ئه‌ڤرۆ نيوز:
پلانا داگیرکرنا کەرکووکێ پتر یا دھێتە بجە ئینان و رەوشا دەڤەرێ ب ئێکجاری ھاتیە ئالۆزکرن، سەرۆکێ لیستا برایەتی ژی ل جڤاتا پارێزگەھا کەرکووکێ ئاماژە بوێ چەندێ دکەت، کو ھژمارەکا زۆرا عەرەبێن پارێزگەھێن دی یێن عیراقێ ھاتینە ڤەگوھاستن بۆ کەرکووکێ مەترسی بۆسەر پاشە ڕۆژا کەرکووکێ چێکریە.
محەمەد کەمال، سەرۆکێ لیستا برایەتی ل جڤاتا پارێزگەھا کەرکووکێ بۆ رۆژناما ئەڤرۆ گۆت: پشتی پڕۆسا داگیرکرنا کەرکووکێ رۆژ بۆ رۆژێ رەوشا دەڤەرێ یا ئالۆز دبیت، چونکو رۆژانە دیاردەیێن تەقەکرن ل وەلاتیان و ھێرشێن داعش و پەقین و رەڤاندن و کوشتنا وەلاتیان یا بەردەوامە، بتایبەتی ل چەند رۆژێن بۆری چەندین حالەتێن کوشتن و رەڤاندن و ھێرشێن تیرۆرستێن داعشێ ھاتینە تۆمارکرن و زێدەبووینە، بتایبەتی رەڤاندنا وەلاتیێن کوردێن کاکەیی ل سنورێ قەزا داقووق مەترسی پەیداکریە و نوکە چەندین گوندێن کاکەیی ھاتینە چۆلکرن و خەلکێ وانا ئاوارەبووینە و مال و حالێن بجە ھێلاینە، ژلایەکێ دیڤە پڕۆژسا ب عەرەب کرنا کەرکووکێ و دەڤەرێن کورد تێدا ئاکنجی یا بەردەوامە و راکان سەعید پارێزگارێ ب وەکالەت یێ کەرکووکێ ب راستی چو درێغی نەکریە ل پڕۆسا ب عەرەبکرنێ و ئینانا عەرەبێن دەڤەرێن دی بۆسەر ئەردێ کوردان، بۆ نموونە ھەر وەلاتیەکێ عەرەب ل پارێزگەھا دیالە ب خوازیت بھێتە کەرکووکێ سەر ئەردێ کوردان دێ پارێزگارێ ب وەکالەت مۆھلەتێ دەتێ و ئاسانکاریان بۆکەت.
محەمەد کەمال گۆتژی” پشتی روویدانێن خیانەتا 16ی ئۆکتۆبەرا سالا بۆری پیلانێن مەترسیدار یێ تێنە گێڕان لسەر کەرکووکێ و ھەموو دەڤەرێن کوردستانی یێن دکەڤنە سنورێ مادێ 140 ئەوژی بۆ گۆھۆڕینا دیموگرافیا ئەڤان دەڤەران، ھژمارەکا عەرەبان ھەنە عەرەب بخوە رێکێ نادەن ڤەگەڕن بۆ دیالە نوکە یێ تێنە ڤەگوھاستن بۆ کەرکووکێ ، بتایبەتی ژلایێ مەزھەبی ڤە گۆھۆڕینێن زۆر یێ تێنەکرن، ئەڤێ چەندێ ژی دێ مەترسیێن مەزن ھەبن لسەر پاشە رۆژا ئەڤان دەڤەران، ھەر ئەڤەژی بۆیە ئەگەر کورد بەرھەڤنینە ڤەگەڕن کەرکووکێ ھەتا ئەف پڕۆسا داگیرکرنێ دوماھی نەھێت و پێشمەرگە ڤەنەگەڕیت جھێ بەرێ، چونکە دەستھەلاتدارێن نوکەیێن کەرکووکێ چو نەمایە بەرامبەر کوردان نەکربیت و چەندین بڕیارێن مەترسیدار دژی کوردان دەرکرینە ھەر ژ گرێبەستێن چاندنێ ھەتا دگەھیتە دەرکرنا رێڤەبەرێن کورد و ب کەیفا خوە گوھۆڕین د فەرمانگەھێن حوکمەتێ دا کرینە.
نيشاندان
