ئەڤرۆ نیوز:
سالڤەگەرا پارێزگەھبوونا دھۆکێ ب چەند چالاکیان ھاتە ساخکرن.
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سه‌ره‌كى Facebook
یانا زاخۆ نه‌شیا ل یاریگه‌ها خوه سه‌ركه‌فتنێ تۆمار بكه‌ت
ئه‌ڤرۆنیوز:
دچارچۆڤێ گه‌را 28 ژ خۆلا عیراقێ یا پلا نایاب، یانا زاخۆ ل سه‌ر یاریگه‌ها خوه یانا ته‌له‌به مێهڤان كر.
دڤێ یاریێ دا یانا زاخۆ نه‌شیا سه‌ركه‌فتنێ ل سه‌ر یاریگه‌ها خوه تۆمار بكه‌ت ویارى ب وه‌كهه‌ڤى ب ئه‌نجامێ 2-2 ب دووماهى هات.
ب ڤى ئه‌نجامێ خالێن یانا زاخۆ گه‌هشتنه 16 خالان كو ل رێزا 20 ودووماهیێ دهێت درێزبه‌ندا خۆلێ دا وخالێن یانا ته‌له‌به گه‌هشتنه 30 خالان كو ل رێزا 13 دهێت.
یانا زه‌ورا سه‌ركێشیا خۆلێ دكه‌ت ب 64 خالان ویانا جه‌ویه ل رێزا دویێ دهێت ب 59 خالان ویانا شورته ل رێزا سیێ دهێت ب 56 خالان.
لژنا سەرپەرشتیا موالیدان به‌حس ل به‌رنامێ نوو يێ كاركرنا مواليدان دكه‌ت
ئەڤرۆ نيوز، نیوار محەمەد سەلیم:
لژنا سەرپەرشتیکرنا موالیدان ل پارێزگەھا دھۆکێ راگەھاند کو ل سەر داخوازیا وەلاتیان بڕیار ھاتە دان، ھەر دەمێ کارەبا گشتی چوو، کارەبا موالیدەی بھێتە ھەلکرن و ئێدێ پارە چەند ژی دکەڤیت دێ ھێتە وەرگرتن و نابیتە قەر ل سەر وەلاتیان.
بەشیر مزووری، سەرپەرشتێ لژنا موالیدان ل پارێزگەھا دھۆکێ د داخۆیانیەکێ دا بۆ رۆژناما ئەڤرۆ گۆت: “ل سەر داخۆازیا وەلاتیان و ھەیڤا رەمەزانێ و باشیا رەوشا کارەبا گشتی مە ب رەنگەکێ بەروەخت کرە 24 دەمژمێری و ھەیڤا بھێت دێ سەحکەینێ کا دێ چاوان بیت”.
زێدەتر گۆت: “خودانێن موالیدان چو کێشە ل سەر وێ چەندێ نینن کا چەند دەمژمێران کارەبا موالیدەی ھەبیت، بەلێ ئەم رەوشا وەلاتیان بەرچاڤ وەردگرین و دا کو بھایێ وێ یێ کێم بیت، دەمژمێرێن وێ کێم دکەین”.
سەرپەرشتێ لژنا موالیدان ل پارێزگەھا دھۆکێ ل دۆر بھایێ ئەمپێرێ کارەبێ خۆیا کر کو کونترۆلەک یێ ل دەف خودانێن موالیدان ھەیی و ل دووماھیا ھەیڤێ بۆ لژنێ بەرچاڤ دکەن و ئەو بھایی ل سەر ددانن و گۆت: “ئێدێ بھایێ ئەمپێرێ کارەبێ ژی ناکەینە قەر ل سەر وەلاتیان، چەندە دێ وەسان ھێتە وەرگرتن، چونکو خەلکی راڤەکرنێن خەلەت بۆ کرن و بۆ مە ژی ئاریشە ژی ژێ پەیدا بوون”.
نەڤەشارت ژی کو لژنا وان شیانێن وێ چەندێ نینن کو دووڤچوونا موالیدان ل سنۆرێ لژنا خوە بکەن و گۆت: “ھەر جھەکێ گازندە ھەبیت، لژنە یا ئامادەیە دووڤچوونا بابەتی بکەت و ئاریشێ دەست نیشان بکەت”.
دا زانین ژی کو ئەو دشێن ب رێیا بەربژێری یان ژی ب رێیا خوە ب خوە سەرەدانا لژنا سەرپەرشتیا موالیدان ل قایمقامیێ بکەن دێ کێشێن وان بەرچاڤ ھێنە وەرگرتن و دێ دووڤچوونا بابەتی ھێتە کرن.
تۆزەکا ب هێز دەڤەرا شنگالێ ڤەگرتیە
ئەڤرۆ نیوز ، باسم قاسم شنگالی :
جەلال حەسەن چالاکڤانەکە بۆ ئەڤرۆ نیوز دیار کر، کو ئەڤرۆ ئێڤاری 27/5/2018 ل دەڤەرا شنگالێ ب گشتی پێلەکا مەزن یا توزبارینێ ل گەل ھەوایەکێ ب ھێز ب سەر شنگالێ دا ھاتیە.
ئاشکرا کر ژی، کو ئەڤ توزبارینە بوویە ئەگەرێ مەترسیا وەلاتیان کو نەشێن ژ خانیێن خوە دەرکەڤن و کاروبارێن وان یێن رۆژانە ھەموو ھاتینە راوەستاندن تایبەت مەترسی بۆ ھاتنوچوونا ترۆمبێلا دروست کریە.
كاندیدێ نوو یێ سەرۆكێ پەرلەمانێ عێراقێ هاتە دیار كرن
ئەڤرۆ نیوز ، زنار تۆڤی :
سكرتێرێ گشتی یێ لیستا حەل ئاشكرا كریە ، کو رێككەفتنەکا نیڤ فەرمی دناڤبەرا زۆرینەیا رەها یا لیستێن سەرکەفتی د هەلبژارتنان دا هەیە، بۆ هندێ کو پۆستێ سەرۆكێ نوو یێ پەرلەمانێ عێراقێ بۆ لیستا وانە و تاكە كاندیدێ وان ژی پارێزگارێ نوکە یێ ئەنبارە.
محەمەد كەربوولی سكرتێرێ گشتی یێ لیستا حەل راگەهاندیە ، کو زۆرینەیا قەواران رێككەفتنەکا نیڤ فەرمی هەیە، بۆ هندێ کو پۆستێ سەرۆكێ نوو یێ پەرلەمانی ب وان بهێتە دان و ئەو رێككەفتنە ژی ب رێژا 90% ئێكلا بوویە.
زێدەتر گوتیە، کو تاكە كاندیدێ وان بۆ وەرگرتنا پۆستێ سەرۆكێ پەرلەمانی ، محەمەد حەلبووسی پارێزگاری نوکە یێ ئەنبارە، لەوما ئەم چاڤەرێی پێكئینانا مەزنترین فراكسیۆنا پەرلەمانینە و پشتی هنگێ دێ كاندیدێ خوە پێشكێش كەین.
محەمەد سەلاح پەیامەکێ ل دور پشکداریا خوە د موندیالێ دا بەلاڤ دکەت
ئەڤرۆنیۆز ، سەباح زوهێر:
محەمەد سەلاح ئەو یاریزانێ کو نها زور بەحس ل سەر دهێتەکرن و بەری دەمەکێ پەیامەک بەلاڤ کر.
سەلاح ل یاریا دوماهیێ یا چامپیۆنزلیگێ ب روندکێن گریێ یاری بجه هێلا پشتی پێکدادان ل گەل راموسی هاتە هنگافتن، نووچەیێن شڤێدی ل سەر پشکداریا محەمەد سەلاحی د جوراوجور بوون، بەلێ ناڤبری ل تورا خوە یا فیسبوکێ دا پەیامەک بەلاف کریە و گوتی یە(بۆ من شەڤەکا گران بوو بەلێ جەنگاوەرم ، سەرەرای ئەگەران لێ من باوەریەکا تەمام یا بخۆ هەی و دێ ل روسیابم بۆ پشکداریکرنێ د موندیالێ دا و دێ ئێکا وەسا کەم کۆ شانازیی ب من ببەن)
كه‌ناله‌كێ ئه‌سمانى هاته داخستن
ئه‌ڤرۆنيوز:
كه‌نالێ كوردنيوز هاته داخستن وكارمه‌نده‌كێ وى ژى دبێژيت ئه‌م نێزيكى 100 كارمه‌ندان بووين ومه گرێبه‌ستا پێنج سالان ل گه‌ل كه‌نالێ ناڤبرى ئيمزا كربوو، به‌لێ گۆته مه دێ هێته داخستن وهه‌رن مال.
پشتى دو هه‌يڤان ژ به‌خشكرنا به‌رنامێن خوه، شه‌ڤا بۆرى كه‌نالێ كوردنيوز هاته داخستن، ل دووڤ مالپه‌رێ سه‌ته‌لايتا كوردستانێ، كارمه‌نده‌كێ وى كه‌نالى راگه‌هاند، ئه‌م نێزيكه 100 كارمه‌ندان بووين كو مه گرێبه‌سته‌كا پێنج سالى ل گه‌ل گه‌نالى ئيمزا كربوو، به‌لێ ب مه هاته گۆتن دێ كه‌نال هێته داخستن وهوون ژى بۆ مال.
وى كارمه‌ندى دياركر كو دو هه‌يڤه وان مووچه وه‌رنه‌گرتينه وشاسوارى فێل ل وان كر.
ل دووڤ پێزانينان ژبه‌ر وه‌رنه‌گرتنا مووچێن خوه، هنده‌ك ژوان كارمه‌ندان ده‌ست ب سه‌ر كاميرا ومايك وكومپيۆته‌رێن كورد نيوز داگرت ل به‌رامبه‌ر مووچێن خوه.
د روودانەکا ترافیکێ دا دوو کەس برینداربوون
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن:کو د روودانەکا ترافیکێ دا ل جادا مالتایێ دوو کەس برینداربوون.
ناڤهاتی زێدەتر گوت: ئەڤرۆ ئێکشەمبی 27.5.2018 ل دەمژمێر١١:٣٠ خولەک ل سەر جادا مالتايێ و ل نێزيك پيشەسازيا مالتایێ روودانەكا ترافیکێ روودا و د ئەنجامدا شوفێرێ ترۆمبێلی كۆنترول ل سەر ترومبێلا خوە ناکەت و خوە ل رەسیفێ نیڤا جادێ ددەت و پشتی لێدانێ ژی ترومبێلا وی وەردگەریێت و د وێ روودانێ دا دوو کەس بریندار دبن و زیانێن بەرچاڤ دگەهنە ترۆمبێلێ ژی.
رێڤه‌به‌رێ به‌ره‌ڤانیا باژێری ل دهۆكێ هاته گوهۆرین
ئه‌ڤرۆنيوز:
دچارچوڤێ وان گوهۆرینێن دناڤ داموده‌زگه‌هێن میری دا دهێنه كرن، ئه‌ڤرو ئێكشه‌مبى 27-5-2018 ب ئاماده‌بونا به‌هزاد علی ئاده‌م جێگرێ پارێزگه‌رێ دهوكێ ورێڤه‌به‌رێن پولیسێن دهۆكێ وپولیسێن هاتنوچونێ وفه‌رمانگه‌هێن په‌یوه‌ندیدار، رێ ورسمێن گوهۆرینا رێڤه‌به‌رێ به‌ره‌ڤانیا باژێرڤانی ل دهۆكێ هاتنه گێران وعه‌مید (عبدالحكیم تاهر صالح ) وه‌كو رێڤه‌به‌رێ به‌ره‌ڤانیا باژێرڤانی ب وه‌كاله‌ت ل شوینا عه‌مید(سلێمان عزالدین ) رێڤه‌به‌رێ به‌رێ یێ به‌ره‌ڤانیا باژێری هاته دانان.
جێگرێ پارێزگه‌رێ دهوكێ دپه‌یڤه‌كێ دا ده‌ست خوه‌شی ل رێڤه‌به‌رێ به‌رێ كر ورولێ وی هه‌لسه‌نگاند هه‌مبه‌ر ئه‌و خزمه‌تا ل سالێن ده‌ربازبووی پێشكێشكری، هه‌روه‌سا پیروزباهیا رێڤه‌به‌رێ نوو كر وپشته‌ڤانیا پارێزگه‌ها دهۆكێ نیشان دا بۆ كارێ وی یێ نوو وسه‌ركه‌فتن بۆ خواست.
هه‌ر ب ڤێ هه‌لكه‌فتێ رێڤه‌به‌رێ پولیسێن دهوكێ په‌یڤه‌ك پێشكێشكر وسه‌ركه‌فتن بۆ هه‌ردو رێڤه‌به‌رانيێ كه‌ڤن ويێ نوو خواست، ژلايێ خوه‌ڤه رێڤه‌به‌رێ به‌رێ سوپاسیا وان هه‌موو لایه‌نان كر یێن ل سالێن ده‌ربازبوی هاریكاریا وان كری وپشته‌ڤانیا خوه بۆ رێڤه‌به‌رێ نوو دیاركر.
رێڤه‌به‌رێ نوو یێ به‌ره‌ڤانیا باژێرڤانی ته‌كه‌زكر كو ئه‌و دێ ل جهێ وێ باوه‌ریێ بیت یا پێ هاتیه دان وب هه‌موو شیانێن خوه دێ خزمه‌تا وه‌لاتیان كه‌ت.
گاريس بل ل ريال مه‌دريد نامينيت
ئه‌ڤرۆنيوز:
ياريكه‌رێ هه‌لبژارتيێ ويلز ويانا ريال مه‌دريد وێنێ گۆلا خوه يا ده‌بل كێك ئه‌وا شڤێدى ل سه‌ر يانا ليڤه‌رپۆل ل ياريا دووماهيا قه‌رامانيا خۆلا قاره‌مانێن ئورۆپا، ل تويته‌رێ خوه به‌لاڤكر ونڤيسى (شه‌ڤا دووماهيێ).
ڤێ نڤيسينا گاريس بل ده‌نگوباسێن چوونا وى ژ ريال مه‌دريد بۆ خۆلا ئينگليزى و ب تايبه‌ت بۆ يانا مانشسته‌ر يونايتد ب هيزتر لێكرن.
كاريس بل ئه‌وێ رۆله‌كێ سه‌ره‌كى دسه‌ركه‌فتنا شڤێدى يا ريال مه‌دريد گێراى ب رێيا تۆماركرنا دو گۆلان هه‌رچه‌نده وه‌كو ياريكه‌رێ يه‌ده‌گ پشكدارى دياريێ دا كربوو ، بل پشتى وێ ياريێ بۆ رۆژنامه‌ڤانان راگه‌هاند ئه‌و پێدڤى ب ياريكه‌رنێ يه وه‌كو ياريكه‌ره‌كێ سه‌ره‌كى ب شێوه‌كێ به‌رده‌وام. ئه‌ڤه چه‌نده ژى ئاماژه كو ئه‌و دخوازيت ل ريال مه‌دريد نه‌مينيت چونكى پتريا ياريان وه‌كو ياريكه‌رێ يه‌ده‌ك ل گێمێ دويێ پشكداريێ دكه‌ت.
نيشاندان
WP Facebook Auto Publish Powered By : XYZScripts.com