ئەڤرۆ نیوز، باسم قاسم شنگالی
ئه‌ڤرۆ پشتی نیڤرۆ 02:00 ب ئەگەرێ شورتەکێ کارەبێ ئاگر بەربوو سێ خیڤەتێن ئاوارەیێن شنگالێ ل کەمپا چەم مشکۆ.
قاسم ملحم، ژناڤ کەمپێ بۆ ئەڤرۆ نیوز گۆت، ئەڤ حالەتا ئەڤرۆ چێبووی ب ئەگەرێ شورتەکێ کارەبێ بوو.
گۆت ژى ، پتریا ڤان حالەتێن ئاگری دناڤ کەمپان دا ژ ئەنجامێ شۆرتێن کارەبێ نە و هندەك جاران ژی ل وەرزێ زڤستانێ ژ ئەنجامێ سۆپێن کارەبێ و ب سەرڤەچوونا کێبلێن کارەبێ نە، ئەڤرۆ ژی ل کەمپا چەم مشکۆ ئاگر بەربوو سێ خیڤەتان و ب تمامى سوتن و زیانێن مادى ل پشت خوه هێلان.
ئەڤرۆ نیوز ، زنار تۆڤی :
ئەڤرۆ ئەینیێ 1/6/2018 فراکسیۆنا پارتی راگەهاندنەک دەربارەی مووچێ پێشمەرگەی و هێزێن ئاسایشێ و خانەنشینان بەلاڤکر و تێدا هاتیە ، راگه‌هاندنەک ژ فراکسیۆنا پارتی:
فراکسیۆنا پارتی پێشمه‌رگێن قاره‌مان و هێزێن نافخۆ و خانه‌نشینان دلنیا دکەت ، کو ئەو ل گه‌ل لایه‌نێن په‌یوه‌ندیدار یێن حوکمه‌تێ ل سه‌ر خه‌تن بۆ هندێ کو ب هه‌ر جۆرەکێ بیت ، به‌ری جه‌ژنێ مووچێ پێشمه‌رگه‌ی وخانه‌نشینان و هێزێن نافخۆ بهێتە دابه‌شکرن ، هه‌ر چه‌ندە ژ لایێ ده‌زگەهێن حوکمه‌تێ هاتینە دلنیاکرن ، کو لدووڤ سیسته‌مێ نوو هەر ٣٠ رۆژان جارەکی دێ مووچه هێتە دابه‌شکرن ، بەلێ دیسا پێشمه‌رگێ کوردستان پارێز و هێزێن ئاسایش پارێز و خانه‌نشینێن به‌رێز دلنیا دکه‌ین ، کو بزاڤ و شیان و فشارێن مە بۆ چاره‌سه‌ریا ڤی بابه‌تی دێ یا به‌رده‌وام بیت ، ههروهسا جارەکادی ته‌ئکیدێ ل سه‌ر هندێ دکەین کو لدووڤ بریارا ژماره ١٩ یا په‌رله‌مانێ کوردستانێ دڤێت ، پێشمه‌رگه ل رێزبه‌ندیا ئێکێ یا دابه‌شکرنا مووچه‌ی دابیت نه‌کو ل دووماهیێ ، بۆ ڤێ مه‌به‌ستێ ژی بزاڤ و فشار و دووڤچوونا فراکسیۆنا پارتی د به‌رده‌وامن و دێ د به‌رده‌وام بن.
فراکسیۆنا پارتی دیموکراتی کوردستان
١/٦/٢٠١٨
ئه‌ڤرۆ نيوز، فاتما مزوورى:
وه‌زاره‌تا به‌ره‌ڤانيا ئه‌مريكا “پنتاگۆن” د ئه‌گه‌رێ هه‌ر هێرشه‌كێ دا بۆ سه‌ر له‌شكرێ ئه‌مريكا يان هه‌ڤپه‌يمانێن وێ د ناڤا ئاخا سوريا دا هوشداريێ دده‌ته رژێما سوريا.
كينز ماكينى، سۆپاسالارێ هێزێن هه‌ڤپشكێن ئه‌مريكا تايبه‌ت ژبۆ به‌رسڤدانا داخۆيانيێن به‌شار ئه‌سه‌د ل دۆر گه‌فێن هێرشكرنا سه‌ر هێزێن سوريا ديموكرات ل باژێرێ منبج، كۆنگره‌كێ رۆژنامه‌ڤانى ئه‌نجامدا و راگه‌هاند كو هه‌ر هێرشه‌كا ل سه‌ر هێزێن سوريا ديموكراتيك يان ئه‌مريكا ڤه دێ ب زيان بۆ هه‌موو لايان ڤه‌گه‌ريت.
ئۆپه‌راسيۆنێن له‌شكرى يێن هه‌ڤپشكێن ئه‌مريكا ل گه‌ل هێزێن سوريا ديموكرات “هه‌ده‌سه” هێشتا به‌رده‌وامى يا هه‌ى.
پێشتر به‌شار ئه‌سه‌د سه‌رۆكێ سوريا د داخۆيانيه‌كێ دا گه‌فێن وێ چه‌ندێ كرينه كو ئه‌و دێ هێرشێن له‌شكرى كه‌ته سه‌ر منبج ل سوريا هه‌كه هێزێن سوريا ديموكرات “هه‌ده‌سه” وى باژێرى چوول نه‌كه‌ت.
ئەڤرۆ نیوز ، زنار تۆڤی :
ژێدەرەکێ بلند ژ ناڤا پارتی دیموكراتی كوردستان ئاشكرا كر، کو د ماوێ داهاتیدا پارتی دێ گوهۆرینێن مەزن لد لق و مەكتەبێن خوە دا کەت.
ئەڤرۆ ئەینیێ كەنالێ K24 بەلاڤە کریە کو بەسام عەلی دێ بتە بەرپرسێ لقێ 12 یێ پارتی دیموكراتی كوردستان ل هەلەبجە و هەروەسا هژمارەکا كادرێن گەنج دێ بەرپرسیاریا چەند لقان وەرگرن.
پارتی پشتی هەلبژارتنێن پەرلەمانێ عێراقێ ، نوکە ئامادەكاری بۆ هەلبژارتنێن كوردستانێ دەست پێ كرینە و ل دەستپێکێ دێ ب گوهۆرینان دەست پێ کەت.
ئەڤە د دەمەکی دایە کو بریارە ل 30 ئیلۆنا ئەڤ سالە دا، پڕۆسا هەلبژارتنێن گشتی ل هەرێما كوردستانێ برێڤە بچن.
پێشتر بەرپرسێن پارتی راگەهاندبوو كو دێ هژمارەکا بەرپرسێن حزبی و حکومی ل هەموو كوردستانێ گوهۆرن و دێ هندەک كەسێن دی چنە جهێن وان.
ئەڤرۆ نیوز، فاتما مزووری:
فراكسیۆنا پارتی یا دیموكراتا كوردستات داخویانیه‌ك ده‌ربارێ مووچه یێ پێشمه‌رگه و خانه‌نشینان و هێزێن نافخوه‌ی به‌لاڤكر كو ئه‌ڤ ژی تێكستا وێ یه : فراكسیۆنا پارتیێ پێشمه‌رگه یێن قه‌هره‌مان و هێزێن نافخوه‌یی و خانه‌نشینان دلنیا دكه كو دگه‌ل ئالیێن په‌یوه‌ندیدارێن حكومه‌تێ ل سه‌ر خه‌تێ نه ژبۆ ب هه‌ر ئاوایه‌كی به به‌ریا جه‌ژنێ موچه‌یێ پێشمه‌رگه و هێزێن نافخوه‌یی و خانه‌نشینان بیت دابه‌ش كرن .
هه‌ر چقاس ژ ئالیێ ده‌زگه‌هێن حكومه‌تێ ڤه هاتنه دلنیا كرن كو لگۆری سیسته‌ما نو سی رۆژان جاره‌كی موچه وه‌ره دابه‌ش كرن ، لێ دیسان پێشمه‌رگه یێن كوردستانێ دپارێزن و هێزێن ئاسایش پارێز و خانه‌نشینێن برێز پشت راست دكن كو هه‌ول و شیان و فشارێن مه ژبۆ چاره‌ه‌سه‌ریا وی بابه‌تی به‌رده‌وام دبه . ههروهسا جاره‌كی دی ته‌كید ل سه‌ر وێ دكن كو لگۆری بریارا نۆزده یا په‌رله‌مانا كوردستانێ ، دڤێ پێشمه‌رگه ل رێزبه‌ندیا یه‌كه‌م یا دابه‌شكرنا مووچه ده‌به ، نه ل داویێ . ژبۆ ڤێ مه‌به‌ستێ ژی هه‌ول و فشارێن پێداچونێن فراكسیۆنا پارتیێ به‌رده‌وامن و به‌رده‌وام دبن .
ئەڤرۆ نیوز ، تۆڤی :
رێڤەبەریا گشتی یا سەقاناسی و بیڤەلەرزان ل هەرێما كوردستانێ پێشبینیێن خۆ بۆ دۆخێ سەقایێ ئەڤرۆ ئەینیێ یێن شارێن كوردستانێ راگەهاندینە.
هەروەسا گوتیە ئەڤرۆ ئەینیێ ل هەولێر و سلێمانیێ و كەركووكێ ئەسمان دێ ساهی بیت ، ل دهۆكێ ژی ئەسمان دێ ساهی و عەور تێکهەل بن ، دیسا ئەڤرۆ بلندترین پلا گەرمێ دێ 38 پلە بیت و نزمترین پلە ژی دێ 21 پلا سیلیزی بیت.
ئەڤرۆ نیوز ، زنار تۆڤی :
راپۆرتێن رۆژنامەڤانی یێن بریتانی ئەڤرۆ ئەینیێ ئاشکراکرینە، کو یانا مانچستەر یونایتد نێزیکبوویە ل ڤەگوهاستنا فرێدێ بەرازیلی و یاریزانێ یانا شاختار دۆنتێسک یا ئوکرانی.
رۆژناما مانچستەر ئێڤنینگ نیوز یا ئنگلیزی راگەهاندیە ،کو فرێد گەلەک نێزێکی مانچستەر یونایتد بوویە، هەبوونا وی ل گەل هەلبژارتیێ بەرازیلی ژی ل لەندەن پێدەچیت ئەرکێ مانچستەر یونایتد ب ساناهیتر لێ بکەت.
وێ رۆژنامێ ئاماژە ب هندێ ژی کریە، کو خۆسێ مۆرینهۆی، راهێنەرێ مانچستەر یونایتد روو ب روو شۆکەکا مەزن بوویە ، چونکی دی گارێس بێل هەر نیزیکی ریال مەدرید مینیت.
هەروەسا گوتیە ، چوونا زێنەدین زێدان، ژ پۆستێ راهێنەرایەتیا ریال مەدرید دێ هۆکارێ سەرەکی و کاریگەر بیت بۆ مانا بێلی د وێ یانێدا.
مانچستەر یونایتد د ماوێ بوریدا بزاڤا ڤەگوهاستنا گارێس بێلی دایە ، بەلێ هەتا نوکە داهاتیێ وی یاریکەری یێ دیارنینە.
ئه‌ڤرۆ نيوز، فاتما مزوورى:
ژ لايه‌كێ دى ڤه دۆنالد تره‌مپ سه‌رۆكی ئه‌مریكا روونشتنێن د ناڤبه‌را واشنتۆن و پیۆنگ یانگ ب ئه‌رينى وه‌سف كرنه.
تره‌مپ ل ده‌مێ ب رێكه‌فتنا وی ژ واشنتۆنێ ژبۆ تێكساس د داخویانیه‌كێ دا ژبۆ رۆژنامه‌‌نڤیسان راگه‌هاند: روونشتنێن ل گه‌ل كوریا باكوور ل نیۆیۆرك ب باشی ب رێڤه دچن و پێشبینی دكهين، شانده‌كێ پیۆنگ یانگێ نامه‌كا كیم جۆنگ ۆن سه‌رۆكێ كوریا باكوور بگه‌هینن.
ل دۆر هه‌بوونا ریكه‌فتنه‌كا د ناڤبه‌را هه‌ردو وه‌لاتان دا، تره‌مپ راگه‌هاند: ئه‌ڤه كاره‌كێ باش و ئه‌رێنى يه و روونشتن ژی ب باشی ب رێڤه دچن.
د ده‌ربارێ ناڤه‌رۆكا وێ نامێ دا ژی گۆت: نزانم چ د ناڤا وێ نامێ دا هه‌یه من چو پێزانین ل سه‌ر نینن، به‌لێ د وێ باوه‌رێ دامه دێ گه‌له‌ك يا باش بيت.
ئه‌ڤرۆ نيوز، فاتما مزوورى:
لێژنا قایماقامى و ئاسايشا ئابووری یا هه‌ولێر ده‌ست ب سه‌ر پتری 600 كیلۆيێن گۆشتێ ده‌م ب سه‌ردا چووی دا گرت كو هه‌ر رۆژێ نێزیكى 100 كیلۆیان ژێ دهاته فرۆتن.
راگه‌هاندنا قايمقاميا قه‌زا ناڤه‌ندی یا هه‌ولێرێ د راگه‌هاندنه‌كێ دا ئاشكه‌را كر: لژنێن قایمقامى و ئاسايشا ئابووری یا هه‌ولێرێ ده‌ست ب سه‌ر پتری 600 كیلۆيێن گۆشتێ ده‌م ب سه‌رڤه‌چوويى و سه‌خته و نه‌يێ ساخله‌م دا گرتيه كو هه‌ر رۆژێ نێزيكى 100 كیلۆیان ژێ دفرۆتن.
هه‌ڤده‌م د وێ راگه‌هاندنێ دا نه‌به‌ز عه‌بدلحه‌مید قایمقامێ قه‌زا ناڤه‌ندی یا هه‌ولێرێ راگه‌هاندى يه ژى كو شياينه ده‌ست ب رێژه‌یكا زۆر یا گۆشتێ سورى يێ سه‌خته و ده‌م ب سه‌رڤه‌چووی دا بگرن كو ژ ده‌رڤه ئيناینه ناڤا هه‌ولێرێ.
هه‌ر ديسا خۆيا كريه كو دو كه‌س ژی ب تۆمه‌تا كرین و فرۆشتنا گۆشتێ سه‌خته هاتينه ده‌سته سه‌ر كرن.
نه‌به‌ز عه‌بدلحه‌مید ئاشكه‌را ژى كريه كو ئه‌و گۆشت پێك هاتیه ژ گۆشتێ هندی و گۆشتێ جه‌مدی و گۆشتێ ئاژه‌لێن نه‌خوه‌ش و تێكه‌ل كرن ل گه‌ل گۆشتێ فرێش و فرۆتنا وی گۆشتی ب وه‌لاتیان.
ههروهسا ئه‌و ئێك ژى راگه‌هاندیه كو رۆپه‌لێن ڤه‌كۆلینان ژبۆ وان دو كه‌سێن بنچاڤ كری هاتیه ڤه‌كرن و دو جھـ ژی هاتينه گرتن.
ئه‌ڤرۆ نيوز، فاتما مزوورى:
ل ئه‌نقه‌ره، د هنده‌ك هه‌وان دا، 10 كه‌س ب تۆمه‌تێن پشته‌ڤانيكرنا په‌كه‌كێ هاتنه ده‌سته‌سه‌ركرن.
ب گۆره‌ى نووچه‌كێ ئاژانسا ئه‌نادۆل، هێزێن دژى تيرۆرێ يێن سه‌ر ب پاراستنا ئه‌نقه‌ره، ئه‌ڤرۆ سپێدێ هنده‌ك هه‌و ئه‌نجام دان و ژ سه‌رجه‌مێ 11 كه‌سان، كو ب گۆره‌ى گۆتنێن وان پشته‌ڤانيا په‌كه‌كێ كريه، 10 ژێ هاتينه گرتن
هه‌ر ب گۆره‌ى هه‌مان ئاژانس بڕيارا ده‌سته‌سه‌ركرنا ڤان كه‌سان ژ لايێ داخوازكه‌رێ گشتى يێ ئه‌نقه‌ره ڤه هاتيه ده‌ركرن.
نيشاندان