ئه‌ڤرۆ نیوز:
چاڤه‌رێ دهێته‌کرن ئه‌ڤ شه‌ڤه ل یاریگه‌ها ته‌نچه ل وه‌لاتێ مه‌غره‌ب یاریا دووماهیا سوپه‌را ئیسپانیا دناڤبه‌را به‌رشه‌لونا و سیڤلیا بهێته‌کرن.
به‌رشه‌لونا دێ بزاڤێ که‌ت بۆ برنا ناسناڤێ ١٣ کو به‌ری نوکه ١٢ جاران ناسناڤێ سوپه‌را ئیسپانیا ب ده‌ستخوڤه بریه به‌رامبه‌ر سیڤلیا بتنێ جاره‌ک ب ده‌ستخوڤه بریه ئه‌وژی ل سالا ٢٠٠٧ ده‌ستخوڤه بریه.
پێکهاتیێ چاڤه‌رێکری یێ هه‌ردو یانێن به‌رشه‌لۆنا و سیڤلیا بۆ یاریا ئه‌ڤ شه‌ڤه.
ئه‌ڤرۆ نیوز، نه‌وزاد هلۆرى:
كومسیۆنا بلند یا هه‌لبژارتن و راپرسیان ل هه‌رێما كوردستانێ رۆژێن بانگه‌شێ بۆ هه‌لبژارتنێن په‌رله‌مانێ كوردستانێ دیاركرن.
كۆمسیۆنێ رۆژا 5/9/2018 وه‌كو ده‌ستپێك بۆ بانگه‌شا هه‌لبژارتنان دياركر كو ل رۆژا 28/9/2018 دێ بانگه‌شه ب دووماهى هێت كو به‌رى ئه‌نجامدانا هه‌لبژارتنان ب 48 ده‌مژمێران بانگه‌شه دێ هێته راوستاندن.
برياره هه‌لبژارتێن په‌رله‌مانێ كوردستانێ ل 30/9/2018 بهێنه ئه‌نجامدان.
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ ئێكشه‌مبى 12/8/2018 پێشوازى ل عه‌لى قه‌ره‌داغى ئه‌ميندارێ گشتيێ ئێكه‌تيا جيهانى يا زانايێن موسلمان وسه‌رۆكێ رابيتا ئيسلامى يا كوردى وشانده‌كێ دگه‌لدا كر كو پێكهاتبوون ژ سه‌رۆك وئه‌ندامێن ده‌سته‌يا كارگێرى يا رابيتا ئيسلامى يا كورد.
دديداره‌كێ دا ره‌وشا سياسى ودووماهى پێشهاتێن عيراقێ وده‌ڤه‌رێ وروودانێن پشتى ريفراندۆمێ هاتن به‌حسكرن ودووپاتى ل ره‌وايه‌تيا مافێن گه‌لێ كوردستانێ وره‌تكرنا سه‌پاندنێ ل سه‌ر گه‌لێ كوردستانێ هاته كرن.
هه‌ر ل وێ كۆمبوونێ هه‌ردولا بۆچوونێن خوه ل دۆر هه‌لبژارتنێن هه‌يڤا ئيلۆنا داهاتى وپێدڤيا كاركرنێ ودانانا به‌رنامه‌كى ژلايێ حوكمه‌تا هه‌رێما كوردستانێ ڤه بۆ باشتركرنا ژيانا وه‌لاتيان، ئالوگوركرن.
ئه‌ڤرۆ نیۆز،عه‌زیز هه‌ورامی
دروودانه‌كا پێكدانانا دو ترومبێلان دا ئه‌ڤرۆ ئێكشه‌مبى 12/8/2018 ل سه‌ر رێيا گه‌رميان – سلێمانى، سێ كه‌سان گيانێ خوه ژده‌ست دا.
رێڤه‌به‌ريا هاتنوچوونا گه‌رميان راگه‌هاند” دروودانا پێكدادانا دو ترومبێلێن ژ جۆرێن تويۆتا لاندگرۆزو تويۆتا پيكه‌ب، سێ كه‌سان ژ هه‌ردو ترومبێلان گيانێ خوه ژده‌ست دا”.
دياركر ژى”شۆفێر ونه‌فه‌ره‌كێ تويۆتا لاندگرۆز گيانێ خوه ژده‌ستدان و شوفێرێ تويۆتا پيكه‌ب ژى گيانێ خوه ژده‌ستدا دوێ روودانێ دا”.
خوياكر” ته‌رمێن هه‌رسێ كه‌سان هاتن هنارتن بۆ نوشداريا داد ل سلێمانيێ وڤه‌كۆلين دروودانێ دا يا به‌رده‌وامه”.
ئه‌ڤرۆ نیوز، هه‌ژار مه‌عروف:
ئێکه‌تیا ته‌پا پێ یا کوردستانێ ئه‌ڤرۆ د کومبوونا خوه یا حه‌فتیانه دا ب فه‌رمی ل سه‌ر ده‌ست کارکێشانا نوونه‌رێ پارێزگه‌ها دهۆک و ئه‌ندامێ ئێکه‌تیا ته‌پا پێ ئازاد عه‌جیل رازیبو، هه‌ردیسان ب فه‌رمی ل سه‌ر داخوازیا نوونه‌راتیا لژنه‌یا ئولومپی یا دهۆک رازیبوو کو قاسم سالح وه‌کو نوونه‌رێ نوو یێ پارێرگه‌ها دهۆکێ بهێته ده‌ست نیشانکر ل جهێ ئازاد عه‌جیل ل ئێکه‌تیا ته‌پا پی یا کوردستانێ.
هه‌ردیسان ئێکه‌تیا ته‌پا پێ یا کوردستانێ د کومبوونا خوه ئه‌ڤرۆ دا سوپاسیا ئازاد عه‌جیل کر بۆ خزمه‌تا وی و ماندیبوونا وی ل ماوێ چه‌ند سالێن بوری و داخازا سه‌رکه‌فتنێ بو خواست.
ئەڤرۆ، سالار دۆسكی:
د.عەبدالرزاق حاجی، بەرپرسێ پشكا ساخلەمیێ ل ڤیتەرنەری یا دهۆك بۆ رۆژناما ئەڤرۆ ئاشكراكر كو كۆمپانیێن ئینانا گولكان گەهشتنە 60 كۆمپانیان كو كومپانیێن كاركرنێ بتنێ 42 كۆمپانی نە و هەژمارەك ژی یێ دكاری دا نێزیك دێ دەستیردانێ وەرگرن و هەموو دێ بنە 60 كۆمپانیێن ئینانا گولكان بۆ هه‌رێما كوردستانێ و پارێزگەها دهۆكێ.
د.عەبدالرزاق دياركر كو رێژا ئینانا گولكان ل سەرانسەری هەرێما كوردستانێ ل دووڤ رێژا ئاكنجیبوونێ دهێتەدانان، رێژا پارێزگەها دهۆكێ پێنج هزار سەرێن گولكانە هەیڤانە ، ژبەر هاتنا جەژنا قوربانی و خواستا خەلكی ل سەر گوشتی ئەڤ رێژە هاتیە زێدەكرن بۆ 10 هزار سەرێن گولكی و ئەڤە دێ ل سەربرخانا دهۆكێ هێنە سەرژێكرن.
ئه‌ڤرۆ نیوز، هه‌ژار مه‌عروف:
ئێکه‌تیا ته‌پا پێ یا عیراقێ ل سه‌ر داخوازیا ئێکه‌تیا ته‌پا پێ یا کوێت رازیبوو پشتی ل ماوێ بوری کوێتێ داخازی ژ عیراقێ کری بۆ ئه‌نجامدانا یاریه‌کا هه‌ڤالینی ل ١٠-٩-٢٠١٨ ل وه‌لاتێ کوێت
دناڤبه‌را هه‌ردو هه‌لبژارتیێن کوێت و عیراق و د کومبوونا خوه ئه‌ڤرۆ دا ئێکه‌تیا ته‌پا پێ یا عیراقی ب فه‌رمی رازه‌مه‌ندیا خوه ل سه‌ر وێ یاریا هه‌ڤالینی دا.
ئه‌ڤرو نیوز ، فاتما مزووری:
هێشتا خوه‌نیشاندان ل پارێزگه‌هێن باشوورێ عیراقێ د به‌رده‌وامن و لدووڤ چه‌ندین وێنێن کو ژ ئالیێ چالاكڤانان ڤه هاتینه به‌لاڤ كرن، ئەڤۆ 12/8/2018 خوه‌نیشانده‌رێن پارێزگه‌ها به‌سرا رێیا سه‌ره‌كی یا ده‌رگه‌هێ سه‌فوان یا سنۆری ل گه‌ل كوێتێ گرتن و رێ نه‌دا ترۆمبێل ده‌رباز ببن.
خوه‌نیشاندانێن باژێرێ به‌سره و پارێزگه‌هێن دن یێن عیراقێ، 8 تیرمه‌ها 2018 ده‌ستپێكرینە و رۆژ ب رۆژ بەرفرەهتر دبن، هەروەسا پ ئەنجامێ ب كارئینانا توندیێ ژ ئالیێ هێزێن ئەمنی ڤه، ب ده‌هان خوه‌نیشانده‌ر و ئەندامێن هێزێن ئەمنی هاتینە كوشتن و برینداركرن.
خوه‌نیشاندانێن باشورێ عیراقێ ب ئەگەرێ نه‌بوونا خزمه‌تكاری و بێكاری و نه‌بوونا ئاڤ و كاره‌بێ و زێده‌بوونا گه‌نده‌لیێ ده‌ركه‌فتینە و هه‌ر ئێک ژ پارێزگه‌هێن (به‌سرا، موسه‌ننا، زیقار، میسان، دیوانیه، واست، نه‌جه‌ف، كه‌ربه‌لا و بابل ڤەگرتینە، هەر چەندە حوکمە‌تا عیراقێ سۆزا بجهئینانا چەندین داخوازیێن خوه‌نیشانده‌ران دایه، لێ باوه‌ریا خه‌لكێ ب سۆزێن حوكمه‌تێ نه‌ما یه و رۆژانه ل ناڤچه‌یێن جودا خوه‌نیشاندان دهێنە ئەنجامدان.
ئه‌ڤرۆ نیوز، هه‌ژار مه‌عروف:
پشتی ل وه‌رزێ بوری تیما ته‌پا پێ یا زاخۆ ل هه‌ردوو خولێن کوردستانێ و عیراقێ نه‌شیای ئه‌نجامێن باش توماربکه‌ت و ل خۆلا عیراقێ پاشڤه ڤه‌گه‌ریا خۆلا پلا ئێک و ل خۆلا کوردستانێ ژی ره‌وشا وێ نه یا باش بوو.
ده‌سته‌یا کارگێریا یانا زاخۆ ده‌ست ب دانوستاندنان کریه بۆ ئیمزاکرنا راهێنه‌ره‌کێ سوری کو به‌ری نوکه ژی ل یانا زاخۆ کارکریه وه‌کو هاریکارێ راهێنه‌رێ خۆلا عیراقێ و هه‌ردیسان راهێنه‌ریا تیما خۆلا کوردستانێ ژی وه‌رگرت بوو.
ژێده‌ره‌کێ نێزیک ژ یانا زاخۆ بۆ ئه‌ڤرۆ نیوز دیارکر زاخۆ ده‌ست ب دانوستاندنان کریه ل گه‌ل راهێنه‌رێ سوری فواز مه‌ندو کو هه‌تا راده‌یه‌کی گه‌هشتنه ریککه‌فتنێ ل گه‌ل راهێنه‌رێ ناڤبری و راهێنه‌ری ژی رازه‌مه‌ندیا خوه دیارکریه بۆ وه‌رگرتنا پوستێ راهێنه‌ریا زاخۆ کو کارگێریا زاخۆ ژی ئه‌ڤ راهێنه‌ره هه‌لبژارتیێ یه بۆ وێ چه‌ندی شاره‌زایه‌کا باش هه‌یه ل سه‌ر یانا زاخۆ هه‌ردیسان خۆلا کوردستانێ و عیراقێ و ناڤبرێ دێ سه‌رپه‌رشتیا هه‌ردو تیمێن کوردستانێ و عیراقێ که‌ت.
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ جڤاتا پارێزگه‌ها دهۆكێ راگه‌هاند كو بڕيارا ده‌ست ب كاربوونا پێنج رێڤه‌به‌رێن گشتى ل پارێزگه‌ها دهۆكێ ژ جڤاتا وه‌زيرێن هه‌رێما كوردستانێ ده‌ركه‌فت.
فه‌هيم عه‌بدولا حه‌مۆ، سه‌رۆكێ جڤاتا پارێزگه‌ها دهۆكێ د داخۆيانيه‌كا تايبه‌ت دا بۆ ئه‌ڤرۆ نيوز گۆت: “بڕيارا ده‌ست ب كاربوونا هه‌ر پێنج رێڤه‌به‌رێن گشتى يێن پێشتر ژ لايێ جڤاتا پارێزگه‌ها دهۆكێ بۆ جڤاتا وه‌زيران ڤه هاتينه بلندكرن ده‌ركه‌فت و دێ ده‌ست ب كار بن”.
پێشتر جڤاتا پارێزگه‌ها دهۆكێ هه‌ر ئێك ژ ديار به‌حرى ره‌سۆل وه‌كو رێڤه‌به‌رێ گشتى يێ باژێرڤانيان ل پارێزگه‌ها دهۆكێ، كوردۆ ئيحسان عه‌بدولسه‌مه‌د وه‌كو رێڤه‌به‌رێ گشتيێ وه‌به‌رهێنانێ، عومه‌ر عه‌لى تاهر وه‌كو رێڤه‌به‌رێ گشتى يێ په‌روه‌ردێ، شێرزاد حه‌ميد حه‌سه‌ن وه‌كو رێڤه‌به‌رێ گشتى يێ چاڤدێريا جڤاكى و ژيان مسته‌فا تاها وه‌كو رێڤه‌به‌را گشتى يا شه‌هيد و ئه‌نفالكريان په‌سه‌ند كربوون و بۆ جڤاتا وه‌زيران ره‌وانه كربوون ب مه‌ره‌ما ره‌زامه‌نديێ ل سه‌ر ناڤ و پۆستان.
نيشاندان