ئەڤرۆ نیوز ، تۆڤی :

ل حەفتیا بوری شاندەکێ پارتی سەرەدانا بەغدا كربوو و ل گەل حزب و لایەنێن سیاسی كۆمبوویە ، وی شاندی پارتی راگەهاند بوو ، بۆ كوردان وەرگرتنا پۆستێ سەرۆك كۆماری یێ گرنگە ، لەوما دڤێت گوتۆبێژ ل سەر وی پۆستەی بهێتە کرن ، لدووڤ هژمارا كورسیان ژی دێ پشكا پارتی بیت.
هەڤدەم ل سەر وەرگرتنا پۆستێ سەرۆك كۆمارێ عێراقێ هژمارک ژ بەرپرسێن ئێكەتیێ لێدوانێن جۆدا ددەن و پشکەک ژ وان دبێژن ئەڤە پشكا ئێکەتیێ یە ،چونکی بەری نوکە رێككەفتن دناڤبەرا ئێكەتیێ و پارتی ل سەر ڤی پۆستی هاتیە كرن.

مەحمود محەمەد پەیڤدارێ پارتی دیموكراتی كوردستان دیارکریە ، کو پۆستێ سەرۆك كۆماری پشكا كوردانە و ل كوردستانێ ژی ب رێككەفتن دێ هێتە ئێكلا کرن ، چونكی هەکە بەری نوکە رێككەفتنەک دناڤبەرا سەرۆك بارزانی و جەلال تالەبانی دا هەبیت ، ب ئەگەرێ پابەند نەبوونا ئێكەتیێ ئەو رێككەفتنە تێكچوویە ، هەروەسا گوتیە ، دڤێت سەر ژنوو گفتوگۆ بهێتە کرن بۆ رێككەفتنێ ل سەر ڤی پۆستی و لدووڤ هەموو پێڤەران ژی سەرۆک کۆمار پشكا پارتی دیموكراتی كوردستانە.

ئەڤە چەند سالن پۆستی سەرۆك كۆمارێ عێراقێ د دەستی ئێکەتیێ دایە ، بەلێ زۆرترین نەرازیبوون و نیگەرانی ل سەر فوئاد مەعسوومی سەرۆك كۆمار ل پشكا ئێکەتیێ هەبوویە ب ئەگەرێ وێ چەندێ ل دەمێ بوریدا وی هەلویست بەرانبەر مافێن دەستووری یێن خەلکێ كوردستانێ نەبوویە.

ئه‌ڤرۆنيوز:

سه‌باره‌ت به‌خشێ كه‌نالێن ناڤخوه‌يى وسيسته‌مێ ميكس ميديا، هه‌ردو جڤاتێن پارێزگه‌هێن هه‌ولێرێ وسلێمانيێ بزاڤێن ئه‌نجامدانا كۆمبوونان دكه‌ن.

ده‌مێ هه‌فتيه‌كێ يه‌ ب ناڤێ گوهۆرينا سيسته‌مێ به‌خشێ كه‌نالێن ناڤخوه‌يى، هژماره‌كا مه‌زن يا كه‌نالێن ناڤخوه‌يى هاتينه‌ داخستن ووه‌لاتى دهێنه‌ نه‌چاركرن ئاميره‌كى ب كۆژمێ 39 هزار ديناران بكرن.

ل دۆر بزاڤێن راگرتنا وێ بريارێ، چنار جه‌لال ئه‌نداما جڤاتا پارێزگه‌ها هه‌ولێرێ بۆ وشه‌ گۆت”كرينا وى ئاميرى بارگرانيه‌كا ئابوورى دێ ئێخيته‌ سه‌ر ملێن وه‌لاتيان وپێدڤيه‌ چاره‌يه‌ك بۆ ڤى بابه‌تى بهێته‌ ديتن”.

كاسترۆ مه‌عروف، ئه‌ندامێ جڤاتا پارێزگه‌ها سلێمانيێ دداخۆيانيه‌كێ دا داخواز ژ جڤاتا پاريزگه‌ها سلێمانيێ كر ل سه‌ر راگرتنا كه‌نالێن ناڤخوه‌يى وكرينا به‌خشێ وان ب پاره‌ كۆم ببيت.

زێده‌تر گۆت” كۆمپانيێ رێيه‌كا دى يا هه‌ى ودشێت ئاميرى بفرۆشيت، به‌لێ كارت نه‌بيت ئانكو پارێ كارتێ ژوه‌لاتيان نه‌هێته‌ وه‌رگرتن”.

ئه‌ڤرۆنيوز:

به‌رپرسه‌كێ پارتى ديموكراتى كوردستان ئاشكرا دكه‌ت كو ئه‌و رێككه‌فتنا پێشتر دناڤبه‌را پارتى وئێكه‌تيێ ل سه‌ر پۆستێ سه‌رۆك كۆمارى هاتيه‌ كرن، ل گه‌ل ئه‌نجامدانا پرۆسا هه‌لبژارتنێن جڤاتا نوونه‌رێن عيراقێ ب دووماهى هات.

بلند ئيسماعيل، به‌رپرسێ لقێ 16 يێ پارتى گۆت” پارتى بريارا خوه‌ يا داى وبه‌رهه‌ڤيا خوه‌ بۆ روونشتن ودانوستاندنێ ل گه‌ل هه‌موو لايه‌نان دياركريه‌، ب تايبه‌ت لايه‌نێن سه‌ركه‌فتى دهه‌لبژارتنان دا وكورسى بده‌ستڤه‌ئيناين، چونكى ب ديتنا مه‌ هه‌كه‌ كوردان بڤێت ب سه‌نگ بچنه‌ به‌غدا پێدڤيه‌ هه‌موو پێكڤه‌ هه‌ڤپه‌يمانيێ بكه‌ن، هه‌كه‌ هه‌ڤپه‌يمانى ژى نه‌بيت، ب كێمى جۆره‌كێ هه‌ڤتێگه‌هشتنێ هه‌بيت”.

بلندى زێده‌تر بۆ باسنيوز گۆت” ئه‌و رێككه‌فتنا دناڤبه‌را پارتى وئێكه‌تى كو پێشتر ل سه‌ر پۆستێ سه‌رۆك كۆمارى هاتبوو كرن، ل گه‌ل ئه‌نجامدانا ڤان هه‌لبژارتنان دووماهى پێ هات، له‌وما دڤێت جاره‌كادى رێككه‌فتن بهێته‌ كرن، ئه‌ڤجا دێ چاوان بيت ودێ چ بيت وكى دێ بيت، ئه‌و ل سه‌ر رێككه‌فتنێ دمينيت”.

پێشتر مه‌حموود محه‌مه‌د په‌يڤدارێ پارتى ديموكراتى كوردستان ل دۆر پۆستێ سه‌رۆك كۆمارى راگه‌هاندبوو” بلا بۆ خه‌لكێ كوردستانێ راس بكه‌ين كو ئه‌و پۆسته‌ يێ كوردانه‌ نه‌كو يێ ئێكه‌تيێ يه‌، چه‌ندين ساله‌ ژى ئه‌و پۆسته‌ ب رێككه‌فتن بۆ ئێكه‌تيێ يوو، هه‌لبه‌ت ئێكه‌تيێ ب خوه‌ ئه‌و رێككه‌فتنه‌ نه‌هێلايه‌، له‌وما پێدڤيه‌ لايه‌نێن كوردستانى دانوستاندنێ ل سه‌ر بكه‌ن، نوكه‌ مه‌ چو رێككه‌فتن ل گه‌ل ئێكه‌تيێ ل دۆر وى پۆستى نه‌كريه‌، ئه‌و دمينيت ل سه‌ر دانوستاندنێن لايه‌نێن كوردستانى، كا چاوان ودێ كى بيت، دێ يێ بێ لايه‌ن بيت، حزبى بيت، يان كه‌سه‌كێ ب شيان بيت ورۆل هه‌بيت بۆ چاره‌كرنا كێشان