ئەڤرۆ نیوز:
بریارە ئەڤرۆ رۆژ دوشەمبی بەردەوامی ب یاریێن مايين ژ خولێن ئوروپی بھێتە دان و ژگرنگترین یاریا ئەڤرۆ دێ ل خولا ئنگلیزی بیت.
خولا ئنگلیزی گەرا سیێ
١٠:٠٠ مانچستەر یونایتد VS توتنھام
خولا ئسپانیا گەرا دویێ
٩:١٥ لیڤانتی VS سیلتافیگو
١١:٠٠ ئەتلەتیکو بلباو VS ھویسکا
خولا ئیتالیا گەرا دویێ
٩:٣٠ روما VS ئەتلانتا
ئه‌ڤرۆ نيوز:
ده‌مژمێر 9:00 يا سپێده‌هيا ئه‌ڤرۆ شانده‌كێ شيعان كو پێك دهێت ژ سائيرۆن، نه‌سر، حكمه و وه‌ته‌نيه كو پێكهاته‌كێ عه‌لمانيێن عه‌ره‌بێن عيراقێ نه گه‌هشتنه هه‌ولێرێ و ل گه‌ل سه‌رۆك بارزانى و شاندێ پارتى و ئێكه‌تى دێ كۆم بن.
هاتنا شاندى ب مه‌ره‌ما رازيكرنا ئه‌وان دو حزبێن كوردستانى يه كو پترترين كورسيێن جڤاتا نوونه‌رێن عيراقێ ب ده‌ست ڤه ئيناه ل كوردستانێ بۆ پێكئينانا مه‌زنترين كوتلا جڤاتا نوونه‌ران و پێكئينانا حوكمه‌تا نوو يا عيراقێ.
ب گۆره‌يى پێزانينێن ئه‌ڤرۆ نيوز شاندێ ناڤبرى ژ هه‌شت كه‌سان پێك هاتيه و هه‌ر ليسته‌ك ژ ڤان دو نوونه‌ر هاتينه.
هه‌تا نوكه ب تنێ هاتيه دياركرن كو دێ ل گه‌ل سه‌رۆك بارزانى و پارتى و ئێكه‌تى كۆم بن و هێشتا چ ده‌نگو نينه كا دێ ل گه‌ل چار ليستێن دى كۆم بن يان نه.
ئەڤرۆ نيوز:
رێڤەبەرێ پەیمانگەھا کوردستان بۆ راھێنان و پێشڤەبرنا پێشنڤێژ و گۆتاربێژان ل کوردستانێ بۆ رۆژناما ئەڤرۆ دیار کر، پەیمانگەھا گۆتاربێژان یا راھێنانێ و گەشەپێدانێ یە و تێدا خۆلێن 45 رۆژی بۆ مامۆستایێن ئاینی دھێنە ڤەکرن.
مەلا بەشیر، رێڤەبەرێ پەیمانگەھا کوردستان گۆت: “د ڤێ پەیمانگەھێ دا پتر ھونەرێ گۆتاربێژیێ و بابەتێن گرێدای ب دەروونی ڤە و رەفتار و کارێ ب رێڤەبرنێ، بابەتێن گرێدای ھەستا نەتەوەیی و نشتیمانی پەروەری و رەوشەنبیریا ئاینی دھێنە بەحسکرن”.
گۆتژی: “د ھەر خۆلەکێ 50 مامۆستا پشکدار دبن بۆ ماوێ 45 رۆژان و ڤێت ھەموو مامۆستایێن ئاینی ل سەرانسەری کوردستانێ کو نێزیکی 5000 مامۆستایانە دێ پشکداریێ د خۆلێن پەیمانگەھێ دا کەن”.
مەریوان نەقشەبەندی، رێڤەبەرێ پەیوەندی و راگەھاندنێ ل وەزارەتا ئەوقافێ بۆ ئەڤرۆ گۆت: “ھەر مامۆستایەکێ ئاینی دەرچوویێ ڤێ پەیمانگەھێ نەبیت، نابیت ل سەر مینبەرێ گۆتارا رۆژا ئەینی بخوینیت”.
ئه‌ڤرۆ نيوز:
ره‌جه‌ب ته‌يب ئه‌دروگان سه‌رۆك كۆمارێ توركيا د گۆتاره‌كێ دا ل باژێرێ “مووش”ێ هوشدارى دا كو هه‌كه ديوارێ ئه‌نادۆلێ بهێته هه‌رفاندن وى ده‌مى رۆژهه‌لاتا ناڤين و ئه‌فريقيا ژى نامينن.
ئه‌ردوگان سۆزا ئاشتيێ و ته‌ناهيێ ل عيراقێ و سوريا دا كو نه د بن كونترۆلا وى وه‌لاتى دانه.
سه‌رۆك كۆمارێ توركيا گۆتژى: “رێكخستيێن تيرۆرستى ل ده‌ڤه‌رێ دێ هێنه ژناڤبرن”.
دا زانين ژى كو هێرشێن ڤێ دووماهيێ يێن سه‌ر توركيا وه‌كو بزاڤێن به‌رێ نه ژبۆ داگيركرنا ئه‌نادۆل.
گۆتژى: “ژبير نه‌كه‌ن ئه‌نادۆل ديواره‌كه هه‌كه بهێته هه‌رفاندن؛ رۆژهه‌لاتا ناڤين و ئه‌فريقيا و ئاسيا ناڤين و به‌لقان و قه‌فقاز ژى نامينن”.
ئه‌ڤرۆ نيوز:
کارۆخ خۆشناو، شارەزا ل سیاسەتا ئەمریکا بۆ رۆژناما ئەڤرۆ گۆت: (ترامپ ئێکە ژ سەرۆکێن راستگو یێن ئەمریکا کو دخوازیت سۆزێن خوە یێ د دەمێ بانگەشەیا ھەلبژارتنان دا بجە بینیت، چونکو بەری نھا سەرۆکێ ئەمریکا سۆزا ڤێ ئێکێ دابوو ل رێککەفتنا دگەل ئیرانێ دا خوە ڤەکێشیت، ھەر وەسا ژی ئاخفتنێن خوە بجە ئینا و دوبارە سزایێن گران ل سەر ئیرانێ سەپاندن، بەری نھا ئەڤ سزا ل سەر ئیرانێ ھەبوون و جارەکا دی ترامپی ب دژواری سزایێن ل سەر ئیرانێ بجە ئینان، ئەڤان سزایێن ئەمریکا تەھران دۆرپێچ کریە ب شێوەیەکی د دیرۆکێ دا دراڤێ ئیرانی ب ڤی شێوەیی بھایێ خوە ژدەست نەدابوو، نھا ئیران د قەیرانەکا دژوار یا ئابووری دا دەرباز دبیت و ل ھەیڤا یازدە یا ئەڤسالە دێ ئەمریکا لیستەکا نوو یا سزایێن دی ل سەر ئیرانێ دانیت، ئەڤە ژی دێ زێدەتر رەوشا ئیرانێ دژوار و ئالۆزتر کەت، ژ بەر کو دێ سزایێن دوماھیا ئەڤسالە ل سەر کەرتێ پەترۆلا ئیرانێ بن).
ئەڤی شارەزایێ سیاسەتا ئەمریکا گۆت ژی ئەمریکا ھۆشداری دایە ئیرانێ داخوازیێن ئیدارەیا واشنتۆن بجە بینیت کو ژ دوازدە خالان پێکھاتینە و ل ھەیڤا نیسانا بۆری ھاتنە بەلاڤکرن، بەرۆڤاژی دێ سزایێن ل سەر ئەڤی وەلاتی ھێشتا زێدەتر بن، دیارە مەرەما سزایێن ل سەر ئیرانێ ئەڤە تەھران زێدەتر مژوولی کۆنترۆلکرنا رەوشا ناڤخوە بیت و دەستان ژ رەوشا ناڤخوە یا وەلاتێن عێراقێ، لوبنانێ، سووریا و یەمەنێ بەردەت، گورەی ڤەخواندنا ئەمریکا ئیران ژێدەرێ تیرۆرێ یە ل جیھانێ.
ل دۆر سزایێن لسەر تورکیا ژی کارۆخ خۆشناو دبێژیت: (ھەر ل دەستپێکا ھاتنا ئەردۆگانی بۆ سەر دەستھەلاتێ سیاسەتەکا شاش ل ھەمبەر ئیسرائیلێ و ئەمریکا برێڤەبر، ھەتا د دەمێ پڕۆسا رزگارکرنا عێراقێ ژلایێ ئەمریکا و ھەڤپەیمانان دا رەجەب تەیب ئەردۆگانی نەھێلا ئەمریکا بنگەھێ ئینجرلیک بکار بینیت بۆ لێدانا رژێما سەدام حسێن، ھەروەسا ڤێ دووماھیێ تورکیا ھژمارەکا رێککەفتنان بۆ کڕینا چەکی دگەل رۆسیا ئیمزاکرن ب تایبەتی بۆ کڕینا مۆشەکێن ئێس 400 کو ب ڤێ چەندێ زێدەتر ترامپ ژ تورکیا توورە بوویە).
کارۆخ خۆشناو ئەو یەک ژی دیار کر کو ترامپ دخوازیت وانەیەکێ بدەتە ئەردۆگانی دا دەستان ژ پەیوەندیێن خوە دگەل مۆسکۆ بەردەت و ئیدی دژی بەرژەوەندیێن ئەمریکا لڤینان نەکەت، ئێکەم قۆناغ بۆ رێگریکرن ب بزاڤێن ئەردۆگانی سەرۆکێ ئەمریکا د تویتەکێ دا سزا ل سەر تورکیا ژی دانان، ب تایبەتی ل سەر ھژمارەکا مادەیێن بازرگانی مینا ئاسنی و ب ڤێ چەندێ ژی لیرەیێ تورکی ھەمبەر دۆلارێ ئەمریکا داکەفتیە، راستە بەرێ تورکیا ھەڤپەیمانەکێ سەرەکی یێ ئەمریکا بوویە، لێ ترامپ دۆست و دوژمنێن خوە ناس ناکەت و ھەر وەلاتەکێ دژبەریا ئەمریکا بکەت ترامپ دێ وی وەلاتی سزا دەت.
ئه‌ڤرۆ نيوز:
چاڤدێرەکێ سیاسی ئاماژە بوێ چەندێ دکەت، ھەکە جڤاکێ نێڤدەولەتی و وەلاتێن زلھێز چارەسەریەکێ بۆ ئالۆزیێن نوکەیێن عیراقێ نەکەن، زەحمەتە رەوش بھێتە کۆنتڕۆلکرن ھەروەسا دیار، پێک ئینانا حوکمەتا نوو دێ کەڤیتە دووماھیا ئەڤسالە یان دەستپێکا سالا نوو.
دکتۆر محەمەد شاکر، چاڤدێرێ سیاسی بۆ رۆژناما ئەڤرۆ گۆت: ڤان سالێن دووماھیێ چەندین ئاریشە بۆ عیراقێ پەیدابووینە و خۆنیشاندانێن ڤێ دووماھیێ ژی لباشوورێ عیراقێ زێدەتر رەوشا عیراقێ ئالۆزکریە، ھەروەسا پاشکەفتنا راگەھاندنا ئەنجامێن ھەلبژارتنان کاریگەری ل سەر ئالۆزبوونا رەوشا عیراقێ ھەبو، چونکە بۆ ئەگەرێ ھندێ وەلاتیێن عیراقی زێدەتر بێ ئومێدبن ل چارەسەرکرنا رەوشا ئالۆزیێن عیراقێ و ئیدی وەلاتیێن عیراقی ھێز نەمایە چاڤەڕێی سۆزێن دەستھەلاتدارێن عیراقێ بکەن، ھەتا گەھشتیە ئاستەکی نەک وەلاتیان حوکمەت و حزبێن عیراقی نەڤێن، بەلکو دخوازن ئەڤێن عیراق گەھاندیە ئەڤێ رۆژێ بھێنە سزادان و لێپرسین دگەلدا بھێتەکرن.
ئەڤی چاڤدرێرێ سیاسی گۆتژی: زۆر جارا وەلاتێن بیانی دەست ل کاروبارێن عێراق وەردەن و بڕیارێ لدۆر چارەنڤیسێ عیراقێ ددەن، لەوڕاژی ئاریشەیێن نوکە عیراق تێدا دەربازدبیت گەھشتیە ئاستەکی لڤێ خراپتر نابیت، بدیتنامن رەوشا عیراقێ یا د قۆناغەکا مەترسیداردا دەرباز دبیت و پێدڤیە جڤاکێ نێڤدەولەتی و وەلاتێن زلھێز بھێنە سەر خەت و چارەسەریەکێ بۆ ئالۆزیێن نوکەیێن عیراقێ ڤەبینن، ھەتا دووماھی ب ئەڤێ پێلا خۆنیشاندانێن وەلاتیێن باشوور بھێت و خزمەتگوزاری و داخوازیێن خۆنیشاندەران بھێنە بجە ئینان، چونکە ژبیر نەکەین مافێ وەلاتیانە خۆنیشاندانان بکەن و حوکمەتا عیراقێ یا خەمساربوویە ل گەھاندنا پڕۆژێن خزمەتگوزاری و عیراقێ داھاتەکێ زۆر ھەیە و دڤێت وەلاتی مفاداربن و ژیانەکا شایستە ھەبیت، مخابن گەندەلیێ ھەموو کەرت و جھەک ڤەگرتیە دەسھەلاتدارێن عیراقێ گونەھبارن لھەمبەر بھەدەر دانا سامانێ عیراقیان.
ل دۆر پێکئینانا کابینا نوویا حوکمەتا عیراقێ دکتۆر محەمەد شاکر گۆت” پشتی ئەنجام تێنە پەسەندکرن، دێ مەزنترین کۆتلا پەرلەمانی ھێتە پێکئینان و دووڤدا دێ رێکارێن قانوونی ھێنە بجە ئینان بۆ دیارکرنا سەرۆک وەزیران و پێکئینانا حوکمەتا نوو، بەلێ ئەڤە چەند ھەیڤ بۆرین ھێشتا چو پێنگاڤێن پێدڤی نەھاتینە ھاڤێتن بۆ گەھشتن ب رێککەفتنێ دناڤبەرا لایەنێن سیاسی و سەرکەفتی د ھەلبژارتنێن بۆری دا یێن پەرلەمانێ عیراقێ، لەوڕا ئەز پێشبینی دکەم یان دووماھیا ئەڤسالە یانژی دەستپێکا سالا بھێت دێ حوکمەتا نوویا عێراقێ ھێتە پێک ئینان.
ئەڤرۆ نيوز:
پارێزەرەکا شیرەتکار و ئەنداما بەرێ یا جڤاتا پارێزگەھا ھەولێرێ دیارکر، دەما دەمێ ئەنجامدانا ھەلبژارتن ھاتە دیارکرن پروسەیا دیموکراسی ئەوە ھەلبژارتن ل دەمێ خوەدا بھێنەکرن نوکە پارتی دیموکراتی کوردستان یارژدە ل سەر ئەنجامدانا ھەلبژارتنا ل دەمێ خوەیێ دیاریکری دا ل 30 ێ ئیلونێ بەلێ ھندەک لایەن یێ بھانەیا دگرن کو نەھێنە ئەنجامدان، ھەکە پرۆسا سیاسی و دیموکراسی ل کوردستانێ ب دروستی ب رێڤەبچیت نابیت ھەلبژارتن بھێنە پاشخستن ل دەمێ دیاریکری ،ئەگەر ھەلبژارتن ھاتن پاشخستن ھاولاتیا باوەری ب حوکمەتێ و پەرلەمانی نامینیت لەورا گرنگە ل دەمێ خوەیێ دیاریکری دا بھێنە ئەنجامدان ب پاشخستنا ھەلبژاردتنا ھەمو کوردستان دێ توشی زیانێ بیت ھەتا نوکە ھژمارەکا کاندیدا پارتێن سیاسی بەرھەڤی کرینە دێ پروسەیا سیاسی ل سەر ئاستێ ھەرێمێ جیھانێ کەڤیتە ژێر پرسیاری .
سوعاد ئەحمەد گەردی پارێزەرا راوێژکارو ئەنداما بەرێ یا جڤاتا پارێزگەھا ھەولێرێ بۆ روژناما ئەڤرۆ گوت: پێدڤیە پارتی رژد بیت ل سەر ئەنجامدانا ھەلبژارتنا ل دەمێ خوە دا ژبەرکو چۆ تشتەک رێگر نیە ل ھەمبەر ئەنجامدانا ھەلبژارتنا ل دەمێ خوەیێ دیاریکری ل سەر چۆ بنەما و چۆ تشت بھێنە پاشخستن ،ئەو پارتێن پشکدار ل ھەلبژارتنێن پەرلەمانێ کوردستانێ یان ترس ھەیە ل دەنگێن خوە کو کێم بکەن یان وەک وان بۆ ھەلبژارتنێن 12 ێ ئایارێ گوتی ترسا تەزویرێ ھەیە لەورا نەڤێت ھەلبژارتن بھێنە کرن و خو دوردگرن ل ڤێ پروسەیا ئازاد و دیموکراسی، پاشخستنا ھەلبژارتنا قانونی نینە، ل ھەمو دونیایی ئوپو زوسیون داخوازا ئەنجامدانا ھەلبژارتنا و پەیرەو کرنا دیموکراسیێ دکەت بەلێ ل کوردستانێ بەروڤاژی ھێزێن ئوپوزوسیون یێ داخوازا پاشخستنا ھەلبژارتنا دکەن ب نھێنی، پارتی دیموکراتی کوردستان ل دەمەکێ داخوازا پاشخستنا ھەلبژاردنا کر کو کوردستان توشی ئاریشێن شەری و ئابۆری بۆی ل بەرژەوەندیا گشتی دا بەلێ نوکە چۆ ئاریشەو نەخوشی نینە باشترە ھەلبژارتن بھێنە کرن.
پارێزەر سوعاد دبێژيت: بەریا نوکە پارتی ب تنێ دگوت بلا ھەلبژاردن نەھێنە کرن ل بەروەندیا گشتی دا ھەموو لایەنا داخوازا ھەلبژارتنا دکر نوکە پارتی یا داخوازا ھەلبژارتنا دکەت ھەمو لایەنێن دی دژی ئەنجامدانا ھەلبژارتنا نە ئەو پارتێن سیاسی ل کوردستانێ ئەوێن داخوازا پاشخستنا ھەلبژاردنا دکەن باوەریا خوە ژ دەستدایە ژلایێ ھاولاتیان ڤە لەورا نەڤێت ھەلبژاردن بھێنە کرن و ئەو ھێزا جاران ب دەست ڤەئینای دوبارە نابیتەڤە ترسا وان ھەر ئەوە پارتی ھەر ھێزا ئێکی بۆیەو دی َھێزا ئێکێ منیت بابەتێ پاشخستنا ھەلبژاردتنا ب تنێ ددەسھەلاتا سەرۆک وەزیران دایە نەک پەرلەمانی و لایەنەکێ دی ژ بەر کو مەزنترین دەسھەلات ل کوردستانێ سەرۆک وەزیران ھەیە ئەگەر فراکیسون یان پەرلەمان داخوازا پاشخستنێ بکەن سەرۆک وەزیر دێ بریارا دوماھیێ دەت نەک لایەنێن پشکدار ل ھەلبژارتنا.
ئەڤرۆ نيوز:
جێگرا سەرۆکێ فراکسیۆنا زەر ل پەرلەمانێ کوردستانێ ئاشکراکر، کو ھەر پرۆژەکێ بھێتە پێشکێشکرن بۆ پاشخستنا ھەلبژارتنان وەک پارتی ل گەل دا نابیت، ئەندامەکا ئێکەتی ژی ل پەرلەمانی راگەھاند، ئێکەتی بەرھەڤیا دکەت، و چ پرۆژە بۆ پاشخستنێ ھەلبژارتنان نینن.
رێواز فایق، ئەنداما پەرلەمانێ کوردستانێ ژ فراکسیۆنا کەسک دیارکر، کو فراسیۆنا کەسک بۆ پاشخستنا ھەلبژارتنێن پەرلەمانێ کوردستانێ چ پرۆژە بەرھەڤ نەکرینە، زێدەتر بۆ رۆژناما ئەڤرۆ گۆت: نوکە ئێکەتیێ چ پرۆژە بڤی رەنگی نین بۆ پاشخستنا ھەلبژارتنان و ھەکە پرۆژە ھەبیت دڤێت پەرلەمان روونتە خوار و سەرۆکاتیا پەرلەمانی خواندنا ئێکَ بۆ پرۆوژەی بکەت.
ھەمان ئەنداما پەرلەمانێ کوردستانێ ژ فراکسیۆنا کەسک ئەو ژی ئاشکراکر کو ماوە مایە بۆ پاشخستنا ھەلبژارتنێن پەرلەمانێ کوردستانێ لێ چ پرۆژە نین بۆ پاشخستنێ، ئێکەتی نشتیمانی کوردستان یا بەرھەڤە ھەلبژارتنان بکەت و نوکە یا بەرھەڤی یا دکەت بۆ ئەنجامدانا ئەڤێ پرۆسێسێ، پاشخستنا ھەلبژارتنان چ مفا نینە و زیانەکە ب پرۆسێسیا دیموکراتی دکەڤیت و نە زێدەتر.
ئامینا زکری، جێگرا سەرۆکێ فراکسیۆنا زەر ل پەرلەمانێ کوردستانێ بێ ئاگەھیا خوە ژ ھەبوونا پرۆژەی بۆ پاشخستنا ھەلبژارتنان دیارکر، ئاماژە کرە وێ چەندێ بتنێ ھندەک گۆتن دناڤبەرا ئەندامێن پەرلەمانی دا ھەیە.
ئامینا زکری ئەو ژی گۆت: گرنگە ھەلبژارتن دەمێ خوە دا بھێنەکرن و گەلەک یا گرنگە چونکە ئەڤە دێ پتر پرۆسێسا دیموکراتی ل ھەرێما کوردستانێ پێشڤە بەن، ئەڤە دێ ئەزموونا ھەرێما کوردستنێ پتر پێشڤەبەت و گەشێ کەت، نە ئەنجامدانا ھەلبژارتنێن کوردستانێ دێ کارتێکرنێ ل سەر پرۆسێسا دیموکراتی کەت.
ئامینا زکری، ئەوژی ئاشکراکر کو وەک فراکسیۆنا پارتی دیموکراتی کوردستان ل گەل ئەنجامدانا ھەلبژارتنان نین و ب چ رەنگان ل گەل پاشخستنا ھەلبژارتنان نین و ھەر پرۆژەکێ بھێتە پێشکێشکرن بۆ پاشخستنا ھەلبژارتنان وەک فراکسیۆنا زەر ل گەل دانابین.
ئه‌ڤرۆ نیوز، نه‌وزاد هلۆرى:
پشتى وه‌لاتیه‌كێ گوندێ (حوجاڤا) ل سنوورێ ناحیا مانگێش یا سه‌ر ب ناڤه‌ندا دهۆكێ ب مه‌ره‌ما پاقژكرنێ بیستانێ خوه سووتى داره‌كێ ب شێوازه‌كێ سه‌یر و سه‌رنجراكێش دبینیت پشتى كو هاتیه سووتن ، ئه‌و ژى دارێ ب شیاڤه دبینیت و خولیا وێ ناكه‌ڤیت ، ئانكو داره‌ك ب خولى دمینیت.
ده‌شتى سالح ئه‌و وه‌لاتى یه بۆ ئه‌ڤرۆ نیوز گۆت: (چه‌ند روژێن بورى مه بیستانێ خوه ل گوندى پاقژكر ، و پاشان ئاگر به‌ردایه ئه‌و به‌رماكێن مه كومكرى و سووتى ، ل دوماهیا ئاگرى تشته‌كێ سه‌یر مه‌دیت ئه‌و ژى ئه‌و بوو دار پشتى هاتیه سووتن نه‌كه‌فت بوو عه‌ردى ، به‌لكو خولیا وێ ب تنێ شیاڤه مابوو و نه‌كه‌فت بوو عه‌ردى)
زێده‌تر گۆت: (من وێنه‌یه‌ك ل خولیا دارێ گرت و زڤریم مال، و ژبه‌ركو گه‌له‌ك یا جوان و سه‌رنجراكێش بوو، من خولیا وێ نه‌ئێخست ، به‌لێ پشتى چه‌ند رۆژان ئه‌ز چومه ناڤ بیستانى و سه‌حكرێ كو هه‌وایى خولیا ئێخستى)
ئەڤرۆ نیۆز، رێوار مزیری:
پەیڤدارێ وەزارەتا پەروەردا حوکمەتا ھەرێما کوردستانێ بۆ ئەڤرۆ نیۆز دیار کر کو وەزارەتا پەروەردێ بڕیار دایە سالا نوو یا خواندنێ (٢٠١٨ – ٢٠١٩) ل رۆژا ٢٢/٩/٢٠١٨ێ دەست پێ بکەت.
سامان سیوەیلی، پەیڤدارێ وەزارەتا پەروەردا حوکمەتا ھەرێما کوردستانێ ئاشکرا کر کو ل دووڤ سالناما وەزارەتا پەروەردێ رۆژا ئێکێ یا سالا خواندنێ (٢٠١٨ – ٢٠١٩) دێ ل رۆژا ٢٢/٩/٢٠١٨ێ دەست پێ کەت، بەلێ ھەکە ھەلبژارتنێن پەرلەمانێ کوردستانێ د دەمێ خوە دا بھێنە ئەنجامدان دەستکاری د ژڤانێ ڤەکرنا قوتابخانان دا دێ ھێتەکرن، ھێشتا دەم یێ مای و ھەتا نوکە چو رێنما و بڕیارێن نوو نەھاتینە دەرکرن و گۆت: “ئەم دێ پێگیریێ ب بڕیارا کەڤن کەین ھەتا رۆژا ٢٢/٩/٢٠١٨ێ و ھەکە ئەڤ ژڤانە ھاتە پاشخستن ئەم دێ بۆ رایا گشتی راگەھینین”.
ناڤھاتی ئاماژە دا وێ چەندێ کو ھەموو پرتووک بۆ سالا نوو یا خواندنێ ھاتینە ئامادەکرن و چو ئاریشە د نەبوونا پرتووکان دا بۆ قوتابیان نینن
نيشاندان