ئه‌ڤرۆ نيوز:
رێكخراوا جيهانى يا گرێدايى نه‌ته‌وێن ئێكگرتى تايبه‌ت ب په‌نابه‌ر و كۆچبه‌ران ڤه ته‌نده‌ره‌ك پێشكێش كريه كو ئه‌ڤا ل خوارێ ژى ده‌قێ وێ يه:
ته‌نده‌ره‌ك ژ UNHCR
نووترين نووچه
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
- مستەفا كازمی: پێدڤییە سیستەمێ كونفیدرالی ل ئیراقێ بهێتە پەیڕەوكرن
- میسال ئالۆسی: سیاسەتا برسیكرنێ سیاسەتەكا فاشییانەیە.
- د. ڤیان سەبری: وەزیرێن كورد بۆ چارەسەركرنا كێشەیا مووچەی دێ ل گەل سۆدانی كۆمبن
- سەروەر هاواری: دەستەکەک د حوكمەتا ئیراقێ دا ناخوازیت كوردستان ببیتە خودانا هیچ تشتەكی
- نێچیرڤان بارزانی و وەزیرێ دەرڤە یێ ئەمریكا پەیوەندیێن هەولێرێ و واشنتۆنێ گەنگەشەكرن
- مەسرور بارزانی و جاكی رۆزن، ل سەر رێزگرتن و پاراستنا قەوارەیێ هەرێما كوردستانێ د هەڤڕابوون
- سەرۆكێ حوكمەتا هەرێمێ دوپاتیێ ل هنارتنا شایستەیێن دارایی یێن خەلكێ كوردستانێ دكەت
- هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
- نەهنارتنا مووچەیێن فەرمانبەرێن كوردستانێ بڕیارەكا سیاسییە دژی ئیرادەیا گەلێ كوردستانێ و قەوارەیێ هەرێمێ
سه‌ره‌كى Facebook
د هەیڤا رەمەزانێ دا 15 کەسان د روودانێن هاتنوچوونێ دا گیانێ خوە ژ دەستدایە
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ دا خویاکرن: د مەها رەمەزانێ دا 37 روودانێن هاتنوچوونێ ل سەرانسەری پارێزگەها دهۆکێ رووداینە و 61 کەس بووینە قوربانی.
ناڤهاتی زێدەتر دا دیارکرن : د ڤان 27 رۆژێن هەیڤا رەمەزانا پیرۆز دا 37 روودانێن هاتنوچوونێ ل پارێزگەها دهۆکێ رووداینە و د وان روودانان دا 15 کەسان گیانێ خوە ژ دەستدایە و هەروەسا 46 کەسێن دیتر ژی برینداربووینە.
وەلاتیەک د رووبارێ پیربب دا خەندقی
ئەڤرۆ نیوز ، بارزان مزووری :
ئەڤرۆ چارشەمبی 13.6.2018 وەلاتیەکێ عەرەب ب ناڤێ سالح فەتحی کو د ژیێ 11 سالیێ دایە د رووبارێ پیربب دا خەندقیە ، نۆشدارەکێ ژ نەخوشخانا شێخان یا گشتی بۆ ئەڤرۆ نیوز دیارکر : کۆ ئەڤرو دەمژمێر ١٠ سپێدێ تەرمێ گەنجەکێ 11 سالى گەھشتیە نەخوشخانا شێخان و پشتی پشکنین بو لەشێ وی ھاتینە کرن دیاربوو کو دناڤ رووباری گوندێ پیربب دا خەندقیە ، کو سەر ب قەزاشێخان ڤە یە ، ناڤبری دیارکر ژی تەرمێ وی گەنجی ھاتیە ڤەگوھاستن بو نۆشداریا داد ل دھوکێ.
قوناغا دویێ یا پرۆژێ نووژه‌نكرنا په‌رستگه‌ها لالش ب به‌رێ كه‌ڤنار دهێتە چێكرن
ئه‌ڤرۆ نیوز ، بارزان مزوورى:
لدووڤ بریارا میرێ ئێزدیان و جڤاتا روحانیا ئێزدیان قوناغا دویێ یا نووژه‌نكرنا په‌رستگه‌ها لالش ده‌سپێكر لدووڤ وى شێواز كو ده‌ست كارى ب ره‌سه‌ناتى و نه‌خشه و سیمایێ په‌رستگه‌هێ نه‌هێت كرن بتنێ هنده‌ك جهان چیمه‌نتو لێ هه‌یه ئه‌و جه دهێنە خراپكرن و به‌رێن تایبه‌ت ب ده‌ستێ هوستایێن كه‌ڤنار هاتیه چێكرن دهێت دانان ،به‌رى نها ژى د قوناغا ئێكێ جه‌ند جهێن پیرۆز ل په‌رستگه‌ها لالش هات بونه نوێژه‌نكرن به‌لێ نووژه‌نكرنا قوناغا دووێ پتر گرنگى دێ ب به‌رفره‌كرنا په‌رستگه‌هێ یه ژبه‌ركو د بیره‌وه‌رى و جه‌ژنێن ئێزدیان ل هه‌موو جیهانێ سه‌ره‌دانا په‌رستگه‌ها لالش دكه‌ن.
بابه چاویش، ئێك ژ كه‌ساتیێن پێش چاڤ ل په‌رستگه‌ها لالش بو ئه‌ڤرۆ نیوز ئاشكرا كر كو ئه‌م لدوڤ شیانێن خو صندوقا میرێ ئێزدیان و هاریكاریا خێرخازێن ئێزدیان ئه‌ڤ قوناغه هێدى هێدى دهێت دروست كرن ئه‌و جهێن چیمه‌نتو و بلوك دهێت خراپكرن و به‌ره‌كێ تایبه‌ت دێ ل وى جهى هێت دانان لدوڤ سیسته‌مێ وێ ماستر پلانا نوێژه‌نكرنا لالش ئه‌ڤ قوناغه دێ ب رێڤه چیت.
برین جندى،ئێك ژ شه‌هره‌زایێن دروست كرنا به‌رێ ل په‌رستگه‌هێ دهێت دانان بو ئه‌ڤرۆ نیوز دیار كر كو هه‌ر جهه‌كێ دناڤ په‌رستگه‌ها لالش پێتڤى ب نوێژه‌نكرنێ بیت ئه‌م دێ كار كه‌ین دڤێ قوناغا دووێ دا بو د نها دا كار ل سه‌ر دروست كرنا رێكا شێخ مه‌ند حه‌تا په‌رستگه‌ها لالش لدوڤ شێوازێ به‌رێ كه‌ڤنار كو ب ده‌ستێن هوستاییێن شه‌هره‌زا هاتیه دروست كرن ل وان جهان دهێت دانان.
لوقمان سلێمان،به‌رپرسێ نڤیسنگه‌ها په‌رستگه‌ها لالش بو ئه‌ڤرۆ نیوز دیار كر كو لدوڤ بریارا میرێ ئێزدیان كو ئه‌و جهێن پیرۆز یێن ئاینى بهێن پاراستن ژبه‌ركو پاراستنا جهێن پیرۆز یێن ئاینى دناڤ په‌رستگه‌هێ پیرۆزتره ژ نووژه‌نكرنێ .
قوناغا دویێ یا پرۆژێ نووژه‌نكرنا په‌رستگه‌ها لالش ب به‌رێ كه‌ڤنار دهێتە چێكرن
ئه‌ڤرۆ نیوز ، بارزان مزوورى:
لدووڤ بریارا میرێ ئێزدیان و جڤاتا روحانیا ئێزدیان قوناغا دویێ یا نووژه‌نكرنا په‌رستگه‌ها لالش ده‌سپێكر لدووڤ وى شێواز كو ده‌ست كارى ب ره‌سه‌ناتى و نه‌خشه و سیمایێ په‌رستگه‌هێ نه‌هێت كرن بتنێ هنده‌ك جهان چیمه‌نتو لێ هه‌یه ئه‌و جه دهێنە خراپكرن و به‌رێن تایبه‌ت ب ده‌ستێ هوستایێن كه‌ڤنار هاتیه چێكرن دهێت دانان ،به‌رى نها ژى د قوناغا ئێكێ جه‌ند جهێن پیرۆز ل په‌رستگه‌ها لالش هات بونه نوێژه‌نكرن به‌لێ نوێژه‌نكرنا قوناغا دووێ پتر گرنگى دێ ب به‌رفره‌كرنا په‌رستگه‌هێ یه ژبه‌ركو د بیره‌وه‌رى و جه‌ژنێن ئێزدیان ل هه‌موو جیهانێ سه‌ره‌دانا په‌رستگه‌ها لالش دكه‌ن.
بابه چاویش، ئێك ژ كه‌ساتیێن پێش چاڤ ل په‌رستگه‌ها لالش بو ئه‌ڤرۆ نیوز ئاشكرا كر كو ئه‌م لدوڤ شیانێن خو صندوقا میرێ ئێزدیان و هاریكاریا خێرخازێن ئێزدیان ئه‌ڤ قوناغه هێدى هێدى دهێت دروست كرن ئه‌و جهێن چیمه‌نتو و بلوك دهێت خراپكرن و به‌ره‌كێ تایبه‌ت دێ ل وى جهى هێت دانان لدوڤ سیسته‌مێ وێ ماستر پلانا نوێژه‌نكرنا لالش ئه‌ڤ قوناغه دێ ب رێڤه چیت.
برین جندى،ئێك ژ شه‌هره‌زایێن دروست كرنا به‌رێ ل په‌رستگه‌هێ دهێت دانان بو ئه‌ڤرۆ نیوز دیار كر كو هه‌ر جهه‌كێ دناڤ په‌رستگه‌ها لالش پێتڤى ب نوێژه‌نكرنێ بیت ئه‌م دێ كار كه‌ین دڤێ قوناغا دووێ دا بو د نها دا كار ل سه‌ر دروست كرنا رێكا شێخ مه‌ند حه‌تا په‌رستگه‌ها لالش لدوڤ شێوازێ به‌رێ كه‌ڤنار كو ب ده‌ستێن هوستاییێن شه‌هره‌زا هاتیه دروست كرن ل وان جهان دهێت دانان.
لوقمان سلێمان،به‌رپرسێ نڤیسنگه‌ها په‌رستگه‌ها لالش بو ئه‌ڤرۆ نیوز دیار كر كو لدوڤ بریارا میرێ ئێزدیان كو ئه‌و جهێن پیرۆز یێن ئاینى بهێن پاراستن ژبه‌ركو پاراستنا جهێن پیرۆز یێن ئاینى دناڤ په‌رستگه‌هێ پیرۆزتره ژ نوێژه‌نكرنێ .
فلمەکێ کوردی خەلاتەکێ جیهانی وەرگرت
ئەڤرۆ نیوز ، زنار تۆڤی :
فلمەکێ دەرهێنەرێ کورد و کورێ باژێرێ دهۆکێ خەلاتەکێ نێڤدەولەتی ل وەلاتێ رۆمانیا وەرگرت.
د ڤی واریدا رزگار حسێن دەرهێنەرێ فلمێ قوربانی بۆ ئەڤرۆ نیوز گوت : کو فلمێ قوربانی ل خولا 13 ل فيستيڤالا نێڤدەولەتی یا (12مونت فيلم فستيڤال) ل وەلاتێ رۆمانيا پشکداری کریە ، کو دڤێ فیستیڤالێ دا هەڤركی دناڤبەرا 14 فلمان دا بوویە و فلمێ وان شیا خەلاتێ دویێ ل وێ فیستیڤالێ ب ناڤێ ئێكسپريمانتال ب دەستڤە بینیت ، دیسا ئەڤ فلمە نوکە ل فستيڤالا جاگار ل نيودەلهى د پێشبرکا فيستيڤالێ دايه ، ئەڤ فلمە ل سەر كێشێن جڤاکیە و ل دهۆكێ هاتيه وێنەکرن و ژ بەرهەمئینانا يوسف حسێن عەبدوللا يه.
ناڤهاتی گوت ژی : كومەکا هونەرمەندێن دهۆكێ پشکداری د ڤی فلمی دا کریە ، کو ئەو ژی هونەرمەندان عومەر تۆڤى ، عادل عەبدولرەحمان ، ماجد وەيسى ، عەبدولسەلام سلێمان ، هەروەسا هونەرمەندێ بەرنياس حسێن حەسەن رۆلێ ئەکتەرێ سەرەکی د ڤی فلمی دا ل گەل كچا باژێرێ دهۆكێ رەنا سەورى و دیسا چريكه عەبەرەش ژی ئەكتەرا باژێرێ سلێمانیێ رۆلێ دویێ یێ ئافرەتێ دڤی فلمی دا دگێريت.
سائیرون و فەتح: ده‌رگه‌هێ مه بۆ كوردان يێ ڤه‌كريه
ئه‌ڤرۆنيوز:
په‌يڤدارێ موقته‌دا سه‌در، رێبه‌رێ ره‌وتێ سه‌درى وسه‌رۆكێ هه‌ڤپه‌يمانيا سائيرون دبه‌ياننامه‌كێ دا راگه‌هاند، ده‌رگه‌ه بۆ كوردان وهه‌ڤپه‌يمانيا نه‌سر ب سه‌رۆكايه‌تيا حه‌سده‌ر عه‌بادى دڤه‌كرينه بهێن دناڤ هه‌ڤپه‌يمانيا نوو يا سائيرون وفه‌تح دا.
جه‌عفه‌ر موسه‌وى، په‌يڤدارێ موقته‌دا سه‌در گۆت ژى” رێككه‌فتنه‌كا پێشتر ل گه‌ل ره‌وتێ حيكمه ب سه‌رۆكاتيا عه‌مار حه‌كيم ووه‌ته‌نيه ب سه‌رۆكاتيا ئه‌ياد عه‌لاوى يا هه‌ى”.
شه‌ڤا بۆرى ژى، پارتى ديموكراتى كوردستان وئێكه‌تى نيشتمانى كوردستان دبه‌ياننامه‌كا هه‌ڤپشك دا پێشوازى ل پێكئينانا هه‌ڤپه‌يمانيا نوو دناڤبه‌را سائيرون وفه‌تح كر وب پێنگاڤه‌كا ئه‌رێنى هژمارت.
دهه‌لبژارتنێن په‌رله‌مانێ عيراقێ دا، هه‌ڤپه‌يمانيا سائيرون ب ده‌ستڤه‌ئينانا 54 كورسيان پلا ئێكێ ب ده‌ستڤه‌ئينا وهه‌ڤپه‌يمانيا فه‌تح ب 47 كورسيان پلا دويێ ب ده‌ستڤه‌ئينا.
یاریكه‌ره‌كێ به‌رێ یێ ریال مه‌درید بۆ راهێنه‌رێ هه‌لبژارتیێ ئیسپانیا
ئه‌ڤرۆنیوز:
ئێكه‌تیا ته‌پا پێى یا ئیسپانیا پشتى ئه‌ڤرۆ چارشه‌مبى 13/6/2018 راهێنه‌رێ هه‌لبژارتیێ ئیسپانیا جایین لوبیتجی لاداى، فرناندۆ هیرۆ وه‌كو راهێنه‌رێ نوو دیاركر.
لادانا لوبیتجى ژئه‌ركێ راهێنه‌ریا هه‌لبژارتیێ ئیسپانیا پشتى وێ چه‌ندێ هات پشتى یانا ریال مه‌درید یا ئیسپانى راگه‌هاندى كو ئه‌و دێ بیته راهینه‌رێ ریال مه‌درید ل دووڤ گرێبه‌سته‌كا سێ سالى ل شوینا زێدانى.
سه‌رۆكێ ئێكه‌تیا ته‌پا پێى یا ئیسپانى دیاركر كو ئیمزاكرنا لوبیتجى بۆ گرێستا خوه ل گه‌ل ریال مه‌درید بێ ئاگه‌هداریا ئێكه‌تیا ته‌پا پێى یا ئیسپانى بوو.
فرناندۆ هيرۆ ياريكه‌رێ به‌رێ يێ هه‌لبژارتيێ ئيسپانيا ويانا ريال مه‌دريد، ژدايكبوويێ 1968 يه، 598 يارى بۆ ريال مه‌دريد كرينه تێدا 126 گۆل تۆماركرينه ل سالا 2003 ژيانا ريال مه‌دريد چو يانا ره‌يان يا قه‌ته‌رى. ديسا پشتى مونديالا 2002 ل كوريا وچاپۆن دناڤ هه‌لبژارتيێ ئيسپانيا دا نه‌مابوو.
ل قه‌ره‌ته‌به داعشێ گونده‌ك داگیركر
ئه‌ڤرۆ نیۆز،عه‌زیز هه‌ورامی
پشتى روودانێن 16 ئوكتۆبه‌رێ ره‌وشا ئێمناهیێ ل سنورێ ده‌ڤه‌رێن كوردستانى یێن ده‌ڤه‌رێن كوردستانى یێن ده‌رڤه‌ى ئیدارا هه‌رێمێ هاتیه تێكدان وتیرۆرستێن داعشێ لڤینێن خوه به‌رفره‌هتر لێكرینه ل چیایێن حه‌مرین وگوندێن وان ده‌ڤه‌ران وخوه رێكخستیه وهه‌ر شه‌ڤ كارێن تیرۆرستى ئه‌نجام دده‌ن، هێزێن عیراقى ژى نه‌شێن ل به‌رامبه‌ر وان چ بكه‌ن.
كه‌مال ئیبراهیم، به‌رپرسێ ناوچا برایه‌تى یا پارتى دیموكراتى كوردستان ل قه‌ره‌ته‌په بۆ ئه‌ڤرۆنیوز گۆت” داعش ل چیایێن حه‌مرین وگوندێن ده‌وروبه‌ر گه‌له‌ك یا به‌رفرهه بووى وهه‌ر شه‌ڤ هێرشێ دكه‌ته سه‌ر هێزێن عیراقى وگوندێن كوردى ل وێ ده‌ڤه‌رێ”.
ل شه‌ڤا بۆرى، تیرۆرستێن داعشێ هێرش كریه سه‌ر هێزێن عیراقى ل گونده‌كێ سه‌ر ب قه‌ره‌ته‌په ڤه وباره‌گایێ هێزێن عیراقى گرت، كه‌مال یوسف ئاماژه ب وێ چه‌ندێ دا وگۆت” ل شه‌ڤا بۆرى تیرۆرستێن داعشێ ب دو ترومبێلێن ده‌بل نیسان وشه‌ش ماتۆرسیكلان ب چه‌كێ گران وسڤك هێرش كر سه‌ر سریا فه‌وجا 3 یا سه‌ر ب فرقا 5 یا له‌شكرێ عیراقێ ل گوندێ عه‌وامر وپشتى شه‌ره‌كێ دژوار، هێزێن عیراقى خوه ڤه‌كێشا وداعشێ جهێ وان كونترۆلكر ول سه‌ر رێیا ڤه‌كێشانا هێزێن عیراقى، داعشێ شه‌ش بۆمبه دانابوون وب وان هێزان ڤه په‌قین وچه‌ندین سه‌ربازێن عیراقى برینداركرن وپشتى ده‌مژمێره‌كێ ژ داگیركرنا وى گوندى، تیرۆرستێن داعشێ خوه ڤه‌كێشا بۆ وى جهێ ژێ هاتین”.
كه‌مالى گۆت ژى” داعش ل گوندێن ده‌وروبه‌رێ قه‌ره‌ته‌په وچیایێن حه‌مرین خوه رێكخستیه كو ل سنوری مه وه‌كو پێزانین گه‌هشتینه مه زێده‌تر ژ 1500 چه‌كدارێن داعشێ یا خوه رێكخستى ب چه‌كێ گران وسڤك وهه‌موو پێدڤى یێن هه‌ین بۆ هێرشكرنێ ویێن دابه‌ش بووین بۆ شه‌ش گرۆپان”.
ليستا حيكمه:ئه‌م پشكه‌كێن ژ هه‌ڤپه‌يمانيا سائيرون وفه‌تح
ئه‌ڤرۆنيوز:
سه‌ركرده‌كێ ره‌وتێ حيكمه ب سه‌رۆكاتيا عه‌مار حه‌كيم راگه‌هاند، ليستا حيكمه پشكه‌كا سه‌ره‌كى يه دهه‌ڤپه‌يمانيا سائيرون وفه‌تح دا ئه‌وا هاتيه پێكئينان بۆ دروستكرنا مه‌زنترين هه‌ڤپه‌يمانيا په‌رله‌مانى.
عه‌باس عيساوى، ئه‌ندامێ مه‌كته‌با سياسى يا ره‌وتێ حيكمه گۆت” ل دووڤ هه‌ڤپه‌يمانيا سائيرون وفه‌تح، رێككه‌فتن ل سه‌ر به‌رنامه‌كێ رۆهن هاتيه كر كو تێدا ژڤانێ دابينكرنا خزمه‌تكاريان بۆ وه‌لاتيێن عيراقى هاتينه دياكرن دبياڤێن ئاكنجيبوونێ وساخله‌ميێ وچاندنێ وپيشه‌سازيێ”.
عيساوى زێده‌تر بۆ مالپه‌رێ (المريد) يێ عيراقى گۆت” هه‌ر كه‌سه‌كێ دبيته سه‌رۆك وه‌زيرين عيراقێ پێدڤيه ل سه‌ر وى پێگيريێ ب وان ژڤانان بكه‌ت”.
نيشاندان
WP Facebook Auto Publish Powered By : XYZScripts.com