ئه‌ڤرۆ نيوز، نيوار محه‌مه‌د سه‌ليم:

بڕياره‌ ئه‌ڤرۆ كاروانێ ئێكێ يێ حه‌جيێن هه‌رێما كوردستانێ بگه‌هيته‌ هه‌ولێرا پايته‌خت و سوبه‌هى ژى كاروانێ ئێكێ يێ حه‌جيێن پارێزگه‌ها دهۆكێ دێ گه‌هيته‌ هه‌رێما كوردستانێ.

نه‌به‌ز ئيسماعيل كامل، به‌رپرسێ راگه‌هاندنێ ل رێڤه‌به‌ريا حه‌ج و عومرا هه‌رێما كوردستانێ ل وه‌لاتێ سعوديێ بۆ ئه‌ڤرۆ نيوز راگه‌هاند كو بڕياره‌ ئه‌ڤرۆ كاروانێ ئێكێ يێ حه‌جيێن هه‌رێما كوردستانێ كو ژ 418 حه‌جيان پێك دهێت و خه‌لكێ هه‌ولێرێ نه‌ دێ نێزيكى 1:00ى شه‌ڤ گه‌هيته‌ هه‌رێما كوردستانێ.

نه‌به‌ز ئيسماعيل ئاشكه‌را ژى كر كو سوبه‌هى كاروانێ ئێكێ يێ حه‌جيێن پارێزگه‌ها دهۆكێ دێ گه‌هيته‌ هه‌رێما كوردستانێ و رۆژێن دووڤدا ژى كاروانێن هاتنا حه‌جيان دێ د به‌رده‌وام بن.

بڕياره‌ كاروانێن حه‌جيێن هه‌رێما كوردستانێ د رۆژێن 28، 29 ، 30، 5، 8، 9، 10 و 11ى ته‌باخێ و ئيلۆنێ دا بگه‌هن.

ژمارا حه‌جيێن هه‌رێما كوردستانێ يێن ئه‌ڤ ساله‌ فه‌ريزا حه‌جێ ئه‌نجام دايى پێنج هزار و 469 كه‌س بوون و كه‌سه‌كى ژى ل ده‌سپێكا حه‌جێ گيانێ خوه‌ ژ ده‌ست دابوو.

ئه‌ڤرۆ نيوز:

بڕياره‌ ئه‌ڤرۆ هه‌ردو مه‌كته‌بێن سياسى يێن پارتى ديموكراتى كوردستان و ئێكه‌تى نشتيمانى كوردستان كۆم ببن و پاشان ژى ل گه‌ل هه‌ڤدو كۆم ببن و دووماهى بڕيارا خوه‌ ل دۆر پشكداريا ل به‌غدا بده‌ن.

ب گۆره‌يى چه‌ند پێزانينان كو ئه‌ڤرۆ نيوز ب ده‌ست خوه‌ خستينه‌، بڕياره‌ ئه‌ڤرۆ هه‌ردو مه‌كته‌بێن سياسى يێن پارتى ديموكراتى كوردستان وئێكه‌تى نشتيمانى كوردستان جودا كۆم ببن و به‌حس ل سه‌ره‌دانا شاندێ شيعى بۆ هه‌رێما كوردستانێ بكه‌ن و پاشان ژى پێكڤه‌ كۆم ببن و دووماهى بڕيارا خوه‌ ل دۆر چاوانيا پشكداريكرنێ ل به‌غدا بده‌ن.