ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: کو د روودانەکا هاتنوچوونێ دا کەسەک برينداربوو.
ناڤهاتی زێدەتر دا دیارکرن : ئەڤرۆ شەمبیێ ل دەمژمێر 12 نیڤرۆ ل سەر جادا ئێتیتێ ترۆمبێلەکا بیکاب خوە ل ستوونەکا ل ناڤا جادێ دایە و د ئەنجامدا کەسەک برینداربوویە و زیانێن مادی ژی ب وێ ترۆمبێلێ کەفتینە.
ئه‌ڤرۆ نيوز، فاتما مزوورى:
په‌نابه‌رێن سورى يێن ل باكوورێ كوردستانێ و توركيا د بنه‌جهـ ب مه‌ره‌ما ده‌ربازكرنا رۆژانێن جه‌ژنێ ل سوريا، ناڤێن خوه تۆماركرينه ب مه‌ره‌ما ڤه‌گه‌ريان بۆ وه‌لاتێ خوه.
په‌نابه‌رێن سورى پشتى كارێن خوه يێن قانوونى ئه‌نجام داين، به‌رێ خوه داينه ده‌رگه‌هێ سنوى يێ ئونجۆپنار يێ سه‌ر ب پارێزگه‌ها كليێ و هه‌تا نوكه 74 هزار په‌نابه‌ران ناڤێن خوه تۆمار كرينه دا كو ڤه‌گرنه سوريا.
د ڤان رۆژێن ده‌رگه‌هـ بۆ هاتيه ڤه‌كرن دا كو زێده‌ترى حه‌فتيه‌كێ يه 22 هزار په‌نابه‌ر چووينه جه‌رابلۆس، ئه‌زاز، ماره‌هـ، سۆران، ئاك تارين، چۆبانبه‌يلى، عه‌فرين و ئه‌لبابێ.
نه‌هـ 10 رۆژه ده‌رگه‌هـ ل په‌نابه‌رێن سورى هاتيه ڤه‌كرن دا كو ڤه‌گه‌رنه وه‌لاتێن خوه و جه‌ژنا ره‌مه‌زانێ ل وێرێ ده‌رباز بكه‌ن و پشتى جه‌ژنێ جاره‌كا دى ڤه‌گه‌رنه ناڤ كه‌مپێن خوه ل توركيا و باكوورێ كوردستانێ.
13ى خزيرانا 2018ێ رۆژا دووماهيێ يه كو په‌نابه‌رێن سورى ڤه‌گه‌رنه سه‌ر مالێن خوه. پشتى وى ده‌مى سنور ژ به‌ر جه‌ژن و هه‌لبژارتنێن توركيا دێ هێته گرتن. سالا بۆرى 172 هزار و 550 په‌نابه‌رێن سورى جه‌ژن ل سوريا ده‌رباز كربوون و ژ ڤێ هه‌ژمارێ ب تنێ 111 هزار و 620 په‌نابه‌ر ڤه‌گه‌ريابوون.
ئەڤرۆ نیوز :
میدیایێن تەکنۆلۆژی یێن جیھانی ئاشکرا کرن ، کو بەرپرسێن تۆرا جڤاکی یا (فەیسبووکی)، ئێک ژ خزمەتگوزاریێن تۆرا خوە دێ راوەستینن.
دوهی میدیایێن تەکنۆلۆژی یێن جیھانی بەلاڤەکرینە ، کو دڤێ حەفتێ دا، بەرپرسێن فەیسبووکی خزمەتگوزاریا (Trending) یا تۆرا خوە دێ راوەستینن، کو ب ڤێ خزمەتگوزاریێ ب کارھێنەرێن فەیسبووکی دشیان وان نووچە و بەلاڤکریان ببینن، یێن کو ل سەرانسەری جیھانێدا، ھەروەسا ل وەلاتێ خوە ژی دا ، هەروەسا بینەرەکێ زۆر ژی ھەبوو ،گەلەک لایک و کۆمێنت بۆ ھاتینە، ھەڤدەم نووچە و بەلاڤۆکێن وان پەیجان ژی دبینن، یێن کو لایک ژی نەکرین.
لێ بەرپرسێن فەیسبووکی هەتا نوکە ب شێوەکێ فەرمی ئەگەرێ راوەستاندنا ڤێ خزمەتگوزاریێ بەلاڤە نەکریە، بەلێ پێدچیت ب ئەگەرێ هندێ کو رێژا ب کارئینانا ڤێ خزمەتگوزاریێ کێم بوویە ، لەوما بەرپرسێن ڤێ تۆرێ دێ راوەستینن.
فەیسبووک ل سالا 2004 دا هاتیە کارا کرن و نوکە ئێک ژ مەنترین تۆرێن جڤاکی ل سەرانسەری جیهانێ دهێته دانان.
ئه‌ڤرۆ نيوز:
نەخوشەک ب ناڤێ(س،ع) ل دەڤەرا نەھلێ ل گوندێ بامشمش توشی حالەتەکێ سەیر بوویە کو ژیێ وێ چار ھەیڤە و روڤیکەکا زێدە ل دەڤی دەردکەڤیت و چوار جارا ئەو روڤیک ھاتیە برین و لێ پشتی چەند روژەکان جارەکا دی سەر ھلدەتەڤە و روژا ئێک شەمبێ ل دھوکێ دێ نشتەرگەری بۆ ھێتە ئەنجامدان.
دکتور حەمو محمد خەلکێ گوندێ بامشمشە ددەتە دیارکرن کو چەندین جاران ئەڤ نەخوشە ئینایە کلینیکێ کو توشی ڤی حالەتەی بوویە و چەندین جارا ئەو روڤیک ھاتیە برین لێ ھەر سەرھلدایەڤە،لەوما مە ب فەر زانی نەخوشی رەوانەی دھوکێ بکەین داکو چارەکێ بۆ ڤی حالەتەی ببینن و ئەڤ زاروە ژ ڤێ نەخوشیێ خلاس بیت.
دکتور قادر رێڤەبەرێ سەنتەرێ نشتەرگەریێن زاروا ل دھوکێ ل دور نەخوشیا ڤی زاروی ددەتەدیارکرن کو ئەڤ حالەتە گەلەکێ کێمە ل بریتانیا ١٠ سالێن چوی دا تنێ پێنج زارۆ ب ڤی شێوی بووینە و نشتەرگەری بۆ ھاتینەکرن، لێ ب شێوەکێ گشتی ل جیھانێ گەلەک یا کێمە کو دبێژنە ڤێ نەخوشیێ بوریا خوارنێ کو ڤی زاروکەی دو بوری نە ئێک ژ وان گرێدایە ب مەعیدێ ڤە و یا دی ژی گرێدای دەڤی یە و ناگەھیتە مەعیدەی وەختێ ئەو دلێ خۆ رادکەت ئەو روڤیک دھێتە ژ دەرڤە کو تێگەھێ نوشداری دبێژنێ جێمکێ بوریا خوارنێ.
دکتوری زێدەتر گۆت کو نشتەرگەریا وی دێ نازورێ ھێتە ئەنجامدان دێ بەرێ خۆ دەینێ کا ب کیرێ ڤە یا گرێدایە پاشی دێ سەرێ زکێ وی ڤەکەین و دێ دەمارێ گرین داکو خوین بەربوون بۆ چێنەبیت پاشی رەخێ ملێ راستێ بن کەفشێ وی بێھنەکێ ڤەکەین، کو دبنە سێ نشتەرگەری، ب ئاناھیا خودێ دێ یا سەر کەفتی بیت ھەر چەندە یێ بچیکە، چونکی سێ نشتەرگەرێ د ئێک دەمدا دێ بیتە بارگرانی بۆ زاروی لێ ئەم نەچارین ھەرسێ یا بکەین، چونکی ئەگەر نشتەرگەری بۆ نەھێتەکرن ژیانا وی یا د مەترسیێ دا، ئەگەر ئەو ریڤیکا دەردکەڤیت و بچیتە بوریا ھەناسێ دا زارو دێ خەندقیت، بەر ھندێ ھەر خولەکەک ب ڤی شێوەی ل سەر ژیانا وی مەترسی یە، لەوما نشتەرگەری نەچاریە بۆ ڤی زاروی.
ئەڤرۆ نیوز ، تۆڤی :
چەندین ڤەکۆلین ل سەر مفایێن سیرێ هاتینە ئەنجامدان ، کو خوارنا وێ گەلەک مفای دگەهینیتە لەشێ مرۆڤی ، سەرەرای هندێ کو بێهنەکا نەخۆش ژێ دهێت ، لەوما د ڤێرێ دا دێ بەحسێ هندەک مفایێن خوارنا سیرێ بۆتە کەین کو بەری نڤستنێ بخۆ ، ئانکو یا باشە مرۆڤ بەری نڤستنێ سیرێ بخوت ، ژبەر ئەڤان ئەگەران :
1. سیر پتریا کێشێن هەرسکرنێ چارەسەر دکەت ، ئەڤە ژ بلی هندێ کو سیر کێشا غازاتێن دناڤا گەدێ دا کێم دکەت.
2. کۆئەندامێ بەرگریا لەشی ل دژی نەخۆشیان ب هێز دکەت.
3. گەلەک یا کاریگەرە بۆ پاراستنا لەشی ژ نەخۆشیێن دلی و خوینبەران ، چونکی رێژەکا زۆر یا ئەنزیمێ “برۆستاکلاندین” تێدا هەیە ، کو ئەڤە ئەگەرێ جەلتێ و مەینا خوینێ کێم دکەت.
4. خوارنا سیرێ بەری خەوێ لەشی ژ توشبوونا پەنجەشێرێ دپارێزیت.
ئەڤرۆ نیوز ، زنار تۆڤی :
پشتی هەلبژارتنێن پەرلەمانێ عێراقێ ئێکسەر پارتی دیموکراتی کوردستان دەست ب گوهۆرینێن ناڤخوەیی یێن حزبێ کر و د ئێکەم پێنگاڤ دا پارتی بەرپرسێن هەر سێ لقێن خوە ل كه‌ركووك و هەلەبجە و سلێمانیێ گوهارتن.
وەکو دیار مەکتەبا سیاسی یا پارتی د دووماهی کۆمبوونا خوە دا بریارا دا کو گوهۆرینێن مەزن یێن ناڤخوەیی یێن حزبێ ل سەر ئاستێ لق و مەکتەبان بکەن ، لەوما هەر نوکە پارتی بەرپرسێ لقا 12 ل هەلەبجە گوهارت و کادرەکی گەنج ب ناڤێ بەسام عەلی حەمە سالح کرە بەرپرسێ لقا هەلەبجە.
هەروەسا پارتی دیموکراتی کوردستان ئالان حەمە سەعید كادرێ خوه یێ گه‌نج كو ئەندامێ جڤاتا سەرکرداتیا سلێمانیێ بوو ، كره بەرپرسێ لقێ چار یا پارتی ل پارێزگەها سلێمانیێ.
دیسا ل كه‌ركووكێ ژى پارتى شاخه‌وان عه‌بدوللا كادرێ خوه یێ دیار ل وێ پارێزگه‌هێ و ئەندامێ پەرلەمانێ عێراقێ ، بۆ پۆستێ به‌رپرسێ لقێ کەرکووکێ ده‌ستنیشان كریە.
لدووڤ بریارا مەکتەبا سیاسی یا پارتی ، ئەڤ گوهۆرینە دێ لق و مەکتەبێن پارتی ، ل دەڤەرێن کوردستانی یێن دەرڤەی ئیدارەیا هەرێمێ ژى ڤەگەریت و پارتی ل بەرە کۆمەکا کادرێن خوە یێن گەنج بگەهینیتە جهێن بریارێ.
ئەڤرۆ نیوز ، زنار تۆڤی :
ئەڤرۆ شەمبیێ 2/6/2018 هێزه‌كا سوپایێ ئەمریکا گه‌هشته سه‌رێ چیایێ شنگالێ و بریاره بنگه‌هه‌كێ سه‌ربازی ل سه‌رێ وی چیایی دانیت.
لدووڤ زانیاریێن ئەڤرۆ نیوز ، ئه‌ڤرۆ شەمبیێ 15 ترۆمبێلێن سه‌ربازی یێن سوپایێ ئه‌مریكا ب چه‌ك و كه‌ل و په‌لێن خوە یێن سه‌ربازی ڤه گه‌هشتینه چیایێ شنگالێ و ل نێزیك گۆپیتكا میرا یا زنجیرا وی چیایی بنه‌جهـ بووینه.
هەروەسا وێ هێزا ئه‌مریكی ئامیر و ترومبێلین خوه ژی ل وێ ده‌ڤه‌رێ داناینه و ده‌ست ب ئاماده‌كاریێن دانانا بنگه‌هه‌كێ سه‌ربازی یێ به‌رفره‌هـ ل چیایێ شنگالێ دكه‌ن.
ئه‌ڤرۆنيوز:
دچارچۆڤێ گه‌را 29 ژخۆلا عيراقى يا يانێن پلا ناياب، يانا زاخۆ تووشى دوراندنێ بوو ل ياريگه‌ها سه‌ماوه ل سه‌ر ده‌ستێ يانا سه‌ماوه ب ئه‌نجامێ 1-2.
يانا زاخۆ گۆلا ئێكێ دياريێ دا ل خۆله‌كا 48 ژلايێ ياريكه‌رێ خوه يێ پيشه‌كار ئيمبو جوديل تۆماركر ويانا سه‌ماوه هه‌ردو گۆلێن خوه ل خۆله‌كێن 75 و93 تۆماركرن ب رێيا ياريكه‌رێن خوه موسا عه‌دنان وعه‌لى عه‌بدوللا سه‌لال.
ب ڤى ئه‌نجامى زاخۆ ل رێزا 20 ودووماهيێ ب 13 ما ويانا سه‌ماوه خالێن خوه گه‌هاندنه خالا 30 ول رێزا 13 دهێت.
نيشاندان