ئه‌ڤرۆنيوز:

ئه‌ندامه‌كێ مه‌كته‌با سياسى يا پارتى ديموكراتى كوردستان راگه‌هاند، ل گه‌ل ئێكه‌تى ل نيشتمانى كوردستان پرۆژه‌ك هاتيه‌ به‌رهه‌ڤكرن تاكو پێكڤه‌ ببه‌نه‌ به‌غدا ول گه‌ل لايه‌نێن دى دانوستاندنێ ل سه‌ر بكه‌ن.

برياره‌ ل چه‌ند رۆژێن داهاتى پارتى وئێكه‌تى ب شانده‌كێ هه‌ڤپشك بچنه‌ به‌غدا، كو ددووماهى كۆمبوونا وان هه‌ردو حزبان دا بريار هاتبوو دان كو چو شاند ب تنێ نه‌چيت بۆ به‌غدا.

كاكه‌مين نه‌جار، ئه‌ندامێ مه‌كته‌با سياسى يا پارتى گۆت” مه‌ داخواز ژ حزبێن دى يێن كوردستانێ كريه‌ كو پێكڤه‌ بچينه‌ به‌غدا، مه‌ پرۆژه‌ك يێ به‌رهه‌ڤكرى بۆ وێ چه‌ندێ دانوستاندنێ ل گه‌ل لايه‌نێن عيراقى بكه‌ين”.

كاكه‌مين نه‌جار زێده‌تر بۆ كوردستان 24 گۆت” بودجا هه‌رێما كوردستانێ وبابه‌تێ پێشمه‌رگه‌ى ودابينكرنا مووچه‌ى بۆ هێزا پێشمه‌رگه‌ى ل به‌راهيا كارانه‌”.

پشتى هه‌لبژارتنێن 12/5/2018، پارتى وئيكه‌تى جاره‌كێ ب شاندێن جودا ڤه‌ سه‌ره‌دانا به‌غدا كربوو، به‌لێ ژ وى ده‌مى ڤه‌ چه‌ندين جاران كۆمبووينه‌ بۆ وێ چه‌ندێ پرۆژه‌كێ هه‌ڤپشك به‌رهه‌ڤ بكه‌ن.

ئه‌ڤرۆنيوز:

چه‌ندين هه‌يڤن شاسوار عه‌بدولواحد مووچێ كارمه‌ندێن كه‌نالێ NRT  گيرۆ كرينه‌ وپشكه‌كا مه‌زن ژ كارمه‌ندين وى كه‌نالى گه‌فێن مانگرتنێ وده‌ست ژكاربه‌ردانێ ژ وى كه‌نالى دكه‌ن، ژبه‌ر ڤێ چه‌ندێ دبيت ل ده‌مه‌كێ نێزيك ئه‌و كه‌نال بهێته‌ داخستن.

كارمه‌نده‌كێ به‌رێ يێ كه‌نالێ NRT دبێژيت” ل سالا 2015 كه‌نالێ NRT  بوويه‌ سيسته‌مێ HD  وژوى ده‌مى شاسوارى پارێ هه‌يڤا ده‌ستكرد يا كه‌نالى نه‌دايه‌ كو دبيته‌ نێزيكى چار مليۆن دۆلاران، له‌وما قه‌ره‌كێ مه‌زن يێ كه‌فتيه‌ سه‌ر وژبه‌ر ڤى چه‌ندێ دبيت كه‌نالى دائێخيت”.

وى كارمه‌ندێ به‌رێ يێ كه‌نالێ NRT زێده‌تر بۆ باسنيوز گۆت” شاسوار يێ كه‌فتيه‌ دبن قه‌ره‌كێ مه‌زن دا، ژبلى وى پارێ هه‌يڤا ده‌ستكرد، هه‌روه‌سا كوژمێ 30 هزار دۆلارێن كريا نڤيسينگه‌ها هه‌ولێرێ يا كه‌نالێ NRT يێ قه‌رداره‌ وهه‌تا نوكه‌ چو پاره‌كێ كريا نڤيسينگه‌ها هه‌ولێرێ نه‌دايه‌”.

ئاماژه‌ ب وێ چه‌ندێ ژى كر كو پێشتر شاسوارى بۆ وێ چه‌ندێ خوه‌ ژ قه‌رێن خودانێن پشكێن NRT ڤه‌دزيت، بانگه‌شا وێ چه‌ندێ دكر كو ئه‌و نه‌مايه‌ خودانێ كۆمپانيا ناليا وپشكێن چاڤيلاند، به‌لێ ئه‌و چه‌نده‌ راست نه‌بوو، چونكى به‌رى چه‌ند رۆژان ژبه‌ر كۆمێنته‌كێ، شاسوارى دو كارمه‌ندێن كه‌نالێ NRT ده‌ركرن، بێگومان ئه‌وژى به‌لگه‌يه‌ ل سه‌ر وێ چه‌ندێ كو شاسوارى چو پرۆژێن خوه‌ نه‌ فرۆتينه‌”.

ئه‌ڤه‌ دده‌مه‌كى دايه‌ كو شاسوار ژبلى كو پارێ 10 هزار خودانێن پشكێن چاڤيلاند يێ ل ده‌ف، پێشتر سيروان محه‌مه‌د به‌رپرسێ راگه‌هاندنا كاره‌با سلێمانيێ دكۆنگره‌كێ رۆژنامه‌ڤانى دا گۆتبوو” كاره‌با چاڤيلاند ب بريارا رێڤه‌به‌رێ گشتيێ كاره‌با سلێمانيێ يا هاتيه‌ برين كو ب پاره‌كێ مه‌زن يێ قه‌رداره‌ كو زێده‌تره‌ ژ 445 مليۆن ديناران، چه‌ندين جاران ژى بۆ كريه‌ قست، به‌لێ هه‌ر نه‌داينه‌، تاكو پارێ كاره‌بێ دده‌ن، ئه‌م كاره‌با چاڤيلاند ناده‌ين”.