ئەڤرۆ نیوز:
یاریزانێ ھولەندی و یانا بایرن میونخ یا ئەلمانی ئاریان روبن دیارکر کو باشترین بریار ئەوە وی د ژیانا خوە دا دای وی یانا ریال مەدرید یا ئسپانی بجھـ ھێلای بەری چەند سالان.
روبن ل وەرزێ ٢٠٠٧ ژ یانا چێلسی پەیوەندی ب یانا ریال مەدرید کربوو بۆ ماوێ دو سالان یاری بۆ یانا مەلەکی کربوو ل وەرزێ ٢٠٠٩ بەر ب یانا بایرن میونخ یا ئەلمانی چویە و ھەتا نوکە دگەل ڤێ یانێ یێ بەردەوامە.
ئاریان روبن د دیدارەکێ دا بۆ رۆژناما ئاس یا ئسپانی ئاشکر کر کو باشترین بریار ئەوە د ژیانا خوە دا وی یانا ریال مەدرید ھێلای و ئەگەرێ ڤێ چەندێ ژی ئاشکرا کر ل دەسپێکا چونا وی بۆ پایتەختێ ئسپانیا وی ھزر دکر ئەو یێ ب گۆمانە نەشێت یێ بەردەوام بیت دگەل ریال مەدرید ژبەرکو نەشیا خوە ب گونجینت دگەل ڤێ یانێ دیسان ھەبونا فشارەکا زێدە لسەر یاریزان بۆ دەستڤەئینانا ناسناڤان ژی کارتێکرنا خوە یا خراب ل وی کربوو.

ئەڤرۆ نیوز:
رۆژناما لاگازیتا دیللو سپورت یا ئیتالی ئاشکرا کر یانا ناپولی یا ئیتالی ب سەروکاتیا دی لورانتیس حەزا نووکرنا یاریزانێ خوە یێ لایێ راستێ یێ ئسپانی خوسێ ماریا کاییخون ھەیە.
کاییخون یێ ٣١ سالی ماوێ پێنج سالایە یاریێ بۆ یانا ناپولی یا ئیتالی دکەت و شیایە ٧٤ گۆلان توماربکەت و ٦٦ گۆلان ژی دروست بکەت و ھەڤبەستا وی ل وەرزێ بھێت دێ ب دوماھی ھێت.
ل ماوێ بوری ژبەرکو کاییخون شیایە جھێ خوە د پێکھاتێ سەرەکی یێ یانا ناپولی دا بکەت و ئاستەکیچ باش پێشکێش بکەت ئەڤ چەندە بویە ئەگەر کارلو ئەنشیلوتی راھێنەرێ یانا ناپولی داخوازێ ژ سەروکێ یانێ بکەت ھەڤبەستا وی بۆ ماوێ دو سالێن بھێت نوو بکەن.
ھەژی گۆتنێ یە بەری نوکە کایخون یاری بۆ یانێن ریال مەدرید و ئسپانیول یێن ئسپانی کربوو.

ئەڤرۆ نیوز:
ھەردو یانێن ریال مەدرید و بەرشلونە یێن ئسپانی خوە کار دکەن بۆ باشترکرنا ھەڤبەستێن یاریزانێن خوە یێن کرواتی پشتی ئاستێ وان یێ باش دگەل ھەلبژارتیێ وەلاتێ خوە د موندیالا روسیا دا.
ئەگەر ھەردو یانە ڤێ پێنگاڤێ نە ھاڤێژن بۆ زێدەکرنا مووچێن وان نەشێن ڤان ھەردو یاریزانا رازی بکەن ژ چونا وان پشتی ھەردو یانێن ئەنترمیلان یا ئیتالی خوە نێزیکی مودرێچی کری و پاریس سان جێرمان ژی ھێشتا دەست ژ ئینانا راکیتیچ بەرنەدایە و بەردەوام دانوستاندنا دگەل دکەن سەرەرای ئەڤ چەندە دێ گەنجینیەيا ھەردو یانێن ئسپانی گران راوستیت لێ نەچارن ڤێ چەندێ بکەن پێخەمەت رێکێ ل وان یانا بگرن یێن حەزا مودرێچی و راکیتیچی ھەی.
رۆژناما ئاس یا ئسپانی دیارکریە ریال مەدرید بریار دایە ھەڤبەستەکا نوو پێشکێشی لوکا مودرێچی بکەت دگەل زێدەکرنا مووچێ وی یێ سالانە کو زێدەترە ژ ١٠ ملیۆن یورویا داکو بشێت ل ناف رێزێن خوە بھێلیت پشتی چونا ستێرا وێ یا پرتوگالی کرستیانو رونالدوی.
ژلایێ خوە ڤە یانا بەرشەلونە ژی یا کاردکەت پێخەمەت نووکرنا ھەڤبەست دگەل زێدەکرنا مووچێ یاریزانێ خوە یێ کرواتی ئیڤان راکیتیچ پێخەمەت ژناڤبرنا پلانێن پاریس سان جێرمان یا فرەنسی بۆ ئیمزاکرنا ھەڤبەستا یاریزانێ وێ یێ ھێلا ناڤین بەرامبەر کوژمێ ١٢٥ ملیۆن یورویا.

ئەڤرۆ نیوز:
ژێدەرێن رۆژنامەڤانی یێن ئسپانی ھوسا ئاشکرا کریە کو یانا ریال مەدرید بۆ بھێزخستنا ھێلا ھێرشبەریێ گەھشتیە رێککەفتنێ دگەل ھێرشبەرەکێ یانا سەلتافیگو.
ھەمان ژێدەرێن ئسپانی ئەو چەندە ژی دیارکر ریال مەدرید گەھشتیە رێککەفتنا دوماھیێ دگەل ئیاگو ئسپاس ھێرشبەرێ یانا سێلتافیگو یا ئسپانی بۆ بھێزخستنا ھێلا ھێرشبەریا یانا مەلەکی ل وەرزێ ئەڤ سالە یێ خولا لیگایێ دیسان ڤان ژێدەرا ئەو چەندە ژی دیارکر کو ڤی یاریزانێ ئسپانی پەیوەندیێن وی دگەل راھێنەرێ یانا ریال مەدرید جولیان لوپێتیگی بھێزن و ھاتبو ھەلبژارتن بۆ پێکھاتیێ ھەلبژارتیێ ئسپانیا د موندیالا روسیا دا ل وی دەمێ لوپێتگی راھێنەرێ ئسپانیا.
ھەژی گۆتنێ یە ئینانا ئسپاسی ل دووڤ داخوازا لوپێتیگی یە ل شوینا رودریگوی ھێرشبەرێ ڤالێنسیا ئەوێ یانا وی بریار دای دەستا ژ ڤی یاریزانی بەرنەدەت.
ئسپاس ل وەرزێ بوری شیابو ٢٣ گۆلان بۆ یانا خوە سێلتافیگو توماربکەت و شەش گۆلان ژی دروست بکەت.