ئاكرێ، سەباح زوهێر:
رەزڤانەكێ گوندێ شۆش بۆ ئەڤرۆنيوز دیاركر كو ژئەگەرێ بەربوونا ئاگری دناڤ رەزێن گوندی دا هژمارەكا رەزێن گوندێ شۆش هاتنە سوتن وزیانەكا مه‌زن ب جوتیارێن گوندی كەفت .
دياركر ژى كو پتریا ئەو رەزێن هاتینە سوتن بەرهەمێ وان پێك دهات ژ( هنار، هژیر، زەیتون تری، سماق) هەمی ژی هاتنە سوتن و كو ماوێ پێنج دەمژمێران ئاگر پێڤەبوو، هەرچەندە هەموو خەلكێ گوندی بزاڤا ڤەمراندنا ئاگری كر، لێ كونترولكرنا وى دشیانێن وان دا نەبوون.
فیراس یاسین، بەرپرسێ پەیوەندی و راگەهاندنا بەرەڤانیا باژێری ل ئاكرێ گۆت” ئەو جهێ ئاگر بەربوویێ گەلەك يێ ئاسێ بوو و ب چو شێوەكی ترومبێلێن ڤەمراندنا ئاگری نە دگەهشتنێ، لەوما كونترولكرنا ئاگری ب زەحمەت كەفت، لێ ب دەست خوه‌شی ڤە ب هاريكاریا خەلكێ گوندی و كارمەندێن ئاگر ڤەمراندنێ ئاگر هاتە كونترولكرن، لێ زیان ب جوتیاران كەفت، هەرچەندە هەتا نها ئەگەرێ ڤێ بوویەرێ ب دروستی نەهاتیە زانین، لێ مە لژنەك پێكئینایە بۆ دووڤچوونا بابەتی”.
نيشاندان
