ئەڤرۆ نیوز:
بەری نوکە نۆشداران شیرەت ل وان نەساخان دکرن،یێن نەخۆشیا شەکرێ هەین،کو قەسپان نەخۆن، چونکی رێژەکا زۆر یا شەکرێ تێدا هەیە و ئاستێ پۆتاسیۆمێ دناڤ لەشی دا بلند دکەت.
بەلێ ڤەکۆلینەکا نوو بەحسێ مفایێن خوارنا قەسپان دکەت،ب ژمارەیا تاک و دبێژیت،هەکە مرۆڤ 5 یان 7 قەسپان بخۆت دێ شەکرا دناڤ دا گوهۆریت بۆ کاربۆهیدراتی و دێ ب شێوێ وزێ د لەشیدا کۆم بیت،د بەرامبەر دا هەکە ب ژمارا جوت بخۆت دێ شەکرا دناڤ دا زیانێ گەهینیته ساخلەمیا مرۆڤی.
هەروەسا خورمە(قەسپ) یا دەولەمەندە ب فۆسفۆری و چەندین مفایێن گرنگ بۆ ساخلەمیێ هەنە.
ئهڤرۆ نيوز:
ھێشتا بەغدا قەدەغەیا پۆستەی ل سەر ھەرێما کوردستانێ رانەکریە و پەیڤدارێ وەزارەتا گەھاندنێ ژی دیار کر کو ھەیڤانە 10 تەنێن پۆستەی دھاتنە ڤەگوھاستن و ژ ئەگەرێ ئەڤێ بڕیارا بەغدا زیانێن مەزن ب ھەرێما کوردستانێ کەفتینە.
ئومێد محەمەد، پەیڤدارێ وەزارەتا گەھاندنێ بۆ رۆژناما ئەڤرۆ دیار کر کو ھەتا نوکە حوکمەتا عیراقێ بۆ ڤەکرنا پۆستێ ھەرێما کوردستانێ یا بەرھەڤ نینە، لەوڕا پشتی بڕیارێن سزادانا ھەرێما کوردستانێ دەرکەفتین، پۆستە بۆ ژ دەرڤەی ھەرێما کوردستانێ ناچن و ھاتینە ڕاگرتن، بەلێ وان نڤیسارەکا فەرمیی دایە بەغدا بۆ ڤەکرنا پۆستەی و گۆت: “نوکە وەلاتی وکۆمپانی بتنێ دشێن پۆستێن خوە بۆ ناڤخۆیا ھەرێما کوردستانێ ب ھنێرن”.
ناڤھاتی ئاماژە دا وێ چەندێ کو بەری پۆستە بھێتە راگرتن ھەیڤانە نێزیکی 10 تەنێن پۆستان ھەبوون و دھاتنە ھنارتن بۆ دەرڤەی ھەرێما کوردستانێ و بەرۆڤاژی ژ دەرڤە ژی دھاتنە ھەرێما کوردستانێ، بێگومان ژ ئەگەرێ ئەڤێ بڕیارا نە دەستووری و قانوونیا حوکمەتا بەغدا، ل دۆر ڕاگرتنا پۆستەی زیانێن مەزن گەھاندینە ھەرێما کوردستانێ.
ل دووماھیێ پەیڤدارێ وەزارەتا گەھاندنێ ل دۆر دانانا ھێلا میترۆیێ ل ھەرێما کوردستانێ خویا کر کو چەند کۆمپانیەکێن بیانی سەرەدانا وەزارەتێ کریە بۆ دامەزراندنا ھێلا میترۆیێ ل ھەرێما کوردستانێ و گۆت: “دەمەکێ زۆر پێ چو ھەتا مە خوە بەرھەڤکر بۆ ئەنجامدانا گرێبەستێ دگەل کۆمپانیەکێ، بەلێ مخابن قەیرانا ئابووری پەیدابوو، لەوڕا پڕۆژە ھاتە ڕاگرتن و نەچوو د بیاڤێ بجە ئینانێ دا و نوکە ھێشتا قەیرانە و ھەر دەمێ قەیران چارەسەربوو پارە ھەبیت دێ وەزارەت ھێلا میترۆیێ بۆ خزمەتکرنا وەلاتیان دامەزرینیت”.
ئەڤرۆ نیوز ، زنار تۆڤی :
گۆڤارا (ناشیۆنال ئینترێست) یا ئهمریكی،د راپۆرتەكێدا ئاماژێ ب هندێ ددەت،کو ئیران یا ئامادهیه بۆ ههر هێرشەکا ئهمریكی بۆسهر بنگەهێن وێ یێن ئهتۆمی و گوتیە ژی،شهرێ واشنتون و ئیرانێ پێدڤی ب شەرەکێ نوو هەیه ل عێراقێ.
هەروەسا گوتیە،دبیت دۆنالد ترهمپ سهرۆكێ ئهمریكا ههمان پێنگاڤا جۆرج بۆشێ سهرۆكێ بەرێ یێ ئەمریکا بگریتهبهر و بریارا شەری ل دژی تەهرانێ بدەت، جهخت ل هندێ کریە،کو بۆ هندێ واشنتون شەری ل دژی تەهرانێ بكەت، پێدڤیە سیستەمێ حوکومرانیێ ل بهغدا ب گوهۆریت ب رێیا شەرەکێ نوو ل عێراقێ.
دیسا دبیت ترهمپ ههلویستی واشنتون بهرامبهر رێككهفتنا ئهتۆمی یا ئیرانێ ل 12 ڤێ هەیڤێ ئاشكرا بكەت،کو زۆرترین ئاماژه وێ چەندێ دیار دکەن،کو ئهمریكا خوە ژ وێ رێككهفتنێ ڤەکێشیت،هەروەسا د وێ راپۆرتێدا هاتیه،کو واشنتون بزاڤێ دکەت کو سیستەمێ حوکومرانیا تەهرانێ ب گوهۆریت، چونكی ل دووڤ باوەریا ئەمریکا ئیرانێ دهست د نەسهقامگیریا ڤێ دەڤەرێ دا هەیە.
ئاشكرا كریه،کو چهند دهنگەک ههنه داخواز دكهن کو ئۆپەراسیۆنا سهربازیی ل دژی تەهرانێ بهێتە ئهنجامدان،ئەڤ بزاڤێن دهێنە کرن ژی دبیت ببنه ئەگەرێ دروستكرنا شەری د مهودایهكێ نێزیك یان ژی یێ دوور دا.
وێ گۆڤارێ گوتیه ژی هەکە ترهمپ بڕیارا شەری ل دژی تەهرانێ بدەت،ل دەستپێکێ دێ شەرەکێ نوو ل عێراقێ دروست بیت،هەتاکو ئهڤ سیستەمێ حوکومرانیا شیعی یێ كو مهیل بۆ تەهرانێ ههی بهێتە گوهۆرین و پشتی هنگێ راستهوخۆ دێ ل دژی ئیرانێ شەر دهستپێکەت.
ئهڤرۆ نيوز:
ئهڤرۆ دونالد ترامپ، سهرۆكێ ئهمريكا، د تويتهكێ دا راگههاند، سوبه رۆژا سێ شهمبى، ئهو دێ بريارا خوه ل دۆر رێكهفتنا ئهتومى ل گهل ئيرانێ راگههينيت.
ئهڤ تويتێ ترامپ ددهمهكێ دابوو برياربوو رۆژا شهمبى، 12 ههيڤا بهێت ترهمپ، بريارا خوه سهبارهت رێكهفتنا ئهتومى يا ئيرانێ رابگههينيت، كو ب هزرا پشكهكا چاڤدێران، رهنگه ئهمريكا خوه ژ وێ رێككهفتنێ ڤهكێشيت.
ئەڤرۆ نیوز ، زنار تۆڤی :
ئەڤرۆ دوشەمبی 7.5.2018 دەمژمێرەکا مەزن ل دەروازێ ناحیا کانی ماسێ هاتە دانان و خەمل و جوانیەکا تایبەت دایە وێ ناحیێ.
سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیارکر،کو ئەڤرۆ د رێورەسمەکێ دا دەمژمێرەکا قەبارێ مەزن،کو پێنج مەتران یا درێژە و میترەکا یا فرەهە ل دەروازێ ناحیا کانی ماسێ هاتە دانان و سێریانا کانی ماسێ پێ هاتیە خەملاندن و هەروەسا مەزاختنێن وێ دەمژمێرە ژ لایێ رێڤەبەرێ ناحیا کانی ماسێ ڤە هاتینە چێکرن.
ئەڤرۆ نیوز ، زنار تۆڤی :
ئەڤرۆ دوشەمبی 7.5.2018 تۆپخانەیا سوپایێ تورکی جارەکادی بۆ ماوێ پتر ژ دەمژمێرەکی دەڤەرا بەرواری بالا تۆپ بارانکر و پتری 15 گۆلە تۆپان لێداینە.
سەردار عومەر وەلاتیەکی دەڤەرا بەرواری بالایە بۆ ئەڤرۆ نیوز دیارکر:کو ئەڤرۆ ل دەمژمێر 4 ئێڤاری تۆپخانەیا سۆپایێ تورکی ب بەهانەیا هەبوونا چەکدارێن پەکەکێ بۆ ماوێ پتر ژ دەمژمێرەکێ دناڤبەرا گوندێن سەرەرو و ئۆرە ل ڤێ دەڤەرێ بوردومانکر و ڤێ چەندێ ترس ل دەف خەلکێ وان گوندان پەیداکریه.
ئهڤرۆ نیۆز، ههرهین محهمهد:
سترانبێژێ گهنج سامى جهلال ددیدارهكێ دا بۆ ئهڤرۆ نیۆز دیاركر كو نوكه مژولى كلیپهكێ یه بناڤێ (ئهى خودا ) كو ژ پهیڤێن حهسهن فهتاح و ئاوازێن نیكار كامل و ل ستودیویا ئێم میۆزیك هاتیه توماركرن و وێنهگرتن سوههیب سهعدوللا نوكه دقوناغا وێنهگرتنێ دایه و ژڤانه ل ههیڤا رهمهزانا پیرۆز بهێته بهلاڤكرن و ئهڤ سترانه دێ ل ههموو كهنالێن كوردى هێته بهلاڤ كرن و گۆت: ناڤه روكا ڤێ كلیپێ ل سهر وان نعمهتا نهیێن خودێ تهعالا داینه مرۆڤان.
نيشاندان