ئه‌ڤرۆنيوز:
نڤيسينگه‌ها مه‌سرور بارزانى به‌رسڤا هه‌فته‌ناما (ژيان) وسايتێ (ميلله‌ت) يێن لاهور جه‌نگى دده‌ت ورادگه‌هينيت، ئه‌ڤ راپۆرته تنێ ژ خه‌يالا لاهور جه‌نگى يه كو يێ ب ناڤوده‌نگه ب دره‌و وسه‌خته‌كاريان وته‌زويرێ.
نڤيسينگه‌ها مه‌سرور بارزانى دبێژيت” هه‌فته‌ناما ژيان وسايتێ ميلله‌ت يێن لاهور جه‌نگى دراپۆرته‌كا جه‌واشه‌كارى دا به‌لاڤكريه كو پالاوگه‌هێن دهۆكێ ناهێنه داخستن چونكى سه‌ر ب مه‌سرور بارزانى ڤه‌نه”.
دبه‌رسڤا وێ راپۆرتێ دا، نڤيسينگه‌ها مه‌سرور بارزانى دبێژيت” خه‌لكێ دهۆكێ يێ خوراگر ورايا گشتى يا كوردستانى دزانن كو به‌رێز مه‌سرور بارزانى دوور ونێزيك په‌يوه‌ندى ب چو پالاوگه‌هه‌كێ نينه، نه ل دهۆكێ ونه ل چو ده‌ڤه‌ره‌كا دى، ئه‌ڤ راپۆرته ژى تنێ ژخه‌يالا لاهور جه‌نگى يه كو ئه‌و ب خوه يێ ب ناڤوده‌نگه ب دره‌و وسه‌خته‌كاريێ وته‌زويرێ”.
ل دووماهيێ نڤيسينگه‌ها مه‌سرور بارزانى دياركر” هه‌موو لايه‌ك ئاگه‌هدارن كو به‌رێز شيره‌تكارێ جڤاتا ئاسايشا هه‌رێما كوردستانێ فاكته‌ره‌كێ ب هێزێ چه‌سپاندن وسه‌روه‌ريا قانوونێ يه، دوێ پێناڤێ ژى دا بزاڤێن وى دبه‌رده‌وامن بۆ رێگرتنێ ل كارێن نه‌قانوونى يێن سه‌خته‌كاران”,.
نيشاندان
