ئاماده‌كارى بۆ خوه‌نيشاندانێن مه‌زن ل به‌غدا يێ دهێنه‌ كرن

14/07/2018 12:48

130

ئه‌ڤرۆ نيوز:

ژێده‌ره‌كێ ئه‌منى ل به‌غدا راگه‌هاند كو ئاماده‌كارى هاتينه‌ كرن بۆ ئه‌نجامدانا خوه‌نيشاندانێن به‌ر فره‌هـ ل باژێرێ به‌غدا.

ژێده‌ره‌كێ ئه‌منى د داخۆيانيه‌كێ دا بۆ سايتێ غه‌دپرێس يێ عيراقى راگه‌هاند كو پێزانين ل به‌ر ده‌ستن ده‌رباره‌يى وان ئاماده‌كاريێن كو دهێنه‌ كرن بۆ ئه‌نجامدانا خوه‌نيشاندانێن به‌رفره‌هـ ل باژێرێ به‌غدا كو بڕياره‌ ئێڤاريا ئه‌ڤرۆ بهێنه‌ ئه‌نجام دان.

هێزێن ئه‌منى ل به‌غدا خستينه‌ حاله‌تێ ئاماده‌باشيێ و رێكارێن پێدڤى گرتينه‌ به‌ر بۆ پاراستنا ره‌وشا ئه‌منى يا داموده‌زگه‌هێن ده‌وله‌تێ.

ب گۆره‌يى وێ راگه‌هاندنا ل تۆڕێن جڤاكى به‌لاڤ بوويى، وه‌لاتى مژوولى ئاماده‌ باشيێ نه‌ دا كو ل ده‌مژمێر 18:00ى ئێڤاريا ئه‌ڤرۆ خوه‌نيشاندانان ده‌ست پێ بكه‌ن.

دهێته‌ چاڤه‌رێكرن كو خوه‌نيشاندانێن ئه‌ڤرۆ بچنه‌ ده‌ڤه‌را كه‌ست و نه‌رازيبوونا خوه‌ ل وێرێ ده‌رببڕن.

خوه‌نيشاندان ل به‌غدا يا هه‌ڤده‌مه‌ ل گه‌ل خوه‌نيشاندانێن وه‌لاتيان ل پارێزگه‌هێن دى يێن باشوورێ عيراقێ.

ئه‌ڤرۆ رۆژا شه‌شێ يا خوه‌نيشاندانێن وه‌لاتيێن باشوورێ عيراقێ يه‌ كو تێدا داخوازا باشتركرنا ره‌وشا خزمه‌تگۆزاريان و دابينكرنا ئه‌ڤ و كاره‌ب و ده‌ليڤێن كارى نه‌.

پرۆسا ب ده‌ست هژمارتنا ده‌نگان ل دهۆك ده‌سپێكر

14/07/2018 12:21

117

ئه‌ڤرۆ نيوز:

هنارتيێ ئه‌ڤرۆ نيوز ل جهێ ب ده‌ست هژمارتنا ده‌نگان ل دهۆكێ راگه‌هاند كو ده‌ست ب هژمارتنا ده‌نگان ده‌ست پێ كر و چار لايه‌نێن نه‌رازى بايكوت كر.

ئه‌ياد به‌روارى، هنارتيێ ئه‌ڤرۆ نيوز ل كوليژا چاندنێ ل سێمێلێ كو جهێ ب ده‌ست هژمارتنا ده‌نگێن پارێزگه‌ها دهۆكێ يه‌ بۆ وان سندوقێن سكالا ل سه‌ر هه‌ين، ئاشكه‌را كر كو پرۆسا ب ده‌ست هژمارتنا ده‌نگان ل دهۆكێ ده‌سپێكر.

ب گۆره‌يى پێزانينێن ئه‌ڤرۆ نيوز هه‌ر ئێك ژ ئێكگرتوو و گۆڕان و كۆمه‌ل و هه‌ڤپه‌يمانيێ بايكوتا ئاماده‌بوون ل هۆلا ب ده‌ست هژمارتنا ده‌نگان كريه‌ و چ نوونه‌ر بۆ هۆلێ ره‌وانه‌ نه‌كرينه‌.

ب گۆره‌ى پێزانينێن ئه‌ڤرۆ نيوز ئه‌ڤ ده‌نگێن دێ ل دهۆكێ ب ده‌ست هێنه‌ هژمارتن ئه‌و ده‌نگن يێن سكالا ل سه‌ر هاتينه‌ تۆماركرن يێن هه‌ر ئێك ژ گشتى و تايبه‌ت و ئاواران كو سه‌رجه‌مێ وان دبيته‌ 112 سندوق و دهێته‌ پێشبينيكرن كو دو هه‌تا سێ رۆژان ئه‌ڤ پرۆسه‌ ڤه‌كێشيت.

پێشتر پرۆسا هه‌ژمارتنا ده‌نگان ب ده‌ستى ل كه‌ركووك و سلێمانيێ و هه‌ولێر ده‌سپێكريه‌ و ب دووماهى هاتينه‌ و نها ژى ل پارێزگه‌ها دهۆكێ ده‌ست ب ڤێ پرۆسێ هاته‌ كرن و ل دووڤ پێزانينێن ئه‌ڤرۆ نيوز ل هه‌ردو پارێزگه‌هێن كه‌ركووك و سلێمانيێ جوداهيه‌كا زێده‌ مه‌زن ل ئه‌نجامێن ده‌نگان دا هه‌بوويه‌.

ئامێدى: د ماوێ كێمتر ژ ساله‌كێ دا 15 كه‌س بووينه‌ قوربانى بۆردۆمانێن وه‌لاتێ توركيا

14/07/2018 11:32

390

ئەڤرۆ نیوز، نەوزاد ھلۆری:

دەڤەرا ئامێدیێ کو مەزنترین سنور ل پارێزگەھا دھۆک ل گەل باکوورێ کوردستانێ ھەیە و ژ بەر سەدەما ھەبوونا بنگەهـ و بارەگایێن پارتا کرێکارێن کوردستانێ ئەڤ سالە 68 جاران فرۆکێن تورکیا بوردومانا دەڤەرێن جوداجودایێن وێ کرینە ب تایبەتی ل دەڤەرا شێلادزێ.

ب گورەی زانیاریێن مەیدانیێن ئەڤرۆ نیوز ل رێکەفتی 1-1-2018 ھەتا شەڤا بوری 68 جاران فروکێن تورکیا دەڤەرێن جوداجودایێن سنورێ قەزا ئامێدیێ بوردومانکرینە ب تایبه‌تی سنورێ ناحیا شێلادزێ و د ئەنجام دا ھژمارەکا وەلاتیان بووینە قوربانی و زیانێن زورێن ماددی ژی ب وان گەھاندینە.

زانیاریێن مەیدانیێن ئەڤرۆ نیوز بەحس ل وێ یەکێ ژی دکەن کو ل رێکەفتی 20-9-2017 ھەتا نھا 15 کەسان ل دەڤەرا ئامێدیێ ژ بەر بومبەباران و توپبارانێن وه‌لاتێ توركيا و بومبێن چاندنی یێن پەکەکێ ل قەزا ئامێدیێ گیانێ خوە ژ دەست داینە و پێنج کەس ژی برینداربووینە کو ژ وانان 10 شەھید و سێ بریندار دکەڤنە شێلادزێ، ھەتا نھا سێ بریندارێن بوردومانێ دھێنە چارەسەرکرن.

ژ ئەگەرا بەزادنا سنوری و ھاتنە پێش و پێشرەویێن سوپایێ تورکیا بۆ ھند دەڤەرێن سنوری ب تایبەتی زاب و ئاڤا شین پەکەکێ بنگەهـ و بارەگایێن خوە بۆ نێزیکترین خالێن ئاڤەدانی و ئاکنجیبوونا خەلکێ گوند و دەڤەرێن شێلادزێ نێزیک بکەت و ب ڤێ یەکێ 102 گوندێن نێروەورێکان و 30 گوندێن دەڤەرا بەرواری بالا و 15 گوندێن بەرێ گارێ و ھژمارەکا گوندێن دوسکی ژووريان بکەڤنە بن بوردومانا فروکێن تورکیا و وەلاتی نەشێن مفايی ژ سرۆشت و ژینگەهـ و خێر و بێرێن مولک و زەڤیێن خوە وەربگرن و چاندنێ بکەن و تەرش و کەوالی ب خودان بکەن، 40% ژ ھەموو دەڤەرا ئامێدیێ بکەڤیتە بن کونترولا پەکەکێ و سوپایێ تورکیا.

ب گورەی زانیاریێن لقێ 18ێ پارتی ديموكراتى كوردستان ژى پەکەکە ھاتنە نێزیکترین خالا ئاڤەدانیێن ئامێدیێ و بوویە سەدەم کو وەلاتی ببنە قوربانی و زیانێن ماددی بەر دەڤەرێ بکەڤن، ب چوونا ئەوان جارەک دن دێ ژیانەک ئاسایی و نورمال و سەقامگیر بۆ دەڤەرێ زڤریت ڤە و پەکەکە دبیتە بھانە بۆ بوردومانکرنا دەڤەرێن شێلادزێ، پێشتر ژی ل شێلادزێ د چەند خوپێشاندانەکا دا داخواز ل وێ یەکێ ھاتیەکرن کو سوپایێ تورکیا دەست ژ بوردومانکرنا دەڤەرێن وان بەردەت و پەکەکە ژی دەڤەرێ چول بکەت.

شەڤا بوری ژ ئەنجامێ بوردومانا گەلیێ بالندا کو تنێ 200م ل بارەگایێ سەرەکیێ پێشمەرگە و ئاسایشێ و 800م لە گوندێ کەەمپێ دویرە بویە سەدەم کو رێیا سەرەکی یا گەلیێ بالندا بھێتە برین و تێکدان، و کارەبا نیشتمانی بھێتە برین و زیانێن زور ب ژینگەھا دەڤەرێ بگەھینیت، ئەڤە زێدەباری کو دوو ترومبێلێن پەکەکێ بوینە ئارمانجا فروکان و ئێک ژ وان ھاتیە سوتن.

ئه‌ڤرۆ خوه‌نیشاندان بۆ رزگاركرنا هۆنه‌رمه‌نده‌كا كورد دێ ھێنەکرن

14/07/2018 10:51

274

ئەڤرۆنیۆز، سالار دۆسکی

ژڤانە سوبە 14-6-2018 ل بەردەرگەھێ قونسلخانا تورکیا ل وەلاتێ ئەلمانیا خونیشادانەک دژی گرتنا ھونەرمەند جانێ بھێتەکرن و داخازا ئازادکرنا وێ بھێتەکرن.

به‌ختیار ئیبراھیم، سەرۆکێ کومەلا دوستایەتی کوردستان ئسرائیل بۆ ئەڤرۆ نیۆز گۆت: ئه‌ڤرۆ دەمژمێر 2:00 ھەتا 8:00ى ئێڤاری دێ خوه‌نیشاندانەکێ ل بەر دەرگەھێ قونسخانا تورکیا ل وەلاتێ ئەلمانیا كه‌ن و ئارمانج ژ خونیشاندانێ ئەوە کو ھونەرمەندا کورد جانێ بھێتە ئازاد کرن.

بەختیاری ئەو ژی دیارکر کو ماوێ چەندێ يه‌ ھونەرمەندا کورد جانێ ژ لایێ حوکمەتا تورکیا ڤە ھاتیە دەستە سەر کرن ب گونەھا پەیوەندی ل گەل PKKێ، لەوما ئه‌ڤرۆ دێ خوه‌نیشادان ھێنە کرن.

سەرۆکێ فیفا یێ: مۆندیالا 2022 دێ ل‌ وه‌رزی زڤستانێدا هێتە ئەنجامدان

14/07/2018 09:08

218

ئەڤرۆ نیوز ، زنار تۆڤی:

سه‌رۆكێ فیفا یێ ئاشكراکر، کو ماوێ برێڤه‌چوونا مۆندیالا 2022 ل وەلاتێ قه‌ته‌ر هاتیە گوهۆرین و ل جهێ هاڤینێ دێ ل‌ وه‌رزی زڤستانێدا هێتە ئەنجامدان.
جیانی ئینفانتینۆ د كۆنگره‌کێ رۆژنامه‌ڤانیدا گوت: مە بریاردایه‌ کو مۆندیالا 2022 ل‌ قه‌ته‌ر ل‌ وه‌رزێ زڤستانێدا بهێته ئەنجامدان.
هەروەسا سه‌رۆكێ فیفایێ گوتیە، دێ مۆندیالا 2022 ل ماوێ دناڤبەرا 21.11 بۆ 18.12 ل سالا 2022 هێتە برێڤە برن.
سه‌رۆكێ فیفا یێ ئەگەرێ ڤێ بریارێ بۆ سەقایێ گه‌رم یێ وەلاتێ قه‌ته‌ر ڤەگه‌راندیە د‌ وه‌رزێ هاڤینێ دا.
قه‌ته‌ر ئێكه‌م وەلاتێ عه‌ره‌بیه‌ د‌ مێژوویێ دا، كو‌ بریاره‌ مۆندیالا 2022 مێهڤانداریێ بكەت.

نیستۆر پیتانا دادڤانێ ئه‌رجه‌نتینی دێ یاریا دووماهیا مۆندیالێ یا دناڤبەرا فر‌نسا و كرواتیا برێڤەبەت

14/07/2018 08:39

ئەڤرۆ نیوز:

روودانەکا سەرنجراکێشە

14/07/2018 08:12

783

ئەڤرۆ نیوز:

رۆژناما “حورییەت” یا تورکی بەلاڤکریە، کو وێنەگرەکێ تورکی خەلکێ مەلاتیا کارەساتەک ب سەرێ زاڤایەکێدا ئینایە دەمێ ژیێ دروست یێ بووکێ دزانیت.

ئەڤ وێنەگرە دبێژیت، پشتی کو وی زانی ژیێ بووکێ پازدە سالە، وی چەندین جاران بزاڤکریە کو وێ ئاهەنگێ راوەستینیت.

هەروەسا وی وێنەگری دیارکریە، من تێبینیا هندێ کر، کو بووک گەلەک یا بچووکە و ترس یا ل دەف دیاربوو، لەوما ل دەمێ وێنەگرتنێدا من گوتە زاڤای ژیێ بووکێ چەندە؟، ئەوی ژی بەرسڤ دا و گوت 15 سالە، لدووڤدا شەرەدەڤ دناڤبەرا وان دا روودایە و بوویە شەر، د ئەنجامدا وێنەگری دفنا زاڤای شکاندییە.

دیسا وی وێنەگری ل سەر فەیسبووکێ خوە نڤێسیە هەکە ئەز دڤی بابەتی دا بێ دەنگ مابا مە، واتە دا هاریکاریا مامەلەکرنا خراب ل گەل زارۆیان دەم.

هەروەسا گوتیە، چو هێز نینن د دونیایێ دا من پال بدەت، کو زارۆیەکێ وەک بووک وێنە بکەم و ئەز نەیێ پەشێمانم ژ وی کارێ من کری”.

ل نەجەفێ ژی خوەنیشاندانان دەست پێکر

14/07/2018 07:46

ئەڤرۆ نیوز ، زنار تۆڤی:

سال بۆ سالێ رەوشا عیراقێ یا بەرەف نە ئارامیێ و ئالۆزیێن مەزنتر ڤە دچیت، لەوما ژبەر نەبوونا خزمەتگوزاریان ل چەندین باژێران خەلکێ خوەنیشاندان کرینە، کو ئەو خوەنیشاندان ژی ل دژی کێمیا خزمەتگۆزاریان و بێکاریێ بووینە، پشتی کو خوەنیشاندان گەهشتینە پارێزگەها نەجەفێ، خەلکێ وێ داخوازا دەست ژ کارکێشانا حوکمەتێ کریە.

خوەنیشاندانان ل پارێزگەها نەجەفێ یا ناڤەراستا عیراقێ ژی دەست پێکر و چالاکڤانێن سڤیل ل تۆرێن جڤاکی دیار دکەن: کو خوەنیشاندانێن وان دێ بەردەوام بن هەتاکو حوکمەت خزمەتگۆزاریێن وەکی ئاڤ و کارەب و پێدڤیاتیێن سەرەکی بۆ وان دابین دکەت.

هەروەسا خوەنیشاندەران داخواز کریه، کو چارەیەک بۆ زێدەبوونا رێژەیا بێکاریێ بهێتە دیتن، هەکە نە هاتە دیتن، پێدڤی یە ب زوو ترین دەم حوکمەت دەست ژکار بکێشیت.

فروکێن تورکیا گەلیێ بالندا بومبە بارانکر

14/07/2018 00:38

463

ئەڤرۆ یوز، ئێقبال عومەر:

فرۆکێن له‌شكرێ تورکی گەلیێ بالندا یا سەرب ناحیا شێلادزێ ڤە به‌رى ده‌مه‌كێ كێم بومبە بارانکر کوشتی ژی هەنە و ترس و لەرزەکا مەزن د دلێ خەلکی دا پەیدا کریە.

ئه‌ڤ شه‌ڤه‌ ل دەمژمێر ۱۱ و پێنجی خۆله‌ك، دو فرۆکێن تورکی ژبەر هەبوونا چەکدارێن پەکەکێ ل گەلیێ بالندا یا سەر ب ناحیا شێلادزێ ڤە کرینە ئارمانجا خوە و بومبە بارانکرینە، دڤێ بومبەرانکرنێ دا چه‌ند گریلایێن پەکەکێ هاتینە کوشتن ب گۆره‌ی ژێدەرەکی نێزیكی وی جهی.

جهێ بومبەبارانکرنێ بتنێ سەد مەتران ژ زالگەها پێشمەرگەى ل گه‌ليێ بالندا يێ دوورە، ديسا نێزیك 200 مەتران ژ مالێن وەلاتیێن گوندێ کەمپێ یا دوورە و بەرو ئاخ و سەچمە ب سەر زالگەهێ دا دەرباز بووينە و هەروەسا بوویە ئەگەرێ ترس و لەرزەکا مەزن د دلێ وەلاتیێن دەڤەرێ دا .

خوه‌نيشاندانێن باشوورێ عيراقێ به‌رفره‌هتر بوون

14/07/2018 00:11

ئه‌ڤرۆنيوز:

پشتى خوه‌نيشاندانێن چه‌ند رۆژێن بۆرى يێن باژێرێ به‌سرا ل دۆر داخوازا خزمه‌تگوزاريان وده‌ليڤێن كارى، ئه‌ڤرۆ ئه‌ينيێ 13/7/2018 پێلا خوه‌نيشادانان گه‌هشته‌ چه‌ندين پارێزگه‌هێن باشوورێ عيراقێ ژ وان ميسان وواست وزيقار.

حه‌سه‌ن ئه‌لداوود رۆژنامه‌ڤان ژ باژێرێ به‌سرا بۆ ئه‌ڤرۆنيوز گۆت” ئه‌و چه‌ندا ل به‌سرا رووداى جهێ مه‌ترسيێ يه‌ وترسه‌ك يا هه‌ى كو به‌رفره‌هتر ببيت كو ده‌ستپێكا روودانان، هنده‌ك گه‌نجێن قه‌زا مده‌ينه‌ داخوازا ده‌ليڤێن كارى دكر ل كۆمپانيێن په‌ترۆلى ل به‌سرا”.

گۆت ژى” بارى ئابوورى يێ وه‌لاتيێن به‌سرا ژ سالا 2014 ووێڤه‌ يێ به‌ر ب خرابيێ ڤه‌ چووى، ب تايبه‌تى پشتى هاتنا داعشێ وپه‌يدابوونا قه‌يرانا دارايى ل عيراقێ كو چه‌ندين كۆمپانيێن په‌ترۆلێ خوه‌ ژ عيراقێ وب تايبه‌تى ژ به‌سرا ڤه‌كێشا، ديسا چه‌ندين پرۆژه‌ ژى هاتن راوه‌ستاندن كو هژماره‌كا مه‌زن يا گه‌نجان دوان پرۆژان دا كاردكر”.

دياركر ژى” په‌يدابوونا گرفتێن ئاڤێ وكاره‌بێ ژى كارتێكرنا خوه‌ هه‌بوو كو خوه‌نيشاندان به‌رفره‌هتر ببن، ب تايبه‌تى پشتى رێژا خوێ دئاڤا شه‌تولعه‌ره‌ب دا زێده‌بووى”.

ژلايێ خوه‌ڤه‌ رۆژنامه‌ڤان حه‌يده‌ر جيزانى ژپارێزگه‌ها ميسان بۆ ئه‌ڤرۆ ئاشكراكر كو ژ ئه‌گه‌رێ خوه‌نيشاندانێن ئه‌ڤ شه‌ڤه‌ يێن ميسان دو وه‌لاتيێن خوه‌نيشانده‌ر هاتن كوستن ودو ژى برينداربوون”.

ژلايێ خوه‌ڤه‌ ژێده‌ره‌كێ رۆژنامه‌ڤانى دياركر كو خوه‌نيشانده‌ر ل باژێرێ نه‌جه‌ف ئه‌ڤ شه‌ڤه‌ چوونه‌ دفرۆكخانا نه‌جه‌ف دا وپاشى هێزه‌كا پۆليس وله‌شكرى هات وفرۆكخانه‌ كونترۆلكر.

ئاماژه‌ دا” رێڤه‌به‌ريا پۆليسێن نه‌جه‌ف بريارا قه‌ده‌غه‌كرنا هاتنوچوونێ ل پارێزگه‌ها نه‌جه‌ف ده‌ركر.

خوياكر ژى” خوه‌نيشانده‌ران باره‌گايێ ره‌وتێ حيكمه‌ ب سه‌رۆكاتيا عه‌مار حه‌كيم ل باژێرێ نه‌جه‌ف سوت”.

ئاماژه‌ دا كو ل خوه‌نيشادانێن پارێزگه‌ها زيقار 41 كه‌س برينداربوون كو 35 كه‌س ژ هێزێن ئه‌منى بوون و 6 كه‌س ژى ژ خوه‌نيشانده‌ران.

نيشاندان 1...1,000 2,000 1,8061,8071,808 2,800 3,800...4,617 زێده‌تر

لاپه‌ر 1,807 ژ 4,617