ئه‌ڤرۆ نيوز:
ئێك ژ له‌زه‌تێن مۆنديالێ و مێڤانداريا وێ، تێكه‌ليا گه‌لانه و ديتنا پشته‌ڤانێن جودا ب ره‌نگ و شێوازێن جودا. جوانيا كچان و سه‌رنجراكێشيا وان ژى ل ده‌مێ پشته‌ڤانيكرنا هه‌لبژارتيێن وه‌لاتێن وان تامه‌كا دى يا تايبه‌ت دده‌ته مۆنديالێ.
ل ڤێره چه‌ند ديمه‌نێن شوخێن مۆنديالا ئه‌ڤ ساله ل رۆسيا بۆ هه‌وه به‌رچاڤ دكه‌ين كو دبيت هه‌تا نوكه ب پێش چاڤێن هه‌وه نه‌كه‌فت بن:
ئه‌ڤرۆ نيوز:
ھەلبژارتنێن سەرۆک کۆماری و پەرلەمانێ تورکیا سوبەهى رۆژا ئێکشەمبی 24ێ خزیرانێ دێ ھێنە کرن و پێنج کەس دێ ھەڤڕکییا ئەردۆگانی ل سەر پۆستێ سەرۆک کۆماریێ کەن.
دەستەیا بلندا ھەلبژارتنێن تورکیا راگەھاند؛ 56 ملیۆن و 322 ھزار کەس سوبەهى دێ پشکداریێ د ھەلبژارتنان دا کەن.
د ھەلبژارتنێن تورکیا دا سوبە شه‌ش کەس دێ ھەڤڕکیێ ل سەر پۆستێ سەرۆک کۆماری کەن، یێن ژ ھەموویان دیارتر ژی رەجەب تەیب ئەردۆگان، سەرۆک کۆمارێ نھا یە، چەندین پارتی و ئالییێن سیاسی ژی دێ ھەڤڕکییا ئاکەپێ بۆ ب دەستڤەئینانا کورسییێن پەرلەمانی کەن.
ب گۆرەی دووماهی راپرسییان، ئاکەپە یا دەستھەلاتدار دێ پرانییا خوە د پەرلەمانی دا ژ دەست دەت و ئەردۆگان دێ دەربازی قووناغا دويێ یا ھەلبژارتنان بیت.
ئه‌ڤرۆ نيوز:
شه‌ڤا بۆرى چه‌ند نووچه‌ك ده‌رباره‌ى مرنا ستێر و سترانبێژێ ناڤدارێ توركيا ئيبراهيم ته‌تليس به‌لاڤكرن كو چه‌ند لاپه‌رێن فه‌يسبۆكى به‌لاڤكريه كو ئه‌و ستر يێ مرى.
هه‌تا نوكه چو ده‌زگه‌هێن راگه‌هاندنێ ل وه‌لاتێ توركيا ئه‌ڤ بابه‌ته پشت راست نه‌كريه و ئه‌ڤه ژى ب رامانا وێ چه‌ندێ دهێت كو ب تنێ پرۆپاكنده‌يه و چو راستى بۆ بابه‌تى نينه.
ئيبراهيم ته‌تليس ل سالا 1952ێ ژ دايك بوويه و سترانبێژ و ئه‌كته‌ر و ميدياكاره و 42 ئه‌لبۆمێن سترانان هه‌نه و ماوه‌كێ درێژ به‌رنامێ ب ناڤوده‌نگ يێ تله‌ڤزيۆنى “ئيبۆ شۆ” هه‌بوو. پشتى ژ لايێ چه‌ند كه‌سان ڤه ل سالێن بۆرى هاتيه بريندار كرن، بۆ ماوێ چه‌ند سالان د نه‌خۆشخانێ دا ما و نشته‌رگه‌ريێن گه‌له‌ك ب زه‌حمه‌ت بۆ هاتنه كرن.
ئه‌ڤرۆ نيوز:
د روونشتنا رۆژا ئه‌ينى 22ى خزيرانا 2018ێ دا، جڤاتا نوونه‌رێن عيراقێ خواندنا ئێكێ بۆ پرۆژێ قانوونا راستڤه‌كرنا چارێ يا قانوونا هه‌لبژارتنا جڤاتا نوونه‌ران كر و پشكه‌ك ژ نوونه‌ران ئيمزا بۆ درێژكرنا ژيێ په‌رله‌مانى كرن كو دو ژ وان په‌رله‌مانتاران كوردن.
60 په‌رله‌مانتارێن عيراقێ بۆ درێژكرنا ژيێ په‌رله‌مانى ئيمزا كۆم كرينه، پرۆژێ قانوونێ بره ناڤ هۆلا جڤاتا نوونه‌ران، عادل نورى، په‌رله‌مانتارێ سه‌ربه‌خوه و ئاسيا حاجى ژ فراكسيۆنا ئێكگرتوو د ناڤ وان په‌رله‌مانتاران دا بوون.
روونشتنێ ده‌سپێكر و ژبلى خواندنا ئێكێ بۆ درێژكرنا ژيێ په‌رله‌مانى، ته‌وه‌ره‌كێ دى به‌حسكرن بوو ل سه‌ر بڕيارێن دادگه‌ها فيدرال ده‌رباره‌ى هه‌لبژارتنان.
روونشتنا جڤاتا نوونه‌ران پێدڤى ب ته‌مامكرنا رێژا قانوونى نه‌بوو، چونكو ب گۆتنا زانا رۆستايێ، ئه‌ندامێ جڤاتا نوونه‌ران ل سه‌ر فراكسيۆنا كۆمه‌لا ئيسلامى يا كوردستانێ په‌رله‌مان بۆ ته‌مامكرنا روونشتنا به‌رێ كۆمببوو، ئه‌و كۆمبوون ژى پێدڤى ب ته‌مامكرنا رێژا قانوونى نينه.
30ى خزيرانا 2018ێ دێ ژيێ ڤێ خولا په‌رله‌مانێ عيراقێ ب دووماهى هێت، هه‌رچه‌نده هه‌لبژارتن هاتينه ئه‌نجام دان، به‌لێ ژ ئه‌گه‌رێ نه‌رازيبوونا لايه‌نان ژ ئه‌نجامێن هه‌لبژارتنان و بڕيارا ب ده‌ست هژمارتنا ده‌نگان ژ لايێ جڤاتا نوونه‌ران ڤه، هێشتا خولا نوو يا ئاماده نينه بۆ ده‌ست ب كاربوونێ.
ئه‌ڤرۆ نيوز، فاتما مزوورى:
گروپێن چه‌كدارێن حوسی كو ئیرانێ پشتگریا وان دكه‌ت راگه‌هاند كو د ئه‌و ئاماده‌نه رێڤه‌به‌ریا به‌نده‌رێ حوده‌یده راده‌ستی نه‌ته‌وێن ئێكگرتی بكه‌ن.
له‌شكرێ حوكمه‌تا یه‌مه‌نێ ب هاريكاريا هه‌ڤپه‌یمانیا عه‌ره‌بی، رۆژا چارشه‌میی یا ده‌رباز بوویی كۆنترۆلكرنا باله‌فرگه‌ها باژارێ حوده‌یده راگه‌هاند، هه‌ڤپه‌یمانی ب سه‌رپه‌رشتیا عه‌ره‌بستانا سعودیێ دخوازن به‌نده‌رێ باژێرى كۆنترۆل بكه‌ن، ژبۆ رێ ژ بكارئانینا روكێتان ژ لايێ حوسیان ڤه بگرن و ژێده‌رێ هاريكاریێ ل سه‌ر حوسیان ببڕن.
ل گۆر نووچه‌كێ ئاژانسا رۆیته‌رز نوونه‌رێ نه‌ته‌وێن ئێكگرتی ژبۆ یه‌مه‌نێ مارتن گریفیس د ڤێ حه‌فتیێ دا ژبۆ دانوستاندنان ده‌رباره‌ى چاره‌سه‌ریه‌كێ سه‌ردانا سه‌نعا یا پایته‌ختێ یه‌مه‌نێ و باژارێ جه‌دده ل سعودیێ كریه.
ژ لايێ خوه ڤه به‌رپرسیاره‌كێ ئه‌مه‌ریكی ژی بۆ رۆیته‌رز گۆت: ” حوسیان ئاماژه ب ئاماده‌كاریا خوه كریه كو رێڤه‌به‌ریا به‌نده‌رێ حوده‌یده راده‌ستی نه‌ته‌وێن ئێكگرتی بكه‌ن”.
خویا ژی كر ئه‌مه‌ریكا سعودیه و ئیماراتا عه‌ره‌بی هاندده‌ت ڤێ پێشنیازێ قه‌بۆل بكه‌ن و هه‌ڤپه‌یمانیا عه‌ره‌بی ژی ژبۆ گریفیس راگه‌هاندیه كو ئه‌و دێ ڤه‌كۆلينێ ل سه‌ر وێ پێشنیازێ كه‌ن.
ئەڤرۆ نیۆز، سەباح زوھێر:
هاتنوچوونا ئاكرێ راگه‌هاند كو شڤێدى ژ ئه‌نجامێ وه‌رگه‌ريانا ترۆمبێله‌كێ سێ كه‌س بريندار بوون.
رێکەفت زوھێر ژ راگەھاندنا ھاتنوچوونا ئاکرێ بۆ ئه‌ڤرۆ نيوز گۆت: “ل رۆژا ئەینی رێکەفتی۲۰۱۸/٦/۲۲ ل دەمژمێر ۹:۳۰ شەڤێ روودانەکا ترافیکی ژ جۆرێ لێكدان ل ناڤ سەنتەرێ باژێرێ ئاکرێ ل سەر جاددا شەھیدان دروست بوو”.
زێده‌تر گۆت: “ترۆمبێلەکا ژ جورێ BMW تایبەت رەنگێ سۆر وەرگەریا، د ئەنجام دا سێ کەس دڤێ روودانێ دا بریندار بوون و ھاتنە رەوانەکرن بۆ نەخۆشخانا تەنگاڤيان ل ئاکرێ”.
رێكه‌فتن زوهێر هيڤى ژ شوفێران خواست كو پێگريێ ب رێنمايێن هاتنوچوونێ بكه‌ن دا كو گيانێ خوه و ئه‌و كه‌سێن ل گه‌ل خوه ب پارێزن.
ئه‌ڤرۆ نيوز، فاتما مزوورى:
مه‌ولود چاويش ئوغلۆ، وه‌زيرێ ده‌رڤه يێ توركيا، راگه‌هاند كو يه‌په‌گه چه‌كێن ئه‌مريكى د فرۆشيته حوكمه‌تا سوريا.
چاويش ئوغلۆ ل كه‌نالێ ته‌ره‌ته يێ فه‌رمى يێ وه‌لاتێ توركيا تۆمه‌تبار كر و گۆت: “يه‌په‌گه چه‌كێن ئه‌مريكى يێن د ده‌ستێ خوه دا، د فرۆشيته حوكمه‌تا سوريێ و هنده‌ك كۆمێن چه‌كدار”.
ده‌رباره‌ى پرسا منبجێ ژى چاويش ئوغلۆ دياركر كو ئه‌و چاڤدێريا چاوانيا ڤه‌كێشانا په‌كه‌كێ ژ منبجێ دكه‌ن دا كو بزانن يه‌په‌گه ب چه‌ك يان ژى بێ چه‌ك ژ منبجێ ده‌ردكه‌ڤن.
پشتى ڤه‌كێشانا يه‌په‌گێ دێ له‌شكرێ توركيا و ئه‌مريكى ئه‌منيه‌تا وى باژێرى پارێزن.
ئه‌ڤرۆنيوز:
دچارچۆڤێ گه‌را 33 ژ خۆلا پلا ناياب يا عيراقێ، يانا زاخۆ ل ده‌رڤه‌ى ياريگه‌ها خوه ل گه‌ل يانا ( الصناعات الكهربائيه) بێ گۆل وه‌كهه‌ڤ بوو وهه‌ردو يانه ب خاله‌كێ رازى بوون.
ب ڤى ئه‌نجامى يانا زاخۆ خالێن خوه گه‌هاندنه 18 خالان ول رێزا 20 ودووماهيێ دهێت ل رێزبه‌ندا خۆلێ، يانا ×( الصناعات الكهربائيه) ژى خالێن خوه گه‌هاندنه 37 خالان و ل رێزا 14 دهێت.
ئه‌ڤرۆنيوز:
ئه‌ندامێ مه‌كته‌با سياسى يا پارتى ديموكراتى كوردستان، هشيار زێبارى، هوشداريێ ژ بزاڤێن سه‌رۆكاتيا په‌رله‌مانێ عيراقێ دده‌ت ژ ئه‌نجامدانا كوده‌تايه‌كێ ل سه‌ر سيسته‌مێ ديموكراسى ل عيراقێ.
هشيار زێبارى، ئه‌ڤرۆ ئه‌ينيێ 22/6/2018 دبه‌رپه‌رێ خوه ل سه‌ر تۆرا فه‌يسبووكى به‌لاڤكر” هێشتا پرسا هه‌لوه‌شان\نا هه‌لبژارتنێن عيراقێ يێن 2018 ب دووماهى نه‌هاتى، داخواز هاتيه كرن بۆ ئه‌نجامدانا كۆمبوونه‌كا نه ئاسايى بۆ په‌رله‌مانێ عيراقێ كو تنێ هه‌شت رۆژ بۆ ده‌مێ وى يێ قانوونى يێن ماين ل دووڤ دستوورى”.
زێبارى گۆت ژى” سه‌رۆكاتيا په‌رله‌مانێ عيراقێ ويێن دهه‌لبژارتنان دا هاتينه دوراندن دێ رێيه‌كا دى بكارئينن ئه‌وژى درێژكرنا ده‌مێ په‌رله‌مانى تاكو دووماهيا ڤێ سالێ تاكو حوكمه‌تا نوكه نه‌بيته حوكمه‌تاب رێڤه‌برنا كاران، به‌لكو ده‌ستهه‌لاتا وێ درێژ كه‌ت”.
ب ديتنا زێبارى، هه‌كه ئه‌ڤ چه‌نده هاته ئه‌نجامدان، دێ بيته سه‌رپێچيه‌كا مه‌ترسيدار ل سه‌ر دستوورى وكوده‌تا ل سه‌ر سيسته‌مێ سياسى وديموكراسى وفيدرالى.
ئه‌ڤرۆنيوز:
وه‌زاره‌تا په‌ترۆلا عيراقى راگه‌هاند، وه‌زيرێ په‌ترۆلا عيراقێ جه‌بار لعێبى پێشوازى ل رێڤه‌به‌رێ جێبه‌جێكارێ كۆمپانيا ئيكسۆن مۆبيل يا ئه‌مريكى كريه وبه‌حس ل زێده‌كرن وبه‌رفره‌هكرنا پرۆژێن هه‌ڤپشك دناڤبه‌را وان دا ل عيراقێ.
ل دووڤ به‌يانناما وه‌زاره‌تا په‌ترۆلا عيراقێ، جه‌بار لعێبى دياركر كو ئه‌و درژدن ل سه‌ر پێشڤه‌برنا په‌يوه‌نديێن عيراقێ ل گه‌ل وێ كۆمپانيا ئه‌مريكى دبوارێ په‌ترۆلێ دا وئه‌نجامدانا پرۆژێن هه‌ڤپشك كو به‌رژه‌وه‌نديا عيراقێ ووێ كۆمپانيێ تێدا بيت.
دهێته زانين كو حوكمه‌تا عيراقێ ل رۆژا 21/6/2018 ئاشكراكربوو كو ل گه‌ل كۆمپانيا ئيكسۆن مۆبيل يا ئه‌مريكى رێككه‌فتن ل سه‌ر بجهئينانا پرۆژه‌كێ زه‌به‌لاح يێ پالاوتنا ئاڤا ڤه‌خوارنێ ل باژێرێ به‌سرا كو رۆژانه 7 مليۆن به‌رميلێن ئاڤا ده‌ريايێ بۆ ڤه‌خوارنێ ڤاڤێريت.
نيشاندان