ئەڤرۆ نیوز ، زنار تۆڤی:
سەرۆکێ تیمێ نەتەوەیێن ئێکگرتی بۆ ھاریکاریا عیراقێ راگەھاند، دبیت هەتا جەژنا قوربانی حوکمەتا نوو یا عیراقێ بھێتە پێکئینان.
یان کوپیچ د روونشتنا خوە یا دوماهیێ دا ل جڤاتا ئاسایشا نێڤدەولەتی دیارکریە، کو دەلیڤەکا مەزن ھەیە کو لێڤەگەرێ مەزنێ شیعان عەلی سیستانی کارتێکرنێ ل ھزرا ھێزێن سیاسی یێن عیراقی بکەت، هەروەسا داخواز ژی ژ حەیدەر عەبادی کریە کو بەردەوامیێ بدەتە سیاسەتا خوە یا ئاسایکرنا پەیوەندیان ل گەل وەلاتێن جیران و ب تایبەت عەرەبستانا سعوودیێ و وەلاتێن کەنداڤی.
یان کۆبیچی گۆت ژی: پێکئینانا حوکمەتا عیراقێ یا ھەڤدەمە ل گەل خوەنیشاندانێن پارێزگەھێن باشۆر و ناڤەراستا عیراقێ، کو خوەنیشاندەران نامەیەکا ب ھێز ئاراستەی حوکمەتێ کریە و داخوازا چاکسازیان و بەرھنگاربوونا گەندەلیێ ژێ کریە.
دیارکریە ژی، دبیت هەتا جەژنا قوربانی حوکمەتا نوو بھێتە پێکئینان، ھیڤی ژی خواستیە کو ئالیێن سەرکەفتی بگەھنە قۆناغا دوماهیێ یا دانوستاندنێن پێکئینانا حوکمەتێ و هەروەسا پێدڤیە حوکمەتا نوو یا عیراقێ داخوازیێن عیراقیان بجھبینیت.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن : کو ئێکەمین روودانا هاتنوچوونێ ل تۆنێلا گەلیێ زاخۆ روودا.
ناڤهاتی زێدەتر دا دیارکرن: ل رۆژا ئەینی 2018/8/10 ل دەمژمێر ( 6:50 ) بەری مەغرەب ل تۆنێلا گەلیێ زاخۆ روودانەک دناڤبەرا دو ترومبێلان دا روودا کو (ترۆمبێلەک تەکسی تۆیۆتا کرۆلا ل گەل ترۆمبێلەکا تایبەت پاسات ب رەنگێ سپی ) د ئەنجامێ ڤێ روودانێ گیان ب سلامەت بوون، لێ زیانێن به‌رچاڤ ب وان ترۆمبێلان كه‌فتن.
ئه‌ڤرۆ نیوز:
سه‌رۆكی ئه‌مریكا ئه‌ڤرۆ 10ێ ته‌باخێ سه‌پاندنا سزا و باجێن نوو ل سه‌ر توركیا راگه‌هاند.
دۆنالد ترامپ د تویته‌كی دا ل سه‌ر تۆرا جڤاكییا تویته‌ری راگه‌هاند: من نها فه‌رمانا زێده‌كرنا دوقات یا باجێن پاراستنێ ل سه‌ر ئه‌له‌منیۆم و پۆلایا توركیا كر، د ده‌مه‌كی دا كو لیرێ توركی به‌رامبه‌ر دۆلارێ مه یێ بهێز گه‌له‌ك بله‌ز دادكه‌ڤیت.”
باجا سه‌ر ئه‌له‌منیۆمی دێ نها 20% بیت و ل سه‌ر پۆلای ژی دێ 50% بیت، په‌یوه‌ندیێن مه نها د گه‌ل توركیا د باش نینن.”
ئەڤرۆ نیوز، مەحمود نهێلی:
ئەفسەرەکێ پولیسێن هاتنوچوونێ ل قەزا ئامێدیێ بۆ ئەڤرۆ نیوز دیا کر: کو ل دەمژمێر چار و نیڤی ئێڤاریا ئەڤرۆ 10\8\2018 ئەو هاتنە ئاگەهدارکرن ل سەر روودانەکا هاتنوچوونێ ل گوندێ بێبادێ یێ سەر قەزا ئامێدیێ ڤە.
رائید بەیار ئیبراهیم ئەفسەرێ پولیسێن هاتنوچوونێ ل قەزا ئامێدیێ دیارکر ژی، پشتی ئەو گەهشتیە جهێ روودانێ دیار بوویە کو ترۆمبێلەکا ژ جورێ گلەیزەر ل گەل ترۆمبێلەکا ژ جورێ ئوتوپیس یا گوزاری لێکدایە و بوو ئەگەرێ بریندار بوونا کەسەکی.
وی ئەفسەری ئاشکرا ژی کر ، کو برینا وی کەسی یا سڤک بوویە و هاتیە رەوانەکرن بۆ نەخوشخانێ لێ زیانێن مادی گەهشتینە ترۆمبێلا گلایزەر.
هەروەسا ئەگەرێن روودانێ بو نەپێگریکرنا شوفێران ب رێنمایێن هاتنوچوونێ ڤەگەراندن.
ئه‌ڤرۆ نیوز:
به‌رپرسه‌كێ ئیرانێ ئه‌ڤرۆ په‌شیمانی هه‌مبه‌ری رێگرییا ته‌هران بۆ پارچه‌بوونا ئیراقێ نیشان دا.
عه‌بدوللا ره‌مه‌زانزاده، په‌یڤدار و سكرتێرێ به‌رێ یێ حكومه‌تا ئیرانێ ئه‌ڤرۆ گۆت: پێدڤی بوو ئیرانێ رێ ل پارچه‌بوونا ئیراقێ نه‌گرتبا.
ره‌مه‌زانزاده ئاشكرا كر كو وی به‌ری نها ژی ئه‌و یه‌ك گۆتبوو و هه‌مان هه‌لوه‌ست هه‌بوو.
ناڤهاتی ئه‌و یه‌ك وه‌ك كارڤه‌دانه‌ك هه‌مبه‌ری داخویانیێن په‌یڤدارێ حكومه‌تا ئیراقێ ده‌ربری كو پێگیرییا ئیراقێ هه‌مبه‌ری سزایێن ئه‌مریكا ل سه‌ر ئیرانێ دیاركربوو.
ره‌مه‌زانزاده كوردێ رۆژهه‌لاتێ كوردستانێ یه و هه‌روه‌سا ده‌مه‌كی پارێزگه‌رێ پارێزگه‌ها كوردستان بوو و شیره‌تكارێ وه‌زاره‌تا ناڤخۆ یا ئیرانێ بوو، ژبه‌ر پشته‌ڤانیا وی بۆ بزاڤا چاكسازیخوازێن ئیرانی ل سالا 2009ێ رێ پێ نه‌هاتبوو دان خوه د هه‌لبژارتنان دا به‌ربژار بكه‌ته ڤه.
ئەڤرۆ نیوز ، زنار تۆڤی:
دوهی پێنجشەمبی 9 تەباخێ بەلەمەکا کۆچبەران د دەریا ئیجەدا بن ئاڤ ببوو، کو نەھـ کۆچبەر تێدا خەندقی بوون و چار ژ وان خەندقیان ئەندامێن خێزانەکا کوردن کو خەلکێ دۆزخۆرماتوونە.
بەلەمەکا کۆچبەران کو 13 کەس تێدا بوون، وان دڤیان ب رێیا دەریا ئیجە ژ باژێرێ ئایدن یێ تورکیا بگەھنە یۆنانێ، لێ برێڤە ئەو بەلەمە قولپی و نەھـ کۆچبەر تێدا خەندقین، چار ژی ھاتنە رزگارکرن.
چار ژ کۆچبەرێن خەندقی ژی خەلکێ ھەرێما کوردستانێ نە.
ئەڤرۆ نیوز ، تۆڤی:
بووکەکا تونسى ل شه‌ڤا دەواتا خوە دچیت و خوە ل زاڤای بەرزه دکەت و پۆلیس ژی بزاڤا دیتنا وێ دکەن.
لدووڤ مالپه‌رێ (نسمه) یێ تونسى، بووکەک پشتی شەڤا دەواتاوان ب دووماهی دهێت، هەڤژینێ خوە دهێلیت و دچیت، هەڤژینێ وێ ژی ئاشكرا كریە کو ل دەمێ ئاهه‌نگا وان دا شەرەدەڤ دناڤبەرا وان دا دروست بوویه، چونكی زاڤای ئه‌و گۆژمێ زێری بۆ نه‌كریبوو، یێ كو پێشتر سۆزدایێ بۆ بکریت.
پشتی کو زاڤا ژ دیتنا بووکێ بێ هیڤی بووی،پۆلیس هایدار کرینە داکو بووکێ ببینن.
ئەڤرۆ نیوز ، زنار تۆڤی:
یانا ریال مەدرید یا ئیسپانی ب رژدی بزاڤا ڤەگوهاستنا ماورۆ ئیکاردی یاریزانێ یانا ئینتەر میلان ددەت.
رۆژناما ئاس یا ئیسپانی دیارکریە، کو یانا مەدریدی بزاڤا ڤەگوهاستنا ئیکاردی ددەت و دڤێت پێش داخستنا دەرگەهێ ڤەگوهاستنێن هاڤینی دا وی یاریزانێ ئەرجەنتینی ڤەگۆهێزیتە وێ یانێ.
گۆتیە ژی، ریال ب فەرمی ل گەل واندا نارای هەڤژین و رێڤەبەرێ کارێن ئیکاردی ل رۆما دەست بە گوۆبێژان کریە و ریال یا ئامادەیە گوژمێ 100 ملیۆن یۆرۆیان بدەته ئینتەر وەکو مەرجێ هەلوەشاندنا گرێبەستا وی یاریزانی.
ئیکاردی ژ سالا 2013 وەرە یاریێ بۆ ئینتەرێ دکەت و هەتا نوکە ل سێریا ئەی 190 یاری ئەنجامداینە و 110 گۆل و 26 ئاسیست هەنە.
نيشاندان