ئه‌ڤرۆنيوز:
نيڤرۆيا ئه‌ڤرۆ ئێكشه‌مبى 22 تيرمه‌ها 2018 ل هه‌رێما كوردستانێ وعيراقێ بيڤه‌له‌رزه‌ك ب هێزا 5:9 پله ل دووڤ بيڤه‌رێ رێخته‌ر روودا.
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ راگه‌هاند” ل ده‌مژمێر 1:07 خۆله‌ك نيڤرۆيا ئه‌ڤرۆ بيڤه‌له‌رزه‌ك ل رۆژهه‌لاتا كوردستانێ هاته تۆماركرن ل ده‌ڤه‌را تازه‌ئاباد ل كه‌رماشان ب كووراتيا 5:7 كيلۆمه‌تر و ب هێزا 5:9 پله ل دووڤ بيڤه‌رێ ريخته‌ر ول پتريا باژێرێن كوردستانێ هه‌ست پێ هاته كرن وچو زيان ددوڤ دا نه‌بوون”.
شێلادزێ ، نه‌وزاد هلۆرى:
بلندبوونا پلێن گه‌رمێ بوویه ئه‌گه‌ر كو رێژه‌یه‌ك ژ مێشێن شێلادزێ بمرن و مێشه‌ڤانه‌ك ژى دده‌ت دیاركرن كو هه‌كه بوردومانا فروكێن توركیا نه‌بایه ، نها ئه‌و دا ل زوزانێن ده‌ڤه‌را نێروه‌ورێكان مێشان بخودان كه‌ن.
مێشه‌ڤان ” خه‌لیل بێسه‌بى” بۆ ئه‌ڤرۆ گۆت: (ژئه‌گه‌را بوردومانێن فروكێن توركیا بۆ ده‌ڤه‌را نێروه‌ورێكان و جهێن هوین و زوزان، ئه‌م نه‌شێن مێشێن خوه ببه‌ینه ده‌ڤه‌رێن خوه و نه‌چارین هه‌ر ل مال بخودان بكه‌ين و خودانكرنا وان ل مال ژبلى كو كارتێكرنێ ل رێژه‌یا كێمبوونا هنگڤینى دكه‌ت ،دهه‌مان ده‌م دا دبیته ئه‌گه‌ر كو ژبه‌ر بلندبوونا پلێن گه‌رمێ مێشێن مه بمرن، ئه‌ڤه زێده‌بارى وێ یه‌كێ كو به‌شه‌كێ زور ژ مێشێن مه ژبه‌ر زۆربوونا تۆز و كارتێكرنێن ژینگه‌هێ ل ده‌ڤه‌رێ ژى دمرن).
زێده‌تر گۆت: (پێدڤیه جهێن شوله‌ژێ كار بكه‌ن ل سه‌ر وێ یه‌كێ كو ده‌ڤه‌رێن مه ئارام بن داكو ئه‌و ژى بشێن مێشێن خوه ببه‌ن جهێن هوین و خوه‌ش ، به‌روڤاژى رۆژ بۆ رۆژێ مێشێن مه دێ مرن و نها رۆژانه هزاران مێش ژبه‌ر بلندبوونا پلێن گه‌رمێ دكه‌ڤنه ئه‌ردى و دمرن و كارتێكرنه‌كا زور ل سه‌ر مێشێن مه دكه‌ت).
مێشه‌ڤانێ ناڤبرى د درێژاهیا ئاخڤتنێن خوه‌دا دیاركر ژى كو هه‌تا نها حوكمه‌ت و لایه‌نێن شوله‌ژێ چو جۆرێن هاریكاریان بۆ وان نه‌كرینه و گۆت ژى: (هه‌كه حوكمه‌ت چو هاریكاریان نه‌كه‌ت و بوردومانا فرۆكان به‌رده‌وام بیت و مێش ب مێشه‌ڤان ڤه نامینن، و مێش دێ دگه‌رمان دا مرن و مێشه‌ڤان ژى د قه‌هران دا ، ژبه‌رڤێ گرنگه ب زووترین ده‌م هاریكاریا مێشه‌ڤانان بهێته‌كرن داكو بشێن ل سه‌ر كارێن خوه به‌رده‌وام بین و باشترین هنگڤین پێشكێشى خه‌لكى بكه‌ین، و نها ئه‌م رێژه‌یه‌كا زۆر یا هنگڤینى َخوه دووباره بۆ مێشان دكه‌ینه خوارن داكو نه‌مرن).
ل سنوورێ ناحیا شێلادزێ نێزیكێ 50 مێشه‌ڤان هه‌یه و سالانه زێده‌تر ژ 10 ته‌نێن هنگڤینى به‌رهه‌مدئینن ، و هنگڤینێ ده‌ڤه‌رێ ب هنگڤینه‌كێ سافى و ئه‌سلى دهێته نیاسین، پرانیا هنگڤینى هه‌ر ل ده‌ڤه‌رێ ژى دهێته فروتن.
ئەڤرۆ نیوز، نەوزاد ھلۆری:
بەری نیڤرویا ئەڤرۆ ل سەر رێیا گشتی یا ھاملتون دناڤبەرا ناحیا خەلیفان و سپیلکی ، ژ ئەنجامێ لێکدانا سێ ترومبێلان 11 کەس برینداربوون.
دڤی واریدا دلاوەر لەتیف بەرپرسێ پەیوەندی و راگەھاندنا رێڤەبەریا ھاتنوچۆنا دەڤەرا سوران بۆ ئەڤرۆ نیوز گۆت: (بەری نیڤرویا ئەڤرۆ ژ ئەنجامێ لێکدانا سێ ترومبێلان لسەر رێیا گشتی یا ھاملتون دناڤبەرا ھەردوو ناحیێن خەلیفان و سپیلکی ، 11 کەس برینداربوون).
زێدەتر گۆت: (ھەموو بریندار بو نەخۆشخانا تەنگاڤیان ل ھەولێر ھاتینە رەوانەکرن و بریا بەشەک ژ برینداران گرانە، و ئەگەرا روودانێ ژی دزڤریت بو پێگیرنەبوونا شوفێران ب رێنمایێن ھاتنوچۆنێ).
ب گورەی داتایێن رێڤەبەریا ھاتنوچۆنا دەڤەرا سوران د شەش ھەیڤێن ئەڤ سالەدا ژ ئەنجامێ 50 روودانێن ھاتنوچۆنێ 13 کەسان گیانێ خوە ژ دەستدایە و 70 کەسێن دن ژی برینداربووینە.
ئه‌ڤرۆ نيوز:
ئەرێ ھەڤژینێ تە ئێکسەر پشتی کریارا سێکسی دنڤیت؟ ھەست ب کێماسیێ نەکە ژبەرکو ھندەک ئەگەرێن زانستی ل پشت وێ چەندێ ھەنە، گەلەک ئەگەر بۆ وێ رەفتارێ ھەنە و چو پەیوەندی ب ھەوە ھەروویان ڤە نینە، ئەڤینا وی و شیانێن وی ل سەر تەختی دو تشتێن جودانە.
بۆچی زەلام دنڤیت؟
ل گۆرەی گۆتنا شارەزایێن ساخلەمی، دەمێ زەلام دگەھیتە خۆشیا سێکسی کەرستێن کێمایی د لەشێ وی دھێنە گوھارتن، ئەو گوھۆرین ژی چێدبن دەمێ پرۆلاکتۆکمێن بیۆکیمیایی بەرددەت و وی دەمی لەشێ وی دوەستیێت و ب نەچاری خەوا وی دھێت.
ئەرێ ژن ژی پشتی کریارا سێکسی دنڤیت؟
نەخێر ئەو یەک ل نک ژنان روو نادەت خو ھەکە گەھشتنە خۆشیا سێکسی ژی، ژن ھەر دمینتە ھشیار و بەرۆڤاژی پتر حەز ژ دلینیا جەستەی و سحبەتان دکەت، ئەگەرەکی دی ژی ھەیە زەلامان پشتی کریارا سێکسی بنڤن، ئەو ژی پشتی دگەھیتە خۆشیا سیکسی گەلەم وزێ دمەزێخیت و ئەو یەک دبیتە ئەگەرێ کێمبوونا کەرستێ گیلۆکوجینی یێ ژ وزا زەپلەکان دروست دبیت، ژبەرکو زەپلەکێن ژنان بچووکترن لەوما ھەست ب وێ وەستیانێ ناکەن.
ھورمۆنێ ھەستکرنێ:
ھورمۆنێ ھەستیکرنێ یێ باش “FEEL-GOOD” وەدکەت مرۆڤ ھەست ب رحەتیێ و تەناھیێ بکەت و ھەمان دەم ھورمۆنێ ئۆکسیتۆسین ژی بەرددەت، ئەو ھورمۆن ژی یێ ھاریکارە بۆ نەھێلانا نەئارامیێ و ھزرێن ب وەستیان و وەدکەت خەوا مرۆڤی بساناھیتر بھێت، ئەو یەک د گەل ژنان ژی دروست دبیت، لێ ھەستا وان بۆ پتر دلینیێ و سحبەتان وەدکەت ئەو بمیننە ھشیار.
ئه‌ڤرۆ نيوز:
گەلەک کەس ھەنە و بتایبەت ژن کو کەرش بۆ چێدبیت و بەز و دوون ل سەر زکێ وان کۆمڤە دبیت، ل ڤێرێ دێ بۆ ھەوە جۆرەکێ ڤەخوارنێ دیار کەین کو تو ب خوە ل مال چێکەی دا ب 4 حەتیان وێ کەرشی نەھێلیت و زکێ تە بچووک بکەت:
پێکھاتە:
6 کۆپێن ئاڤا پاقژ.
کەچکەکێ مەزنێ زەنجەبیلا ھێرای.
خیارەکێ بکە کیزی.
نیمۆکەکێ بکە کیزی.
نیڤ دەستکێ پینگی.
رێیا چێکرنێ:
ئامانەکێ مەزن بینە و وان کەرستان بکێ و تێکڤەدە و بلا ھەتا سپێدی تێدا بن.
رۆژا پاشتر ھەر چار سەعەتان کۆپەکێ ژێ ڤەخۆ.
یا مایی بکە د سەلاجێ دا و تو دشێی بۆ دو رۆژێن دی بکاربینی.
وێ ڤەخوارنێ بۆ دەمێ چار حەفتیان ل دووڤ ئێک ڤەخۆ و پاشی دەستان ژێ بەردە دا چو زیانان نەگەھینیتە تە، پشتی 4 حەفتیان دێ ئەنجامان بینی کو کەرشی نەمایە و زکێ تە یێ بچووک بووی.
ئه‌ڤرۆ نيوز:
شێوێ گرنگیدانا زەلامی ئێک ژ گرنگترین خالانە کو ژن لێدگەریت و حەز دکەت بدەستڤە بینیت. ھەکە تو پێدڤی بی وان رێیان بزانی کو گرنگیا ھەڤژینێ یا بەردەوام بدەستڤە بینی، ل دووڤ ڤان خالان ھەرە:
ئێک:
بەردەما گرنگیێ ب سەروسیمایێ خوە بدە و بەردەوام ستایلێ خوە بگوھۆرە ب رێیا شەکرنا پرچێ و مۆدێلین جلکان، ئەو یەک دێ بێزاریا ھەڤژینێ تە کوژیت و دێ ب نک تەڤە راکێشیت، ھەروەسا شیان و چالاکی و ئارەزوویێن خوە ژی پێشڤە ببە، ژبەرکو ئەو یەک دێ وەکەت ھەڤژینێ تە پتر رێزێ ل تە بگریت و پتر نێزیکی تە بیت.
دو:
ڤیان و گرنگیا خوە بۆ ھەڤژینێ خوە ب شێوەیەکێ ھەڤسەنگ و نەرم دیار بکە، تو دشێی ھندەک سۆپرایزان بۆ چێکەی وەکو بەرھەڤکرنا شیڤەکا رۆمانسی یان دەرکەفتنا سەیرانەکێ ل بێھنڤەدانا دوماھیا حەفتیێ و ببەیە وی جھێ ئەو حەز ژێ دکەت. ئەو یەک دێ ھەڤژینێ تە دلخۆش کەت و دێ بزاڤان کەت ئەو ژی ب ھەمان شێوە گرنگیدانا خوە بۆ تە دیار بکەت.
سێ:
یا دودل نەبە کو پشکداریێ د چالاکی و ئارەزوویێن ھەڤژینێ خوەدا بکەی و دەمێن خۆش د گەل ببۆررینە، ئەو یەک دێ ھەڤژینێ تە ھاندەت رێزێ ل دەستپێشخەریا تە بگریت و دێ گرنگیدانا وی وەرگێریتە سەر کەتواری و دێ پەیوەندیێن ھەوە بھێزتر کەڤن.
چار:
چو جاران و بۆ چو تشتان رکا ل ھەڤژینێ خوە نەگرە دا شولەکی بکەت و پۆسیدە نەکە، ئەو یەک دێ وی ژ تە دوور کەت ژبەر وان فشارێن تو لێدکەی. یا باش ئەوە یا نەرم و حەلیم بی و ب رێیەکا نەرم کارێن خوە بۆ بێژە و بێگۆمان دێ گەھیە مەرەما خوە و بێ ئاریشە و بێی تو گرنگیدانا ھەڤژینێ خوە ژ دەست بدەی.
ئه‌ڤرۆ نيوز:
تو نەشێی ساخلەمیەکا باش یا دەڤ و ددانا ھەبیت، بێی ھەبوونا خوارنەکا ساخلەم، ل گورەی ڤەکولینەکێ. بەردەوام شووشتنا ددانا و سەرەدانا نوشداری ب تنێ بەس نینە، گوھورین دشێوازێ خوارنێ دا دیسان یا گرنگە بۆ ھەبوونا ساخلەمیەکا باش یا دەڤ و ددانا، خوارن و ڤەخوارن دشێن ببنە ئەگەرێ ژ ناڤ چوونا ددانا، ب تایبەتی د نوکە دا ژ بەر پروسا پیشەسازی کو ھەموو ترشا وی نە.
ئەو خوارنا پێدڤی بۆ ھەبوونا ساخلەمیەکا باش یا دەڤ و ددانا، خوارنا رێژەکا زۆرا فێقی و زەرزەواتی، خوارنێن نیشاستەی وەک نان، برنج، پاستا و پتات. خوارنێن زەنگین ب پروتینا وەک گوشت، فاسولیا، ھێک و شیر و بەرھەمێن دی یێن سپیاتیا ل گەل ھندێ دا خوارن و ڤەخوارنێن رێژا دوھنی و شەکرێ تێدا بلند کێم بکە، دا کو ژ رەشبوون و ناڤچوونا ددانا پاراستی بی.
جگارەکێشان ژی کارتێکرنێ ل ساخلەمیا ددانان دکەت، چونکو دبیتە ئەگەرێ زەربوونا ددانان، بێھنا نەخوش یا دەڤی، نەخوشیێن پێدیا و گەلەک ئاریشێن دی یێن ساخلەمیێ، ھەروەسا ڤەخوارنا چایێ و کحولی و قەھوێ ژی دبنە ئەگەرێ زەربوونا ددانا.
دیسان ڤەخوارنا کحولی پەیوەندی ب ساخلەمیا دەڤ و ددانا ڤە ھەیە، کحول دبیتە ئەگەرێ ژناڤ چوونا قاتێ سەرڤە (مینا) یێ ددانی، د گەل ھندێ زێدە ڤەخوارنا کحولی و کێشانا جگارا دشیان دا یە ببنە ئەگەرێ تووشبوون ب شێرەپەنجا دەڤی.
ئه‌ڤرۆ نيوز، نيوار محه‌مه‌د سه‌ليم:
رێڤەبەریا خۆپاراستنا ساخلەمیێ یا سەر ب رێڤەبەریا گشتی یا ساخلەمیا پارێزگەها دهۆکێ روونکرنەک ل دۆر بەلاڤبوونا چەند وێنەیان بەلاڤکریە و رەت دکەن کو چو راستی بۆ وان وێنان هەبیت.
هۆبا مەلاریێ ل رێڤەبەریا خۆپاراستنا ساخلەمیێ یا سەر ب رێڤەبەریا گشتی یا ساخلەمیا پارێزگەها دهۆکێ د روونکرنەکا تایبەت دا بۆ نوش نیوز راگەهاند کو ل رۆژێن بۆری ل گەلەک تۆڕێن جڤاکی دا وێنێن هندەک کێزان بەلاڤ بووینە کو دبنە ئەگەرێ نەخۆشیێن پیستی و خونبەربوونێ، بەلێ پشتی گەلەک نموونێن ڤان گەهشتینە مە ژ کەمپێن گەویلان، مام رەشان، خانکێ ل گەل سەنگەرێ تلسقوف دیار بوو ئەڤان کێزان چو پەیوەندی ب کرنیان ڤە نینە.
هۆبا مەلاریێ ئاشکەرا کریە ژی کو ئەڤە کێزەکا چاندنێ یە ژ جورێ polydrusus و چ زیان ل سەر مرۆڤان نینن.
هەر ب گۆرەیی ڤێ روونکرنێ ئەو وێنێ هاتیە بەلاڤکرن یێ نەخۆشیەکا پیستی یە ب ناڤێ Bullous Pemphigoid و وێ کێزێ چو پەیوەندی پێڤە نینە.
ئەڤرۆ نيوز:
بڕیارە حوکمەتا ھەرێما کوردستانێ ب رێیا چەند کۆمپانیان دەست ب تمامکرنا رێیا سەرەکیا دھۆک – ھەولێر بکەت کو د ناڤ وەلاتیان دا ب رێیا گۆپالە یا بەرنیاسە و بەرپرسەکێ وەزارەتا ئاڤەدانکرێ ژی دیار کر کو ئەڤ رێیە یا نێڤدەولەتی یە و دێ ب ستاندارتێن جیھانی ھێتە دروستکرن.
نەوزاد ھادی، پارێزگارێ ھەولێرێ ل دۆر دەستپێکرنا پرۆژێ جۆتسایدێ دھۆک – ھەولێر دیار کر کو رێیا سەرەکی یا دھۆک – ھەولێر کو ب رێیا گۆپالە یا بەرنیاسە ب دو قووناغان دێ ھێتە چێکرن، قووناغا ئێکێ ژ سەنتەرێ باژێرێ ھەولێرێ بۆ گۆپالە و سەر زیێ مەزن، قووناغا دویێ ژی ژ پارێزگەھا دھۆکێ بۆ سەر زیێ مەزن و بۆ مالپەرێ فەرمیێ پارتی دیموکراتی کوردستان گۆت: “نوکە وەزارەتا ئاڤەدانکرنێ یا بزاڤان بۆ وێ چەندێ دکەت کو دەست ب چێکرنا پرۆژێ جۆتسایدێ ھەولێر – دھۆک بھێتەکرن”.
ناڤھاتی ئاماژە دا وێ چەندێ کو چێکرنا رێیا ناڤبری نەھاتیە راوەستاندن، بەلێ ژ بەر کو پرۆژە دێ ب قەر ھێتە بجھئینان ھندەک رێکار د پێدڤینە ژ بەر ڤێ چەندێ وەزارەتا ئاڤەدانکرنێ یا بزاڤان دکەت پرۆژە ب تمامی بکەڤیتە کاری و دووماھیێ ب ڤی پرۆژەی بینن”.
بەری نوکە زانا عوزێر، رێڤەبەرێ گشتی یێ پلاندانانێ ل وەزارەتا ئاڤەدانکرنێ یا حوکمەتا ھەرێما کوردستانێ بۆ مالپەرێ فەرمی یێ پارتی دیموکراتی کوردستان دیارکربوو کو ئەڤ رێیە یا نێڤدەولەتی یە و دێ ب ستاندارتێن جیھانی ھێتە دروستکرن.
ئەڤرۆ نيوز:
پەرلەماتارەکێ لیستا زەر ل پەرلەمانێ کوردستانێ دیار کر، ھەکە ھەلبژارتنێن پەرلەمانێ کوردستانێ د دەمی َخوە دا بھێنە ئەنجامدان و دەمێ پەرلەمانی نەھێتە درێژکرن گەلەک پڕۆژە دێ کەڤنە خۆلا بھێت یا پەرلەمانی و دبێژیت: پێشبینی دھێتە پڕۆژێ چاکسازیێ ل خۆلا بھێت بھێتە پەسەندکرن.
شوان ئەحمەد، پەرلەمانتارێ لیستا زەر ل پەرلەمانێ کوردستانێ بۆ رۆژناما ئەڤرۆ گۆت: “ژ بەر نەبونا دەمێ پێدڤی و کارێ زۆری پەرلەمانی پڕۆژە قانوونا چاکسازیێ رەنگە ل خۆلا بھێت یا پەرلەمانێ کوردستانێ بھێتە پەسەندکرن، پڕۆژە قانونوا چاکسازیێ د بەڕژەوەندیا گشتی دایە و پێدڤیە ب رژدی کار ل سەر بھێتە کرن”.
وی پەرلەمانتارێ لیستا زەر ل پەرلەمانێ کوردستانێ گۆتژی: “پەیرەوێ ناڤخوە بڕیار ھاتیەدان ل ڤێ خۆلێ بھێتە تەمامکرن و پەسەندکرن، بەلێ پڕۆژێ چاکسازیێ حوکمەت یا بەرھەڤ نەبوو، پاشی پەرلەمانی ژی بارێ حوکمەتێ گرانکر، حوکمەتێ راگەھاند ھەکە پڕۆژێ چاکسازیێ بھێتە پەسەندکرن، مووچێ فەرمانبەران ھەیڤانە بێ پاشکەفت دێ ھێتە بەلاڤکرن”.
ناڤبری تەکەز ژی کر، ئەڤ دەمێ ژ کارێ پەرلەمانی مای و ھەکە کار ل سەر پڕۆژە قانوونا چاکسازیێ بھێتە کرن دێ ھێتە پەسەندکرن و دووماھیک پێ ھێت و گۆت: “ئەز پێشبینی دکەم پڕۆژێ چاکسازیێ بکەڤیتە خۆلا نوو یا پەرلەمانێ کوردستانێ ھەکە ھەلبژارتن د دەمی َخوە دا بھێنە ئەنجامدان و دەمێ پەرلەمانێ کوردستانێ نەھێتە درێژکرن”.
نيشاندان