنا كه‌لوپه‌لێن دیروكى و كه‌ڤنار سه‌روك بارزانى و چه‌ندان كه‌ساتیێ، دن ژ نێزیك ڤه ده‌ستخوشى ل من كریه.
نيشاندان
