ئەڤرۆ نیوز ، زنار تۆڤی:
ئەڤرۆ 18 تەمۆزا 2018 بهایێ نەفتێ نزمبوونەکا بەرچاڤ تۆماركر، ئەڤە ژی پشتی کو دوهی سپێدێ بهایێ وێ بلندتربوو.
ئه‌ڤرۆ بهایێ بەرمیلەکێ نەفتا خاڤ یا برێنت نزمبوویە و هەر بەرمیلەک ب 71 دۆلار و 85 سەنتان دهێتە فروتن.
بەلێ بهایێ بەرمیلەکێ نەفتا خاڤ یا تێكساس بلندبوویە و بەرمیلەکێ وێ ب 67 دۆلار و 72 سەنتان مامەلە پێ هاتیە کرن.
ئه‌ڤرۆ نيوز:
شیرەتکارەکێ جڤاتا روحانیا ئێزدیان بۆ رۆژناما ئەڤرۆ ئاشکرا کر، ئالیێن سیاسیێن کوردستانی ترسەک ھەیە ھەمبەری کوتایا ئێزدیان ، ژبەرکو ئەو ھەست دکەن دبێت پارتی پتر مفای ژ کوتایا ئێزدیان وەربگریتن، وەکو کورسیێن کوتایێن مەسیحیان و تورکمانان، ھتا نوکە چو ئالیەکێ بەرسڤا مە نەدایە کو ب گۆتن ھەموو ل گەل بڕیارا مەنە بەلێ ب کریار چو دیار نینە، و ئەو پرۆژە نەکفتیە دبەرنامێ کارێ دانوستاندنێن پەرلەمانێ کوردستانێ دا.
کەریم سلێمان شیرەتکارێ جڤاتا روحانیا ئێزدیان بو رۆژناما ئەڤرۆ گۆت: بەری نوکە مە یاداشتنامەک ئاراستەی پەرلەمانێ کوردستانێ کریە دیدارەکا تایبەت ل گەل جەعفەر ئێمینکی کریە، داخازا مە د وێ یاداشتنامێ د اکو کوردێن ئێزدی وەک پێکھاتەک ئاینی تایبەت مەندیا خوە ھەبیت، ژ بەر کو رەوشا مە نەیا باشە بومە یا باشە ئەف مافە بھێت دان بەلکو ببیتە ئەگەرێ باوەریێ ھەرچەندە مەسەلێن مە یێن نەتەوەی ئەم چو جارا موساومێ سەرناکەین ئەڤە نەتەوێ مە یە دەمێ ئەم بەحسی کوردینیێ دکەین ئەڤە زمان و کەلتورێ مەیە ژبەرکو مە گەلەک ژبەر تایبەت مەندیا خو دیتی نە یا ئاینی ژبەر وێ چەندێ مە ئەڤ یاداشتنا مە پێش کێش پەرلەمانی کریە کو مە ھندەک کورسێن کوتێ ھەبن ،
شیرەتکارێ جڤاتا روحانیا ئێزدیان خویاکر، کو مە سەردانا وان ھەموو پارتێن سیاسی کریە یێن فراکسیون دناڤ پەرلەمانی ھەین دگەل مەکتەبا سیاسی یا پارتی دیموکراتی کوردستان دگەل رێزدار فازل میرانی دانیشتینە وی بەرسڤ ژی دایە کو ئەو باش ل داخازیا مە دگەھیت وان ژی ھاریکارن ئەڤ داخازیا مە بھێت جێ بە جێ کرن پارتێن دی ژی مە سەرەدانا مەکتەبێن وان یێن سیاسی کرن ھەمان “موقف” ھەبو بەلێ بەردەوام وان پارتێن دی یێن سیاسی ھەیە شعورەک ھەیە ئەو ھزر کریە کو کوتە بو ئێزدیان بھێت دان چێدبیت کو پتر پارتی مفاداربیت ژوان کورسیان وەکو کورسێن کوتێن مەسیحیان و تورکمانا بەلکو پارتی دیموکراتی کوردستان مفادارە ترسێن وان لایەنێن سیاسی ئەوە چ بریار ژی نەھاتینە دان لدور داخازیا مە گوتن ھەموو لایەنێن سیاسی دگەل مەنە ب گوتن بەلێ کریار حەتا نھا ئەو بەرنامە نەکەفتیە بەرنامێ کاری پەرلەمانێ کوردستانێ د اکو دانوستاندن ل سەر بھێت کرن و پشتی دانوستاندنێ دەنگ دان ل سەر بھێت کرن کا ئەڤ پرۆژە دھێت جێ بە جێ بیەجێکرن یان ماوێ داخازیا مە چ نەمایە ھەرچەندە بو ئەو خولا تنوی یا پەرلەمانی گەلەک یا ب زەحمەتە ژبەرکو نھا دەرگەھێ کیان سیاسی خو بو کوتێ ژی ھاتیە داخستن ل کومسیونا کوردستانێ بەس ئەڤە کارەکە دھێت کرن کو نھا ژی بریارێ سەر نەدەن بو پاشەروژێ دێ ھە ر بریار ل سەر ھێت دان.
کەریم سلێمان گوت: مە دووێ یاداشتنامێ دا داخوازا پێنج کورسیان کریە بۆ پەرلەمانێ کوردستانێ، دیموکراتیەت ئەوە کو ھەردەم تو داخوازا مافێ خوە بکەی، ھەکە نەھێت دان دێ بەردەوام بین ل سەر دەست ڤە ئینانا مافێن خوە، بس ب دیتنا مە رەوش دێ یا خراب بیت، ھەکە پەرلەمانەک ھەبیت 111 کورسی تێدابن ئێک ئێزدی تێدا نەبیت، ژ بەر کو د خولێن بوری دا یێن پەرلەمانێ کوردستانێ ئێزدیان ئێک پەرلەمانتار یێ ھەی سەر ب پارتی دیموکراتی کوردستان ڤە، ل پەرلەمانێ عیراقێ ژی خولا بوری مە دوو ھەبوون ل سەر لیستا پارتی و لیستا بزاڤا ئیسلاح یا ئێزدیان، بەلێ د ھەلبژراتنێن بۆری یێن عیراقێ سێ پەرلەمانتار دەرکەفتیە ئێک ژوان یێ لیستا پارتی و لیستا ئێکەتی و لیستا پێشڤەچوونا ئێزدی.
ناڤھاتی ل دووماھیێ دووپاتکر، ھەر ئێزدیەکێ ب بیتە پەرلەمانتارێ عیراقێ یان یێ کوردستانێ سەر ب چو لیست ڤە بیت، وی وەکو ئێزدیەک یێ ناچارە بەحسی رەوشا ئێزدیا ب گشتی بکەت، بو نمونە ل پەرلەمانێ عیراقێ ڤیان دەخیل ھەبوو دەورەکێ بالا ھەبو ژبو دەست ڤە ئینانا کورسێن کوتێ ئەو بەرنامە ئینا د ژورا پەرلەمانێ عیراقێ ڤە بەلێ ب مخابنی ڤە نەھات کرن ئەو شیانێن وان پەرلەمانتارێن ئێزدی دکەن بەلێ ئەوێن وان شیان لێ نەبن نەشێن بکەن.
ئەڤرۆ نیوز ، زنار تۆڤی:
دوهی پێشمەرگەک د بەنداڤا مۆسلێ دا خەندقی بوو، پشتی بورینا 27 دەمژمێران تیمێن نقوۆمڤانێن سەر ب رێڤەبەریا بەرەڤانیا باژێرێ دهۆکێ شیان تەرمێ وی ژ ئاڤێ بینە دەر.
بێوار عەبدۆلعەزیز بەرپرسێ راگەهاندنا بەرەڤانیا باژێرێ دهۆکێ بۆ ئەڤرۆ نیوز دا دیارکرن: کو ئەڤرۆ ل دەمژمێر 12:40 نیڤرۆ تیمێن نقومڤانێن سەر برێڤەبەریا بەرەڤانیا باژێرێ دهوکێ ڤە، کو پێکهاتبوون ژ بنگەهێن زاخۆ و سێمێلێ و دهۆکێ و ئامێدیێ و بنگەهێ پێشابیرێ و پشتی بورینا 27 دەمژمێرا ژ لێگەریانا بەردەوام شیان لەشێ وی پێشمەرگەی ژناڤ ئاڤێ بینەدەر، تەرمێ وی هاتە رەوانەکرن بۆ نۆشداریا داد ل دهوکێ.
ناڤهاتی گوت ژی : دوهی ل 16/7/2018 ل دەم ژمێر 10:00 پەیوەندی بیەکا کونترێلی هاتیەکرن ب هەبوونا روودانەکا خەندقینێ ل بەنداڤا مۆسل کو پێشمەرگەك بناڤێ ( ی – غ – ح ) دژیێ 20 سالیێ دا کەتیە دئاڤێ دا و خەندقیە.
ئه‌ڤرۆ نیوز:
په‌رله‌مانێ كوردستانێ پشتی چه‌ندین كۆمبوونا ئه‌ڤرۆ راستڤه‌كرنا په‌یره‌وێ ناڤخوه ب ته‌مامی په‌سه‌ند كر.
ژ گرنگترین ماددان، نه‌هێلانا سكرتێرێ په‌رله‌مانی یه و دانانا دو جێگرانه بۆ سه‌رۆكێ په‌رله‌مانی كو پێدڤیه ئێك ژ وان ژن بیت.
هه‌روه‌سا پێدڤیه حوكمه‌ت سالانه بودجا خوه یا ته‌خمینكری بهنێریته په‌رله‌مانی و په‌رله‌مان ل سه‌ر رازی ببیت.
دیسا هنده‌ك ژ گوهۆڕینێن په‌یره‌وێ ناڤخوه ب ڤی ره‌نگی نه:
– هه‌كه وه‌زیر ل ده‌مێ گازیكرنێ به‌رهه‌ڤ نه‌بوو بچیته په‌رله‌مانی، په‌رله‌مان دشێت ب شێوێ غیابی لێپرسینێ د گه‌ل دا بكه‌ت هه‌تا دگه‌هیته دوورخستنا وی ژ پۆستی وی.
– هه‌كه د ده‌مێ بهێنڤه‌دانێ دا بودجه گه‌هشته په‌رله‌مانی، پێدڤیه په‌رله‌مان بهێنڤه‌دانا خوه ب دووماهی بینیت و بودجێ گه‌نگه‌شه بكه‌ت.
– ده‌سته‌یا گشتی كو ژ سه‌رۆك فراكسیۆنان و سه‌رۆكاتیا په‌رله‌مانی پێكدهات نه‌ما.
– ئێدی جڤاتا دادوه‌ریێ ژی دشێت پرۆژه قانوونا پێشكێش بكه‌ت.
– دبیت فراكسیۆنه‌ك ژپه‌رله‌مانتاره‌كی پێك بهێت.
– هه‌ر په‌رله‌مانتاره‌كێ ژ په‌یره‌وێ فراكسیۆنا خوه ده‌ركه‌ڤیت یا جودا ببیت، فراكسیۆنا وی دشێت دوور بێخیت و كه‌سه‌كێ دی بۆ جهێ وی دیار بكه‌ت.
ئه‌ڤرۆنيوز:
فه‌رماندێ به‌رێ يێ ئۆپه‌راسيۆنێن نه‌ينه‌وا ل سه‌رده‌مێ حوكمه‌تا نورى مالكى ژبه‌ر ئه‌گه‌رێ كه‌فتنا باژێرێ مووسل وچه‌ندين ده‌ڤه‌رێن پارێزگه‌ها نه‌ينه‌وا دده‌ستێ داعشێ دا ل سالا 2014 هاته ده‌سته‌سه‌ركرن.
فه‌ريق روكن (مه‌هدى ئه‌لغه‌راوى) فه‌رماندێ به‌رێ يێ ئۆپه‌راسيۆنێن نه‌ينه‌وا ل سه‌ر دۆسێيا كه‌فتنا مووسلێ وچه‌ندين ده‌ڤه‌رێن پارێزگه‌ها نه‌ينه‌وا دده‌ستێ داعشێ دا، ل دووڤ سومه‌ريه نيوز، يێ هاتيه ده‌سته‌سه‌ركرن.
سالا بۆرى ژى، چه‌ندين ده‌زگه‌هێن راگه‌هاندنێ ل عيراقێ به‌لگه‌نامه‌كا سه‌رۆكاتيا ئه‌ركانێن له‌شكرێ عيراقێ به‌لاڤكربوو كو ئاماژێ ب ده‌ركرنا حوكمێ گوله‌بارنكرنا ئه‌لغه‌راوى دايه.
سه‌رۆكاتيا ئه‌ركانێن له‌شكرێ عيراقێ دبه‌لگه‌نامه‌كێ دا، فه‌رمانا ده‌ست ب سه‌رداگرتنا مال ومۆلكێ ڤه‌كۆهاستى ونه‌ڤه‌گۆهاستى بۆ مه‌هدى ئه‌لغه‌رواى ده‌ركربوو.
ل مه‌ها خزيرانا سالا 2014 ێ، رێكخراوا تيرۆرستى يا داعش ژسووريێ هێرش كره سه‌ر باژێرێ مووسلێ كو دهێته هژمارتن دوه‌مين باژێر ل عيراقێ پشتى به‌غدا وشيا داگير بكه‌ت، هێزێن له‌شكرى وئه‌منى ب شێوه‌كێ مژه‌وى خوه ژ وى باژێرى ڤه‌كێشا، پشتى داگيركرنا مووسلێ، داعشێ چه‌ندين ده‌ڤه‌رێن دى يێن ب سه‌ر پارێزگه‌ها مووسلێ وپارێزگه‌هێن ديالا وسه‌لاحه‌دين وئه‌نبار داگيركربوون.
ئه‌ڤرۆنيوز:
د ياريا خوه يا چاره‌نڤيسى دا كو ئه‌ڤرۆ ل به‌غدا هاتيه كرن، يانا زاخۆ نه‌شيا به‌رده‌وامێ بده‌ته سه‌ركه‌فتنا خوه ل سه‌ر يانا ديوانيه ب ئه‌نجامێ 1-0 كو دا ب وى ئه‌نجامى ل خۆلا پلا ناياب مينيت ول خۆله‌كێن دووماهيێ تۆرا وێ هاته هه‌ژاندن وبۆ خۆلا پله ئێك داكه‌فت.
ئه‌ڤرۆ ل به‌غدا د ياريا خوه يا دووماهيێ دا ژ خۆلا عيراقێ يا پلا ناياب، يانا زاخۆ خودانا رێزا 19 وبه‌رى دووماهيێ پێدڤى ب سه‌ركه‌فتنێ بوو ل سه‌ر يانا ديوانيه ودبه‌رامبه‌ر دا يانا كه‌ربه‌لا خودانا رێزا دووماهيێ ب سه‌ركه‌ڤيت ل سه‌ر يانا حسێن خودانا رێزا 18 وهه‌ڤركا يانا زاخۆ ل سه‌ر مانێ دخۆلا ناياب دا، ب چ ئه‌نجامه‌كى بيت، هه‌ر چه‌نده يانا كه‌ربه‌لا دياريه‌كا پر بها پێشكێشى زاخۆ كر وسه‌ركه‌فتن ل سه‌ر ياا حوسه‌ين ب ئه‌نجامێ 1-0 تۆماركر، به‌لێ زاخۆ نه‌شيا مفاى ژ وێ دياريا يانا كه‌ربه‌لا بينيت.
يانا زاخۆ هيڤيێن خوه گه‌شكرن ده‌ما ل خۆله‌كا 83 ب گۆله‌كێ پێشكه‌فتى كو ژلايێ ياريكه‌رێ وێ ئه‌حمه‌د سه‌لام هاتيه تۆماركرن كو ئه‌و ئه‌نجام دبه‌رژه‌وه‌نديا زاخۆ دا بوو كو دخۆلا عيراقێ دا بمينيت وهه‌ردو يانێن حوسه‌ين وكه‌ربه‌لا بۆ خۆلا پلا ئێك داكه‌ڤن، به‌لێ يانا ديوانيه ل خۆله‌كا 87 شيا گۆلا وه‌كهه‌ڤيێ تۆمار بكه‌ت.
ب ڤى ئه‌نجامى يانا زاخۆ ل رێزا دووماهيێ هات ب 25 خالان ودگه‌ل يانا كه‌ربه‌لا خودانا 27 خالان داكه‌ڤتنه خۆلا پله ئێك.
ئه‌ڤرۆنيوز:
رۆژنامه‌ڤانه‌كێ پارێزگه‌ها زيقار ل باشوورێ عيراقێ بۆ ئه‌ڤرۆنيوز دياركر، خوه‌نيشانده‌رێن پارێزگه‌ها زيقار 12 داخوازى پێشكێشى حوكمه‌تا عيراقێ كرينه بۆ بجهئينانا وان.
محه‌مه‌د ئه‌لهيلالى، رۆژنامه‌ڤان ژ باژێرێ ناسريه سه‌نته‌رێ پارێزگه‌ها زيقار بۆ ئه‌ڤرۆنيوز گۆت” خوه‌نيشانده‌رێن پارێزگه‌ها زيقار 12 داخوازى ب نڤيسين پێشكێش كرينه كو شێخ (حسێن ئه‌لخه‌يون) ئێك ژ كه‌سايه‌تيێن پارێزگه‌هێ ژ پێش خوه‌نيشانده‌ران ڤه ئيمزاكريه.
دياركر ژى” هنده‌ك ژوان داخوازيان گرێداى حوكمه‌تا خوه‌جهى يا پارێزگه‌ها زيقارن وهنده‌ك ژى گرێداى كارێ حوكمه‌تا ناڤه‌ندى يه ل به‌غدا”.
ل دۆر گرنگترين داخوازيێن خوه‌نيشانده‌رێن زيقار، محه‌مه‌د ئه‌لهيلالى گۆت” گرنگترين داخوازى لادانا رێڤه‌به‌رێ باژێرڤانيا ناسريه وقايمقامێ ناسريه وهه‌موو به‌رپرس ورێڤه‌به‌رێن چار سال ل سه‌ر وه‌رگرتنا پۆستێن وان بۆرين”.
سه‌باره‌ت داخوازيێن ژ حوكمه‌تا ناڤه‌ندى، گۆت” داخواز هاتيه كرن لژنه‌ك بهێته پێكئينان كو يا تايبه‌ت بيت ب دامه‌زراندنێ ل كۆمپانيا په‌ترۆلا باشوور ولادانا ئه‌ندامێن لژنا نوكه دكار دا”.
ئاماژه دا كو ئێك ژ داخوازيان ژى ئه‌و بوويه كو ده‌سته‌يا ده‌ستپاكيێ ب رۆلێ خوه يێ چاڤدێريێ رابيت وكه‌سێن تۆمه‌تبار ب باده‌كێن گه‌نده‌ليا دارايى وكارگيرێ بهێنه سزادان”.
محه‌مه‌د ئه‌هيلالى گۆت ژى” داخوازيه‌كا دى يا گرنگ يا خوه‌نيشانده‌رێن زيقار ئه‌وبوو كو دوباره لێزڤرين دبهايێ كاره‌بێ دا بهێته كرن وبهايێ وێ بزڤريت وه‌كو به‌رى سالا 2013 ولژنه‌ك بهێته دروستكرن ل دۆر ئه‌گه‌رێ دانانا بهايێ نوكه يێ ئاڤێ”.
خوياكر ژى” ژ ئه‌نجامێ خوه‌نيشاندانێن ناسريه 46 كه‌س برينداربوون كو 17 ژوان ژ خوه‌نيشانده‌ران بوون و 29 كه‌س ژى ژ هێزێن ئه‌منى بوون كو پاراستنا باره‌گايێ جڤاتا پارێزگه‌ها زيقار دكر”.
ئه‌ڤرۆنيوز:
ژێده‌ره‌كێ رۆژنامه‌ڤانى ژ پارێزگه‌ها ميسان بۆ ئه‌ڤرۆنيوز دياركر، جڤاتا پارێزگه‌ها ميسان داخواز ژ حوكمه‌تا عيراقى كريه كرێكارێن بيانى ژ كۆمپانيێن وه‌به‌رهێنانێ ده‌ربكه‌ت ول شوينا وان وه‌لاتى وده‌رچوويێن زانكۆ وپه‌يمانگه‌هێن ژخه‌لكێ پاريزگه‌ها ميسان دامه‌زرينيت.
حه‌يده‌ر ئه‌لجيزانى، رۆژنامه‌ڤان ل تۆرا راگه‌هاندنا عيراقێ ل پارێزگه‌ها ميسان بۆ ئه‌ڤرۆنيوز گۆت” ئه‌گه‌رێ سه‌ره‌كيێ ئه‌نجامدانا خوه‌نيشادانێن ڤێ دووماهيێ ل پارێزگه‌ها ميسان دزڤريت بۆ نه دامه‌زراندنا ده‌رچوويێن زانكۆ وپه‌يمانگه‌هان ژ خه‌لكێ ميسان بۆ ده‌مێ چه‌ندين سالان”.
دياركر ژى” حوكمه‌تا عيراقى ب ئه‌نقه‌ست دو هزار پلێن دامه‌زراندنێ ل پارێزگه‌ها ميسان چه‌ند ساله يێن راگرتين”.
دياركر ژى” جڤاتا پارێزگه‌ها ميسان وجێگرێ پارێزگه‌رێ ميسان ب شێوه‌كێ فه‌رمى وب نڤيسار داخواز ژ حوكمه‌تا عيراقێ كر ب هزاران كرێكارێن بيانى ئه‌وێن ل كۆمپانيێن وه‌به‌رهێنانێ ده‌ربكه‌ت ول شوينا وان وه‌لاتى وده‌رچوويێن زانكۆ وپه‌يمانگه‌هان ژ خه‌لكێ ميسان ب دامه‌زرينيت”.
ئه‌ڤرۆنيوز:
ب برياره‌كا وه‌زاره‌تا ناڤخوه يا عيراقێ ول سه‌ر داخوازا پاريزگه‌رێ ب زۆر سه‌پاندى يێ كه‌ركووكێ، ريڤه‌به‌ريا پۆليسێن قه‌زا وناحيێن كه‌ركووكێ هاته هه‌لوه‌شاندن.
پشتى ده‌رچوونا وێ بريارێ، ل دووڤ مالپه‌رێ كوردستان تى ڤى، رێڤه‌به‌ريا پۆليسێن قه‌زا وناحيێن كه‌ركووكێ هاته داخستن وهه‌موو ئه‌فسه‌ر وپۆليسێن وێ رێڤه‌به‌ريێ هاتنه ڤرێكرن بۆ بنگه‌هێن پۆليسان ل كه‌ركووكێ وده‌وروبه‌ران.
رێڤه‌به‌ريا پۆليسێن قه‌زا وناحيێن كه‌ركووكێ به‌رى روودانێن 16 ئوكتۆبه‌را سالا بۆرى، پشكا كوردان بوو وكوردان ئه‌و ريڤه‌به‌رى ب ريڤه دبر، پشتى 16 ئوكتۆبه‌رێ ب برياره‌كا له‌شكرى ئه‌و پۆسته ژ كوردان هاتبوو ستاندن.
نيشاندان