ئه‌ڤرۆنيوز:
ده‌زگه‌هێن راگه‌هاندنێ يێن عيراقى به‌لاڤكر، شانده‌كێ هه‌ڤپه‌يمانيا فه‌تح گه‌هشته هه‌ولێرێ ول گه‌ل پارتى ديموكراتى كوردستان وهه‌ڤپيه‌مانيا ميحوه‌رێ وه‌ته‌نى كو شه‌ش لايه‌نێن سونه ب خوه‌ڤه دگريت دكۆمبوونێ دانه.
ژێده‌ره‌كێ سياسى ژ هه‌ڤپه‌يمانيا فه‌تح بۆ مالپه‌رێ (بغداد اليوم) گۆت” شاندێ هه‌ڤپه‌يمانيا فه‌تح دره‌نگيا شه‌ڤا بۆرى گه‌هشته هه‌ولێرێ وئه‌ڤرۆ ژى ده‌ست ب كۆمبوونان كريه ل گه‌ل پارتى ديموكراتى كوردستان وهه‌ڤپه‌يمانيا ميحوه‌رێ وه‌ته‌نى كو ژ شه‌ش لايه‌نێن سونى پێك دهێت”.
پێشتر شاندێ هه‌ڤپه‌يمانيا فه‌تح وده‌وله‌تا قانوونێ جاره‌كا دى سه‌ره‌دانا هه‌ولێرێ كربوو، هه‌ڤده‌م دوهى ئيكشه‌مبى شاندێ هه‌ڤپه‌يمانيا ميحوه‌رێ وه‌تىنى گه‌هشتبوو هه‌ولێرێ ول گه‌ل پارتى وئێكه‌تى ب هه‌ڤپشكى كۆمبوو، كۆمبوونا ئه‌ڤرۆ يا ميحوه‌رێ وه‌ته‌نى وپارتى وفه‌تح ژى دێ يا هه‌ڤپشك بيت وئارمانج ژێ گه‌هشتنه ب هه‌ڤپه‌يمانيێ دناڤبه‌را فه‌تح وده‌وله‌تا قانوونێ وميحوه‌رێ وه‌ته‌نى وئێكه‌تى كو دێ بيته مه‌زنترين فراكسيۆنا په‌رله‌مانى.
عه‌بدولهادى سه‌عداوى، سه‌ركرده ل ده‌وله‌تا قانوونى ب سه‌رۆكاتيا نورى مالكى ئه‌ڤرۆ راگه‌هاندبوو، ئێڤاريا ئه‌ڤرۆ دوشه‌مبى 20/8/2018 مه‌زنترين هه‌ڤپه‌يمانى ل به‌غدا دێ هێته راگه‌هاندن وكورد وسونه‌يان په‌ياما ئه‌رێنى يا هه‌ى بۆ هاتنا دناڤ رێزا وێ هه‌ڤپه‌يمانيێ دا.
نيشاندان
