ئه‌ڤرۆنيوز:
سه‌رتراشه‌كى ل دهۆكێ دياركر كو ديارده‌كا نوو يا په‌يدا دبيت ئه‌وژى سپى كرنا پرچى يه كو به‌رى نوكه ئه‌ڤ چه‌نده نه‌بوو ودبێژيت هه‌يڤانه ئه‌ز سه‌رێن چه‌ندێن گه‌نجان ب بۆياخێ سپى دكه‌م.
عيماد محيه‌دين، سه‌رتراشه ل تاخێ شاخكێ بۆ (ئه‌ڤرۆنيوز) دبێژيت” ئه‌ڤه نێزيكى شه‌ش هه‌يڤانه مۆدێله‌كا نوو يا ده‌ركه‌فتى ئه‌وژى هنده‌ك گه‌نج ده‌مێ دهێنه ده‌ف من ل سه‌رتراشخانێ داخواز دكه‌ن پرچێ وان بۆ سپى بكه‌م، ئانكو ئه‌و ب خوه گه‌نجن به‌لێ ستايلێ خوه وه‌كو وه‌كو كه‌سێن مه‌زنتر ژژيێ خوه ديار دكه‌ن”.
عيمادى زێده‌تر گۆت” ئه‌ڤ مۆدێله يا ژ وه‌لاتێ كوريا هاتى وگه‌نجێن مه ئه‌ڤ چه‌نده يا ژ تۆرێن جڤاكى وه‌رگرتى كو هنده‌ك ژوان داخوازێ دكه‌ن بۆياخا سپى ل پرچێن وان بده‌م، هنده‌ك داخواز دكه‌م هه‌موو پرچێ وان سپێ بكه‌م وهنده‌ك ژى دخوازن پشكه‌كا پرچێ وان سپى ببيت، يێن هه‌ين ژى داخواز دكه‌ن داڤه‌كێ يان چه‌ند داڤێن پرچێ خوه سپى بكه‌ن، به‌لێ پتريا ئه‌وێن دهێن داخواز دكه‌ن هه‌موو پرچێ وان سپى بكه‌م”.
ل دۆر جۆرێن وان بۆياخێ، گۆت” به‌رى نوكه بۆياخا سپى بۆ پرچى ل دهۆكێ نه‌بوو، ره‌نگێن دى هه‌بوون، به‌لێ ره‌نگى سپى نه‌بوو، پشتى چه‌ندين گه‌نج هاتين وداخوازا به‌ياخكرنا پرچێ خوه ب ره‌نگێ سپى كرى، من بۆياخا سپى بۆ خوه په‌يدا كريه، ئه‌وژى جۆرێ بۆياخێ ژى ب هه‌يڤان دمينيت، ديسا مه كرێم ژى يا هه‌ى كو تنێ رۆژه‌كێ پرچ سپى دمينيت وپاشى دزڤريت بۆ ره‌نگێ خوه يێ به‌رێ”.
گۆت ژى” هندى من ديتى ئه‌وێن دهاتن داخوازا ره‌شكرنا پرچێن خوه دكر، به‌لێ من ژنوو ديت كو هنده‌ك دهێن داخوازا سپيكرنا پرچێن خوه دكه‌ن”.
سه‌باره‌ت ژيێ وان كه‌سێن داخوازا سپيكرنا پرچێن خوه دكه‌ن، عيمادى گۆت” هه‌موو گه‌نجن دهێن وێ داخوازيێ دكه‌ن، چونكى يێن دى ئه‌وێن پرچێن وان سپى دهێن داخوازا ره‌شكرنا پرچێ خوه دكه‌ن”.
ل دۆر جارا ئێكێ گه‌نجه‌ك هاتى وداخوازا سپيكرنا پرچێ خوه كرى، دبێژيت” ب راستى بۆ من گه‌له‌ك يا سه‌ير بوو، ده‌مێ بۆ جارا ئێكێ گه‌نجه‌ك هاتيه دسه‌رتراشخانێ ڤه به‌رى چه‌ند هه‌يڤێن كێم وداخواز ژ من كرى پرچا وى ب بۆياخێ سپى بكه‌م، ئه‌ز حێبه‌تى مام ژ داخوازيا وى، چونكى من هه‌تا وێ رۆژێ ژى نه‌دزانى بۆياخا سپى بۆ پرچى يا هه‌ى، به‌لێ پشتى مه دووڤچوون بۆ وى بابه‌تى كرى مه زانى كو ژ تۆرێن جڤاكى يا هاتيه ديتن كو هنده‌ك گه‌نجێن كورى كرێمه‌كێ وبۆياخه‌كێ ژى بۆ سپيكرنا پرچێ خوه بكاردئينن و ل تۆرێن جڤاكى به‌لاڤ كريه وئه‌ڤ چه‌نده گه‌هشتيه ڤێرێ ژى”.
گۆت ژى” پشتى چه‌ندين گه‌نج هاتين ئه‌و داخوازيه ژ مه كرى، مه بۆ خوه كرێم وبۆياخێن پرج سپيكرنێ ئينان”.
ئاماژه دا” هه‌رچه‌نده هه‌تا نوكه ئه‌و ستايله گه‌له‌ك به‌لاڤ نه‌بوويه دناڤ گه‌نجان دا، به‌لێ هه‌يڤانه هه‌تا 10 كه‌سان ژى ئه‌ز پرچێ وان سپى دكه‌م ورادێ كێم ژى دگه‌هيته پێنج گه‌نجان “.
ئه‌ڤرۆ نيوز:
برياره سوبه رێكه‌فتی (2018/7/12) ل ده‌مژمێر (11) سپێدێ ل ئوتێل ژیان كومسیونا بلندا سه‌ربه‌خویا هه‌لبژارتن و راپرسیێ ، فه‌رمانگه‌ها گشتی دهوكێ كونگره‌یه‌كێ روژنامه‌ڤانی ئه‌نجامده‌ت ده‌رباره‌ی نویترین پێشهات و پێنگاڤێن كومسیونێ وه‌كو ئاماده‌كاری بو پروسا ئه‌نجامدانا هه‌لبژارتنێن په‌رله‌مانێ كوردستانێ.
ئه‌ڤرۆ نيوز:
په‌رله‌مانێ كوردستانێ د كومبوونا خوه يا ئه‌ڤرۆ دا، بریار دا هه‌لبژارتنێن سه‌رۆكاتیا هه‌رێما كوردستانێ دگه‌ل یێن په‌رله‌مانی نه‌هێن كرن، هه‌روه‌ها ده‌سته‌یا سه‌رۆكاتیێ ژی راگرت.
په‌رله‌مانێ كوردستانێ پشتی چه‌ندين دانوستاندنان، د كومبوونا خوه يا ئه‌ڤرۆ دا، بریار دا هه‌لبژارتنێن سه‌رۆكاتییا هه‌رێمێ ل 30ی ئیلۆنێ دگه‌ل یێن په‌رله‌مانێ كوردستانێ نه‌هێنه كرن، هه‌روه‌ها پرسا سه‌رۆكاتیا هه‌رێما كوردستانێ بۆ خولا بهێت یا په‌رله‌مانی بهێلیت.
يه‌كگرتوو و كومه‌لێ ده‌نگ ب پرۆژێ راستڤه‌كرنا سازيا سه‌رۆكاتيا هه‌رێما كوردستانێ نه‌دا، يه‌كگرتوو داخواز كر پۆستێ سه‌رۆكێ هه‌رێمێ بهێته هه‌لوه‌شاندن و كومه‌لێ ژى داخواز كر ل گه‌ل هه‌لبژارتنێن په‌رله‌مانێ كوردستانێ، هه‌لبژارتنێن سه‌رۆكايه‌تيێ بهێنه كرن.
ئه‌ڤرۆ نيوز:
سه‌رۆك بارزانی ئەڤرۆ نامەیەکا ھەڤخەميي بۆ کەسۆکارێن روودانا باژارێ سنە یێ رۆژھەلاتێ کوردستانێ ھنارت، سەرۆک بارزانی ل دۆر روودانا شڤیدی یا باژارێ سنە ل رۆژھەلاتێ کوردستانێ ئەوا کو بوویە ئەگەرێ مرنا 13 کەسان و بریندار بوونا ھەژمارەکا دی، نامەیەکا سەرخوەشیێ ئاراستەی کەسۆکارێن وێ روودانێ کر، ھەڤسۆزی و ھەڤخەمییا خوە بۆ کەسۆکارێن وێ روودانێ و خەلکێ وی باژاری دیار کر، و داخوازا سلامەتیێ ژی بۆ بریندارێن وێ روودانێ خواست.
ئه‌ڤرۆنيوز:
جێگرێ سه‌رۆكێ په‌رله‌مانێ كوردستانێ، جه‌عفه‌ر ئيبراهيم، ئه‌ڤرۆ چارشه‌مبى 11/7/2018 پێشوازى ل هوزانڤانا مه‌غربى يا ب ره‌گه‌ز ئه‌مازيغى مه‌ليكه مه‌زان كر.
جێگرێ سه‌رۆكێ په‌رله‌مانێ كوردستانێ خوه‌شحاليا خوه دياركر ب سه‌ره‌دانا دۆستا گه‌لێ كوردستانێ وستايشا رۆلێ وێ كر دپشته‌ڤانيا دۆزا ره‌وا يا گه‌لێ كوردستانێ وه‌كو ده‌نگه‌كێ بلند يێ مرۆڤايه‌تيێ وراستگوييێ هژمارتوگۆت” ئه‌م شانازيێ ب هه‌ر دۆسته‌كێ وه‌كو هه‌وه دكه‌ين كو پشته‌ڤانى ل گه‌لێ كوردستانێ وئارمانج وهيڤيێن گه‌لێ مه دكه‌ن، هه‌روه‌سا شانازيێ ب هه‌وه دكه‌ين وه‌كو هێمايێ هه‌ست وويژدانا مرۆڤايه‌تيێ ودادپه‌روه‌ريێ وقه‌بولكرنا هه‌ڤدو”.
جه‌عفه‌ر ئيبراهيم ئاماژه ب گيانێ برايه‌تى وپێكڤه‌ژيانێ ل كوردستانێ كر وراگه‌هاند” هيڤيێن مه دچارچۆڤێ مافێن ره‌وا وبۆچوونێن هه‌ڤپشك ژى يێن مه يا هه‌ى بۆ ئاڤاكرنا جڤاكه‌كێ ديموكراسى وهشياريا گه‌لێ كوردستانێ فاكته‌ره‌كێ سه‌ره‌كى بوو بۆ رزگاركرنێ ژكێشه ته‌جه‌دياتێن زۆر كو روو ب روو بووينێ”.
ژلايێ خوه‌ڤه، مه‌ليكه مه‌زان، خوه‌شحاليا خوه ب سه‌ره‌دانا هه‌رێما كوردستانێ دياركر وگۆت” گه‌لێ كوردستانێ هه‌ژى هه‌موو جۆره پشته‌ڤانيه‌كێ يه ل هه‌موو جيهانێ، چونكێ ملله‌ته‌كێ مرۆڤ دۆست وسه‌ربلنده وبه‌رگريێ ژ مافێن مرۆڤى وئاراميێ وخوه‌شگوه‌زه‌رانيێ وئێكسانيێ دكه‌ت”.
مه‌زان، هيڤى خواستن گه‌لێ كوردستانێ ب زووترين ده‌م ب مافێن خوه شاد ببيت وئێدى تووشى نه‌هامه‌تيێ وجينۆسايدێ وسياسه‌تين شوفينى نه‌بيت”.
جێگرێ سه‌رۆكێ په‌رله‌مانى، لۆگۆيێ په‌رله‌مانێ كوردستانێ وه‌كو ديارى پێشكێشى مه‌ليكه مه‌زان كر ووێ ژى لۆگۆيه‌كێ ده‌ربرينێ ژ گه‌لێ ئه‌مازيغى دكه‌ت پێشكێشى په‌رله‌مانێ كوردستانێ كر.
ئه‌ڤرۆنيوز:
به‌رى نيڤرۆيا ئه‌ڤرۆ چارشه‌مبى 11/7/2018، هێزا پێشمه‌رگێ كوردستانێ ئۆپه‌راسيۆنه‌ك ب هه‌ڤپشكى ل گه‌ل هه‌ڤپه‌يمانان ل سه‌ر چه‌كدارێن داعشێ ل چيايێ قه‌ره‌چۆخ ل ميحوه‌رێ مه‌خموور- گوێر ئه‌نجامدا.
د وێ ئۆپه‌راسيۆنا پێشمه‌رگه‌ى، ل دووڤ كوردستان تى ڤى، مه‌زنه تيرۆرسته‌كێ داعشێ هاته كوشتن وهژماره‌كا له‌شێن دى يێن چه‌كدارێن داعشێ كه‌فتنه ده‌ستێ هێزێن پێشمه‌رگه‌ى.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى تيرمه‌ها 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1205 |
| 1 يۆرۆيێ ئه‌ورۆپى | 1400 |
| 1 ليرێ توركى | 260 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ل كومه‌لگه‌ها ده‌روازه‌ی نێڤده‌وله‌تی يێ ئیبراهیم خه‌لیل د ماوێ (6) هه‌یڤێن بوری دا پتر ژ (18) هزار ته‌نان هاتینه زڤراندن و (651) ته‌ن هاتینه ژناڤبرن ژ كه‌رستێن جوراوجور
راگه‌هاندنا كومه‌لگه‌ها ده‌رگه‌هێ نێڤده‌وله‌تی يێ ئیبراهیم خه‌لیل د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه دا راگه‌هاند كو ل دووڤ راپورتێن تاقیگه‌هێن كومه‌لگه‌ها ئیبراهیم خه‌لیل هه‌ر ژ رێكه‌ڤتی 1-1-2018 هه‌تا 1-7-2018 د ڤان (6) هه‌یڤێن بوری دا 18 هزرا ته‌ن و 908 كیلۆ هاتینه زڤراندن و 651 ته‌ن و 53 كیلۆ هاتینه ژناڤبرن ژ كه‌ره‌ستێن جوراوجور یێن خوارنێ و ڤه‌خوارنێ و پاقژكه‌ر و بیناسازی… هتد، پشتی دیار بووی ژ ئه‌نجامێن پشكنینێ نه ل دووڤ رێنماێن تاقیگه‌هێن كومه‌لگه‌هێ بوون.
نيشاندان
