ئه‌ڤرۆنيوز:
بيڤه‌له‌رزه‌كێ ئه‌ڤ شه‌ڤه ل هه‌ردو پاريزگه‌هێن سلێمانيێ وهه‌له‌بجه وده‌ڤه‌رێن ده‌وروبه‌ر دا.
ئۆمێد خه‌ليل، جيولوجى، بۆ ئه‌ڤرۆنيوز گۆت” بيڤه‌له‌رز ل ده‌مژمێر نه‌هێ ئه‌ڤ شه‌ڤه روودا، كو ژ ئه‌نجامێ بيڤه‌له‌رزا سه‌ره‌كى ئه‌وا ل باژێرێ كه‌رماشان يێ ئيرانى داى”.
ئۆمێدى دياركر” هێزا وێ بيڤه‌له‌رزێ كێمتر بوو ژ 5 پله‌يان ل سه‌ر بيڤه‌رێ رێختر يێ جيهانى”.
ئه‌ڤرۆ نيوز، فاتما مزوورى:
ئاخفتنكه‌رێ ب ناڤێ وه‌زاره‌تا به‌ره‌ڤانيا ئه‌مريكا “پنتاگۆن” ئه‌دريان رانكين ئاشكه‌را كر كو به‌رپرسێ به‌ره‌ڤانيا ئه‌مريكا و توركيا ل رۆژا 22 و 23ى خزيرانێ ب مه‌ره‌ما دانوستاندنێ ل سه‌ر ب “جهئينانا نه‌خشه رێيا منبج” ل ئه‌نقه‌ره كۆمبووينه و ته‌كست ل سه‌ر وێ چه‌ندێ كريه كو ئه‌ڤه پشكه‌كه ژ سۆزێن دابينكرنا ئاسايش و سه‌قامگێرێ ل ده‌وروبه‌رێن منبج.
ئه‌دريان رانكين ئاماژه ب وێ چه‌ندێ ژى كر كو د وێ كۆمبوونێ دا كار ب ده‌ستان رووناهى خستيه سه‌ر قووناغا دويێ يا نه‌خشه رێيێ منبج و گۆت: “ئه‌و كۆمبوونێن ل ده‌سپێكا ڤێ حه‌فتيێ دا هاتينه ئه‌نجام دان، به‌رده‌واميا دانوستاندنا ناڤبه‌را كاربه‌ده‌ستێن به‌ره‌ڤانيا ئه‌مريكا و توركيايه كو پشكه‌كن ژ سۆزێن مه بۆ ب ده‌ستڤه‌ئينانا ئاسايش و سه‌قامگێريێ ل ده‌وروبه‌رێن منبج و بجهئينانا ئه‌وى نه‌خشه رێيێ كو رۆژا چارى خزيرانێ ل سه‌ر رێكه‌فتبوون، ژبلى وێ ژى چو راگه‌هاندنه‌كا دى نينه بهێته به‌لاڤكرن.
ده‌رباره‌ى ژڤان ده‌ستپێكرنا ده‌وريێن هه‌ڤپشكێن توركيا و ئه‌مريكا ل منبج، ئاريان رانكين گالوه گۆت: “د ڤێ ده‌ربارێ دا دێ به‌رده‌واميێ ب كۆمبوونان درێژى هه‌بيت”.
ل 4ى خزيرانێ وه‌زيرێ ده‌رڤه يێ توركيا، مه‌ولود چاوشئۆغلۆ ل گه‌ل وه‌زيرێ ژ ده‌رڤه يێ ئه‌مريكا، مايك پۆمپيۆ كۆمبوو و هه‌ردو وه‌زير د ده‌باره‌ى نه‌خشه رێيه‌كا سێ قووناغى دا رێكه‌فتن.
ب گۆره‌ى ڤێ نه‌خشه رێيێ، هه‌ده‌سه ل منبج دێ خوه ڤه‌كێشيت و ده‌سپێكا هێزێن ئه‌مريكا و توركيا ل ده‌وروبه‌رێن منبج و پاشان ژى ل ناڤ منبج ب هه‌ڤپشكى گه‌شتێن ئه‌منى ئه‌نجام دده‌ن.
ئه‌ڤرۆ نيوز، فاتما مزوورى:
ئاژانسا ده‌نگوباسێن عه‌ره‌بيه به‌لاڤكر كو شه‌رێ ئسرائيل و حزبولا يا لوبنانى ل ناڤ ئاخا سوريا يێ به‌رده‌وامه و هه‌ر دوهى ژى دووباره ئسرائيلێ هنده‌ك مووشه‌ك ئاراسته‌ى عه‌مبارێن چه‌كى و ته‌قه‌مه‌نيێن حزبولا ل نێزيك فرۆكخانا ديمه‌شق كرينه.
هه‌ر د ڤێ ده‌ربارێ دا ئاژانسا سانا يا سه‌ر ب رژێما سوريێ ڤه ژى به‌لاڤكريه كو هه‌ردو مووشك ب نێزيك فرۆكخانا ديمه‌شق كه‌فتينه، بێ ئاماژه ب جهێ دروست يێ مووشه‌ك پێ كه‌فتين بكه‌ت.
هه‌ر ب گۆره‌ى پێزانينێن وێ ئاژانسێ وێ بۆردۆمانێ چو زيانێن گيانى و ماددى ل پشت خوه نه‌هێلاينه.
به‌رێ ژى ئسرائيل ب ده‌هان جاران بنگه‌هـ و باره‌گايێن خزبولا ل سوريا كرينه ئارمانج ب تايبه‌ت ژى وان ده‌ڤه‌رێن كو چه‌كدارێن ئيرانى و حزبولا يا لوبنانى لێ ئاكنجى.
ئه‌ڤرۆ نيوز:
شانده‌كێ ئێكه‌تیا ئورۆپا ب جودا ل گه‌ل نێچیرڤان بارزانى یێ سه‌رۆك وه‌زیر و قوباد تاله‌بانى، جێگرێ سه‌رۆك وه‌زیران كۆم بوون، شاندێ ئێكه‌تیا ئورۆپا ب سه‌رۆكاتیا رامون بێكوا بالیوزێ ئێكه‌تیا ئورۆپا ل عیراقێ رژدى ل وێ یه‌كێ كر كو ئه‌و بۆ بجهئینانا چاكسازیێن حوكمه‌تا هه‌رێما كوردستانێ دێ د هاریكاربن.
هه‌ر ئه‌ڤرۆ نێچیرڤان بارزانى پێشوازیا هنارتیێ تایبه‌تێ سكرتێرێ گشتى یێ نه‌ته‌وێن یه‌كگرتى بۆ عیراقێ كر، هه‌ردو ئالى هه‌ڤرا بوون، ژبۆ ڤه‌ره‌ڤاندنا گومانا ئالیێن نه‌رازی ل سه‌ر ئه‌نجامێن هه‌لبژارتنان و ب پێدڤی زانى پرۆسا بده‌ست هژمارتنا ده‌نگان بله‌ز بهێته كرن.
هه‌روه‌سا سه‌رۆك وه‌زیرێن هه‌رێما كوردستانێ و نوونه‌رێ نه‌ته‌وێن ئێكگرتی ل ئیراقێ ب پێدڤی ژی زانی، هه‌موو ئالی پشكداری حكومه‌تا نوو یا ئیراقێ ببن و حكومه‌ته‌ك بهێت پێكئینان كو بشێت هه‌موو كێشان چاره بكه‌ن.
ئه‌ڤرۆ نيوز:
موقه‌دمێ مافپه‌روه‌ر، ئازاد تاها، به‌رپرسێ پشكا په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ راگه‌هاند كو ئه‌ڤرۆ رۆژا سێشه‌مبى رێكه‌فتى 26ى خزيرانا 2018ێ ل ده‌مژمێر 2:15 ده‌قيقه‌ى پشتى نيڤرۆ ل جاددا سه‌ره‌كى يا د ناڤبه‌را پارێزگه‌ها دهۆك بۆ قه‌زا شێخان دا ل گه‌ليێ دێركێ يا سنورێ پشكا هاتنوچوونا قه‌زا شێخان روودانه‌كا ترافيكێ ژ جۆر لێكدان هاته تۆماركرن.
به‌رپرسێ پشكا په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ ئاشكه‌را ژى كر كو ئه‌ڤ روودانه د ناڤبه‌را دو ترۆمبێلێن تايبه‌ت تويوتا كرۆلا و ترۆمبێله‌كا دى يا كرێ دوچ دا بوو و د ئه‌نجامێ ڤێ روودانێ دا دو كه‌س بريندار بوون، زێده‌بارى زيانێن ئابوورى يێن ب به‌ر ترۆمبێلان كه‌فتين.
ئازاد تاها هيڤى ژى ژ وه‌لاتيان خواست كو ل سه‌ر جادێن سه‌ره‌كى له‌زێ گه‌له‌ك نه‌كه‌ن بۆ پاراستنا گيانێ خوه و يێن ل گه‌ل خوه و گۆت: “هيڤى ژ وه‌لاتيان دكه‌ين پێگريێ ب رێنمايێن هاتنوچوونێ بكه‌ن”.
ئه‌ڤرۆ نيوز، فاتما مزوورى:
ژ ئه‌گه‌رێ گه‌هشتنا پێله‌كا گه‌رمێ و باى بۆ ده‌ڤه‌ران سان خوزێ يا كاليفۆرنيا ئاگره‌كێ مه‌زن ب چيا و گوندێن ده‌ڤه‌رێ كه‌فت و وه‌لاتيێن هنده‌ك گوندان ژى ژ نه‌چارى گوندێن خوه ب جهـ هێلان.
تيمێن ئاگرڤه‌مراندنێ گه‌هشتنه ده‌ڤه‌رێ و بزاڤا كونترۆلكرنا ئاگرى دده‌ن، ب گۆره‌ى گۆتنێن به‌رپرسێن ده‌ڤه‌رێ ژى ئه‌گه‌رێ دروستبوونا ئاگرى گه‌هشتنا وێ پێلا گه‌رماتيێ يه، به‌لێ هه‌تا نها ژى ڤه‌كۆلين ل دۆر سه‌ده‌مێن دروستبوونا ئاگرى دهێنه كرن.
به‌رپرسێن ئيدارا ده‌ڤه‌رێ راگه‌هاند كو ب گۆره‌ى پێزانينان چو زيانێن گيانى نينن، به‌لێ ژ ئه‌گه‌رێ مه‌زنبوونا ئاگرى و دروستبوونا مه‌ترسيێ ل سه‌ر گونده‌وارێن ده‌ڤه‌رێ بڕيارا ڤالاكرنا چه‌ند گوندان دهێته دان.
ئه‌ڤرۆ نيوز:
رائیدێ مافپه‌روه‌ر بێوار عه‌بدولعه‌زیز به‌رپرسیێ راگه‌هاندنا به‌ره‌ڤانیا باژێرى ل دهۆكێ بۆ ئه‌ڤرۆ نیوز دیاركر ل ده‌مژمێر 6 و 30 ئێڤاریا ئه‌ڤرۆ ئاگر به‌ربوویه چیایێ زاوا و هه‌تا نوكه پتر ژ 50 دونه‌م سوتینه و گۆت” نوكه سێ بنگه‌هێن ئاگر ڤه‌مراندنێ، مالتا، گه‌لى، دومیز گه‌هشتینه جهێ روودانێ و بزاڤێ ته‌مراندنێ ئاگرى دكه‌ن”.
به‌رپرسێ راگه‌هاندنا به‌ره‌ڤانیا باژێرى ل دهۆكێ دیاركر كو هێشتا ئه‌گه‌رێن روودانا ڤى ئاگرى دیارنه‌بووینه و گۆت” ئاگر دێ هێنه كونترولكرن ژبه‌ر كو نه ل جهه‌كێ ئاسێ یه، یه تیمێن مه یێن بزاڤا كونترۆلا ئاگرى دكه‌ن”.
ئه‌ڤرۆنيوز:
پشتى ئه‌ڤرۆ سێشه‌مبى هه‌لبژارتيێ پيرۆ شياى دو گۆلان ل سه‌ر هه‌لبژارتيێ ئۆستراليا تۆمار بكه‌ت وب ئه‌نجامێ 2-0 ب سه‌ركه‌ڤيت، پشتى ل هه‌ردو ياريێن خوه يێن بۆرى ب ئه‌نجامێ 0-1 هاتيه دوراندن، تنێ هه‌لبژارتيێ كوستاريكا دمينيت كو تاكو هه‌لبژارتيێ پشكداره دمونديالا رووسيا دا كو هه‌تا نوكه چو گول تومار نه‌كرين.
كوستاريكا د ئێكه‌م ياريا خوه دا ل گه‌ل هه‌لبژارتيێ سربيا ب ئه‌نجامێ 0-1 هاته دوراندن ول ياريا دويێ ل گه‌ل هه‌لبژارتيێ به‌رازيل ب ئه‌نجامێ 0-2 هاته دوراندن كو هه‌ردو گۆلێن به‌رازيلێ ل ده‌مێ زێده‌كرى يێ گێمێ دويێ هاتبوونه تۆماركرن، كوستاريكا تنێ ياريه‌ك يا ماى ل گه‌ل هه‌لبژارتيێ سويسرا.
ديسا هه‌تا نوكه تنێ دو هه‌لبژارتيێن پشكدار دمونديالا رووسيا دا هه‌تا نوكه گۆل ل سه‌ر نه‌هاتيه تۆماركرن ئه‌وژى هه‌ردو هه‌لبژارتيێن كرواتيا وئورگواى، هه‌رچه‌نده ئورگواى سيێ يارى يێن كرين وكرواتيا ياريه‌ك يا ماى، ئورگواى سه‌ركه‌فتن ل سه‌ر هه‌لبژارتيێن مسر وسعوديه ورووسيا تۆماركربوون ب ئه‌نجامێن 1-0 ل سه‌ر مسرێ وسعوديێ و3-0 ل سه‌ر رووسيا. هه‌لبژارتيێ كرواتيا ژى سه‌ركه‌فتن ل سه‌ر هه‌لبژارتێ نێجيريا ب ئه‌نجامێ 2-0 وئه‌رجه‌نتين ب ئه‌نجامێ 3-0 تۆمار كريه وئه‌ڤ شه‌ڤه دێ ياريا خوه يا سيێ ل گه‌ل هه‌لبژارتيێ ئايسلاندا ئه‌نجام ده‌ت.
ئه‌ڤرۆنيوز:
ئه‌ڤرۆ سێشه‌مبى 26/6/2018 ڤيان يوسف پێندروى سه‌رۆكا سه‌نته‌رێ پێشمه‌رگه يێ ره‌وشه‌نبيرى ژئه‌گه‌رێ نه‌خوه‌شيه‌كا گران وه‌غه‌ركر.
ڤيان يوسف، ژدايكبوويا سالا 1978 بوو، ئه‌فسه‌ر بوو ب پله‌يا موقه‌ده‌م ل فه‌رمانده‌يا دهۆكێ يا پێشمه‌ركێ كوردستانێ ودامه‌زرێنه‌را سه‌نته‌رێ پێشمه‌رگه يێ ره‌وشه‌نبيرى بوو.
نيشاندان