ئەڤرۆ نیوز :

هه‌موو ژن خه‌ونان ب هندێڤە دبینن،کو ئه‌و كه‌سێ وێ خۆش دڤێت هه‌مان هه‌ست بۆ وێ هه‌بیت، یان هه‌ستێ راسته‌قینه‌ یێ وی كه‌سێ خوە وه‌ك خۆشتڤیێ وێ نیشان ددەت بۆ وێ ده‌ربكه‌ڤیت، ئه‌ڤە ژی كارەكێ هنده‌ ب ساناهی نینه‌ و لێهاتن دڤێت.

دەمێ ژن سه‌رسام یان عاشقێ زەلامەکێ د‌بن،ئەڤ چەندە گەلەک ب روونی یا د رووخسار و رەفتارێن وێدا دیاره‌، به‌لێ زەلام ب‌ گشتی و زەلامێن رۆژهه‌لاتی ب تایبه‌تی دڤی روویی دا‌ زێدەتر د ڤەشارتینە،هەکە تۆ زۆر یا زیره‌ك نه‌بی،تۆ نەشێی هه‌ستێن وی ئاشكرا بكه‌ی.

مالپەرێ فۆشیا چه‌ند نیشانه‌ک ئاشكرا كرینه‌ كو دسه‌لمینیت ئه‌و زەلامێ عاشقێ تە و تۆ خۆش دڤێی:

. به‌رده‌وام دڤێت تە دلخۆش بكەت، چونكی‌ هەکە زەلامەک ببیتە عاشق، هەموو دەمان‌ حه‌ز دکەت،گرنژینا وێ ژنێ ببینیت،یا کو وی خۆش دڤێت،بۆ ڤێ ژی دێ هەموو بزاڤان کەت.

. چو تشتان لێ ناڤەشێریت‌، هەر چەندە زەلام ب خوە حەز ژ ڤەشارتنێ دکەن، به‌لێ دەمێ دبنە عاشقێن ژنەکێ ، گوهێ خوە نادەنە وان تشتان و د ئاماده‌نە هه‌موو ژیان و بوری و داهاتیێ خوە،دانیتە‌ هەمبەر وێ ژنێ.

. زوو بەرسڤا نامێن وێ ددەت، گەلەک جاران بێی ئەگەر ژی دێ نامان‌ بۆ لێپرسینا حالێ وێ ڤرێکەت.

. دێ گرنگیێ بتە دەت، دەمێ تۆ ل گەل وی بی ل جهەکێ،دێ هه‌موو گرنگیا خوە بتە دەت و دێ بزاڤێ کەت،کو بچووکترین پێدڤیا تە بۆتە دابین بکەت و چو کێماسیان ل تە ناهێلیت.

. تە نا گوهۆریت، ژبەر هندێ ئه‌و ب ڤی شێوه‌ی‌ عاشقێ تە بوویه‌،لەوما داخوازێ ژتە ناكەت،کو هیچ تشتەکێ تە ب گوهۆریت، راستییا ڤێ ژی ئەوە،کو ئەو خەلەتیێن تە نابینیت، لەوما نەشێت ب تە بدەتە گوهۆرین.‌

. گوتنێن تە ژبیر ناکەت ، هەکە پشتی ماوه‌کێ دوور و درێژ ژی بەحسێ تشتەکێ بكه‌ن،ب‌‌ تەمامی گوتنێن تە ل بیرا وینە‌، دبیت بزانیت ژی ل وی دەمی‌ رووخسار و جلێن تە د چاوا بوون‌، چونكی‌ ب ته‌مامی سه‌رنجا وی ل سەر تە بوویه‌ و تۆ ل دەف وی یا گرنگ بووی.

. دزانیت تۆ حەز ژ چو دکەی و حەز ژ چو ناکەی‌، لەوما دێ وان تشتان‌ کەت،یێن تۆ پێ دلخۆش دبی و دێ خوە ژ وان تشتان دوور کەت،یێن کو تۆ ژێ عێجز دبی.

. دێ وی دەمی تە بجه هێلیت، دەمێ هوون ژڤانەکێ دیتر بۆ دیتنا ئێکودۆ ددانن، چونكی‌ یێ ب هیڤیە کو دێ جارەکادیتر تە بینیت.

ئەڤرۆ نیوز :

هه‌موو كه‌س بزاڤا هندێ دکەن،کو هەڤبەشەکێ بۆ ژیانا خوە ببینیت و چو جاران ژێ پەشێمان نەبیت،هەروەسا ل دوماهیێ خۆشبەختی ببیتە ژیانا وی،نەکو بێتاقه‌تی و خه‌م.
بۆ هندێ کو تۆ ژی ئێك بی ژ وان كه‌سێن کو خه‌ونێ بۆ هه‌لبژارتنا كه‌سەکێ گونجای بۆ هەڤبه‌شێ ژیانا خوە ببینیت، ژ ئەڤان هەر چار جۆرێن‌ زەلامان ب‌ هه‌موو شێوه‌یان دوور بكه‌ڤه‌:

. حەز ژ خوە ب تنێ دکەت: ئه‌ڤ زەلامە چو جاران ناهێنە گوهۆرین،به‌رده‌وام به‌رژه‌وه‌ندیا خوە دئێخنه‌ پێش هه‌موو تشتان، کو ئەڤەژی بۆ ژیانا هەڤبه‌ش و هەڤژینیێ یا گونجای نینه‌ و دێ تە وێران کەت.

. گەلەک هزر د خوە دا دکەت‌: ئه‌و زەلامێن کو به‌رده‌وام خه‌یال و هزرا وان ل دەف وان ب خوەیە‌، چاڤەرێ دكه‌ن،کو تۆ ژی ژ هه‌موو بێزاری، وەستیان، برسێ و گه‌رمبوونا وان تێ بگه‌هی و راسته‌وخۆ بۆ وان چاره‌سه‌ر بكه‌ی، بێگومان هەکە تە نەزانی،یان ژی وی کاری بۆ نەکەی، دێ تووشی ناكۆكیێ بن.

. ئه‌و زەلامێن باوەری ب خوە نە‌ی: هه‌ر زەلامەکێ باوەری ب ‌خوە نه‌بیت ، كه‌ساتیەکا لاواز هه‌یه‌ و به‌رده‌وام دێ گومانێ ژ سه‌ركه‌فتنێن خوە و تە ژی کەت،لەوما چو کەس خوە ل بەر هندێ ناگرن،کو دناڤا ژیانەکا گوماناویدا بژین.

. زەلامێ قوربانیده‌ر: ئه‌و زەلامێن فێر بووین ، کو قوربانیێ بۆ هه‌موو تشتەکێ بده‌ن، ناهێنە گوهۆرین و دێ مەترسی بۆ سەر ژیانا تە هەبیت، ژبەر هندێ شوو پێ نەکە و وەسا هەست پێ نەکە کو دێ بەرەف باشبوونێ ڤەچیت.