ئەڤرۆ نیوز،ھەژار مەعروف:

تیما تەپا پێ یا ھەولێر نه‌شیا مفا ژ ئه‌رد و جه‌ماوه‌رێ خوه‌ بینت پشتی دناڤا ئه‌رد و جه‌ماوه‌رێ خوه‌ دا وه‌کهه‌ڤبووی ل گه‌ل یانا موسل ب دو گولان بۆ هه‌ر تیمه‌کێ  دوێ یاریێ دا ئه‌وا به‌ری دەمەکێ کێم ب دووماهیی هاتی ل یاریگه‌ها  فرەنسو حەریری ژ چارچوڤێ یاریێن گەرا دوێ ژ کوما دوێ ژ قوناغا دووماھیێ ژ خۆلا پلا ئێک بوو ده‌ربازبوونێ بۆ خۆلا پلا نایاب.

کو دڤێ یاریێ دا یانا هه‌ولێرێ ب تمامی کونترولا یاریێ کربوو لێ یانا موسل پشت به‌ستن ل سه‌ر هێرشێن هه‌ڤدژ کربوون و شیا دو گولان ب هێرشێن هه‌ڤدژ تومارکرن و یانا هه‌ولێرێ ده‌ستپێکێ پێشکه‌ڤت بوو ب گولا یاریزانێ خوه‌ یێ به‌رازیلی تیاگو لێ به‌ری ب دووماهیی هاتنا نیڤا ئێکێ ب خوله‌که‌کێ موسل گۆلا وه‌کهه‌ڤی تومارکر و ل خوله‌کا ٧٦ موسل  گولا دوێ تومارکر لێ موسلیان گه‌له‌ک که‌یڤ ب وێ گولێ نه‌بر یاریزانێ پێگوهور یێ یانا هه‌ولێرێ ئیڤان خالد ب شاشیه‌کا گولچیێ موسل گولا وه‌کهه‌ڤیێ توماركر و پشتی ڤێ گولێ یانا هه‌ولێر گڤاشتنێن مه‌زن ل سه‌ر گولا موسل کرن لێ هه‌موو د بێ مفابوون و هه‌تا فیرکا دووماهیێ یا دادڤانێ یاریێ و هه‌ولێر ب ڤی ئه‌نجامی خالێن خوه‌ گه‌هاندنا ٤ خالان و موسل خالێن وێ بونه‌ ٢ خال ژ دو یاریان.

ھەژی گوتنێ یە ١٢ یانە د پشکدارن د قوناغا دووماھیی بۆ دەربازبوونێ بۆ خولا پلا نایاب یا عیراقێ و ئەو ١٢ یانە ھاتینە بەلاڤەکرن ل سەر دو کومان کو ھەر کومەکێ ئێک یانە دەربازی قوناغا خۆلا پلا نایاب بەت کو یاریێن کوما ئێکێ ل بەغدا دھێنەکرن یانا کەرخ مێڤانداریا وێ کومێ کریە و یاریێن کوما دوێ یانا ھەولێر مێڤانداری کریە و ھەمی یاری ل یاریگەھێن باژێرێ ھەولێر دھێنەکرن .

ئەڤرۆ نیوز،ھەژار مەعروف:
تیما تەپا پێ یا برایەتی نوونەرا دوێ یا ھەرێما کوردستانێ د یاریێن دووماھیێ ژ خۆلا پلا ئێک بۆ دەربازبوونێ بۆ پلا نایاب توشی خوسارەتیێ بوو ل سەر دەستێ یانا کەرخ مێڤاندارا کومای ئێکێ ب دو گولان بێ بەرامبەر دوێ یاریێ دا ئەوا بەری دەمەکێ کێم ل یاریگەھا کەرخ ب دووماھیی ھاتی کو دڤێ یاریێ دا یانا برایەتی ھەموو شیانێن خوە تەرخانکرن بوو وێ چەندێ خوسارەت نەبیت ژبەرکو خوسارەتیا وێ دڤێ یاریێ دا بۆ وێ ب لاوازی ڤەگەریت و ھێزەکا مەزن دەتە ھەڤرکا خوە یانا کەرخ ژبەرکو وەسا دھێتە چاڤەرێکرن ھەردو یانێن برایەتی و کەرخ دێ ھەڤرکیا ئێک کەن.
ب ڤێ سەرکەفتنێ یانا کەرخ خالێن خوە گەھاندنە شەش خالان و خالێن برایەتی ھەر مان سێ خال

ئەڤرۆ نیوز،ھەژار مەعروف:
ل ماوێ چەند رۆژێن بوری سەرۆکێ ئێکەتیا تەپا پێ یا ئیرانی مەھدی تاج سەرەدانا ھەولێرا پایتەختێ کوردستانێ کربوو ب ئەنجامدانا چەند کاران و د وێ سەرەدانێ دا سەرۆکێ ئێکەتیا تەپا پێ یا ئیرانی چاڤ ب چەندین بەرپرسێن وەرزشی یێن عیراقی و کوردستانی کەڤت ژ ئەوانان سەرەدانا بارەگایێ ئێکەتیا تەپا پێ یا کوردستانێ کر ل گەل سەرۆکێ ئێکەتیا تەپا پێ یا کوردستانێ سەفین کانەبی کومبوو بەحس ل رەوشا وەرزشا کوردستانێ کر ھەردیسان د وێ رونشتنێ دا بەحس ل چەند کارێ ئایندەکر دناڤبەرا ھەردو ئێکەتیان دا .
سەفین کانەبی د داخویانیەکێ دا دیارکر ھەر ئێک ژ عەبدولخالق مەسعود سەرۆک ئێکەتیا تەپا پێ یا عیراقی و مەھدی تاج سەرۆک تەپا پێ یا ئیرانی سەرەدانا بارەگایێ ئێکەتیا تەپا پێ یا کوردستانێ ل باژێرێ ھەولێرێ کر و دوێ سەرەدانێ دا ئەوان داخوازی ژ مەھدی تاج کرن ئەو چەند خولەکێن راھێنەری و دادڤانی ل وەلاتێ ئیرانێ ئەنجامدان بەرامبەر ناڤبری رازەمەندیا خوە دیارکر ب گەرمی ڤە ھەردیسان پشتەڤانیا خوە دیارکر بۆ ئێکەتیا تەپا پێ یا کوردستانێ بۆ ڤەکرنا چەند خولێن راھێنەری و دادڤانی ل تەھرانا پایتەختێ ئیرانی ، سەفین ئاماژە ب وێ چەندێ کر ئەو دێ مفای ژ ئەوان خولان بینن ژبەرکو ئیران وەلاتەکێ پێشکەڤتی یە و ئەوان باوەری پێ ھەیە دێ راھێنەر و دادڤانێن کوردستانێ مفاداربن ژ ئەوان خولان.
ل دووماھیی سەفین سوپاسیا سەرۆکێ ئێکەتیا تەپا پێ یا عیراقی عەبدولخالق مەسعود کر بۆ پشتەڤانیا ئەوی یا بەردەوام بۆ ئێکەتیا تەپا پێ یا کوردستانێ و پەیوەندیان ل گەل وەلاتێن دی .