ئه‌ڤرۆنيوز:
جيگرێ سه‌رۆكێ فراكسيۆنا پارتى ديموكراتى كوردستان ل په‌رله‌مانێ عيراقێ، شاخه‌وان عه‌بدوللا، راگه‌هاند، په‌رله‌مانێ عيراقێ مژوولى پلانه‌كا دى يه بۆ ده‌ركرنا قانوونه‌كێ بۆ هه‌لوه‌شاندنا ئێكجارى يا هه‌لبژارتنێن 12/5/2018.
شاخه‌وان عه‌بدوللا، جيگرێ سه‌رۆكێ فراكسيۆنا پارتى ديموكراتى كوردستان ل په‌رله‌مانێ عيراقێ گۆت” هه‌كه بزاڤه‌كا ب ڤى جۆرى ب سه‌ركه‌ڤيت، دێ عيراق به‌ر ب كاره‌ساته‌كا مه‌زن چيت”.
ناڤبرى زێده‌تر بۆ كوردستان تى ڤى گۆت”چه‌ند رۆژه هژماره‌كا ليستێن دناڤ په‌رله‌مانێ عيراقێ ب پشته‌ڤانيا سه‌رۆكێ په‌رله‌مانى وسه‌رۆكێ لژنا قانوونى ل په‌رله‌مانى، مژوولى به‌رهه‌ڤكرنا پرۆژه قانوونه‌كێ نه بۆ ره‌تكرنا ئه‌نجامێن هه‌لبژارتنان ودووباره ئه‌نجامدانا هه‌لبژارتنان”.
شاخه‌وانى ئاماژه كر كو” ئه‌و پرسه هنده‌ك يا ب زه‌حمه‌ته تاكو بۆ وان بچيته سه‌رى، چونكى دبيت بۆ راستڤه‌كرنا قانوونێ، نه‌شێن رێژا قانوونى دناڤ په‌رله‌مانى دا تمام بكه‌ن”.
نيشاندان
