NO IORG
نووترين نووچه
Facebook

ئەڤرۆ نیوز،ھەژار مەعروف:
نوونەرا کوردستانێ دخولا پلا نایاب یا سوید دا یانا دالکورد یا کوردی نەشیا سەرکەفتنا خوە یا سێ تومابکەت ل وەرزێ ئەڤ سالە پشتی بەری دەمەکێ کێم دو خالێن گرنگ ژ دەستداین پشتی وەکھەڤبووی ل گەل یانا تریلیبورگس ب دو گولان .
تیما دالکورد ئەوا ل دو حەفتیێن بوری شیای دو ئەنجامێن سەرکەفتی ب دەستخوڤە بینت پشتی وەکھەڤبووی ل گەل یانا مالمو ھەردیسان شیای سەرکەفتنێ ل سەر یانا برومابویکارنا توماربکەت لێ ل ڤێ حەفتیێ نەشیا پاراستنا خوە دو جاران پارێزیت دەمێ د یاریێ دا پێشکەڤت لێ یانا بەرامبەر یاری وەکھەڤ لێکر.
ل نیڤا ئێکێ ستێرا ھێلا ناڤینا دالکورد و کورێ باژێرێ دھۆکێ رێوان ئەمین لێدانا سزایێ ژ دەستدا پشتی دادڤانێ یاریێ بۆ یانا دالکورد ھژمارتی ل خولەکا ١٩ لێ رێوان ئەمین تێدا نە یێ سەرکەفتی بوو ل خولەکا ٣٩ یاریزانێ وێ مالکۆلم مۆەنزا ب شێوەکێ جوان گولا ئێکێ تومارکر لێ یاریزانێ یانا یانا تریلیبورگس ھومت دەنیز گولا وەکھەڤیێ ل دقیقا ٦٩ تومارکر و بەرەڤانێ دالکورد خولەکا ٨٣ ھێنریک گولا دوێ بۆ دالکورد تومارکر لێ یاریزان نیلسون یاریزانێ یانا تریلیبورگس ل دەمێ زێدەکری و ل خولەکا 91 نە ھێلا دالکورد کەیڤخوشی ب سەرکەفتنا خوە یا سێ بەت پشتی گولا وەکھەڤیێ تومارکری ب ڤی ئەنجامی دالکورد خالێن وێ بوونە ٩ خال و ل رێزا ١٥ و بەری دووماھیێ دھێت و یانا تریلیبورگس  ل رێزا ١٣ دھێت ب ١٢ خالان

Image result for dalkurd 2-2 Trelleborgs 2018

کولا دوێ یا دالکورد ل خولەکا  ٨٣

https://www.fotbollskanalen.se/video/10471595/dalkurd-tar-ledningen-pa-nytt—lofkvist-malskytt/

کولا دوێ یا تریلیبورگس ل خولەکا ٩١

https://www.fotbollskanalen.se/video/10471667/nielsen-nickar-in-2-2-pa-stopptid/

 

ئه‌ڤرۆنيوز:

ژێده‌ره‌كێ رۆژنامه‌ڤانى ژ باژێرێ به‌سرا بۆ ئه‌ڤرۆنيوز دياركر كو خوه‌نيشانده‌رێن باژێرێن باشوورێ عيراقێ هه‌تا نوكه‌ 9 باره‌گايێن حزبێن عيراقێ سوتينه‌ ژوان ژى باره‌گايێ حزبا ده‌عوه‌ يا ده‌ستهه‌لاتدار.

وى ژێده‌رى زێده‌تر بۆ ئه‌ڤرۆنيوز گۆت” پتريا باره‌گايێن حزبى ئه‌وێن هاتينه‌ سوتن يێن حزبا ده‌عوه‌ يا ده‌ستهه‌لاتدارن ب سه‌رۆكاتيا نورى مالكى كو چار باره‌گانه‌ وباره‌گايێن دى ژى يێن هه‌ر ئێك ژ ره‌وتێ حيكمه‌ ب سه‌رۆكاتيا عه‌مار حه‌كيم وحزبا فه‌زيله‌ ب سه‌رۆكاتيا محه‌مه‌د يه‌عقووبى وفه‌تح ب سه‌رۆكاتيا هادى عامرى وهه‌ردو گرۆپێن حه‌شدا شه‌عبى (كتائب حزب الله) و (عصائب اهل الحق) ب سه‌رۆكاتيا قه‌يس خه‌زعه‌لى كو نێزيكى ئيرانێ يه‌.

ئاماژه‌ دا ژى كو ئه‌و 9 باره‌گايه‌ ل پارێزگه‌هێن به‌سرا وميسان ونه‌جه‌ف ل باشوورێ عيراقێ يێن هاتينه‌ سوتن.

ئه‌ڤرۆنيوز:

هه‌لبژارتيێ به‌لجيكا يێ ته‌پا پێ رێزا سيێ ل قاره‌مانيا جاما جيهانێ 2018 ل رووسيا ب ده‌ستڤه‌ئينا پشتى ئه‌ڤرۆ شه‌مبيێ 14/7/2018 ب سه‌ركه‌فتى ل سه‌ر هه‌لبژارتيێ ئينگلته‌را ب ئه‌نجامێ 2-0 .

هه‌ردو گۆلێن به‌لجيكا ژلايێ ياريكه‌رێن وێ توماس مونيێه وئيدين هازارد ل خۆله‌كێن 4 و82 هاتن تۆماركرن.

سوباهى ئێکشەمبى ١٥/٧/٢٠١٨ ول ده‌مژمێر 6 ئێڤارى دێ یاریا دووماهیێ ژقارەمانیا جیهانى دناڤبه‌را فره‌نسا وكرواتيا هێته‌ ئه‌نجامدان.

ئه‌ڤرۆ نيوز:

خونيشادانێن وه‌لاتييێن عيراقى، چه‌ندين باژێر ڤه‌كرتن و به‌رى چه‌نده‌كێ خونيشادان ل دژى نه‌بوونا خزمه‌تگوزاريان ل نه‌جه‌ف ده‌ستپێكرن و ده‌نگێ ته‌قێ دهێته‌ بهيستن، ژێده‌ره‌كێ ئێمناهيێ ل نه‌جه‌ف بۆ سومه‌ريه‌ نيوز راگه‌هانديه‌ كو بارێ نه‌ئاسايى ل وى باژێرى هاتيه‌ راگه‌هاندن.

 

په‌یڤدارێ‌ وه‌زاره‌تا ڤه‌گوهاستن و گه‌هاندنا حوكمه‌تا هه‌رێما كوردستانێ‌ راگه‌هاند، فه‌یسبووك ل هه‌موو عیراقێ‌ ب هه‌رێما كوردستانێ‌ ڤه‌ ب بڕیارا حوكمه‌تا عیراقێ‌ هاته‌ راگرتن.
ئومێد محه‌مه‌د صالح ئاشكرا ژی كر كو ئه‌ڤ راگرتنه‌ یا به‌روه‌خته‌ و گۆت:( ئه‌م یێ‌ بزاڤان دكه‌ین كو ئه‌ڤ بڕیاره‌ ل هه‌رێما كوردستانێ‌ نه‌هێته‌ بجهئینان و فه‌یسبووك ب زووترین ده‌م بهێته‌ ڤه‌كرن).
هه‌ژی گۆتنێ‌ یه‌ كو عیراقێ‌ بۆ رێگریێ‌ ل به‌رفره‌هبوونا خۆنیشادانان بڕیارا راگرتنا ئینته‌رنێت و فه‌یسبووكی دایه‌.

ئه‌ڤرۆنيوز:

ژێده‌ره‌كى ژ شاندێ كۆمسيۆنا بلند يا هه‌لبژارتنان ل عيراقێ ئه‌وێ گه‌هشتيه‌ دهۆكێ بۆ سه‌رپه‌رشتيكرنا پرۆسا هژمارتنا ب ده‌ست يا سندووقێن ده‌نگدانێ ل دهۆكێ بۆ ئه‌ڤرۆنيوز دياركر كو 332 سندووقێن ده‌نگدانێ ل پارێزگه‌ها دهۆكێ دێ ب ده‌ست هێنه‌ هژمارتن.

وى ژێده‌رى بۆ ئه‌ڤرۆنيوز دياركر كو 107 سندووق ژ وان ئه‌و سندووقن يێن سكالا ژلايێ قه‌وارێن سياسى ڤه‌ ل سه‌ر هاتينه‌ تۆماركرن و225 سندووق ژى ئه‌ون يێن ژلايێ جڤاتا به‌رێ يا كۆمسيۆنا هه‌لبژارتنان هاتينه‌ هه‌لوه‌شاندن كو 25 سندوقان ژوان نوكه‌ يێن له‌ به‌غدا و198 يێن ل دهۆكێ”.

ئاماژه‌ دا” ئه‌ڤرۆ هژمارتنا ب ده‌ست بۆ 27 سندووقان هاته‌ كرن وپرۆسه‌ ژ ده‌مژمێر 11:50 سپێدێ ده‌ستپێكر وهه‌تا ده‌مژمێر 5 ئێڤارى يا به‌رده‌وامبوو و پرۆسه‌ ب شێوه‌كێ رێكوپێك يا دهێته‌ ئه‌نجامدان وچو ئاريشه‌ ژى نينن”.

ئه‌ڤرۆنيوز، ئيقبال عومه‌ر

ل شەڤا بۆری به‌رپرسه‌كێ په‌كه‌كێ و سێ چەکدارێن دی بوونە ئارمانجا فروکێن تورکی و هاتنە کوشتن.

فروکێن تورکی ل گەلیێ بالندا ل سنورێ ناحیا شێلادزێ یا سەر ب قەزا ئامێدیێ ڤە ترومبێلەك بومبە بارانکر كو چار کەس ئه‌وژى به‌رپرسه‌ك و سێ چەکدارێن پەکەکێ دناڤا وێ ترومبێلێ دا هاتنە کوشتن، دو فروکێن  تورکی ئێکسەر هاتنە هنداڤی کومەلگەها سیریێ ودو مۆشه‌ك ل ترومبێلا وان چەکدارێن پەکەکێ دا ل گەلیێ بالندا.

ناڤێ وى به‌رپرسێ په‌كه‌كێ(دەلیل) و چەکدارەك ژی ب ناڤێ (هەمزە) هاریکارێ دەلیل بو و دو چەکدارێن دی کو ناڤێ وان نەهاتیە زانین).

دەلیل، بەرپرسێ دارایی یا هەرێما زاپێ و ئاڤا شین بوو، ڤی به‌رپرسێ پەکەکێ هەردەم خوە نێزیکی جهێن گەشتیاری دکر و دچو دناڤا وەلاتیێن سڤیل دا، و ب شەڤ ژی دهاتە جهێن ئاڤەدان و هەروەسا خوە نێزیكى زالگەها پێشمەرگەی ژی دکر داکو  یێ پاراستی بیت و نەبیتە ئارمانجا فروکێن تورکی، ئەڤ به‌رپرسێ په‌كه‌كێ دژیێ نێزیکی ۷٥ سالیێ دابوو كو ل شەڤا ۱۳/۷/۲۱۸ ل دەمژمێر ۱۱ و پینجی خولەك ل گەلیێ بالندا سەد مەترا دوور ژ زالگەها پێشمەرگەی بوو ئارمانجا فروکێن تورکی.

ئه‌ڤرۆ نیوز ، ره‌زوان رۆژبه‌یانى:

به‌ره‌ڤانیا باژێرێ پارێزگه‌ها دهۆكێ دیار كر خێزانه‌ك ب مه‌ره‌ما گه‌شت و سه‌یرانێ دچنه‌ سه‌ر لێڤى روبارێ خازر دا و ژنكه‌كێ ڤه‌ سێ زارووێن وان دكه‌ڤنه‌ ناف روبارى و ئێك دهێته‌ قورتال كرن و دووی ێن دى ژى خه‌ندقینه‌.
رائد ” بێوار عبدالعزیز” رێڤه‌به‌رێ پۆلیسێن به‌ره‌ڤانیا باژێرى ل پارێزگه‌ها دهۆكێ بۆ ئه‌ڤرۆ نیوزخویاركر ئه‌ڤرۆ رۆژا شه‌مبى ده‌م ژمێر (12:00) ى نیڤرۆ رێكه‌فتێ 14/7/2018 خێزانه‌كا ئاكنجیێ گوندێ ئامیان یا سه‌ر ب قه‌زا به‌ره‌ده‌ڕه‌ش ڤه‌ , ژبۆ هین كرن و گه‌شت و سه‌یرانێ دچنه‌ سه‌ر لیڤێ روبارێ خازر ل نزیك پردێ مه‌ندان به‌لێ ژنشكه‌كێ ڤه‌ سێ زارویێن وێ خێزانى دچنه‌ ناف روبارى و ئێك دهێته‌ قورتال كرن و دووێین دى ژى ب ناڤێ ( شیفا ره‌مه‌زان و نیهایه‌ت ره‌مه‌زان ) دژیێ 12و 13 سالى كو هه‌ردو كچن و خوشكێت ئێكن وجانێ خوه‌ ژ ده‌ست دده‌ن, گوت ژى ئه‌ف ساله‌ هه‌تا نوكه‌ 24 كه‌س ل سنوورێ پارێزگه‌ها دهۆكێ خه‌ندقینه‌و 17 كه‌س ژى ژ خه‌ندقینێ هاتینه‌ رزگار كرن ئه‌م داخاز ژ هه‌مى خێزانان دكه‌ین كو ده‌مێ دچنه‌ سه‌ر رووبارى ل وه‌رزێ هاڤینێ پیتڤییه‌ چاڤێ وان ل زارویێن وان بیت دا چوو نه‌خوشى بۆ وان په‌یدا نه‌بن زارویێن وان نه‌ بنه‌ قوربانى

ئه‌ڤرۆ نيوز:
ئەڤرو لدەمژمێر 10: 10 ” خولەك ل سەرجادەیا سەرەکیا سێمێل_دهوك ل نێزیك پانزینخانا دەریا ترومبێلەك ژ جورێ ئودی ژمارە ئەورپێ ژ بن کۆنترۆڵا شوفێری دەرکەت و خوە ل دیواری دا و د ئەنجامدا دو كه‌سان گیانێ خو ژێ دە ست دا و چار كه‌س ژى بریندار بوون كو ئه‌ندامێن ئێك خێزان بوون.
0

1

ئه‌ڤرۆ نيوز:

ژێده‌ره‌كێ ئه‌منى ل به‌غدا راگه‌هاند كو ئاماده‌كارى هاتينه‌ كرن بۆ ئه‌نجامدانا خوه‌نيشاندانێن به‌ر فره‌هـ ل باژێرێ به‌غدا.

ژێده‌ره‌كێ ئه‌منى د داخۆيانيه‌كێ دا بۆ سايتێ غه‌دپرێس يێ عيراقى راگه‌هاند كو پێزانين ل به‌ر ده‌ستن ده‌رباره‌يى وان ئاماده‌كاريێن كو دهێنه‌ كرن بۆ ئه‌نجامدانا خوه‌نيشاندانێن به‌رفره‌هـ ل باژێرێ به‌غدا كو بڕياره‌ ئێڤاريا ئه‌ڤرۆ بهێنه‌ ئه‌نجام دان.

هێزێن ئه‌منى ل به‌غدا خستينه‌ حاله‌تێ ئاماده‌باشيێ و رێكارێن پێدڤى گرتينه‌ به‌ر بۆ پاراستنا ره‌وشا ئه‌منى يا داموده‌زگه‌هێن ده‌وله‌تێ.

ب گۆره‌يى وێ راگه‌هاندنا ل تۆڕێن جڤاكى به‌لاڤ بوويى، وه‌لاتى مژوولى ئاماده‌ باشيێ نه‌ دا كو ل ده‌مژمێر 18:00ى ئێڤاريا ئه‌ڤرۆ خوه‌نيشاندانان ده‌ست پێ بكه‌ن.

دهێته‌ چاڤه‌رێكرن كو خوه‌نيشاندانێن ئه‌ڤرۆ بچنه‌ ده‌ڤه‌را كه‌ست و نه‌رازيبوونا خوه‌ ل وێرێ ده‌رببڕن.

خوه‌نيشاندان ل به‌غدا يا هه‌ڤده‌مه‌ ل گه‌ل خوه‌نيشاندانێن وه‌لاتيان ل پارێزگه‌هێن دى يێن باشوورێ عيراقێ.

ئه‌ڤرۆ رۆژا شه‌شێ يا خوه‌نيشاندانێن وه‌لاتيێن باشوورێ عيراقێ يه‌ كو تێدا داخوازا باشتركرنا ره‌وشا خزمه‌تگۆزاريان و دابينكرنا ئه‌ڤ و كاره‌ب و ده‌ليڤێن كارى نه‌.

website security
WP Facebook Auto Publish Powered By : XYZScripts.com