NO IORG
نووترين نووچه
Facebook

ئەڤرۆ نوز:

ئەندامێ مەکتەبا سیاسی یا بەرەی تورکمانی، ئاشکراکر کو پارتی و ئێکەتی نەشێن بێی ئێکو دو کار بکەن چونکو ھەر دو خودان دەست ھەلاتن.

ئایدن مەعرۆف، ئەندامێ مەکتەبا سیاسی یا بەرەی تورکمانی بۆ رۆژناما ئەڤرۆ گۆت: ھەموو ئالیێن سیاسی ل گەل پاشخستنا ھەلبژارتنانە لێ راگەھاندنێ دا تشتەکێ دی ھەیە و کەسێ نەڤێت خوە بکەتە خودانا ڤێ ھزرێ، پاشخستنا ھەلبژارتنان ب وێ مەرەمێ یە کو رەوشا سیاسی یا ھەرێما کوردستانێ و ئاریشێن نافخوە یێن پارتێن سیاسی و دروستکرنا شاندەکی بۆ بەغدا، کێشێن بەغدا کاریگەری ل سەر ھەرێما کوردستانێ ژی ھەیە، ھەتا نوکە حوکمەتا عیراقێ نەھاتیە دروستکرن، وەک تورکمان مە دڤێت ھەلبژارتن بھێنەکرن.

ھێشتا گۆت: پارتی و ئێکەتی بێی ئێکو دو نەشێن کار بکەن، ھەکە پارتی و ئێکەتی رێکەفتن کر دێ ھەلبژارتن ھێنە پاشخستن، چونکو بۆ پارتی ئێکەتی یا گرنگە و خودان دەست ھەلات ھەیە و یا گرنگە دکریارا سیاسی ل کوردستانێ دا.

ئەو ژی گۆت: ھەلبژارتنێن ئەڤ جارەک گەلەک گرنگن چونکو حزب و لیستێن نوو ھەنە و پەیدا بووینە و کاریگەری دێ ھەبیت ل گورەپانا سیاسی و پتر کاریگەری دێ ل سلێمانیێ ھەبیت ژ ھەولێرێ.

ئایدن مەعرۆف ئەو ژی گۆت: وەک نەتەوا دووێ ل کوردستانێ مە داخازا پوستان کربوو لێ نەھاتنە بجھئینان، سوز ب مەھاتبوودان کو دو دەستە بھێنەدروستکرن ئێک بۆ کارۆبارێن تورکمانان و ئێک بۆ ئاشوریان و ھەر دو نەھاتنەکرن.

ئایدن مەعرۆف ئەندامێ مەکتەبا سیاسی یا بەرەی تورکمانی ئەو ژی گۆت: ھەلبژارتنێن 12 گولانێ ئەم رەدکەین چنکو تەزویر ھاتەکرن و ھەژمارتن ب دەستی ژی ھند ورد نەبوویە ژلایێ کومسیوونا بالا یا سەربەخۆیا ھەلبژاتنان ڤە، د داھاتی دا دێ خوە نیشادانێن مەدەنی ھێنەکرن دژی ھەلبژارتنێن پەرلەمانێ عیراقێ.

ئەڤرۆ نيوز:

ھوزێن عەربێن دەڤەرێن کوردستانێ یێن دەرڤەیی دەستھلاتا ھەرێما کوردستانێ، بەرسڤا بەیانا جڤاتا عەرەبێن کەرکووکێ دا، و ب توومەتا ھەلکرنا ئاگرێ فتنێ ل پارێزگەھا کەرکووکێ گونەھبارکرن.

پەیڤدارێ بناڤێ ھوزێن عەربێن دەڤەرێن کوردستانێ موزاحم ئەلحەویت راگەھاند، داخویانیێن جڤاتا عەرەبی ل کەرکووک ب پشتەڤانیا ئەجیندایێن دەرەکی و ئارمانجا وێ ھەلکرنا ئاگرێ فتنێ یە ل کەرکووکێ، ھەروەسا دیارکر، ئەم وەک ھوزێن عەرەبی ل دەڤەرێن کوردستانی و ب تایبەتی ل کەرکووک ئەو داخوانی یێن ژ ئالیێ جڤاتا عەرەبی ھاتیە دان ئەم ب دژی کوردان ل کەرکووکێ دزانین و ھوشداریێن توند سەبارەت دژاتیا کوردێن کەرکووکێ ددەینە جڤاتا عەرەبێن کەرکووکێ.

ھەروەسا گۆت: جڤاتا عەرەبی باش دزانیت سەرکەفتنێن پێشمەرگەی و قوربانیێن وان ددەمێ داگیرکرنا دەڤەرێ ژ ئالیێ داعشێ ڤە، دوی دەمی دا جڤاتا عەرەبێن کەرکووک سەرکێشیا رێکخستنێن تیرۆری دژی خەلکێ کەرکووکێ دکر، و دروشمێن وانا یێن دەمارگیری داعشێ دەڤەرێن حەویجە و ریاز داگیرکرن.

موزاحم ئەلحویت گوت: جڤاتا عەرەبێ دزانیت پێشمەرگەی ئێک گوند ژی ل ھەموو دەڤەرێن ژێر کونترۆلا وانا خراب نەکرینە، بەلێ ئەو گوندێن ھاتینە وێرانکرن ھەموو ل سەر دەستێن چەکدارێن داعشێ بوینە، لەورا پێدڤیە ھوون دژاتیا سزایێن گونەھباریا وان کەسان بکەن، دەمێ ھژمارەکا پێشمەرگە وەکی دیل ددەستێن داعشێ دا و ل حەویجە ب زنجیران دگێران پاشی ل سەر دەستێن ھەوە ھاتینە شەھیدکرن.

ئه‌ڤرۆ نيوز:

بەرپرسێ لقی 17 پارتی دیموکراتی کوردستان ل قەزا شنگال بۆ رۆژنامەیا ئەڤرۆ دیارکرکو ئەم نوکە ناڤەگەرینە شنگال ھەتا رێکەفتنا نوو ل گەل حوکمەتا عیراقی دھێتە کرن، ئەو دەروا ب مە دکەن گەلەک جاران بیژن دێ رێ ڤەکەن ، وڤەناکەن نوکە ژی جارەکا دێ ھێزەکا وان زڤریە ناڤبەرا تەلەعفەر و بەعاجێ دا.

قادر قەچاغ بەرپرسێ لقی 17 پارتی دیموکراتی کوردستان ل قەزا شنگال یارکر، ھەتا سەرکرداتیا سیاسی کوردستانێ رێککەفتنی ل گەل عیراقێ نەکەت، ئەم ناڤەگەرنە شنگالێ بتایبەتی ژی پێک ئێنانا حوکمەتا نوو یا عیراقێ ئەڤە گەلەک جاران دبیژن دێ رێکی ڤەکەین ئەو رێکی ناڤەکەن دەروا دکەن رەنگە ھیزێن حەشدا شەعبی یێن عەرەب نەمابن ل شنگال لێ ھیشتا دارەستێن وان ل شنگال ماینە لێ ب فەرمێ بارەگایێن وان نەماینە چوونا شنگال گریدایێ رێککەفتنا مەیە دگەل بەغدا ئەم چاڤەری وێ رێککەفتنێ دکەن دێ ئەم وەختەکێ ڤەگەرنە شنگال بشێن داکوکیی ل مافێن خەلکێ خو بکەن، دناڤ شنگالێ دا ب کەرامەت و ئالایی پیروز کوردستانێ ڤەگەرین وپشتەڤانیێ ل خەلکێ خو بکەین.

ئاماژە دا وی چەندێ ژی کو ب ڤێ شیوەیێ نوکە ل شنگال رەوش ئارام نابیت ئەم ژی نوکە ناچینە ناڤ باژێری شنگالێ ھەتا رێککەفتنا مە ل گەل حوکمەتا نوو یا عیراقی دھێتە کرن، ئەم قبوول ناکەین ب شیوەیەکێ بچنە شنگال نەشێن خزمەتا خەلکێ خو بکەین، دەمێ ڤەگەرین دێ خزمەتا خەلکێ شنگال کەن خەلکێ شنگال ل ژیانا خو ل شنگال دلنیانینن وبەردەوام داخوازا ڤەگەریانا پێشمەرگەھێ کوردستانێ دکەن.

ئه‌ڤرۆ نیوز:
دۆنالد ترامپ، سه‌رۆكێ ئه‌مریكا پشتی تۆشی ره‌خنێن مه‌زن بووی ژبه‌ر سه‌ره‌خوه‌شییا وی یا سست و نه‌ژدل بۆ وه‌غه‌ركرنا سیناتۆر جۆن مه‌كین، ئه‌ڤرۆ ل بن گڤاشان بریار دا ئالایێ ئه‌مریكا بۆ رێزگرتن ل یادا وی بهێته‌ نزمكرن.
ترامپ د به‌یانه‌كێ دا گۆت: سه‌رباری جیاوازییا بۆچوونان، ئه‌ز رێزێ ل خزمه‌تا سیناتۆر جۆن مه‌ككین بۆ وه‌لاتێ مه‌ دگرم و بۆ نیشاندانا وێ یه‌كێ من فه‌رمانه‌ك ئیمزا كر بۆ ماته‌مینیێ ئالایێ ئه‌مریكا بهێته‌ نزمكرن هه‌تا رۆژا فه‌رمی یا ڤه‌شارتنا وی.”
مه‌ككین ره‌خنێن مه‌زن ل ترامپی و سیاسه‌تێن وی دگرتن د ده‌مه‌كێ ئه‌و ژي مينا ترامپى سه‌ر ب پارتییا كۆماری ڤه‌ بوو.

ئه‌ڤرۆ نیوز:
وه‌زیرێ به‌رگرییا ئیرانێ سه‌ره‌دانا دیمه‌شقێ كر و رێككه‌فتنا مكومتركرنا هه‌ڤكاری و په‌یوه‌ندیێن سه‌ربازی د گه‌ل حكومه‌تا سووریێ دا ئیمزا كر.
ئه‌میر حاته‌می د گه‌ل هه‌ڤكیفێ خوه‌ یێ سووری و به‌شار ئه‌سه‌د كۆمبوو, پشتی گۆتوبێژان رێككه‌فتنه‌ك بۆ بهێزتركرنا رۆلێ سه‌ربازی یێ ته‌هران ب ره‌نگه‌كێ ده‌مدرێژ ل سووریێ ئیمزاكر.
ئیرانێ كو پشته‌ڤانییا بهزاران ملیشیایان ل سووریێ دكه‌ت و شیره‌تكار د گه‌ل سوپایێ ئه‌سه‌دی هه‌نه‌ ب ڤێ گاڤا خوه‌ دخوازیت ب ره‌نگه‌كێ هه‌رده‌می ل سووریێ بیت د ده‌مه‌كێ دا ئه‌مریكا و ئسرائیل داخوازێ ژێ دكه‌ن ب ته‌مامی خوه‌ ژ سووریێ ڤه‌كێشیت.

ئه‌ڤرۆنيوز:

نوكه‌ يانا مانشسته‌ر يونايتد ل سه‌ر ياريگه‌ها خوه‌ تووشى شكه‌ستنه‌كا مه‌زن بوو ل سه‌ر ده‌ستێ يانا توتنهام دچارچۆڤێ خۆلا ته‌پا پێى يا ئينگليزى دا ب ئه‌نجامێ 0-3.

گۆلێن يانا توتنهام ژلايێ ياريكه‌ران هارى كين ل خۆله‌كا 50 ولوكاس مۆرا ل خۆله‌كێن 52 و84 هاتنه‌ تۆماركرن.

ئه‌ڤ دوراندنا مانشسته‌ر يونايتد دبيته‌ يا دويێ ل سه‌ر ئيك كو ل حه‌فتيا بۆرى ل سه‌ر ده‌ستێ يانا برايتۆن ب ئه‌نجامێ 2-3 هاتبوو دوراندن.ب ڤى ئه‌نجامێ يانا توتنهام ب 9 خالان هاته‌ ريزا دويێ ل پشت لێڤه‌رپۆل يا ئێكێ ب جوداهيا گۆلان ومانشسته‌ر يونايتد ل رێزا 13 دهێت ب 3 خالان.

ئه‌ڤرۆنيوز:

سه‌رۆكێ ليستا (بيارق) ل پارێزگه‌ها نه‌ينه‌وا خالد ئه‌لعوبه‌يدى كو دچارچۆڤێ هه‌ڤپه‌يمانيا نه‌سر دايه‌، ئه‌ڤرۆ دوشه‌مبى 27/8/2018  به‌حسێ دانوستاندنێن هه‌ر چار لايه‌نێن سائيرون ونه‌سر وحكمه‌ ووه‌ته‌نيه‌ ل هه‌رێما كوردستانێ كر.

خالد ئه‌لعوبه‌يدى،ل سه‌ر به‌رپه‌رێ خوه‌ ل تۆرا جڤاكى يا تويته‌رى به‌لاڤكر” دانوستاندنێن مه‌ ل هه‌رێما كوردستانێ ل دۆر به‌رچاڤكرنا به‌رنامێ مه‌ يێ سياسى وخزمه‌تگزارى بوو د ئاڤاكرنا ده‌وله‌ته‌كا هێز بۆ پێكئينانا مه‌زنترين هه‌ڤپه‌يمانيا په‌رله‌مانى”

گۆت ژى” ئه‌ز دشێم بێژم سه‌قايێ دانوستاندنان يێ ئه‌رێنى بوو وتێگه‌هشتنه‌ك هه‌بوو بۆ ئه‌و چه‌ندا تێدا هاتيه‌ به‌رچاڤكرن وبرايێن مه‌ ل هه‌رێما كوردستانێ سۆز دايه‌ مه‌ كو به‌رسڤا ئه‌و چه‌ندا هاتيه‌ به‌رچاڤكرن دكۆمبوونان دا بده‌ن”.

ئه‌ڤرۆنيوز:

هه‌ڤپه‌يمانيا نێڤده‌وله‌تى دژى داعشێ، ئه‌ڤرۆ دوشه‌مبى 27/8/2018 ئه‌نجامێن هێرشێن ل سه‌ر پاشمايێن داعشێ ل سووريێ وعيراقێ يێن رۆژێن بۆرى به‌لاڤكرن.

دراگه‌هاندنه‌كێ دا هه‌ڤپه‌يمانيا ناڤبرى ئاماژه‌ دا كو هێرشێن ئه‌سمانى يێن وێ ئاڤاهيه‌كێ دبن كونترۆلا داعشێ ل ده‌ڤه‌را مه‌خوور ل نێزيك مووسلى كريه‌ ئارمانج وجهه‌كێ دى يێ وێ رێكخستيا تيرۆرستى ل ده‌ڤه‌را راوه‌ ل پارێزگه‌ها ئه‌نبار.

ل سووريێ ژى دياركر كو هێرشێن ئه‌سمانى ل سه‌ر جهێن داعشێ ل نێزيك باژێرێ ئه‌لبوكه‌مال وجه‌زيره‌ ل رۆژهه‌لاتا سووريێ هاتينه‌ ئه‌نجامدان ودوان هێرشان دا ترومبێل وهێلێن هاريكاريێ يێن داعشێ هاتينه‌ ژناڤبرن.

ئه‌ڤرۆنيوز:

وه‌زاره‌تا وزێ يا ئيرانى ده‌ست ب دانوستاندنان ل گه‌ل حوكمه‌تا عيراقى كر بۆ دانا قه‌رێن كاره‌با ئيرانێ ل سه‌ر عيراقێ.

جێگرێ وه‌زيرێ وزا ئيرانێ (مه‌حموود رزا حه‌قى) ئه‌ڤرۆ دوشه‌مبى 27/8/2018 بۆ ئاژانسا (ئيسنا) يا ده‌نگوباسان يا ئيرانى راگه‌هاند” ل گه‌ل ده‌ستپێكا دانا هێزا كاره‌بێ بۆ عيراقێ وهنده‌ك وه‌لاتێن دى يێن ده‌وروبه‌ر، وه‌زاره‌تا وزا ئيرانێ ده‌ست ب دانوستاندن ل گه‌ل وه‌زاره‌تا كاره‌با عيراقێ كريه‌ بۆ دانا قه‌رێن كه‌ڤن يێن كاره‌با ئيرانێ ل سه‌ر عيراقێ كو دگه‌هنه‌ گوژمێ ئێك مليار دۆلاران”.

حه‌قى دياركر” مه‌ وه‌زيرێ كاره‌با عيراقى يێ داخوازكريه‌ ئيرانێ بۆ به‌رده‌واميا دانوستاندنان ل دۆر ميكانيزما ئه‌داكرنا قه‌رێن كاره‌بێ ل سه‌ر حوكمه‌تا عيراقى”.

ئاماژه‌ دا كو برينا كاره‌بێ ژ عيراقێ دده‌مێ ڤێ هاڤينێ دا ژئه‌گه‌رێ وێ چه‌ندێ بوو كو وه‌زاره‌تا وزا ئيرانێ نه‌شيابوو كاره‌بێ بۆ باژێرێن ئيرانى دابين بكه‌ت.

حوكمه‌تا عيراقى هزار ميگاوات ژ ئيرانێ دكرين ب رێيا دو هێلان ل پاريزگه‌ها ديالا وهێله‌ك ل پارێزگه‌ها به‌سرا وهێله‌ك ژ ل پارێزگه‌ها ميسان.

ئه‌ڤرۆنيوز:

سه‌رۆكێ فه‌ره‌نسا ئيمانوێل ماكرۆن راگه‌هاند، فه‌ره‌نسا يا به‌رهه‌ڤه‌ جاره‌كادى هێرشێ بكه‌ته‌ سه‌ر رژێما به‌شار ئه‌سه‌دى هه‌كه‌ ل باژێرێ ئيدلبێ چه‌كێ كيمياوى بكاربينيت.

ب گۆره‌ى وێ داخۆيانيا ماكرۆنى كو ل مالپه‌رێ سپۆتنيك يێ رووسى به‌لاڤبوويه‌، ماكرۆن داخواز ژ رووسيا وتوركيا كريه‌ فشارێ بێخنه‌ سه‌ر رژێما ئه‌سه‌دى، چونكى وێ رژێمێ گه‌فێن وێ چه‌ندێ دكه‌ت كاره‌ساته‌كا دى ل ئيدلبێ دروست بكه‌ت.

website security
WP Facebook Auto Publish Powered By : XYZScripts.com