ئەڤرۆنیۆز، سەباح زوهێر:
رێکەفت زوهێر ل راگەهاندنا هاتن و چوونا ئاکرێ بۆ ئەڤرۆ نیۆز دا دیارکرن کو ل شەڤا پێنجشەمبی ۲۰۱۸/٦/۷ ل دەمژمێر ۱۰:۰۰ شەڤێ روودانەکا ترافیکێ ل ناڤ سەنتەرێ باژێرێ ئاکرێ ل نێزیك ترافیکا سوسنا روودا ژ جۆرێ لێکدان کو ترومبێلەکێ ل کەسەکی دا د ئەنجامدا ب کەسەکی گیانێ خو ژ دەست دا کو د ژیێ 50 سالیێ دا بوویە.
ئه‌ڤرۆنيوز:
سه‌رۆك مه‌سعود بارزانى دپه‌يامه‌كێ دا ب هه‌لكه‌فتا سالرۆژا راگه‌هاندنا ژڤانێ ئه‌نجامدانا ريفراندۆما سه‌ربخوه‌يا كوردستانێ سوپاسى وپيرۆزى وان كه‌س ولايه‌نان كر يێن كو ژ بريارا ئه‌نجامدانا ريفراندۆمێ په‌شێمان نه‌بووين.
سه‌رۆك بارزانى، دپه‌ياما خوه دا كو ل سه‌ر به‌رپه‌رێ خوه ل تۆرا جڤاكى يا تويته‌رى به‌لاڤكرى دبێژيت” 7 خزيرانێ رۆژه‌كا ديرۆكى يه وژدل سوپاسى وپيرۆزباهيا وان كه‌س ولايه‌نان دكه‌م يێن ژبريارا ريفراندۆمێ په‌شێمان نه‌بووين”.
سه‌رۆك بارزانى، سوپاسيا وان ژى كر يێن خوه نه‌چه‌ماندى ل به‌رامبه‌ر هه‌موو ئاسته‌نگان.
دهێته زانين ل رۆژا 7/6/2017 سه‌رۆك بارزانى سه‌رپه‌شتيا كۆمبوونه‌كا حزب ولايه‌نێن سياسى ل هه‌رێما كوردستانێ كر ودوێ كۆمبوونێ دا بريار ل سه‌ر ئه‌نجامدانا ريفراندۆما كوردستانێ هاته دان ورۆژا 25/9/2017 هاته ده‌ستنيشانكرن بۆ ئه‌نجامدانا پرۆسا ريفراندۆمێ ل سه‌ر سه‌ربخوه‌يا هه‌رێما كوردستانێ.
ئه‌ڤرۆ نیوز:
په‌رله‌مانتارێن فره‌نسا بریاره‌ك په‌سه‌ند كر بۆ قه‌ده‌غه‌كرنا مۆبایلان ب ره‌نگه‌گێ ته‌مام ل هه‌می قوتابخانێن وی وه‌لاتی.
ئیمانوێل ماكرۆن، سه‌رۆكێ فره‌نسا به‌ری ببیته سه‌رۆك سۆز دا بوو گه‌ر سه‌ربكه‌ڤیت مۆبایلان ل قوتابخانان قه‌ده‌غه بكه‌ت، ل پرانییا قوتابخانێن جیهانێ بكارئینانا مۆبایلان سنۆرداركرییه لێ فره‌نسا ئێكه‌م وه‌لاته ب ته‌مامی قه‌ده‌غه دكه‌ت.
ئه‌و بریار دێ قۆتابخانێن سه‌ره‌تایی و ناڤنجی بخوه ڤه گریت و ئارمانجا وێ نه‌هێلانا شه‌رخوازییا قوتابیێن شیم هه‌مبه‌ری قوتابیێن دی و نه‌هێلانا تێكدانا سه‌قایێ وانه‌گۆتنێ و دوورخستنا قوتابييان ژ ته‌ماشه‌كرنا بابه‌تێن خراب د پۆلێ دا يه، لێ ره‌خنه‌گر دبێژن ئه‌و بریار نابیته ئه‌گه‌رێ راگرتنا وان خالان و نه‌چاره‌سه‌رییه.
ئەڤرۆ نیوز ، زنار تۆڤی :
ب شێوەکێ گشتی خوارنا کەسکاتیان یا ب مفایه بۆ ساخلەمیا لەشی ، ب ئەگەرێ وان مادێن خوارنێ کو مرۆڤی ژ نه‌ساخیان دپارێزیت و ناهێلیتت لەش تووشی هیچ زیانەکێ ببیت.
لدووڤ نووچەکێ کو ل مالپەرێ nutrtion دا بەلاڤبوویە بەحسێ مفایێن خوارنا فلفلا کەسک دکەت و دبێژیت ، لدووڤ ڤەکۆلینێن نوو کو ژ لایێ نۆشدارێن تایبەتمەند د وارێ خوارنێدا هاتینە ئه‌نجام دان ، ئەو چەندە بۆ ده‌ركه‌فتیە كو خوارنا فلفلا کەسک چه‌ندین مفا بۆ لەشی هه‌نە ، ئه‌ڤ چەندە ڤەدگه‌ریت بۆ هەبوونا ڤیتامینێن C، K، B و E ل گه‌ل هەبوونا ڕێژه‌کا زۆر ژ مادێن خۆراكی و مادێن ریشالی ، ئەڤە ژی مفایێن فلفلا کەسکن:
. چاڤان ب هێز دکەت : ئێك ژ مفایێن خوارنا فلفلا کەسک ئه‌وه کو گەلەک یا ب مفایە بۆ ساخلەمیا چاڤان ، ئه‌ڤە ژی ڤەدگه‌ریت بۆ هەبوونا مادێن ریشالی و ڤیتامین K كو به‌رپرسن ژ باشتركرنا دیتنێ و چاره‌سه‌ركرنا كێشێن تۆرا چاڤی ، لەوما نۆشدار گەلەک گرنگیێ ب بخوارنا فلفلان ددهن بۆ هندێ کو چافێن هەوە ب هێز بمینن.
. مرۆڤی ژ نه‌ساخیا ئه‌نیمیا كێمخوینیێ دپارێزیت : نۆشدار گەلەک شیرەتان ل مە دكه‌ن ب خوارنا فلفلێن کەسک ، چونكی ڤی جۆره کەسکاتی رێژه‌کا زۆر یا مادێ ئاسنی تێدا هەیه کو ئه‌ڤ ماده هاریکاریا دروستكرنا خانێن خوینێ ددەت و د‌بیته ئەگەرێ كێمكرنا ئه‌گه‌رێ تۆشبوونێ ب نه‌ساخیا ئه‌نیمیا یێ.
ئه‌ڤرۆ نیوز ، نه‌وزاد هلۆرى:
گه‌له‌ك ژ لایه‌نێن سیاسیێن كو د هه‌لبژاردنێن په‌رله‌مانێ عیراقێ دا كورسى ده‌ستخوڤه ئینایى دخوازن كو حوكمه‌ته‌كا ته‌كنوكرات بهێته درۆستكرن ، به‌لێ نڤیسه‌ره‌ك دده‌تن دیاركرن كو وه‌لاته‌كێ داهاتیێ وێ یێ سه‌ره‌كى سامانێ سرۆشتى بیت نكاریت حوكمه‌ته‌ك ته‌كنوكرات درۆست بكه‌ت.
كوردو شابان نڤیسه‌ر و ڤه‌كوله‌ر ل هه‌ولێرێ بو ئه‌ڤرۆ نیوز گۆت: (هه‌ر لایه‌نه‌كێ سیاسى و گه‌له‌ك جاران چاڤدێرسێن سیاسى و رۆشه‌نبیرى و هه‌تا دوماهیێ به‌حس ل درۆستكرن و پێكئینانا حوكمه‌ته‌كا ته‌كنوكرات ل عیراقێ دكه‌ن ، به‌لێ یا راست ئه‌وه كو هه‌ر وه‌لاته‌كێ ژێده‌رێ دارایێ وێ لسه‌ر سامانێن سرۆشتى بیت ، ئه‌و چوو جاران نكاریت ل ته‌كنوکرات نێزیك بیت و حوكمه‌تا ته‌كنوكرات پێكبینیت)
زێده‌تر گۆت: (ئێك ژ مه‌رجێن سه‌ره‌كى یێن حوكمه‌تا ته‌كنورات ئه‌وه كو بكارهێنه‌ر نه‌بیت به‌لكو دڤێت درۆستكه‌ر بیت ئه‌و ژى ب رێیا پێشه‌سازى ، چاندن ، زانست و داهێنانان ژیانا وه‌لاتیێن خوه په‌یدا بكه‌ت ، نه وه‌كو حوكمه‌ته‌كێ بیت كو ژئه‌گه‌را هه‌بوونا په‌ترۆله‌كا زور هه‌موو وه‌لاتیێن خوه بكه‌ت موچه‌خور و چوو كه‌س دناڤ دا نه بنه‌خودان پێشه‌سازى و كار و پێشه‌یێن تایبه‌ت ئانكو ده‌وله‌تا ته‌كنوكرات ل وى ده‌مى دهێته درۆستكرن كو هنارده‌كرنا وێ ل هاورده‌كرنا وێ پتر بیت)
نڤیسه‌رێ ناڤبرى د درێژاهیا ئاخفتنێن خودا دیاركر ژى كو ته‌كنوكرات ب رامانا ده‌ستهه‌لاتا پێشه‌یى دهێت ئانكو درۆستكرنا حوكمه‌ته‌كێ ژ كه‌سانێن بسپوور و هه‌ر وه‌زیره‌ك و كه‌سه‌ك ببیته به‌رپرسیار دڤێت دبوارێ خوه دا بسپوور بیت ئه‌و ژى ب هه‌بوونا ئه‌زموونه‌كا باش و هه‌ر چوو نه‌بیت هه‌لگرێ باوه‌رنامه‌یا دكتورایێ بیت و زێده‌تر گۆت: (ب چوو شێوه‌یان نابیت ئاراسته‌یا سیاسى و حزبى و نه‌ته‌وه‌ى و ئاینى و مه‌زهه‌بى دناڤا حوكمه‌تا ته‌كنوركرات دا روولێ خوه ببینن ، نها و بورى ژى دا ده‌ستهه‌لاتا عیراقێ كار بو وێ یه‌كێ نه‌كریه كو وه‌لاته‌كێ هاورده بیت و چوو بزاڤ ژى نه‌كرینه كو وه‌لاته‌كێ به‌رهه‌مهێنه‌ر بیت، ئه‌وا كو نها دهێته گوتن تنێ پروپاكنده‌یه‌كه و نه‌زێده‌تر و دخوازن كو شیعه‌یه‌كێ خودان باوه‌رنامه ل شوونا كورد و سونه‌یه‌كێ بكه‌ن خودان ده‌ستهه‌لات كو د بنه‌ره‌ت دا ئه‌و پوست بو كورد یان سونه‌یان هاتیه دیاركرن)
شابانى دیاركر ژى كو هه‌ر وه‌لاته‌كێ ئاین و نه‌ته‌وه‌یێن جوداجودا بخوڤه بگریت نابیت ئه‌ڤ یه‌ك ببیته بهانه كو نابیت حوكمه‌تا ته‌كنوكرات درۆست بكه‌ت و گۆت ژى: (پێدڤى یه د وه‌لاته‌كێ خودان نه‌ته‌وه و ئاین ب قانون و مه‌رجێن گران بو لایه‌نێن سیاسى بهێنه‌دانان هه‌تاكو بكارن كه‌سانێن خودان شیان و هه‌ژى بێخنه جهێن ژ هه‌ژى ، و په‌رله‌مان ئێك ب ئێك سه‌حا هه‌موو وه‌زیران بكه‌ت به‌رى كو باوه‌رى ب وان بهێته‌دان ،هه‌ر چه‌ند ئاساییه د حوكمه‌تا ته‌كنوكرات دا كو سه‌روك وه‌زیران ئه‌ندامه‌كێ حزبه‌كێ بیت به‌لىچ ب چوو شێوه‌یان نابیت وه‌زیر ئه‌ندامێن حزبان بن ئانكو نابیت ئینتیمایا حزبى هه‌بیت و نابیت ب چوو شێوه‌یان كاروبارێن حزبى بكه‌ن هه‌لبه‌ت ئه‌ڤ یه‌ك ل عیراقێ دبیت یا ب زه‌حمه‌ت بیت)
ئه‌ڤرۆ نیوز:
سه‌رۆككۆمارێ توركیا گه‌ف كرن گه‌ر به‌غدا هنده‌ك ده‌ڤه‌رێن هه‌رێما كوردستانێ ژ په‌كه‌كی “پاقژ” نه‌كه‌ت دێ هێرشی وان ده‌ڤه‌ران كه‌ن.
ره‌جه‌ب ته‌ییب ئه‌ردۆگان بۆ سی ئێن ئێنا توركی گۆت: توركیا دێ قه‌ندیل و شنگال و مه‌خموور كه‌ته ئارمانج گه‌ر به‌غدا سه‌ره‌ده‌ریێ د گه‌ل گرۆپێن تیرۆرستی ل وان ده‌ڤه‌ران نه‌كه‌ت.
ئه‌ڤرۆنيوز:
ژئه‌گه‌رێ نه‌خوه‌شيا دلى، سه‌رۆكێ ئێكه‌تيا شه‌تره‌نجێ ل پارێزگه‌ها دهۆكێ، كه‌مال جه‌لاله‌دين دژيێ 53 ساليێ دا وه‌غه‌ركر.
كه‌مال جه‌لاله‌دين بۆ ده‌مێ 15 سالان سه‌رۆكێ ئێكه‌تيا شه‌تره‌نجا دهۆكێ بوو وبابێ هه‌ردو قاره‌مانێن شه‌تره‌نجێ يه ل هه‌رێما كوردستانێ وعيراقێ (كارين كه‌مال) و (دلين كه‌مال).
lئه‌ڤرۆ نیوز ، نه‌وزاد هلۆرى:
شه‌ڤا بورى پاسدارێن ئیرانى ل سه‌ر سنوورێ دناڤبه‌را رۆژهه‌لات و هه‌رێما كوردستانێ ته‌قه ل كولبه‌ران كر و دوو ژ وان كولبه‌ران ب گرانى برینداركرن، تیمێن به‌ره‌ڤانیا باژێرى ل سوران ژى ئه‌و ره‌وانه‌یێ نه‌خوشخانێن سوران كرن بو چاره‌سه‌ركرنا وان.
دڤى واریدا عیماد رێكانى به‌رپرسێ به‌ره‌ڤانیا باژێرى ل سوران بۆ ئه‌ڤرۆ نیوز گۆت: (شه‌ڤا بورى كومه‌كا كولبه‌رێن رۆژهه‌لاتێ كوردستانێ دخواست بگه‌هنه هه‌رێما كوردستانێ به‌لێ ل ده‌ڤه‌را كێله‌شین یا سنوورێ سیده‌كان كه‌فتنه به‌ر توپ و ته‌قه‌یێن دوشكێ و دوو ژ وان بناڤێن “ش.ج 32 سال”ى و ، “د.ئ 28 سال”ى هاتنه برینداركرن و ئه‌و بخوه ژى خه‌لكێ باژێرێ ئورمیێ یا رۆژهه‌لاتێ كوردستانێ نه)
زێده‌تر گۆت: (تیمێن به‌ره‌ڤانیا باژێرى ب هه‌ڤكاریا لایه‌نێن په‌یوه‌ندیدار و كولبه‌ران پشتى دوو ده‌مژمێران شیان ئه‌وان ب بریندارى بگه‌هینن سوران و چاره‌سه‌ریا وان ل نه‌خوشخانا سوران بكه‌ن)
ئەڤرۆ نیوز ، زنار تۆڤی :
ب بەهانەیا هەبوونا چەکدارێن پەکەکێ ل سنورێ ناحیا کانی ماسێ ئەڤرۆ جارەکا دیتر تۆپخانا سۆپایێ تورکی ب چەندین گۆلە تۆپان ئەڤ دەڤەرێ تۆپ بارانکریە.
ئەڤرۆ پێنجشەمبی 7 خزیرانا 2018 و ل دەمژمێر 1:40 خولەکی پشتی نیڤرۆ جارەکا دی تۆپخانا سۆپایێ تورکی چیایێ زنارا کێستە و پشتا گوندێ کەڤن یێ کێستە و چەندین جهێن دیتر داینە بەر گولە تۆپان و چەندین تۆپ ل وان جهان داینە ، هەرەسا هەر هەیام هەیام تۆپخانا سۆپایێ تورکی ڤێ دەڤەرێ تۆپ باران دکەت.
ئه‌ڤرۆ نیوز ، زنار تۆڤى :
ئه‌ندامه‌كێ به‌رێ یێ په‌رله‌مانێ عێراقێ بۆ ئه‌ڤرۆ نیوز دبێژیت : بۆ ڤێ قۆناغێ گه‌له‌ك باشتره كورد ب ئێك شاند بچنه به‌غدا ، هه‌ر چه‌نده كێشا كوردستانێ ل گه‌ل به‌غدا نه‌كێشا حزبه‌كێ یان ژى یا لایه‌نه‌كێ یه نه یا لایه‌نه‌كێ دیتر ، له‌وما كێشێن هه‌رێما كوردستانێ ل گه‌ل حوكمه‌تا به‌غدا كێشێن هه‌موو خه‌لكێ كوردستانێ نه ، هه‌روه‌سا ئه‌ڤرۆ هه‌موو خه‌لكێ كوردستانێ ژى حه‌ز دكه‌ن كورد ب ئێك تیم بچنه به‌غدا دانوستاندنێ بكه‌ن ، دیسا دێ ده‌ستكه‌فتێن مه وه‌كو هه‌رێم ژى پتر بن ، هه‌كه وه‌كو ئێك شاند به‌ره‌ف به‌غدا بچین ، لێ مخابن ڤێ جارێ ژى كورد د هه‌ڤگرتى نابن ، هه‌ر چه‌نده ئه‌و لایه‌نێن دڤێن كو ل به‌غدا دانوستاندنان بكه‌ن وه‌كو ئێك تیم ، هه‌تاكو نوكه ب تنێ پارتى و ئێكه‌تى بووینه و وان بریار دایه پێكڤه كار بكه‌ن ، لێ لایه‌نێن دیتر هه‌تا نوكه ئێكلا نه‌بووینه و بریارا خوه نه‌دایه.
موئه‌یه‌د ته‌ییب ئه‌و ئه‌ندامێ به‌رێ یێ په‌رله‌مانێ عێراقێ یه زێده‌تر دبێژیت : نوكه دوو جه‌مسه‌ر یێن ل به‌غدا چێبووین ، جه‌مسه‌ره‌ك موقته‌دا سه‌در و حه‌یده‌ر عه‌بادیه ل گه‌ل هنده‌ك لایه‌نێن دیتر و جه‌مسه‌رێ دویێ ژى مالكى و هادى عامرى ل گه‌ل هنده‌ك لایه‌نێن دیترن ، هه‌ر چه‌نده به‌رى نوكه شیعان هه‌ڤالبه‌ندیا نیشتیمانى هه‌بوو ، هه‌موو شیعه د ئێك فراكسیۆن دا پشكداربوون ، لێ نوكه ئه‌و هه‌ڤالبه‌ندیه دناڤبه‌را وان دا نه‌مایه ، لێ ئه‌ڤ هه‌ردو لایه‌نه یێ بزاڤێ دكه‌ن كو ببنه فراكسیۆنا مه‌زنتر ، ژ پێخه‌مه‌ت ئه‌و پۆستێ سه‌رۆك وه‌زیران وه‌ربگرن و دانوستاندنێ ل گه‌ل لایه‌نێن دیتر ژى بكه‌ن ژبۆ پێكئینانا حوكمه‌تێ ، لێ وه‌كو دیار ڤێ جارێ سه‌درى و عه‌بادى پتر شه‌نسێ پێكئینانا حوكمه‌تا عێراقێ یێ هه‌یى ، لێ كوردان وه‌سا دایه دیاركرن كو ئه‌م دێ ل گه‌ل وى بین یێ پتر دانپێدانێ ب مافێن گه‌لێ كوردستانێ بكه‌ت و داخوازیێن مه بجه بینیت ، لێ من چو گه‌شبینى ب وان نینه ، چونكى هه‌لویستێ هه‌ردو جه‌مسه‌ران چو جۆداهى ل هه‌مبه‌رى كوردان نینه ، چونكى ئه‌و كێشێن هه‌تاكو نوكه دناڤبه‌را هه‌رێما كوردستانێ و به‌غدا دا نه‌هاتینه چاره‌سه‌ركرن و دێ وه‌كو خوه مینن و چو ژ وان ناهێنه چاره‌سه‌ركرن ، لێ دبیت پرسا بوودجه‌ى و مووچه‌ى بهێته چاره‌سه‌كرن ، هه‌ر چه‌نده په‌رله‌مانێ عێراقێ پشكا كوردان ژ 17% كریه 21% ، هه‌روه‌سا هه‌كه ئه‌م وه‌كو كورد بشێین پشكا خوه بكه‌ینه 17% دێ گه‌له‌كا باش بیت ، چونكى نوكه ژى رێژا كورسیێن كوردا د په‌رله‌مانێ عێراقێ دا 17% یه ، هه‌ر چه‌نده د به‌رێ ژى دا رێژا ته‌خمینكرى یا كوردان پتر بوویه ژ 17% ، له‌وما 12% نه هه‌قیه‌كا مه‌زنه ل گه‌لێ كوردستانێ هاتیه كرن ، ئه‌ڤه ژ بلى نه‌هه‌قیێن 16 ئوكتۆبه‌رێ ل گه‌لێ مه هاتینه كرن ، لێ دبیت بوودجه و مووچه بهێنه چاره‌كرن و ئه‌نجامه‌ك هه‌بیت، لێ ده‌رباره‌ى بابه‌تێ سنوورێن هه‌رێمێ و مادێ 140 و گه‌له‌ك بابه‌تێن دیتر چو ژ وان هه‌ردو جه‌مسه‌ران نه‌ڤێن خوه دڤان بابه‌تان بگه‌هینن و نه د ئاماده‌نه بۆ چاره‌سه‌ریێ ، هه‌ر چه‌نده ئه‌و لایه‌ن د دانوستاندنان دا جۆره نه‌رماتیه‌كێ نیشان ددهن ، لێ ده‌مێ ده‌ستهه‌لاتێ وه‌ردگرن ئه‌وان رێككه‌فتنێن به‌رێ بجه نائینن.
ناڤهاتى ئه‌و چه‌ند ژى دیاركر : د ڤێ قوناغێدا یا گرنگه كورد خوه نێزیكى سوننى یان بكه‌ن ، ئه‌ڤ چه‌نده دێ بوو كورد و سوننى یان ژى یا باش بیت هه‌كه هه‌ماهه‌نگیه‌ك دناڤبه‌را وان دا بهێته كرن ، دیسا هه‌كه هه‌ردو ئێك هه‌لویست بن ژبۆ پشكدارى كرنێ د حوكمه‌تا داهاتى دا دێ گه‌ه‌لكا باشتر بیت، چونكى هه‌كه كورد و سوننى خوه ژ پرۆسا سیاسى ڤه‌كێشن چو حوكمه‌ت ل عێراقێ ناهێنه پێكئینان ، لێ یا دیاره كورد هه‌موو ئێك هه‌لویست نابن ، دیسا سوننى یان ژى ئێك هه‌لویست نینه ، لێ دێ یا باشتر بیت كو هه‌ماهه‌نگیه‌ك دناڤبه‌را كورد و سوننى و شیعان دا هه‌بیت ، لێ وه‌كو دیار حوكمه‌تا ڤێ جارێ دێ یا پرى كێشه بیت.
موئه‌یه‌د ته‌ییب هێشتا دیاركر : هه‌كه ڤێ جارێ هنده‌ك هێزێن سیاسى ببنه ئوپۆزسیۆن ، دێ هێشتا كێشێن حوكمه‌تا عێراقێ مه‌زنتر لێ هێن ، چونكى هێشتا ئه‌م فێرى هندێ نه‌بووینه كو هنده‌ك لایه‌ن دناڤ حوكمه‌تێ دابن و هنده‌ك ژى ببنه ئوپۆزسیۆن ، هه‌ر چه‌نده ئه‌ڤه ل پرانیا وه‌لاتێن جیهانى هه‌نه ، لێ هێشتا ئه‌ڤ چه‌نده ل عێراقێ نه‌هاتیه په‌یره‌و كرن ، له‌وما نوكه ره‌وشا عێراقێ یا باش نینه و پرۆسا سیاسى ل ڤى وه‌لاتى ل هه‌مبه‌رى ئه‌زموونه‌كا مه‌زن دایه ، هه‌روه‌سا بێى كورد و سوننى یان حوكمه‌تا عێراقێ ناهێته پێكئینان ، لێ پرس ئه‌وه ڤێ جارێ دێ كورد ل حوكمه‌تا داهاتى دا چه‌ند ب ده‌ستڤه ئینن ئه‌و یا گرنگه ، چونكى به‌رى نوكه ژى مه پشكدارى د حوكمه‌تێن عێراقێ دا كریه ، لێ هه‌تا نوكه چو كێشێن مه نه‌هاتینه چاره‌سه‌ركرن ، له‌وما یا گرنگ ئه‌وه بۆ كوردان كو دڤان چار سالان دا دێ چاوا شێن كێشێن خوه ل گه‌ل به‌غدا چاره‌سه‌ر كه‌ین ، لێ ئه‌ز نه‌یێ گه‌شبینم كو كێشێن مه بهێنه چاره‌سه‌ركرن ، لێ ب تنێ كوردان رێیه‌ك هه‌یه ، كو ئه‌و ژى پرسا ریفراندۆمێ یه ، ده‌مێ كو 93% ژ خه‌لكێ كوردستانێ گوتیه مه سه‌رخوه‌بوون دڤێت ، هه‌ر چه‌نده ئه‌م نه‌شیاین سه‌رخوه‌بوونێ ب ده‌ستڤه بینیت ، ژبه‌ركو ره‌وشا جیهانێ و یا وه‌لاتێن هه‌رێمى ژى ل دژى داخوازیا مه بوویه ، لێ ب تنێ ب ڤێ رێكێ هه‌كه جاره‌كادى ئه‌نجامێن ریفراندۆمێ بهێنه ئه‌كتیفكرن ، دێ شێین گه‌هینه مافێن خوه ، لێ دڤێت ره‌وشا جیهانى و هه‌رێمى ژى ل گه‌ل مه‌بیت.
نيشاندان