ئه‌ڤرۆنيوز:

پشتى چالاكيێن داعشێ ل چه‌ندين ده‌ڤه‌رێن عيراقێ وه‌كو ديالا وكه‌ركووك زێده‌بووين، ئه‌ڤرۆ داعشێ چالاكيه‌كا دى يا ره‌ڤاندنێ ل پارێزگه‌ها ئه‌نبار ئه‌نجامدا.

ژێده‌ره‌كێ ئه‌منى ل ئوپه‌راسيۆنێن ئه‌نبار، ئه‌ڤرۆ ئه‌ينيێ 29/6/2018 راگه‌هاند، گرۆپه‌كێ چه‌كدارێن داعشێ سێ جوتيار ره‌ڤاندن ل ده‌مێ كاردكر ل رۆژئاڤايێ باژێرێ رومادى.

وى ژێده‌رى بۆ مالپه‌رێ (المعلومه‌) يێ عيراقى گۆت” گرۆپه‌كا چه‌كدارێن داعشێ سێ جوتيار ل ده‌ڤه‌را سه‌گار ل رۆژهه‌لاتا قه‌زا روتبه‌ كو دكه‌ڤيته‌ رۆژئاڤايێ باژێرێ رومادى  ره‌ڤاندن ده‌مێ كاردكر بۆ كولانا بيرێن ئاڤێ بۆ چاره‌سه‌ريا كێمبوونا ئاڤێ ل وێ ده‌ڤه‌رێ”.

دياركر ژى” چه‌كدارێن داعشێ ده‌ستێ خوه‌ دانا سه‌ر دو ترومبێلێن وان جوتياران ژى ونوكه‌ هێزێن ئه‌منى يێ هه‌وه‌كا لێگه‌ريانێ وپشكنينێ ئه‌نجامدده‌ن “.

ئه‌ڤرۆنيوز:

فه‌رمانده‌يا ئوپه‌راسيۆنێن فوراتا ناڤه‌راست يا سه‌ر ب حه‌شدا شه‌عبى ڤه‌، ئه‌ڤرۆ ئه‌ينيێ 29/6/2018 راگه‌هاند،هه‌موو ميحوه‌رێن حه‌شدا شه‌عبى دناڤبه‌را كه‌ربه‌لا ونه‌جه‌ف دا دئاماده‌باشيێ دانه‌ وئاماژه‌ دا كو داعش دخوازيت فشاران ل سه‌ر وان هه‌ردو پارێزگه‌هان بكه‌ت.

عه‌لى حه‌مه‌دانى، فه‌رماندێ ئوپه‌راسيۆنێن فوراتا ناڤه‌راست يا سه‌ر ب حه‌شدا شه‌عبى ڤه‌ ل دووڤ به‌ياننامه‌كا راگه‌هاندنا حه‌شدا شه‌عبى گۆت” داعشێ پلانه‌كا هه‌ى بۆ فشاركرنێ ل سه‌ر كه‌ربه‌لا ونه‌جه‌ف وبزاڤا هێرشكرنێ ل سه‌ر وان دكه‌ت”.

گۆت ژى” هه‌موو ميحوه‌رێن حه‌شدا شه‌عبى يێن دئاماده‌باشيێ دا بۆ هه‌ر پێشهاته‌كا ژ ڤى جۆرى”.

ئه‌ڤرۆنيوز:

ب فه‌رمانا رێڤه‌به‌رێ پۆليسێن كه‌ركووكێ، هه‌موو هێزێن پۆليسيان ل كه‌ركووكێ كه‌فتينه‌

كه‌نالێ كوردستان تى ڤى ژ زارده‌ڤێ ژێده‌ره‌كى ژ پۆليسێن كه‌ركووكێ ڤه‌گوهاست”ب فه‌رمانا ژۆرا ئوپه‌راسۆنێن كه‌ركووكێ هاتينه‌ ئاگه‌هداركرن كو ژبه‌ر گه‌فێن داعشێ چه‌كێ ( بى كه‌ى سى) ل سه‌ر ديوارێن بنگه‌هێن پۆليسان دانين”.

 هه‌روه‌سا ژبه‌ر مه‌ترسيا داعش، گه‌له‌ك خالێن پشكنينێ دناڤ باژێرێ كه‌ركوكێ يێن هاتينه‌ دانان.

وى كه‌نالى دياركر ژى” ل سه‌ر رێيا كه‌ركووك – به‌غدا هژماره‌كا ترومبێلێن پۆليسێن فيدرالى هاتينه‌ ديتن كو به‌ر ب به‌غدا هاتينه‌ ڤه‌كێشان”.

ئه‌ڤرۆنيوز:

فرۆكێن ئيسرائيلى ب هژماره‌كا مووشه‌كان به‌رسڤا فه‌رمانده‌كێ بلند يێ حه‌شدا شه‌عبى دده‌ن.

پێشتر ئه‌بو مه‌هدى موهه‌ندس، جێگرێ سه‌رۆكێ ده‌سته‌يا حه‌شدا شه‌عبى دتۆماره‌كا ڤيديۆيى دا راگه‌هاندبوو” فرۆكێن ئه‌مريكى گرۆپه‌كا حه‌شدا شه‌عبى ل سووريێ ل 18/6/2018 توپبارانكريه‌ وبوويه‌ ئه‌گه‌رێ كوشتنا 22 چه‌كدارێن حه‌شدا شه‌عبى وئه‌م وه‌كو حه‌شدا شه‌عبى بێ ده‌نگ نابين”.

به‌رپرسێن له‌شكرێ ئه‌مريكى وچه‌ندين ژێده‌رێن ده‌نگه‌باسان، ئاماژه‌ كر كو ئه‌و توپبارانكرنه‌ ژلايێ فرۆكێن ئيسرائيلى ڤه‌ هاتبوو ئه‌نجامدان ونورى مالكى جێگرێ سه‌رۆك كۆمارا عيراقێ ژى ئيسرائيل ب وێ هێرشا ئه‌سمانى تۆمه‌تباركربوو.

ل به‌رامبه‌ر وان داخۆيانيان، ل دره‌نگيا شه‌ڤا پێنجشه‌مبى 28/6/2018 فرۆكێن ئيسرائيلى فرۆكخانا له‌شكرى (تى فۆر) ل نێزيك باژێرێ حومس يێ سوورى توپبارانكر.

ل دووڤ وان پێزانينێن هاتينه‌ به‌لاڤكرن، فرۆكێن ئيسرائيلى ب هه‌شت مووشه‌كان ئه‌و فرۆكخانه‌ توپبارانكر كو ميليشيايێن ئيرانى وحه‌شدا شه‌عبى يا عيراقى وحزبوللا يا لوبنانى وه‌كو باره‌گايه‌ك وعومباره‌كا ته‌قه‌مه‌نيان بكاردئينن.