ئەڤرۆ نیوز،رەمەزان هەرنی:

ئەنداما سەركرداتیا پارتی دیموكراتی كوردستان، ڤيان سه‌برى، راگه‌هاند، پارتی وەك ئێكەما سەر ئاستێ‌ كوردستانێ‌ يا بەردەوامە ل سەرەدان و دانوستاندنان ل گەل لایەنێن سیاسی و عیراقی، لایەنێن سیاسی ژی بەردەوام سەرەدانا كوردستانێ‌ دكه‌ن و بیرو بۆچونێن پارتی هاتینە وەرگرتن ل سەر شێوازێ‌ پێكئینانا حوكمەتا عیراقێ‌ و پشكداریا پارتی دحوكمەتێ‌  دا وبۆچونێن پارتی گرنگی پێ‌ هاتیە دان ل هەموو وان نێزیكبوونان كو حوكمەتا نوو یا عیراقێ‌ بهێتە پێكئینان ل سەر بنەمایێ‌ راست و رێككەفتنەكا هەڤسەنگ وپرۆژەكێ‌ تەمام دهێتە پێشكێشكرن بۆ چارەكرنا هەموو ئاریشێن دناڤبەرا كوردستانێ‌ و عیراقێ‌ ل سەر بجهكرنا هەموو برگێن دستوری و هەموو دانوستاندن دباش بوون،  لەورا ل نێزیك شاندێ‌ پارتی ل گەل ئێكەتى دێ سەرەدانا بەغدا كەت وەكو ئێك شاندێ‌ كوردستانی وەك ئێك بۆچون و دیتن هەیە بۆ دانوستاندنێ‌ ل گەل لایەنێن عیراقێ‌.

ڤیان سەبری ، ئەنداما سەركرداتیا پارتی دیموكراتی كوردستان بۆ ئەڤرۆ نیوز گۆت : ستراتیژیا هەره‌ گرنك بۆ كوردان گەهشتن ب مافێن كوردايه‌ ل بەغدا و ئێكگرتنا پارتێن سیاسی يه‌ ل كوردستانێ‌ تایبەت پارتی و ئێكەتی و هەر بریارەكا دژی مافێن كوردان و كوردستانێ‌ ل پەرلەمانی عیراقێ ده‌رباز ببيت،‌ كارەسات و قەیران ب سەرێ‌ كوردان هاتیە ژئەنجامی پەرت و بەلاڤبۆنا لایەنێن سیاسی یێن كوردستانێ،‌ له‌وما هیڤیدارین شاندێ‌ پارتێن سیاسی ل هەرێما كوردستانێ‌ بەفرەهـ بیت وتنێ ژ پارتی و ئێكەتی نەبیت، به‌لكو پشكداریا هەموو لایەنان ب ئێك پرۆژە بچنە بەغدا وپێكڤە كاربكەن بۆ بەرژەوەندیا نەتەوی و نیشتیمانی.

ڤيان سه‌برى دیاركر، رێكارێن دەستوری و قانوونی بۆ پێكئینانا حوكمەتێ‌ ددیارن، بەلێ‌ هەموو گرێدای حوكمەتا ناڤەندی نە ،هه‌كه‌ حوكمەت هاتە پێكئینان، پوستێ‌ سەرۆك كۆمار یێ‌ گرنگە وەكو پارێزەرێ‌ دستوری وئەو دەم هاتیە پۆستێ‌ سەرۆك كۆمارى بۆ پارتی بیت، هه‌كه‌ هژمارا كورسیێن پارتی بهێنە ل بەرچاڤ وەرگرتن.

ئه‌ڤرۆ نيوز:

گرۆپه‌كێ چه‌كدارى يێ سه‌ر ب توركيا ڤه‌ ل 16ى تيرمه‌ها 2018ێ وه‌لاتيه‌ك ژ ناڤ باژێرێ عه‌فرينێ ره‌ڤاند و به‌ر ب جهه‌كێ نه‌ديار ڤه‌ بر.

ب گۆره‌ى ژێده‌ره‌كى كو پاراستن ل سه‌ر ئاشكه‌را كرنا ناڤێ خوه‌ كريه‌ دا زانين كو گرۆپه‌كێ چه‌كدار ل تاخێ ئه‌شره‌فيێ وه‌لاتيه‌ك ل ناڤێ رۆسته‌م ئه‌رسه‌لان مه‌مۆ ژ مالا وى ره‌ڤاند و ده‌ست دانايه‌ سه‌ر ترۆمبێلا وى و كۆژمه‌كێ پاران ژى.

رۆسته‌م خه‌لكێ گۆندێ كێلا يێ ده‌ڤه‌را بلبلێ يه‌ و ل عه‌فرينێ كار چاكسازيێ دكه‌ت و خودانێ ماتوره‌كێ كاره‌بێ يه‌.

ژ لايه‌كێ دى ڤه‌ هاته‌ راگه‌هاند كو رژێما سوريێ دوهى وه‌لاتيه‌كێ كورد ب ناڤێ عه‌بدين به‌كر ل سه‌ر ريا ره‌ققه‌ بۆ حه‌له‌ب گرت كو ب مه‌ره‌ما ده‌رمانكرنێ ژ عه‌فرينێ دچوو حه‌له‌بێ، به‌لێ ئه‌و ل نێزيك باژێرێ ته‌بقه‌ هاته‌ ده‌سته‌سه‌ركرن.

زێده‌ترى چار هه‌يڤايه‌ بنپێكرن ل دژى وه‌لاتيێ، كورد ل عه‌فرينێ و ده‌وروبه‌ران د زێده‌بوونێ دايه‌.