ئه‌ڤرۆ نيوز:
محه‌مه‌د سه‌لاح ستێرا هه‌لبژارتيێ مسرێ ب فه‌رمى د په‌يجێ خوه يێ فێسبوكێ دا ئاماژه ب وێ يه‌كێ كريه كو ئه‌و دێ ب هێزا 100 مليونى، روى ب روى هه‌لبژارتيێ رووسيا بن كو برياره سوبه ياريا د ناڤبه‌را وان دا بهێته كرن.
ژبه‌ر هنگاڤتنا وى به‌رامبه‌ر يانا ريال مه‌دريد ل ياريا دوماهيێ يا چامپيونس ليگ دا، محه‌مه‌د سه‌لاح نه‌شيابوو د ئێكه‌م ياريا هه‌لبژارتيێ خوه دا به‌رامبه‌ر ئوروگواى دا ياريێ بكه‌ت چارچوڤێ مونديالا 2018 يا رووسيا دا.
ئه‌ڤرۆ نيوز:
شێخ جەواد خاڵس ئێك ژ مه‌رجه‌عێن شيعان هوشداريێ سه‌باره‌ت ره‌وشا سياسى يا عيراقێ دا، شێخ جەواد خاڵس ل گه‌ل نوونه‌رێن وانحزب و هوزێن سونه و شيعان كوم بوو كو دژى ده‌ستهه‌لاتدارێن عيراقێ نه و وه‌كو ئوپوزسيون خوه دده‌ن ناسكرن، پشتى دانوستاندنه‌كا چار ده‌مژمێرى ئه‌ڤرۆ ل گه‌ل ساز كرى، بريار دان كو خوه به‌رهه‌ڤ بكه‌ن بۆ گرێدانا كونگره‌كێ نيشتيمانى بۆ ده‌ربازكرنا عيراقێ ژ ڤان قه‌يرانان.
ئەڤرۆ نیوز،باسم قاسم شنگالی
دەمێ پێنج رۆژایە ئه‌ندامێن خێزانەکا ئێزدی ل شنگالێ، كو زه‌لام وژن وكورێ وان يێ سێ سالى يه، دبێ سەروشوینن، کەسۆکارێن وان ژی دبێژن ئەم نزانین چ ب سەرێ وان هاتیە و چ کێشە ژی ل گەل کەسێ نەبوون.
سەعدون قاسم حەسو، برایێ کەسێ بێ سەروشوین بووی بۆ ئەڤرۆ نیوز دا زانین، ل ۱٤ـی ڤێ هەیڤێ برایێ من ( مەجدال قاسم حەسۆ) دگەل خێزانا خوە (سونیا چەتۆ عەلی) بۆ دروستکرنا ناسنامەیا کورێ خوە ژناحیا باعەدرێ چوونە قەزا شنگالێ .
دیارکر، ل گور پێزانينێن مە، ل فەرمانگەها بارێ شارستانی کارێن خوە ب دووماهی ئینانە و ڤەگەریانە ناحیا سنوونێ و پشتی هنگی بێ سەروشوین بووینە وهەتا نها ئەم چو ژێ نزانین.
گۆت ژی،هێزێن ئەمنی دئاگەهدارن ل سەر بێ سەروشوین بوونا وان و هەتا نوکە دو شوفێر یێن هاتینە دەستەسەرکرن ژلایێ هێزێن ئەمنی ڤە .
حەسۆ راگەهاند ژی، ل وێ رۆژا ژمال دەرکەفتين تێلەفۆنێن وان د گرتی بوون و چ ئارێشە دگەل کەسێ نەبوون.
ئه‌ڤرۆنيوز:
دهێرشه‌كێ دا ل سه‌ر بنگه‌هه‌كێ له‌شكرى ل باژێرێ ئه‌لبوكه‌مال يێ سوورى ل سه‌ر سنوورێ عيراقێ، 38 سه‌ربازێن ئيرانى هاتنه كوشتن.
ل دووڤ ژێده‌رێن ناڤخوه‌يى ل سووريێ ئاماژێ دده‌ن كو هه‌ڤپه‌يمانيا نێڤده‌وله‌تى دژى داعشێ ب سه‌رۆكاتيا ئه‌مريكا ئه‌و هێرشه ئه‌نجامدايه، به‌لێ فه‌رمانده‌يا هێزێن ناڤه‌ندى يێن ئه‌مريكى دبه‌ياننامه‌كێ دا ره‌تكر ئه‌وان ئه‌و هێرشه ئه‌نجام دابيت ودياركر” چو وه‌لاته‌كێ ئه‌ندام دهه‌ڤپه‌يمانيا نێڤده‌وله‌تى يا دژى داعشێ هێرشا ئه‌لبوكه‌مال ئه‌نجام نه‌دايه”.
ئه‌ڤرۆنيوز:
رۆژنامه‌كا له‌نده‌نى به‌لاڤكر كو ل كه‌مپه‌كا ئاوارێن مووسلێ ل باشوورێ وى باژێرى شه‌ر دناڤبه‌را پۆليسان وئاواران دا روودا ودئه‌نجامدا 9 پۆليس بريندار بوون.
رۆژناما (القدس العربي) ژزارده‌ڤێ هنده‌ك كه‌سێن ئه‌و روودانه ب چاڤێن خوه ديتى ڤه‌گوهاست ” شه‌ر روودا پشتى فه‌رمانبه‌ره‌كێ وێ كه‌مپێ ب ترومبێلێ ل زارۆيه‌كێ سێ سالى داى وئێكسه‌ر وى زارۆيى گيانێ خوه ژده‌ستداى وپۆليسان ئه‌و فه‌رمانبه‌رێ روودان كرى ده‌سته‌سه‌ركرى”.
دياركر ژى” كه‌سوكارێن وى زارۆيى داخواز ژ پۆليسان كر وى كه‌سى راده‌ستى وان بكه‌ن وپۆليسان ئه‌و داخوازيه ره‌تكر، به‌لێ وان هێرش كره سه‌ر بنگه‌هێ پۆليسان و9 پۆليس برينداركرن”.
ئاماژه دا” پشتى وێ روودانا هێرشكرنێ ل سه‌ر بنگه‌هێ پۆليسێن كه‌مپێ، هێزه‌كا ئه‌منى يا مه‌زن گه‌هشته جهێ روودانێ وكونترۆلا ره‌وشێ كر”.
ئه‌ڤرۆنيوز:
سه‌رۆكێ لژنا دووڤچوونا راستيان ل په‌رله‌مانێ عيراقێ راگه‌هاند، پێزانينێن گرنگ ومه‌ترسيدار ل دۆر سوتنا عومباره‌كا كۆمسيۆنا بلند يا هه‌لبژارتنان ل به‌غدا يێن كه‌فتينه ده‌ستێ لژنێ.
عادل نورى، ئه‌ندامێ په‌رله‌مانێ عيراقێ و سه‌رۆكێ لژنا دووڤچوونا راستيان گۆت” ئه‌و پێزانين مه يێن راده‌ستى لژنا حوكمه‌تێ كرين كو بۆ ڤه‌كۆلينێ دروودانێ دا هاتيه راسپاردن، ڤه‌كۆله‌ر ژى يێن گه‌هشتينه ئه‌نجامێن گرنگ ل دۆر ئه‌گه‌رێن ئاگربه‌ربوونێ وئه‌و لايه‌نێن ئه‌و كاره ئه‌نجامداى”.
عادل نورى، ل دووڤ كوردستان 24 گۆت ژى” ڤه‌كۆله‌ر هه‌تا ئاستێ ده‌سته‌سه‌ركرنا گرۆپه‌كێ گومانلێكرى يێن چووين وده‌ستێ وان گه‌هشتيه كه‌سايه‌تيێن گرنگ”.
دياركر ژى” ڤه‌كۆله‌ر هوورده‌كارى وناڤێ كه‌سێن په‌يوه‌ندى ب سوتنا وان عومباران هه‌ى ئاشكرا ناكه‌ن تاكو ڤه‌كۆلين ب دووماهى بهێت”
ل رۆژا 10/6/2018 ل ره‌خێ روسافه ل به‌غدا، عومباره‌كا كۆمسيۆنا بلند يا هه‌لبژارتنان ل عيراقێ سوت وهه‌موو ئاميرێن جوداكرنا ئه‌لكترۆنى سوتن.
ئه‌ڤرۆ نیوز ، نه‌وزاد هلورى:
سه‌ره‌دانێن گه‌شتیاران ب تایبه‌تى گه‌شتیارێن عه‌ره‌ب بۆ هاڤینگه‌هێن سنورێ ناحیا شێلادزێ وه‌كو ئاڤا مارك و هاڤینگه‌ها ڤین و گه‌لیێ بالندا يا به‌رده‌وامه ، خودانێ هاڤینگه‌ها ڤین دیاركر كو جه‌ژن ب دووماهى هات، به‌لێ هاتنا گه‌شتیاران به‌رده‌وامه و نها زێده‌تر ژ هزار گه‌شتیاران تنێ سه‌ره‌دانا وان دكه‌ن.
هه‌وار رێكانى، خودانێ هاڤینگه‌ها ڤین ل شێلادزێ بۆ ئه‌ڤرۆ نیوز گۆت: (دهه‌رسێ رۆژێن جه‌ژنا ره‌مه‌زانێ دا هژماره‌كا ئێكجار زۆر یا گه‌شتیاران سه‌ره‌دانا هاڤینگه‌ها ڤین ل شێلادزێ كربوو و پشتى ب دووماهى هاتنا جه‌ژنێ ژى هاتنا گه‌شتیاران يا به‌رده‌وامه و نها رۆژانه هزار گه‌شتیارێن عه‌ره‌ب سه‌ره‌دانا مه دكه‌ن ئه‌ڤه ژبلى گه‌شتیارێن ناڤخوه و ده‌ڤه‌رێ).
زێده‌تر گۆت: (پتريا ئه‌و گه‌شتیارێن سه‌ره‌دانا مه دكه‌ن ل ناڤه‌راست و باشوورێ عیراقێ دهێن ، دیسان گه‌شتیارێن مه ل هه‌ولێر و سلێمانى و كه‌ركوك ژى دهێن ، به‌لێ نه‌بوونا ئوتێل و موتێلان بوویه ئه‌گه‌ر كو گه‌شتیار نه‌كارن ل شێلادزێ بمینن و جاره‌كا دى دزڤرنه هه‌ولێرێ و دهۆكێ).
ئه‌ڤرۆنيوز:
سه‌رۆك مه‌سعود بارزانى دپه‌يامه‌كێ دا سه‌ره‌خوه‌شى ل كه‌سوكارێن جه‌بار عوسمان يێ 19 سالى دكه‌ت كو دوهى ل رووباره‌كى ل نێزيك رواندوز ل ده‌مێ بزاڤكرى ژنه‌كا گه‌شتيار يا خه‌لكێ به‌غدا ژ خه‌ندقينێ رزگار بكه‌ت ئه‌وژى ل گه‌ل خه‌ندقى.
سه‌رۆك بارزانى ئه‌ڤرۆ دوشه‌مبى 18/6/2018 دپه‌يامه‌كێ دا سه‌ره‌خوه‌شى ل كوسوكارێن (جه‌بار عوسمان) كر وگۆت” سه‌ره‌خوه‌شيێ ل مالبات وكه‌سوكارێن وى گه‌نجێ فيداكارێ گه‌لێ مه دكه‌م، گيان ژده‌ستدانا وى گه‌نجى نموونه‌يا روحا مرۆڤدۆستى وفيداكاريا مرۆڤێ كورده”.
سه‌رۆك بارزانى دووپاتكر كو ئه‌ڤه روودانه‌كا كێم وێنه‌يه ونيشانه‌كا رۆهنه بۆ كه‌لتوورێ بلند يێ گه‌لێ كوردستانێ، بۆ رێزگرتنێ ل مێهڤانان وهاريكاريا خه‌لكێ لێقه‌وماى وسوومبۆلا مرۆڤ سالاريا كورده.
ئه‌ڤرۆنيوز:
چيڤانۆكێ ته‌پا پێى يێ ئه‌رجه‌نتينى مارادۆنا، ره‌خنێن دژوار ل راهێنه‌رێ هه‌لبژارتيێ ئه‌رجه‌نتينێ خورخى سامپاولى گرتن پشتى وه‌كهه‌ڤيا نه‌چاڤه‌رێكرى يا ئه‌رجه‌نتينێ ل گه‌ل هه‌لبژارتيێ ئايسلاندا 1-1 د مۆنديالا رووسيا 2018 دا.
مارادۆناى دداخۆيانيه‌كا رۆژنامه‌ڤانى دا گۆت”هه‌كه سامپاولى يێ به‌رده‌وامبيت ل سه‌ر ڤى شێوازێ ياريێ، نه‌شێت بزڤريته ئه‌رجه‌نتينێ”.
گۆت ژى” پلانا سامپاولى ل به‌رامبه‌ر ئايسلاندا يا شكه‌ستى بوو، ياريكه‌رێن ئايسلاندا دبه‌ژن بلندبوون ومه پشت به‌ستن ب ته‌پێن بلند دكر”.
دياركر ژى” تو دشيێ 25 ياريكه‌رێن ئاست بلند ل گه‌ل ببه‌يه مۆنديالێ، به‌لێ پێدڤيه تو كارى ل گه‌ل وان بكه‌ى، مه ديت ئاستێ راهێنانا ياريكه‌رێن ئايسلاندا گه‌له‌ك باشتربوو ژ ئاستێ راهێنانا ياريكه‌رێن ئه‌رجه‌نتينێ، وئه‌ڤه شكه‌ستنه‌كا مه‌زنه”.
ئه‌ڤرۆنيوز:
كۆمسيۆنا بلند يا هه‌لبژارتن وراپرسى ل هه‌رێما كوردستانێ ئه‌ڤرۆ دوشه‌مبى 18/6/2018 ده‌رگه‌هێ پێكئينانا هه‌ڤپه‌يمانيان به‌رده‌م لايه‌نێن سياسى وقه‌وارێن هه‌رێما كوردستانێ ڤه‌كر بۆ هه‌لبژارتنێن په‌رله‌مانێ كوردستانێ.
جوتیار عادل، ئەندامێ جڤاتا کۆمسیۆنا بلند يا هەڵبژارتن و راپرسی ل هەرێما کوردستانێ
بۆ رووداو راگه‌هاند ” ئەڤرۆ ب فه‌رمى دێ ده‌ست ب تۆماركرنا هه‌ڤپه‌يمانيان بۆ هه‌لبژارتنێن په‌رله‌مانێ كوردستانێ هێته كرن ودێ بۆ ده‌مێ سێ رۆژان يا به‌رده‌وام بيت ول ئێڤاريا رۆژا چارشه‌مبى 20/6/2018 دێ ب دووماهى هێت”.
بۆ هه‌لبژارتنێن په‌رله‌مانێ كوردستانێ، 28 قه‌وارێن سياسى ژلايێ كۆمسيۆنێ ڤه يێن هاتينه په‌سه‌ندكرن، سێ قه‌وارێن پێكهاتێ مه‌سيحى، توركمان وئێزدى ژى ب ناڤێن هه‌ڤپه‌يمانيا سورايى وليستا هه‌ڤپه‌يمانى بۆ ئێكسانيا توركمانى وليستا ئێزدى يا ديموكراتى يێن هاتينه ره‌تكرن.
برياره هه‌لبژارتنێن په‌رله‌مانێ كوردستانێ ل 30/9/2018 بهێنه ئه‌نجامدان.
نيشاندان