ئەڤرۆ نیوز ، زنار تۆڤی :

پشتی بۆ دەمەکێ درێژ فرۆکان ئەڤ دەڤەرە بۆمبە باران نەکری ئەڤرۆ جارەکادی فرۆکێن سۆپایێ تورکی ب بەهانەیا هەبوونا چەکدارێن پەکەکێ ل سنورێ ناحیا کانی ماسێ چەندین جه ل ڤێ دەڤەرێ بۆمبە بارانکرن.

حسێن مستەفا وەلاتیەکێ ڤێ دەڤەرێ یە بۆ ئەڤرۆ نیوز گوت: ئەڤرۆ چارشەمبی 27 خزیرانا 2018 و ل دەمژمێر 11 بەری نیڤرۆ جارەکا دی فرۆکێن سۆپایێ تورکی گەلیێ بازێ و هندەک جهێن دیتر ل ناحیا کانی ماسێ یا سەر ب قەزا ئامێدیێ ڤە بۆمبە بارانکرن و ڤێ چەندێ ترسەک ئێخستە دلێ خەلکێ وان گوندان و دیارکر ژی:گەلەک جاران فرۆکێن تورکی بۆمبه ل نێزیکی گوندان داینە و لەوما نوکە خەلکێ ڤێ دەڤەرێ نەشێن ژ گوندێن خوە دووربکەڤن ژبەر ترسا بۆمبە بارانکرنا فرۆکان.

ئه‌ڤرۆ نيوز، فاتما مزوورى:

جڤاتا بلندا دادوه‌ريا عيراقێ راگه‌هاند كو دادگه‌ها تاوانێن كه‌رخ سزايێ سێداره‌دانێ بۆ چار تيرۆرستێن داعش ب تۆمه‌تا ته‌قاندنا بۆمبه‌كا چه‌ندى ب هێزێن ئه‌منى ڤه‌ ده‌ركريه‌.

د داخۆيانيه‌كێ دا عه‌بدولستار به‌يره‌قدار ئاماژه‌ ب وێ چه‌ندێ دكه‌ت كو دادگه‌ها تاوانێن كه‌رخ ل به‌غدا سزايێ سێداره‌دانێ بۆ چار تيرۆرستان ده‌ركيه‌ كو دبێژن ئه‌و سه‌ر ب ويلايه‌تا كه‌رتێ حه‌مزه‌ كه‌تيبا فاروق يا به‌س ب تيرۆرستنێ داعش ڤه‌نه‌.

به‌رده‌فكێ جڤاتا بلندا دادوه‌ريێ ئه‌و ژى دياركر كو پێشتر ئه‌وان چار تيرۆرستان چه‌ند جاران ل ده‌ڤه‌را يوسڤيه‌ ل به‌غدا بۆمبه‌كا چه‌ندى ب هێزێن ئه‌منى ڤه‌ په‌قانديه‌ كو د ئه‌نجام دا ژماره‌كا له‌شكر و پۆليسان هاتنه‌ كوشتن و برينداركرن.

به‌يره‌قدار خۆيا كر ژى كو ب پشت به‌ستن ب ماددێ چار ژ قانوونا تيرۆرێ وان سزايێ سێداره‌دانێ ژبۆ وان تيرۆرستان ده‌ركر.

ئه‌ڤرۆ نيوز:

وه‌زاره‌تا په‌روه‌ردا حوكمه‌تا هه‌رێما كوردستانێ، راگه‌هاند كو ده‌مژمێر 7ى ئێڤاريا ئه‌ڤرۆ، ئه‌نجامێن ئه‌زموونێن پۆلا 12ى ئاماده‌ى و 9ێ بنه‌ره‌تى دێ هێنه‌ به‌لاڤكرن.

ب گۆره‌ى راگه‌هاندنه‌كا وه‌زاره‌تا په‌وه‌ردێ كو وێنه‌ك ب ده‌ست ئه‌ڤرۆ نيوز كه‌فتيه‌، ده‌سپێكێ ناساندن و ئاشكه‌راكرنا سه‌ركه‌فتيێن ئێكێ يه‌ ل سه‌ر ئاستێ هه‌رێمێ.

د وێ راگه‌هاندنێ ئاماژه‌ ب وێ چه‌ندێ هاتيه‌ كرن كو پشتى دانه‌نياسينا سه‌ركه‌فتيێن ئێكێ، دێ ئه‌نجام هێنه‌ به‌لاڤكرن و قوتابى دشێن ئێكسه‌ر ژ مالپه‌رێ رێڤه‌به‌ريا گشتى يا ئه‌زموونان سه‌ر ب وه‌زاره‌تا په‌روه‌ردێ ئه‌نجامان وه‌ربگرن.

بۆ وه‌رگرتنا ئه‌نجاما پشتى ده‌مژمێر 7ى ئێڤاريا ئه‌ڤرۆ كليكێ ل سه‌ر ڤان لينكێن ل خوارێ بكه‌:

پۆلا 12ی ئاماده‌یی: http://anjam.azmoonakan.org/

پۆلا 9ی بنه‌ڕه‌تی: http://anjam.azmoonakan.org/

ئەڤرۆ نيوز:

رێڤەبەرێ دروستکرنا دان و دکاکی ل پارێزگەھا دھۆکێ بۆ ئەڤرۆ دیار کر، ئەو داخوازێ ژ وەلاتیان کر سەردانا بریکارێن خوە بکەن بۆ وەرگرتنا ئاری، بەری قەیرانێ 90% ژ خەلکێ دھۆک و زاخۆ نەدچوونە بەرھرا خوە یا ئارێ، لێ نوکە 50% خەلک ئاری نابەنە مال و دبێژیت: د دەمێ شەش ھەیڤێن بۆری دا مە 12 بریکارێن ئاری سزا داینە.

نەجم عەبدوللا، رێڤەبەرێ دروستکرنا دان و دکاکی ل پارێزگەھا دھۆکێ خویا کر، 627 ھزار بریکارێن بەلاڤەکرنا ئاری ل پارێزگەھا دھۆکێ ھەنە، ھەتا نوکە ل کوردستانێ ب تنێ ئارێ ھەیڤا ئێک و دو ژ ئەڤ سالە ھاتیە بەلاڤەکرن، لێ عیراقێ یێ ھەیڤا چار ژی ھاتیە بەلاڤەکرن و گۆت: “پلانا بەلاڤەکرنا ئارێ ھەیڤا سێ بۆ سایلۆیان ھاتیە ھنارتن، لێ حوکمەتا بەغدا کێم گەنمی بۆ سایلۆیێن ھەرێمێ فرێ دکەت، چونکو گەنمێ دبیتە ئار ھەموو یێ وەلاتێن بیانی یە”.

ناڤبری ئەو ژی ئاشکرا کر، ملیۆنەک و 214 ھزار و 42 کەس نوکە ل پارێزگەھا دھۆکێ ئاری وەردگرن و بۆ بەلاڤەکرنا ئارێ ھەیڤەکێ پارێزگەھا دھۆکێ پێدڤی ب یازدە ھزار و 35 تەنێن ئاری ھەیە، ئار بۆ کەمپا ژی دھێتە بەلاڤەکرن و گۆت: “نوکە 90% نانپێژیێن دھۆکێ ئارێ بەلاڤەکرنێ بکاردئینن و ھەکە ئەو ئار نەبیت دێ ئارێ سفر گران بیت”.

گۆتژی: “نوکە 12 کارگەھێن دروستکرنا ئاری ل سنوورێ پارێزگەھا دھۆکێ ھەنە، چار ژ وان ل سەنتەرێ باژێرَێ دھۆکێ نە، ئێک شێخان، دو ئاکرێ ، ئێک فەیدیێ، ئێک دومیز، ئێک زاخۆ و دو ژی ل کواشێ، ئەڤان گرێبەست ل گەل حوکمەتا عیراقێ ھەنە و ھەر تەنکا گەنمی بکەنە ئار 10 دۆلار بۆ خودانێن کارگەھان دھێنەدان، ئەم ب تنێ مەرێنمایان ددەینە خودانێن کارگەھان و ل دووڤ وێ گرێبەستا حوکمەتا عیراقێ ل گەل ئەوان کارگەھان گرێدای، ھەر سەرپێچەکا ھەبیت دھێنە سزادان”.

نەجم عەبدوللا دیا ژی کر، لژنا بازارکرنا گەنمی ل پارێزگەھا دھۆکێ کۆمبوونەک ئەنجامدایە و ئەم بەرھەڤ نەبووین و نەگۆتبوو مە، وێ لژنێ بڕیار دایە کو گەنم بۆ کارگەھان بھێـتە راوستاندن و پارێزگەھێ ژ رێڤەبەریا چاندنێ خواستیە بۆچوونا خوە ل سەر ئەڤێ پێشنیارێ دیاربکەن و نوکە دانوستاندن ھەنە دبیت بھێتە بەلاڤەکرن و گۆت: “گەلەک جاران ترۆمبێلێن بارھەلگرێن ئاری ل ئالۆکا و بێسرێ ھاتیەگرتن، چونکو قەدەغە ئەڤ ئارە بھێتە فرۆتن”.