ئەڤرۆ نیوز :
لدووڤ پێشبینیا تە هەلبژارتیێ بەرازیل ب ئەڤان یاریکەرێن گەنج دێ شێت مۆندیالێ بەت یان نە
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سه‌ره‌كى Facebook
نڤێسینگەها سەرۆک بارزانی : بریارا گرتنا رێبوار تالەبانی درێژەپێدانا خیانەتا ١٦ ئۆکتۆبەرێ یە
ئەڤرۆ نیوز ، زنار تۆڤی :
د ئەڤ شەڤە دا نڤێسینگه‌ها سه‌رۆك بارزانی لێدوانەک دەرباره‌ی بریارا گرتنا رێبوار تالەبانی سه‌رۆكێ جڤاتا پارێزگەها كه‌ركووكێ بەلاڤەكریه و راگەهاندیە کو ئەڤ بڕیاره درێژه‌پێدانا خیانه‌تا 16 ئۆكتۆبه‌رێ یە.
ئەڤە ژی دەقێ وێ لێدوانێ یە:
لێدوانەک ژ نڤێسینگەها سەرۆك مەسعود بارزانی
دەركرنا بریارا گرتنا رێبوار تالەبانی درێژەپێدانا خیانەتا 16 ئۆكتۆبەرێ یە و ئەڤ جۆرە كریار و گرتن و سزادانا خەلكێ نیشتیمانپەروەر نابیتە ئەگەرێ ژێبرنا خیانەتا وان.
ئەوا دەرهەق رێبوار تالەبانی هاتیە كرن ب ئەگەرێ هەلویستێ نیشتیمانی و كوردپەروەرانە و عەدالەتخوازیا وی بوویە و ئەڤە راستیەكە كو هەموو لایەك دزانیت ، نوکە ژی هەموو كوردەکێ دلسۆز پشتەڤانێ رێبوار تالەبانیە و سەرۆك بارزانی ژی ب هەموو هێز ڤە پالپشتیێ لێ دکەت.
نڤێسینگەها سەرۆكی
3-6-2018
پارێزگه‌رێ دهۆكێ پێشوازیا برێكارێ وه‌زاره‌تا كۆچ وكۆچبه‌ران ل عيراقێ كر
ئه‌ڤرۆنيوز:
ئه‌ڤرو سپێدێ 3/6/2018 فه‌رهاد ئه‌مین پارێزگه‌رێ دهۆكێ پێشوازیا جاسم ئه‌لعه‌تيه برێكارێ وه‌زاره‌تا كۆچ وكۆچبه‌ران ل عێراقێ و شاندێ دگه‌ل دا كر ,
دهه‌ڤدیتنه‌كێ دا برێكارێ وه‌زاره‌تا ناڤبری ده‌ست خوه‌شی و سوپاسیا پارێزگارێ دهۆكێ و كارگێریا پارێزگه‌هێ و حوكمه‌تا هه‌رێما كوردستانێ ب گشتی كر بۆ وی كارێ ژ هه‌ژی وخزمه‌تا مه‌زن یا بۆ ئاواران كری دشه‌رێ دژی داعشێ دا و دیار كر كو هه‌كه هاریكاری و پشته‌ڤانیا هه‌رێما كوردستانێ و تایبه‌ت پارێزگه‌ها دهۆكێ نه‌با، دا ئاریشێن مه‌زن په‌یدا بن و گه‌له‌ك كێماسی ل ئاواران هه‌بن، لێ ئه‌و كار وخزمه‌تێن ژلایێ هه‌رێمێ ڤه بۆ هه‌موو ئاواران بێی جوداهی هاتینه كرن نه‌هێلا ئاریشه په‌یدا ببن و خزمه‌ته‌كا مرۆڤایه‌تی یا مه‌زن بۆ ئاواران هاته كرن .
ژلایێ خوه‌ڤه پارێزگه‌رێ دهۆكێ دیاركر كو ب هاتنا وێ رێژا مه‌زن یا ئاواران و گه‌له‌ك په‌نابه‌رێن سووری ژی هه‌بوون، گه‌له‌ك گڤاشتن كه‌فتنه سه‌ر كارگێریا پارێزگه‌هێ و خه‌لكێ پارێزگه‌هێ زێده‌باری برینا بودجێ ژلایێ به‌غدا ڤه و هه‌بوونا به‌روكێن شه‌ری یێن درێژ ل گه‌ل تیرورستێن داعشێ و كه‌له‌ك كێماسی ل خه‌لكێ پارێزگه‌هێ په‌یدا بوون، لێ ب هاریكاریا حوكمه‌تا هه‌رێمێ و خه‌لكێ پارێزگه‌هێ خزمه‌ته‌كا باش بۆ ئاواران هاته كرن و چو جوداهی دناڤبه‌را ئاواران دا نه‌هاته كرن وخزمه‌ت بۆ هه‌موويان هاته كرن.
برێكارێ وه‌زاره‌تا كۆچ وكۆچبه‌ران ل عێراقێ به‌رهه‌ڤیا وه‌زاره‌تا خوه دیار كر بۆ هه‌ر هاریكاریه‌كا دشیان دابیت و پێدڤی بیت بۆ خزمه‌تكرنا ئاواران بهێته كرن ول دووڤ پێدڤیا داخواز بهێته كرن دێ هاریكاری و پشته‌ڤانی هه‌بیت دهه‌ر بیاڤه‌كی دابیت .
خزمه‌تگوزاريه‌كا فه‌يسبووكى دێ هيته راوه‌ستاندن
ئه‌ڤرۆنيوز:
ده‌زگه‌هێن راگه‌هاندنێ يێن جيهانى ئاشكرا دكه‌ن كو به‌رپرسێن تۆرا جڤاكى يا فه‌يسبووكى دێ ئێك ژ خزمه‌تگوزاريێن وێ تۆرێ راوه‌ستينن.
ل دووڤ وان ده‌زگه‌هان، دڤێ هه‌فتيێ دا، به‌رپرسێن فه‌يسبووكى دێ خزمه‌تگوزاريا (Trending) يا تۆرا خوه راوه‌ستينن كو ب وێ خزمه‌تگوزاريێ بكارئينه‌رێن فه‌يسبووكى دشێن ده‌نگوباس وبه‌لاڤكريان ل سه‌رانسه‌رى جيهانێ ببينن/ هه‌روه‌سا ل وه‌لاتێ خوه ژى بينه‌رێن زۆر هه‌بوون ولايه‌ك وكۆمێنتێن زۆر بۆ هاتينه، هه‌ڤده‌م ده‌نگوباس وبه‌لاڤكريێن وان په‌يجا ژ دبينن كو لايه‌ك نه‌كرين.
به‌رپرسێن فه‌يسبووكى هه‌تا نوكه ب شێوه‌كێ فه‌رمى ئه‌گه‌ر راوه‌ستاندنا وێ خزمه‌تگوزاريێ به‌لاڤ نه‌كريه، به‌لێ دبيت ژبه‌ركو رێژا بكارئينه‌رێن وێ خزمه‌تگووزاريێ يێن كێم بووين، له‌وما دێ هيته راوه‌ستاندن.
فه‌يسبووك ل سالا 2004 هاته كاراكرن ونوكه ل سه‌رانسه‌رى جيهانێ بكارئينه‌رێن زۆر يێن هه‌ين، هه‌روه‌سا ب ئێكه‌مين تۆرا جڤاكى دهێته هژمارتن، به‌رپرسێن كۆمپانيا فه‌يسبووك يا ئه‌مريكى به‌رده‌وام خزمه‌تگوزاريێن ب مفا بۆ تۆرا خوه زێده دكه‌ن.
ل ئاكرێ 36 ته‌نێن كه‌ره‌ستێن ده‌م ب سه‌رڤه‌چووى ل 2018 هاتينه ژناڤبرن
ئه‌ڤرۆ نیۆز،ره‌مه‌زان هه‌رنی:
بەرپرسێ بنگەهێ چاڤدێرییا بازرگانی ل ئاكرێ، شهاب یاسین، راگه‌هاند هەر ل دەستپێكا ساڵا 2018ێ و هەتا ئه‌ڤرۆ (36) تەنێن كه‌ره‌سته‌یێن خورانێ و ڤه‌خارنێ و هشك و رون هاتینە ژناڤبرن، ژ وان (4) تەن دەرمان بوون.
شهاب ياسين بۆ ئه‌ڤرۆنيوز گۆت ژى” ئەڤرو رۆژا ئێك شه‌مبی 3/6/2018 چاڤدێریا بازرگانی ل ئاكرێ هژماره‌كا كارتونێن ماستێ ده‌م ب سه‌ر ڤه‌چوی ژناڤبرن”.
دياركر كو ئه‌و كه‌ره‌ستێن ده‌م ب سه‌رڤه چوى يێن هاتينه ژناڤبرن (65) بادی یێن ماستی بوون كو ژلایێ تیمێن چاڤدیریا بازرگانی ڤه ده‌ست ب سه‌ر دا هاتبوو گرتن.
سه‌رۆكێ كوريا باكوور نه‌شێت بهايێ ئۆتێلا خوه ل سه‌نگافۆرا بده‌ت
ئه‌ڤرۆ نيوز، فاتما مزوورى:
د راپۆرته‌كا عه‌ره‌بيه نێت دا هاتيه كو كوريا باكوور تێچيوويێ مانا سه‌رۆكێ خوه ل ئێك ژ ئۆتێلێن ناڤوده‌نگێن سه‌نگافۆرا نينن.
بڕياره ل 12ى ڤێ هه‌يڤێ سه‌رۆكێ كوريا باكوور كيم جۆنگ ئۆن ل گه‌ل سه‌رۆكێ ئه‌مريكا دونالد تره‌مپ كۆم ببيت.
تێچوويێ هه‌ر كه‌سه‌كى ژ شاندێ سه‌رۆكاتيێ ل ئۆتێله‌كا گه‌شتيارى يا وه‌لاتێ سه‌نگافۆرا شه‌ش هزار دۆلارێن ئه‌مريكى نه و شاندێ سه‌رۆكاتيا كوريا باكوور ژى ژ گه‌له‌ك كه‌سان پێك دهێت و ئه‌ڤ چه‌نده ژى بۆ كوريا بوويه بارگرانى و ژ وه‌لاتێن بيانى خواستيه كو تێچوويێ ئۆتێلێ ب ستوويێ خوه ڤه بگرن.
ژ لايێ خوه ڤه رۆژناما واشنتۆن پۆست يا ئه‌مريكى به‌لاڤكريه كو ئه‌مريكا نه‌ڤێت كوريا باكوور شه‌رمزار بكه‌ت، ژ به‌ر هندێ ژى ئاماده‌يا خوه نيشان دايه كو تێچوويێ ئۆتێلێ د ستوويێ خوه دا بگريت، به‌لێ ژ وێ چه‌ندێ ژى د ترسيت كو كوريا باكوور وه‌كو سڤكاتيپێكرن ڤێ چه‌ندێ بكه‌ت، ژ به‌ر هندێ ژى خواستيه كو وه‌لاتێ سه‌نگافۆرا مه‌زاختيێ شاندێ كوريا باكوور ب ستوويێ خوه ڤه بگريت.
ئه‌ڤرۆ نیوز هنده‌ك پێزانينێن نه‌بهیستى له‌سه‌ر شكه‌فتا شانه‌ده‌ر به‌لاڤ دكه‌ت
ئه‌ڤرۆ نیوز ، نه‌وزاد هلۆرى:
هه‌تا نها دناڤ خه‌لكى دا وه‌سا هاتیه به‌لاڤكرن كو ئه‌و مرۆڤێ ل شكه‌فتا شانه‌ده‌ر یا سه‌ر ب ده‌ڤه‌را بارزان ڤه ژیای، مرۆڤێ نیانده‌رتال بوویه، دیسان دهێته گوتن كو كه‌ڤنترین گوند و ده‌ڤه‌ر ل كوردستانێ كو هاتیه ئاشكراكرن چاندن تێدا هاتیه‌كرن گوندێ چه‌رمویه ل ده‌ڤه‌را گه‌رمیان به‌لێ ڤه‌كوله‌ره‌كێ ده‌ڤه‌را بارزان ئه‌ڤ هه‌ردوو زانیاریه ره‌تكرن و نووترین ئه‌و مرۆڤێ ل شانه‌ده‌ر ژیایى و ئه‌و ده‌ڤه‌را بۆ ئێكه‌م جار چاندن تێدا هاتیه‌كرن ئاشكرا دكه‌ت.
كرمانج چالى، ڤه‌كوله‌رێ جڤاكى و نڤیسه‌ر ل ده‌ڤه‌را بارزان بۆ ئه‌ڤرۆ نیوز گۆت: (شكه‌فتا شانه‌ده‌ر ل ده‌ڤه‌را بارزان ب ئێك ژ كه‌ڤنترین جهێن شوونوارى ل هه‌رێما كوردستانێ دهێته هژمارتن كو نێزیكه ل رووبارى و چه‌ندین كانیێن ئاڤێ و ژیانا مرۆڤان یا ده‌ستپێكى ل ڤێره بوویه ، ب گوره‌ى ئه‌وان ڤه‌كۆلینێن كو ل ڤێ دوماهیێ ل سه‌ر شكه‌فتا شانه‌ده‌ر ل سه‌ر گورێن وان كه‌سان هاتینه‌كرن ئه‌وێن كو ل ڤێره هاتینه دیتن دیاربوویه كو ئه‌و مرۆڤێ ل شانه‌ده‌ر ژیای مرۆڤێ نیانده‌رتال نه‌بوویه، به‌لكو مرۆڤه‌ك بوویه گه‌له‌ك كه‌ڤنتر ژ مروڤێن نیانده‌رتال و ئه‌ڤه د ده‌مه‌كێ دایه كو هه‌تا نها خه‌لك وه‌سا هزر دكه‌ت كو ئه‌و مرۆڤێ ل شكه‌فتا شانه‌ده‌ر ژیای مرۆڤێ نیانده‌رتال بوویه “.
كرمانجى دياركر ژى” روخسارێ وان مرۆڤێن ل ڤێره هاتینه دیتن ژ یێن نیانده‌رتال جودایه و ڤه‌كۆلینێ دایه دیاركرن كو چه‌ند ده‌سته گوله‌ك ل سه‌ر گورێن وان هه‌بوون مینا گوله بووك و نێرگز و به‌یبین و چه‌ند جۆره‌كێن دن بوون “.
زێده‌تر گۆت: (دووماهى ڤه‌كۆلینێ 29 مه‌تران گورێن ناڤا شكه‌فتا شانه‌ده‌ر كولاینه كو ئه‌ڤ یه‌ك ژى تشته‌كێ حێبه‌تى یه وهه‌كه ئه‌وان گور 29 مه‌تران كوور كولابن ژ خوه تشته‌ك حێبه‌تى یه ، و ده‌ستپێكا په‌یدابوونا مرۆڤان و ژیانا وان ل شكه‌فتان بوویه ب تایبه‌تى ژبه‌ر خوه‌پاراستنێ ، ل ده‌ردورێن شكه‌فتا شانه‌ده‌ر رووبار و كانیێن زور هه‌نه و ئه‌ڤ یه‌ك بوویه ده‌ستپێكا ده‌ركه‌فتنا شوره‌شا چاندنێ) .
چالى د درێژاهیا ئاخفتنێن خوه‌دا دیاركر ژى، ژبه‌ركو ده‌ستپێكا ژیانێ ل شكه‌فتا شانه‌ده‌ر بوویه، ئه‌ڤ یه‌ك بویه سه‌ده‌م كو ئێكه‌م جار چاندن ژى ل ده‌ڤه‌را بارزان ده‌ربكه‌ڤیت و گۆت : (كه‌ڤنترین گوند و چه‌مێ كوردستانێ چاندن تێدا هاتیه‌كرن چه‌مێ جێرموو بوویه ل ده‌ڤه‌را بارزان نه‌كو گوندێ چه‌رموو بوویه ل ده‌ڤه‌را گه‌رمیان وه‌كو دهێته گوتن).
خوياكر ژى، بۆ ئێكه‌مین جار ڤه‌كۆلین ل سه‌ر شكه‌فتا شانه‌ده‌ر هاتیه‌كرن دزڤریت بۆ سالێن 1951-1960 ل سه‌ر ده‌ستێ زانایه‌كێ ئه‌مریكى و زێده‌تر گۆت: (نها هه‌ستیكێن وان مرۆڤێن كو ل شكه‌فتا شانه‌ده‌ر هاتینه دیتن ل زانكۆیێن ئه‌مریكا دهێنه پاراستن و ڤه‌كۆلینێن زێده‌تر ل سه‌ر دهێنه‌كرن).
ل دۆر خزمه‌تگوزارییێن كو ژلایێ جهێن شوله‌ژێ بۆ شكه‌فتا شانه‌ده‌ر هاتینه‌كرن داكو ببیته ئێك ژ جهێن گه‌شتوگوزارى ، چالى گۆت: (شكه‌فتا شانه‌ده‌ر زێده‌بارى كو جهه‌كێ گرنگه وه‌كو شوونوار و شارستانى ، دهه‌مان ده‌م دا دكه‌ڤیته جهه‌كێ خوه‌ش و سه‌رنجراكێش وسیمایه‌كێ گه‌شتوگۆزار ژى هه‌یه ، و پشتى كو چه‌ند ره‌وشه‌نبیر و نڤیسكارێن ده‌ڤه‌را بارزان چالاكیێن جودا جودا ل شكه‌فتا شانه‌ده‌ر ئه‌نجامداین، ئه‌ڤ یه‌ك بوویه ئه‌گه‌ر كو كۆمه‌لا دوستينيا كوردستانى- بریتانى كۆمه‌كا خزمه‌تگوزاریێن مینا رێیا ترومبێلێ ، پاركا ترومبێلان ، رێیا پیاده ، چه‌ند كه‌پر و خزمه‌تگوزاریه‌كێن دى ، درۆستكه‌ن ، به‌لێ دیسان دبێژم ئه‌ڤ یه‌ك ل پێدڤى بناڤ و ده‌نگى و گرنگى یا شكه‌فتێ نینه و پێدڤیه پێزانينێن پێدڤى ل گه‌له‌ك جهێن شكه‌فتێ بهێنه هه‌لاویستن داكو ئه‌و كه‌سانێن سه‌ره‌دانا شكه‌فتێ دكه‌ن بێ پێزانين نه‌زڤرن و تشته‌كێ ژ شكه‌فتێ بزانن، ژبه‌ركو رێژه‌یه‌كا زورا گه‌شتیاران سه‌ره‌دانا شكه‌فتا شانه‌ده‌ر دكه‌ن).
نه‌یماری گرێبه‌ستا خوە ل گه‌ل ریال مه‌درید ئیمزا كریه
ئەڤرۆ نیوز :
لدووڤ به‌رنامه‌کێ ته‌له‌ڤزیۆنی ، نه‌یمار دا سیلڤا، یاریزانێ یانا پاریس سانجێرمان یا فر‌نسی، ئیمزا ل سه‌ر گرێبه‌ستا ڤەگوهاستنێ بۆ یانا خوە یا نوو كریە ، دبیت گرێبەستا وی بگەهیته 300 ملیۆن یۆرۆ یان.
به‌رنامێ چیرنجیتۆ یێ ئیسپانی بەحسێ هندێ کریە ، کو نه‌یمار دێ یاریێ بۆ ریال مه‌درید یا ئیسپانی کەت، ل دەستپێکا وه‌رزێ بهێت دا، لدووڤ وی میدیاكارێ ئیسپانی، ئیدواردۆ ئیندا، ل به‌رنامێ خوە یێ ته‌له‌ڤزیۆنیدا ئاماژه ب هندێ كریە.
رێڤه‌به‌رێ رۆژناما ئۆك دیاریۆ یا ئیسپانی گوتیە ،ئەو ده‌سته‌واره ته‌مام بوویە و بەری ده‌ستپێكرنا مۆندیالێ ، ل رووسیا، دێ گرێبه‌ستكرنا ریال مه‌درید ل گه‌ل نه‌یمار هێتە راگه‌هاندن.
ئیندا د بەرنامێ خوە دا گوتیە ، نه‌یمار دانوستاندنێ ل گه‌ل ریال مه‌درید ناكەت، چونكی ب كریار ئیمزا ل سه‌ر گرێبه‌ستا ڤەگوهاستنێ بۆ ریال مه‌درید كریه.
هه‌روه‌سا گوت ژی ، دبیت پێش ده‌ستپێكرنا مۆندیالێ ، ئەو ده‌سته‌واره بهێتە راگه‌هاندن.
سێ تۆمه‌تبار هاتنه ده‌سته‌سه‌ركرن
ئه‌ڤرۆ نيوز، فاتما مزوورى:
ئه‌ڤرۆ رۆژا ئێكشه‌مبى 3ى تيرمه‌ها 2018ێ رێڤه‌به‌ريا پۆليسێن پارێزگه‌ها دهۆكێ راگه‌هاند كو سێ تۆمه‌تبار هاتنه ده‌سته‌سه‌ركرن پشتى كو ل هه‌ردو تاخێن هه‌ڤالان و مامۆستايان رابووينه ب ئه‌نجامدانا دزيان و د نها دا پۆليس شياينه ئه‌نجامده‌رێن ڤان تاوانان ده‌سته‌سه‌ربكه‌ن.
رێڤه‌به‌رێ نڤيسينگه‌ها نه‌هێلانا تاوانێن رۆژهه‌لات د راگه‌هاندنه‌كا نڤيسى دا راگه‌هاند كو د دو رێكه‌فتێن جودا دا پۆلیسێن هه‌ولێرێ هاتنه ئاگه‌هداركرن ب هه‌بوونا دو تاوانێن دزیكرنێ ل تاخێ ماموستایان و تاخێ هه‌ڤالان و روپه‌لێ ڤه‌كولینان ژبۆ وان تاوانباران هاتبوو ڤه‌كرن و شيان د ده‌مه‌ك كێم دا ناسنا‌یا وان كه‌سان ئاشكهرا بكه‌ن و ده‌سته‌سه‌ربكه‌ن.
رائید سیروان حه‌مید حه‌سه‌ن ریڤه‌به‌رێ نڤیسنگه‌ها نه‌هێلانا تاوانێن رۆژهه‌لات، ژ گۆت: “ئه‌م هاتينه ئاگه‌هدار كرن ب سه‌ده‌ما هه‌بوونا دو روودانێن دزیكرنێ و پشتی لێگه‌ریانێ مه شيا د زووترین ده‌م دا ناسنامێن وان ئاشكهرا بكه‌ین وان ژی هه‌ر د هه‌مان ده‌م دا تاوانا خوه ل سه‌ر خوه ئاشكهرا كریه”.
ئاشكهرا ژى كر كو تاوانا ئێكێ ل رێكه‌فتی 30_5_2018 تاوانبار ب ناڤێ (ر.ل.ع) یێ 29 ساڵی (د.ز.ق) یێ (25) سالی راببوون ب دزینا 100 مسقالێن زێرى و پاران ل تاخێ هه‌ڤالان.
تاوانا دويێ ل رێكه‌فتی 2_6_2018 تاوانبارێ ب ناڤێ (ج.م.ص)، 32 سال كو راببوون ب دزینا پاره و لاپتۆپان ل جاددا 40 مه‌تری ل تاخێ ماموستایان و و رووپه‌لێ ڤه‌كولینان ژبۆ هاتیه ڤه‌كرن و ب بڕیارا دادوه‌ری هاتنه ده‌سته‌سه‌ركرن ل سه‌ر ماده‌یا 443ێ يا تايبه‌ت ب دزيێ ڤه.
چه‌ند برياره‌ك ل دۆر قه‌ده‌غه‌كرن وهاورده‌كرنا گوشتى هاتن ده‌ركرن
ئه‌ڤرۆنيوز:
دكۆمبوونه‌كا وه‌زاره‌تا چاندنێ وژێده‌رێن ئاڤێ ل هه‌رێما كوردستانێ، رێڤه‌به‌ريا گشتى يا سامانێ ئاژه‌لى وڤێتێرنه‌رى چه‌ند برياره‌ك ل دۆر ئينانا به‌رهه‌مێن كوشتى ده‌ركرن.
وه‌زاره‌تا چاندنێ وژێده‌رێن ئاڤێ ئه‌ڤرۆ ئێكشه‌مبى 3/6/2018 به‌لاڤكر” رێباز حه‌ملان وه‌زيرێ چاندنێ وژێده‌رێن ئاڤێ ب وه‌كاله‌ت سه‌رپه‌رشتيا كۆمبوونه‌كێ كر ب به‌رهه‌ڤبوونا رێڤه‌به‌رێ گشتيێ سامانێ ئاژه‌لى وڤێتێرنه‌رى ب وه‌كاله‌ت وريڤه‌به‌رێ گشتيێ پلان ودوڤچوونێ وچه‌ندين ريڤه‌به‌رێن په‌يوه‌نديدار”.
وه‌زاره‌تا ناڤبرى رۆهنكر” دوێ كۆمبوونێ دا چه‌ند برياره‌ك هاتنه ده‌ركرن، وه‌كو قه‌ده‌غه‌كرنا مۆله‌تا هاورده‌كرنا گوشتێ گامێشێ هندى وهه‌روه‌سا زێده‌كرنا پشكا پارێزگه‌هان ژ هاورده‌كرنا ئاژه‌لێ زيندى ب رێژا 100% زێده‌تر بۆ پشكا ته‌رخانكرى، ئه‌ڤ چه‌نده ژى تنێ بۆ هه‌ردو هه‌يڤێن 6 و7 سالا 2018″.
زێده‌تر تێدا هاتيه، پشكا پارێزگه‌هان ل هاورده‌كرنا مريشكێن جه‌مدى ب رێژا 100% زێده‌تر بۆ پشكا ته‌رخانكرى، ئه‌ڤ چه‌نده ژى تنێ بۆ هه‌ردو هه‌يڤێن 6 و 7 سالا 2018.
نيشاندان
WP Facebook Auto Publish Powered By : XYZScripts.com