ئه‌ڤرۆ نيوز:
ئەڤرۆ سپێدێ 8-8-2018 بەھەزاد عه‌لی ئادەم پارێزگەرێ دھۆکێ ب وەکالەت سەرا فەرمانگەھا تۆمارکرنا خانوبەران ل دھۆکێ دا، د
کومبوونەکێدا ل گەل رێڤەبەرێ رێڤەبەریێ ئەنەس محه‌مه‌د تاھر عومەر بەحسێ کاروچالاکیێن فەرمانگەھێ و ئەو خزمەتا پێشکێشی وەلاتیان دکەن نەخاسمە کاروبارێن رۆژانە یێن تومارکرنا خانوبەران ھاتە کرن.
د تەوەرەکێ دن دا بەحسێ کێم و کاسیێن رێڤەبەریێ و نەھێلانا ھەر کوسپەکێ ھەمبەر کارێ رۆژانە ھاتە کرن.
پارێزگەرێ دھوکێ ب وەکالەت تەکەزی ل سەر ب ساناھیکرن و کێمکرنا روتینێ کر بۆ ب رێڤەبرنا مامه‌لێن وەلاتیان و خواست کو ھەموو کار ب ھووربینی و ب لەز بھێنە برێڤەبرن و خزمەت و سەرەدەریا وەلاتیان ب رەنگەکێ شارستانی بھێتە کرن و پشتەڤانیا کارگێریا پارێزگەھێ نیشان دا بۆ نەھێلانا ھەر ئاستەنگەکێ.
پاش پارێزگەرێ دھۆکێ ب وەکالەت و یێن ل گەل دا گەریانەک ل ناڤ ھوب وژوورێن رێڤەبەریێ کر و ژنێزیک ھایداری رەوشا فەرمانبەران بوو و ئەو کار و خزمەتا پێشکێشی وەلاتیان دکەن.
ئه‌ڤرۆ نيوز، نيوار محه‌مه‌د سه‌ليم:
دوهى پشتى نيڤرۆ كه‌تيبا ئيمام عه‌لى خوه ژ رۆژئاڤا و رۆژهه‌لاتێ ديجله ڤه‌كێشا و ئايسشا شنگال ژى ئه‌ڤ چه‌نده پشت راستكر و دا زانين كو د ماوێ حه‌فتيه‌كێ دا حه‌شدا شه‌عبى دێ خوه ژ هه‌موو ده‌ڤه‌رێن كوردستانى ڤه‌كێشيت.
ئاشتى كۆچه‌ر، به‌رپرسێ ئاسايشا شنگال، د داخۆيانيه‌كا تايبه‌ت دا بۆ ئه‌ڤرۆ نيوز گۆت: “دوهى كه‌تيبا ئيمام عه‌لى يا حه‌شدا شه‌عبى خوه ژ ده‌ڤه‌رێ ڤه‌كێشايه و بڕياره د ماوێ حه‌فتيه‌كێ دا هه‌موو هێزێن حه‌شدا شه‌عبى خوه ژ ده‌ڤه‌رێ ڤه‌كێشن”.
پێشتر شێخ موزاحم حوێت بۆ رۆژناما ئەڤرۆ گۆت: “ئەڤە دو رۆژە کەتیبا ئیمام عەلی یا حەشدا شەعبی کو ئێک ژ کەتیبێن وان یێن گەلەک گرنگە خوە ژ دەڤەرێن پشتی روودانێن 16 ئۆکتۆبەرێ ھاتینە بنەجھکرن، خوە ژ دەڤەرێن زومار و دەردورێن وێ و ئاسکی مووسل و دەردورێن وێ ڤەدکێشێن و ھەتا نوکە زێدەتر ژ 80% ئەڤێ ھێزێ خوە ڤەکێشایە و ئەڤ پێنگاڤە پشتی وێ چەندێ ھات کو ھۆزێن مە و خەلکێ وان دەڤەران چەندین سکالا دژی ئەڤێ ھێزێ تۆمارکرین ل ھەموو قونسلخانە و بالیۆزخانێن وەلاتێن بیانی ب تایبەت ئەمریکا و کۆمکارا عەرەبی ھات”.
هه‌ر د ڤێ ده‌ربارێ دا، چالاکڤانێ ئێزدی جەلال ئەلحەسەن ژ شنگالێ بۆ ئەڤرۆ نیوز دا زانین، ژ دەستپێکا ھاتنا حەشدا شەعبی بۆ ناڤ زۆمار و رەبیعە و شنگالێ ئارمانجە وان ماین بۆ ل وان جھان و ئێدی چوول نەکەن و ب جھـ نەھێلن.
زێده‌تر گۆت: “حەشدا شەعبی ھەموو خالێن سنوری رادەستی سۆپایێ عیراقێ کرن و نۆکە د ناڤ سەنتەرێ قەزا شنگالێ و کۆمالگەھا رەمبوسی دا ب تنێ فەوجا لالش یا حەشدا شەعبی یا ئێزدی ماینە و دھێتە پێشبینیکرن ب زووترین دەم ئەو ژی ژ ناڤ شنگال دەرکەڤن”.
ئه‌ڤرۆ نيوز:
وەزارەتا دەرڤە یا ئەمریکا راگەھاند کو واشنتۆن ل 22ی تەباخێ دێ سزایێن نوو ب سەر رووسیا دا سەپینیت ب سەردەما وێ یەکێ کو ھێرش کریە سەر سیخورێ بەرێ سێرگی سکریبال و یولیا یا کچا وی ل بریتانیا و غازا دەماری ب کارئینایە.
ئێک ژ وان سزایێن نوو ژی دێ قەدەغەکرنا مۆلەتا فرۆتنا ئالاڤێن ئەمنی یێن گرنگ بیت ژبۆ رۆسیا.
چاڤدێر ئاماژێ ب وێ چەندێ دکەن کو ئەڤ سزایێن نوو یێن ئەمریکا ب سەر رۆسیا د سەپینیت ئاستەنگێن نوو یێن نێڤدەولەتی ل ھەمبەر رۆسیا دروست دکەن و زیانان ب ئابوورێ رۆسیا و سیستەمێ وێ یێ دارایی کەڤن.
ژ لايێ خوه ڤه وه‌لاتێ بريتانيا ژى ب رێيا حوكمه‌تا خوه، خوه‌شحاليا خوه ده‌ربڕى به‌رامبه‌ر ڤان بڕيارێن وه‌لاتێ ئه‌مريكا ب سه‌ر وه‌لاتێ رۆسيا دا.
ئه‌ڤرۆ نيوز:
ل ده‌ڤه‌را كوشاداسيێ يا ئايدنێ به‌له‌مه‌كا په‌نابه‌ران بن ئاڤ بوو و 9 كه‌س مرن و چار كه‌س ژى ب ساخى هاتنه ده‌رێخستن.
ب گۆره‌يى پێزانينێن به‌رده‌ست ل كوشاداسيێ گه‌ميه‌ك كو هنده‌ك په‌نابه‌ر تێدا بوون بن ئاڤ بوو. پشتى پۆليس هاتينه ئاگه‌هداركرن ئه‌و كه‌سێن مايين هاتنه رزگاركرن.
ب گۆره‌يى پێزانينێن ده‌سپێكى د گه‌ميێ دا، 13 كه‌س هه‌بوون و د ناڤ وان دا، 9 كه‌س خه‌ندقين و چار كه‌س ژى هاتنه رزگاركرن.
قايمقامێ كوشاداسيێ موامێر ئاكسۆيى راگه‌هاند كو ئه‌و كۆچبه‌رێن خه‌ندقى حه‌فت زارۆ و دو ژن بوون، به‌لێ هه‌تا نها ژى نه‌هاتيه زانين كا ئه‌و كۆچبه‌رێن خه‌ندقين ژ كيش وه‌لاتى نه.
ئەڤرۆ نیوز، باسم قاسم شنگالی:
ل شەڤا دەباز بووی دەمژمێر 10:00ی شەڤێ بریارەکا ب لەز ژ حەشدا شەعبی را ھات و ئەوان کەلوپەلێن خوە ژ خالێن سنوری یێن سنورێ سوریا راکرن و ب تەمامی ژ زۆمار و ناحیا رەبیعە خوە ڤەکێشان و سۆپایێ عیراقێ جھێ وان گرت.
د ئەڤی واری دا چالاکڤانێ ئێزدی جەلال ئەلحەسەن ژ شنگالێ بۆ ئەڤرۆ نیوز دا زانین، ژ دەستپێکا ھاتنا حەشدا شەعبی بۆ ناڤ زۆمار و رەبیعە و شنگالێ ئارمانجە وان ماین بۆ ل وان جھان و ئێدی چوول نەکەن و ب جھـ نەھێلن.
ل شەڤا دەرباز بووی بریارەکا بۆ وان ھاتى کو دەڤەرا زۆمار و رەبیعە و شنگالێ چوول بکەن و سۆپایێ عیراقێ جھێ وان بگريت.
زێده‌تر گۆت: “حەشدا شەعبی ھەموو خالێن سنوری رادەستی سۆپایێ عیراقێ کرن و نۆکە د ناڤ سەنتەرێ قەزا شنگالێ و کۆمالگەھا رەمبوسی دا ب تنێ فەوجا لالش یا حەشدا شەعبی یا ئێزدی ماینە و دھێتە پێشبینیکرن ب زووترین دەم ئەو ژی ژ ناڤ شنگال دەرکەڤن”.
ئه‌ڤرۆ نيوز:
نەتەوەیێن یەکگرتی داخاز ژ سەرکردەیێن عێراقێ کر کوو لەزێ بکەن د پێکئانینا حوکمەتا یەکەتیا نیشتیمانی یا بەرفرە و دوور ژ تایفەگەریێ کو نوونەراتیا ھەموو ئالیان د وەڵاتی دە بکەت.
د میانەیا بەژداری کرن د کۆمبوونا جڤاتا ئاسایشێ کو ل نیۆیۆرک بڕێڤەچوو شاندیێ تایبەت یێ نەتەوێن یەکگرتی ژبۆ عیراقێ یان کۆبیش بەحسێ پێش ھاتیێن گۆرەپانا عیراقێ کر.
ناڤبری راگەھاند پێدڤیە سەرکردەیێن سیاسی یێن عیراقێ گۆھداری دەنگێ خەلکی بن و لەزێ بکەن د پێکئانینا حوکمەتا نیشتیمانی یا دوور ژ تایفەگەریێ کو ھەموو ئالیان ل خوە بگرە و ھەموو سەروەت و سامانێن عیراقێ بێخیتە د بن کۆنترۆلا خوە و د بەرژەوەندیا وەڵاتیێن خوە دە ب کار بینە و سەروەری و سەربەخۆیی یا راستەقینە ژبۆ عیراقێ دەستەبەر بکە و دوور بە ژ ھەر دەستێوەردانەکا دەرەکی.
یان کۆبیش بەحسێ ھەڵبژارتنێن جڤاتا نوونەرێن عیراقێ کر کو د دوازدەیی ئایارێ بڕێڤە چوو و گۆت کو سکاڵا و بانگەشەیێن پێدڤی ب ساختەکاری و خراپ بڕێڤەچوونا ھەڵبژارتنان بوویە سەدەما ڤێ یەکێ کو بڕیارا جوداکرن و ب دەست ھەژمارتنا دەنگان بھێ دایین و ھەر ئەڤ یەک ژی بوویە سەدەما پاشکەفتنا پێکئانینا حوکمەتا نوو.
ناڤبری ھەروەسا بەحسێ خوەنیشاندانێن ھەژمارەک پارێزگەھێن باشوورێ عێراقێ کر و راگەھاند سەرباری کێمبوونا ناڕەزایەتیان لێ خوەنیشاندان ب دووماھی نەھاتینە ب تایبەت ل دەورووبەرێ دامەزراوەیێن نەفتی ل پارێزگەھا بەسرە.
ئه‌ڤرۆ نيوز:
ژێدەرێن دەنگوباسێن سعودی راگەھاندیە کو ئێڤاریا دوھی رۆژا چارشەمبی بەرەڤانیا عەسمانی ل سعودی تووشی چەند مووشەکێن بالیستی یێن حوسیان بوو.
ئەڤان ژێدەران ئاشکەرا ژی کر کو بەری ئەو مووشەک بگەھنە جھێ ئارمانجێ کو پارێزگەھا “جازان” بوو ل باشوورێ سعودیێ.
د ڤان حەفتیێن دووماھیێ دا حوسی حەفتیانە مووشەکێن بالیستی دھاڤێژنە باژێرێن باشوورێ سعودیێ ب تایبەت باژێرێ جازان و نەجران کو ل سنورێ باکوورێ یەمەنێ د نێزیکن.
ئەڤرۆ نیوز:
بڕیکارێ بەرێ یێ وەزارەتا دارایی یا عیراقێ رادگەھینیت کو حوکمەتا عیراقێ بەری جەژنا قوربان 317 ملیار دینارێن مووچێ فەرمانبەرێن ھەرێما کوردستانێ رەوانە کەت.
فازل نەبی، گۆت: “وەزارەتا دارایی یا عیراقێ بۆ مە راگەھاندیە کو بەری جەژنا قوربان دێ کۆژمێ 317 ملیار دینارێن مووچێ فەرمانبەرێن ھەرێما کوردستانێ ھنێرن”.
ئاماژە ب وێ چەندێ ژی کر کو ھەموو فەرمانبەرێن حوکمەتا عیراقێ ل بەری جەژنا قوربان مووچەیی وەرگرن، د ڤی چارچۆڤەیی دا پشکا ھەرێما کوردستانێ دێ ھێتە رەوانە کرن، ژ بەر کو ھەموو ھەیڤان ل دەمێ بەلاڤکرنا مووچێ فەرمانبەرێن خوە، مووچێ فەرمانبەرێن ھەرێما کوردستانێ ژی رەوانە کەن.
ئه‌ڤرۆ نيوز:
ڤەکۆلینێن نوو ل زانکویا بوزیلی یا ئیتالی ھاتنە ئەنجام دان، شرۆڤەکرنا داتایێن ساخلەمی و خوارنێ ل سەر ملیون و نیڤ کەسان ھاتەکرن بۆ ماوێ 10 سالان، دیسان پێداچوون ل سەر دو ڤەکۆلینێن خوارنێ ھاتەکرن کو ئێک ژ وانا 25 کەسان پشکداری تێدا کر بوو و ڤەکۆلینا دیتر ژی 23 کەسان پشکداری تێدا کر بوون.
ئەنجامێن ڤەکۆلینێ دوپاتکر کو خوارنا مەعکەرونێ چەندین جاران د حەفتیێ دا چو کارتێکرنێ ل سەر قەلەویا مرۆڤی ناکەت، بەلێ رێیا چێکرنا وێ دیار دکەت چەند مفا یان زەرەر دگەھیتە لەشی.
نابیت روونێ زێدە دگەل مەعکەرونێ بھێتە چێکرن، بەلکو گەلەک کێم روون دناڤ دا بیت داکو مفایێ مەعکەرونێ بگەھیتە لەشی چونکۆ ئێک ژ مفایێن وێ ئاستێ کولسترولا زیانبەخش د لەشی دا کێم دکەت، ھەروەسان ئەگەر مەعکەرون ب زەیتا زەیتونان بھێـتە لێنان باشترە بۆ ساخلەمیا دلی و دەمارێن وی، دیسان مێشکی ژی ژ خەرفتنێ دپارێزیت.
نيشاندان