ئەڤرۆ نیوز:
دابەشکرنا مووچەی ل رۆژانێن بهێت دێ بەردەوام بیت و لدووڤ خشتێ وەزارەتا دارایی هەتا 14-7-2020 مووچێ سەرجەم وەزارەت و دەستەیان دێ هێتە دابەشکرن.
رۆژێن شەمبی و ئێکشەمبیا بهێت 11 و 12 تەمووزێ، مووچێ ئەڤان وەزارەتان دێ هێتە دابەشکرن:
کاروکاروبارێ کۆمەڵایەتی
ئەوقاف و کاروبارێن ئایینی
سامانێن سرووشتی
پلاندانان
پیشەسازی و بازرگانی
ڤەگوهاستن و گەهاندن
وەزارەتا داد
خواندنا بلند و ڤەکۆلینێن زانستی
جڤاتا دادوەری
خودان پێدڤیێن تایبەت
دیوانا چاودێریا دارایی
دەستەیا ژینگەهێ
دەستەیا وەبەرهێنانێ
دەستەیا دەستپاکیێ
کۆمیسیۆنا هەلبژارتنان
دەزگەهێ مینا
دەستەیا مافێ مرۆڤی
دەڤەرێن دەرڤەی هەرێما کوردستانێ
هەروەسا رۆژێن دووشەمبی 13-7-2020، مووچێ ئەڤان وەزارەتان دێ هێتە دابەشکرن:
شارەوانی و گەشتوگوزار
وەزارەتا کارەبێ
چاندن و ژێدەرێن ئاڤێ
رەوشەنبیری و لاوان
ئاڤەدانکردن و نیشتەجێکرن
سەرۆکایەتیا هەرێما کوردستانێ
پەرلەمانێ کوردستانێ
جڤاتا وەزیران
ئەڤرۆ نیوز:
لیوا مەریوان شێخ کەمال سەرپەرشتیارێ دەروازێ نێڤدەولەتی یێ باشماخ راگەهاند کو پتر ژ ٢٠٠ دەروێشێن شێخ محەمەد کەسنەزانی ب شمشێر و چەقویان هێرشی هێزێن ئەمنی کرینە.
ناڤهاتی راگەهاند کو ئەو دەروێشە ژ رۆژهەلاتێ کوردستانێ هاتینە و دخوازن ب رێیێن نەئاسایی دەربازی هەرێما کوردستانێ ببن و پشکداریێ د تازیا شێخ محەمەد کەسنەزانی بکەن.
ل گۆر زانیاریێن ئەڤرۆ نیوز دەنگێ تەقەیەک مەزن ل سەر سنورێ باشماخ دهێت و هێزێن ئاسایشا ژی بزاڤا هندێ دکەن کو بارودوخی کۆنترۆل بکەن.
ئەڤرۆ نیوز:
جەنەرال خەلیفە حەفتەر فەرمانداری لەشکرێ نشتیمانی یێ لیبیا راگەهاند کو تورکیا رۆژانە بنگەهێن نوو یێن سەربازی ل لیبیا ئاڤا دکەت و گرۆپێن تیرۆرستی ژی رەوانەی لیبیا دکەت، تورکیا ب پشتەڤانیا هندەک هێزێن خیانەتکار ل لیبیا دڤێت هەموو داهاتێ لیبیا بدزیت.
ناڤهاتی راگەهاند ژی کو تورکیا تووشی قەیرانەکا مەزن یا هاتی و دڤێت ب دزینا داهاتێ لیبیا قەیرانێن ناڤخوەیی ل وەلاتێ خوە چارەسەر بکەت و دڤێت گەلێ لیبیا ل دژی ئەردۆگانی و تیرۆرستێن سەر ب وی دەست ب خوەنیشادانان بکەن و نەهێلن ئەردۆگان و گرۆپێن تیرۆرستی لیبیا تالان بکەن.
ئەڤرۆ نیوز:
وەزارەتا ساخلەمیا ئیرانێ راگەهاند کو د ماوەیێ ٢٤ دەمژمێرێن بۆری دا ٢٢١ کەسان ب کۆرۆنایێ جانێ خوە ژ دەست داینە کو ئەو یەک رێژەکا هەری زێدەیە د رۆژەکێ دا بهێتە راگەهاندن.
وەزارەتا ساخلەمیێ یا ئیرانێ ئەو یەک ژی دیار کریە کو هەتا نها ٢٤٠ هزار و ٤٥٨ کەس ل ئیرانێ تووشی ڤایرۆسێ کۆرۆنایێ بووینە و ١٢ هزار و ٣٠٥ کەس ژی ب ڤایرۆسێ کۆرۆنایێ مرینە.
ئه‌ڤرۆ نیوز:
كریستالینا جورجیڤا رێڤه‌به‌را كارگێریا سندۆقا دراڤی یا نێڤ ده‌وله‌تی راگه‌هاند دوماهی پێشهاتێن ئابووری هاتنه به‌لاڤكرن و تێدا دیار بوو ئیسال نێزیكی 95% وهلاتان ل 2020 ره‌وشا وان خراپتر بوویه و داهاتێ وان ژ پار كێمتر بوویه.
رێڤه‌به‌را كارگێریا سندۆقا دراڤی یا نێڤ ده‌وله‌تی ئه‌و چه‌نده ژی راگه‌هاند هێشتا كورونا ب دوماهی نه‌هاتیه، جڤاكێ نێڤ ده‌وله‌تی كار بۆ ڤه‌دیتنا ڤاكسینی دكه‌ت، هنده‌ك ژ رێكخراوێن نێڤ ده‌وله‌تی داخاز دكه‌ن وه‌به‌رهێنانا دیجیتالی بهێته پێشخستن و هه‌ماهه‌نگی دناڤبه‌را وهلاتان بۆ ڤه‌ژاندنا ئابوورێ جیهانێ بهێته‌كرن، هه‌كه كار ژ ده‌ست ده‌ركه‌ڤت پاشی بزاڤ و ده‌مێ زۆر دڤێت هه‌تا كو جاره‌كا دی وه‌لات بشێن په‌یوه‌ندیێن بازرگانی ل گه‌ل ئێك زێده‌تر بكه‌ن.
ئەڤرۆ نیوز:
میتحات ئیشک بەرپرسێ ناڤەندا ڤەکۆلینێن ستراتیژی و ئەمنی ل تورکیا دیار دکەت کو تورکیا هەتا نها نەشیایە سیستەمێ موشەکی یێ روسیا ئەکتیف بکەت، چونکو روسیا ژی باش دزانیت بێی رزامەندیا ئەمریکا نەشێت ل تورکیا کارەکێ وەسا بکەت، روسیا پارێ خوە وەرگرتیە و چاڤەرێ هەلویستێ ئەمریکا یە و ئەمریکا ژی ب چو رەنگەکێ رازی نینە سیستەمێ موشەکی یێ روسیا بکەڤیتە دەستێ وەلاتەکێ ئەندامێ ناتۆ.
ناڤهاتی دیار ژی دکەت کو ل ئەمریکا هەلویستەک ب هێز هەیە و گەلەک سیناتور ژی داخوازا سزادانا تورکیا دکەن، هەکە ئەمریکا دەست ب سزادانا تورکیا بکەت دێ تورکیا تووشی کارەساتەکا مەزن یا ئابووری بیت، ژ بەر هندێ ژی تورکیا دڤێت ب رێککەفتنەکا ل گەل ئەمریکا سیستەمێ موشەکی ئەکتیف بکەت لێ ئەو یەک ژی ساناهی نابیت.
ئەڤرۆ نیوز:
ئەندامەکێ سەرکردایەتیا ئەنجوومەنێ نشتیمانی یێ کوردی ل سووریێ راگەهاند کو پێدڤیە ل رۆژئاڤایێ کوردستانێ رێڤەبەریەکا نوو و خوەدان دەستان بهێتە ئاڤاکرن دا بشێت هەموو پرسێن نها ل رۆژئاڤایێ کوردستانێ هەی چارەسەر بکەت.
فەیسەل یوسف ئەو یەک ژی دیار کر کو ژ بۆ رێککەفتنەکا گشتی ل رۆژئاڤایێ کوردستانێ نها بەرهەڤی بۆ قۆناغەکا نوو دهێتە کرن و دڤێت هەموو پرسێن رۆژئاڤایێ کوردستانێ بهێنە چارەسەر کرن و گۆت: (مە دڤێت ل گۆر رێککەفتنا دهۆکێ کار بکەین و هەموو پرسێن د ناڤبەرا خوە دا ل گەل تەڤدەمێ چارەسەر بکەین، چونکو پێدڤیە بابەتێن لەشکری و ئەمنی ژی د ناڤبەرا هەر دو ئالیان دا بهێنە چارەسەر کرن).
ئه‌ڤرۆ نیوز:
قه‌یرانا كورونایێ زێده‌باری زیانین گیانی، زیانێن ئابووری یێن مه‌زن ب جیهانێ گه‌هاندینه چه‌ندین پرۆژه ژ كار هاتنه راوه‌ستاندن و رێژا بێكاریێ زێده‌كریه.
سكرتێرێ گشتی یێ رێكخراوا نه‌ته‌وه‌یێن ئێكگرتی راگه‌هاند دڤێت هه‌می ده‌وله‌ت هه‌ڤكاریا ئێك بكه‌ن ژبویی ب كێمترین زیانێن ئابووری و داراییی ژ قه‌یرانا ڤایرۆسێ كورونایێ ده‌رباز بین.
ئه‌نتونیو گوتێرێز سكرتێری گشتی یی نه‌ته‌وه‌یێن ئێكگرتی راگه‌هاند ڤایرۆسێ كورونا كۆڤید 19 جیهان پارچه پارچه‌كریه، هه‌موو كه‌رت و بارزگانی ل جیهانێ زیان به‌ركه‌تینه، پرانیا رێكخراوا نێڤ ده‌وله‌تی هوشداریا ئه‌وێ چه‌ندێ ددان كۆ زیانێن كورونایێ نایه‌كسانیێ و بن پێكرنا ره‌گه‌زی و كێمبوونا پارێزگاریكرنا جڤاكی و كێمبوونا ده‌لیڤه‌یان بۆ گه‌نجان و كێم بوونا موچه و پشت گو ئێخستنا سه‌قایی د زێده‌بوونێ دانه.
ئەڤرۆ نیوز:
سەلاحەدین دەمیرتاش هەڤسەرۆکێ بەرێ یێ هەدەپێ کو نها د زیندانێ دایە پەیامەک بەلاڤکر و د پەیاما خوە دا راگەهاند کو ئەو نەشێن ب رێیا دژبەریا ئاکپارتیێ چو پاشەرۆژەکێ بۆ خوە ئاڤا بکەن.
دەمیرتاش هەروەسا داخواز ژ هێزێن کوردی و ئۆپۆزسیۆنا تورکیا ژی کر کو پێکڤە دەست ب ئاڤاکرنا بەرەیەکێ ب هێز و دیموکراتی بکەن، چونکو ب دژبەراتیا ئاکپارتیێ چو دەستێ وان ناکەڤیت.
نيشاندان