ئەڤرۆ نیوز:
ریال مەدرید نوکە ب ھشیاری دووڤچونا کێشەیێن یانا پاریس سان جێرمان یا فرەنسی دگەل قانوونا یاریا پاقژ یا ئێکەتیا تەپا پێ یا ئوروپا یوێفا دکەت ژبەرکو دبیت توشی سزایان بیت و یانا ئسپانی ژی ڤێ چەندێ بۆ خوە ب دەلیڤە بینت.
تورا بی بی سی یا بریتانی ئاماژە دا ڤێ چەندێ و ئاشکرا کریە نوکە ریال مەدرید یا بزاڤێ دکەت پێرابونێن یوێفایێ دەرھەقی یانا پاریس سان جێرمان ب دەلیڤە وەرگریت و ھەڤبەستێ دگەل یاریزانێن ڤێ یانێ یێ فرەنسی کیلیان مپابی و یێ بەرازیلی نیمار داسێلڤا ئیمزا بکەت ژبەرکو نوکە یانا پاریس کەفتیە ژێر گڤاشتنێن ئێکەتیا تەپاپێ یا ئوروپا و وێ نەچار بکەت ستێرێن خوە ب فروشیت ژبەرکو ئەڤ قانوونا یاریا پاقژ رێکێ نادەت چو یانە زێدەتر ژ دھاتێ خوە پارا مەزێخن.
ھەمان ژێدەر ئەو چەندە ژی دیارکر بەروڤاژی بوچونان ریال مەدرید دەرگەھێ ئینانا یاریزانان ل مێرکاتوویا ڤێ ھاڤینێ نە گرتیە.

ئەڤرۆ نیوز:
رۆژناما ئاس یا ئسپانی ئاشکرا کر کو سەروکێ یانا بەرشەلونە جوسێب ماریا بارتومیو و سەروکێ یانا پاریس سان جێرمان ناسر خلێفی کومبونەکا نھێنی ئەنجام دایە بۆ ئیمزاکرنا ھەڤبەستەکا لێکگوھورینا یاریزانانێن ھەردو یانا.
رۆژناما ئاس ئەو چەندە ژی دیارکر کو چەندین وێنە بەلاف بوینە کو دوھی ل ئوتێلا گران مێریا فلیکس ل باژێرێ مەدرید کومبونەکا نھێنی ئەنجامدایە و ڤان ھەردو کەسان ژی ل ھەمان رۆژ ل دەمێ ئێڤاری ئوتێل بجھـ ھێلایە.
ھەمان ژێدەر ئەگەرێ ڤێ کومبونێ ژی بۆ وێ چەندێ ڤەگەراند کو دڤێت ل سەر ھەڤبەستەکا لێکگوھورینا دو یاریزانان رێککەڤن ئەو ژی ئوسمان دیمبیلی بەر ب پاریس سان جێرمان بچیت و بەرامبەری وێ یانا فرەنسی دێ یاریزانێ خوە یێ ھێلا ناڤین ئەدریان رابیو دەتە بەرشەلونە یا ئسپانی.

ئەڤرۆ نیوز:
راھێنەرێ یانا بەرشەلونە ئەرنێستو ڤالڤێری پێکھاتیێ یانا خوە بۆ یاریا ئەڤ شەڤە ھەمبەر یانا دیبورتیڤو ئەلەڤیس ئاشکرا کر و چەندین یاریزان ژی دورخستن.
بۆ یاریا ئەڤرۆ ئەوا بریارە ل دەمژمێر ١١:١٥ ل دیف دەمێ ھەرێما کوردستانێ بھێتە کرن چەندین یاریزان ئەو ژی توماس فێرمایلن، منیر حەدادی، پاکو ئەلکاسیر، سێرجی سامبر ژ بەر ئاستێ وان یێ ھونەری دیسان دینیس سوارێز و کارلوس ئەلینیا ژ ئەگەرێ ھنگافتنێ ھاتینە دورخستن.
بۆ یاریا ئەڤ شەڤە پێکھاتیێ بەرشەلونە ڤی شێوەی یە.
گولپارێز تیر شتیگن و یاسپر سیلیسن
بەرڤان: جیرارد پیکێ، سامێول ئومتیتی، جوردی ئەلبا، سێرجی روبێرتو، نێلسون سیمیدو
ھێلا ناڤین: سێرجیو بوسکێس، ئیڤان راکیتیچ، فلیپی کوتینھو، ئەرتورو ڤیدال و رافینا ئەلکانترا
ھێرشبەر: لینوێل مێسی، لویس سوارێز، مالکوم دی ئولیڤێرا، ئوسمان دیمبیلی

ئەڤرۆ نیوز:
پێکھاتیێ ھەلبژارتیێ ئەرژەنتین بۆ ھەردو یاریێن ھەڤالینی بەرامبەر گواتیمالا و کولومبیا ھاتە راگەھاندن و ناڤێ مێسی ژی د ڤی پێکھاتی دا نینە.
سایتێ فەرمی یێ ئێکەتیا تەپاپێ یا ئەرژەنتین لیستا ناڤێن وان یاریزانان ھاتە ئاشکرا کرن بۆ ھەردو یاریێن ھەڤالینی بەرامبەر گواتیمالا و کولومبیا و ناڤێ ستێرا وێ لیونێل مێسی د ڤی پێکھاتی دا نینە ئەوێ راھێنەرێ بەروەخت یێ ئەرژەنتینی ئسکەلونی ئاشکرا کری.
لێ ئەگەرێ نە پشکداریا وی ھوسا ھاتیە خویارکرن کو مێسی داخوازا بھێنڤەدانێ کریە ھەتا سالا نوو ٢٠١٩ پشتی ژ موندیالا روسیا دەرکەفتین لەورا ئەڤ بریارە ژی ڤی یاریزانی دایە ھەتا راھێنەرێ نوو دھێتە دەستنیشان کرن ژلایێ ئێکەتیا تەپا پێ یا ئەرژەنتینی ڤە پاش دێ کومبونەکێ دگەل وی راھێنەری نوو کەت دەربارەی چارەنڤیسێ وی ل سەر ئاستێ نیڤدەولەتی.