100كۆمپانیێن دهۆكى دكونفرانسێ‌ ئابووری دناڤبەرا هەرێم و ئیرانێ‌ دا پشكدارن

01/05/2018 18:10

169

ئەڤرۆنیوز، سالار دۆسكی

سەرۆكێ‌ ژۆرا بازرگانی وپيشه‌سازى ل پارێزگه‌ها دهۆكێ‌ راگه‌هاند، سوباهى چارشه‌مبى 2/5/ 2018 دێ‌ كومفرانسەكێ‌ ئابووری دناڤبەرا ژۆرێن بازرگانی ل هەرێما كوردستانێ‌ و كۆمپانیێن ئیرانی ل هەولێرێ‌ هێتە سازكرن و بۆ ده‌مێ دو رۆژان دێ به‌رده‌وام بيت و نێزییكی 150 كۆمپانیێن ئیرانی و كۆمپانیێن هەرسێ‌ پارێزگەهێن هەرێمێ‌ ل گەل كۆمپانیێن عراقی پشكداری كونفرانسی نە، ژپارێزگەها دهۆكێ‌ پتر 100 كۆمپانیان پشكداری كونفرانسی نە.

ئەیاد حەسەن، سەرۆكێ‌ ژۆرا بازرگانی وپيشه‌سازى ل پارێزگه‌ها دهۆكێ‌ بۆ ئه‌ڤرۆنيوز گۆت” ئارامانجا كونفرانسی پەیوەندیێن ئابووری ل گەل ئیرانێ‌ بهێنە خورتكرن و ئیران وەلاتەكێ‌ ب هێزە ژلايێ ئابوورى ڤه‌ و بازرگانیەكا باش د ل گەل ئیرانێ‌ هێتەكرن و مە دڤێت ئەڤ پەیوەندیە بەر ب باشبوونێ‌ ڤە بچن و تایبەت خەلكێ‌ مە ئەوێن ل گەل وی وەلاتی بازرگانیێ‌ دكەن” .

ئەیادی گۆت ژى” دێ‌ هەموو بزاڤان كەین كێشێن دناڤبەرا بازرگانێن هەرێمێ‌ و ئیرانێ‌ دا بهێنە چارەسەكرن و پتر بزاڤا ئابووری بهێتە خورتكرن و ب رێيا ڤان كونفرانسان پتر بازرگانێن مە هه‌ڤدو بنیاسن و بشێن كارێ‌ بازرگانی ووه‌ بەرهێنانێ‌ پتر خورت بكەن”.

دياركر” پێشبینی دكەین چەندین گرێبەست دناڤبەرا بازرگانێن هەرێمێ‌ و‌ ئیرانێ‌ بهێنە گرێدان و خەلكێ‌ مە پتر بزاڤا بازرگانی دناڤبەرا هەر دو وەلاتان دا خورت بكەت.

كه‌مال كه‌ركووكى:پارتى ژ سه‌ربخوه‌يا كوردستانێ پاشگه‌ز نابيت

01/05/2018 18:10

144

ئه‌ڤرۆنيوز:

ئه‌ندامه‌كێ مه‌كته‌با سياسى يا پارتى ديموكراتى كوردستان راگه‌هاند، پارتى دێ به‌رده‌وام بيت ل سه‌ر بده‌ستڤه‌ئينانا مافێن نه‌ته‌وى يێن گه‌لێ كوردستانێ وژ سه‌ربخوه‌يێ ژى پاشگه‌ز نابيت.
ئەندامێكی مەكتەبی سیاسیی پارتی دیموكراتی كوردستان ڕای گەیاند، پارتی لەسەر بەدەستهێنانی مافە نەتەوەییەكانی گەلی كوردستان بەردەوام دەبێت و لەسەربەخۆیی كوردستان سڵ ناكات.

كه‌مال كه‌ركووكێ، ئه‌ندامێ مه‌كته‌با سياسى يا پارتى ديموكراتى كوردستان، ئه‌ڤرۆ سێشه‌مبى 1/5/2018 دچارچۆڤێ ب رێڤه‌چوونا كه‌رنه‌ڤاله‌كا ليستا 184 يا پارتى راگه‌هاند” هنده‌ك لايه‌نين سياسى بانگه‌شه‌كا مه‌زن دكه‌ن وبه‌حسێ وێ چه‌ندێ دكه‌ن كو دشێن هه‌موو تشتان باش بكه‌ن، به‌لێ پرسيار ئه‌وه‌ بۆچى ده‌مێ دحوكمه‌تێ دا وان ئه‌و كاره‌ نه‌دكر؟”.

كه‌ركووكى زێده‌تر گۆت”پارتى ل سه‌ر بده‌ستڤه‌ئينانا مافێن نه‌ته‌وى يێن گه‌لێ كوردستانێ دێ به‌رده‌وام بيت وچو رۆژه‌كێ ژى ژ سه‌ربخوه‌يا كوردستانێ پاشگه‌ز نابيت”.

دياركر” ئه‌وێن دبێژن دێ كوردستانێ به‌ر ب ئاقاره‌كێ باشتر دا به‌ن، پێدڤيه‌ بۆمه‌ رۆهن بكه‌ن دا چاوان وه‌كه‌ن؟”.

نێچيرڤان بارزانى:پارتى ل به‌غدا دێ خه‌باتێ بۆ مافێ چاره‌نڤيس بۆ كوردستانێ كه‌ت

01/05/2018 17:24

181

ئه‌ڤرۆنيوز:

جێگرێ سه‌رۆكێ پارتى ديموكراتى كوردستان، نێچيرڤان بارزانى، دگۆتاره‌كێ دا ل شه‌قلاوه‌ راگه‌هاند، پارتى ل مه‌يدانا خه‌باتى په‌يدابوويه‌ وچيايێ سه‌فينه‌، راگه‌هاند ژى پارتى ل ڤێرێ و ل به‌غدا ول جيهانێ ژى باوه‌رى ب مافێ چاره‌نڤيس بۆ كوردستانێ يا هه‌ى وخه‌باتێ بۆ دكه‌ت.

نێچيرڤان بارزانى گۆت ژى” 10 رۆژێن دى ژڤانێ ئه‌نجامدانا هه‌لبژارتنايه‌، له‌وما داخوازێ ژ ئه‌ندام و لايه‌نگرێن پارتى دكه‌م ب گه‌رمێ بۆ ڤان هه‌لبژارتنان كار بكه‌ن”.

جێگرێ سه‌رۆكێ پارتى دووپات ژى كر”پارتى حزبا خه‌بات وشوره‌ش وئاڤه‌دانيێ يه‌، حزبا رابردووى ونوكه‌ وپاشه‌رۆژێ يه‌، حزبا ئێكێ يا كوردستانێ يه‌ و هه‌ر دێ حزبا ئێكێ يا كوردستانێ مينيت”.

گۆت ژى” خه‌لكێ كوردستان مافێ ره‌وا يێ خوه‌ دڤێت، وه‌كو خوه‌شگوزه‌رانى وئاڤه‌دانى وسه‌قامگيرى، حزبه‌ك دڤێت كو به‌ره‌ڤانيێ ژێ بكه‌ت، بۆ وان ديار بوويه‌ ژى كو ل گه‌ل پارتى دێ وان هه‌موو ئه‌و مافه‌ وزێده‌تر ژى هه‌بن، له‌وما دێ ده‌نگێ خوه‌ ب پارتى ده‌ن”.

نێچيرڤان بارزانى ئاماژه‌ دا ژى” خه‌لكێ كوردستانێ دزانن ئه‌ڤرۆ يا وان ل گه‌ل پارتى باشتره‌ وسه‌قامگيريا زێده‌تر بۆ وان دێ به‌رقه‌رار بيت وپاشه‌رۆژا وان دێ باشتر بيت، پارتى بۆ پاراستنا ده‌ستكه‌فتێن كوردستانێ ومانا قه‌وارێ دستوورى وكيانێ هه‌رێما كوردستانێ وبۆ پاشه‌رۆژه‌كا باشتر بۆ گه‌نجێن كوردستانێ دێ چيته‌ به‌غدا، نه‌كو بۆ شه‌رێ هه‌ڤركيا بێ رامان ل سه‌ر ته‌له‌ڤزيۆنان”.

جێگرێ سه‌رۆكێ پارتى دياركر”كوردستان ل به‌غدا پێدڤى ب پارێزه‌ره‌كێ سه‌رخستنا وێ يه‌ وه‌كو پارتى يا هه‌ى كو تنێ ل پێناڤێ كوردستانێ خه‌باتێ بكه‌ت، پارتى ديموكراتى كوردستان مافێن گه‌لێ كوردستانێ وهه‌موو پێكهاتێن ئۆلى ونه‌ته‌وى دپارێزيت، پارتى دبن هه‌ر گوشاره‌كێ دا يا به‌رهه‌ڤ نينه‌ داگيرانێ ژ مافێ كوردستانێ بكه‌ت ل هه‌ر جهه‌كى”.

ديسا گۆت” ئه‌وا بۆ پارتى گرنگ ئه‌و چاوان پارێزه‌رێ ده‌ستكه‌فتێن هه‌رێما كوردستانێ بيت، ئه‌و ده‌ستكه‌فتێن ب خوينا شه‌هيدان وخه‌باتا هه‌وه‌يێن به‌رێز هاتين كو ئه‌م ژبۆ وان ده‌ستكه‌فتان دێ چينه‌ به‌غدا، خه‌لكه‌ك بۆ وێ چه‌ندێ هه‌ر سار بكه‌ن دبێژن، باشه‌ هه‌كه‌ پارتى ريفراندۆم كر بۆچى دێ چيته‌ به‌غدا، ده‌مێ مه‌ ريفراندۆم كرى مه‌ ئێك درووشم هه‌بوو كو دڤێت كێشه‌ ب دستوورى ل عيراقێ بهێنه‌ چاره‌سه‌ركرن، مه‌ دڤێت بۆ وان بێژين هه‌كه‌ مافێن دستوورى يێن كوردستانێ بهێنه‌ بجهئينان، پێدڤيه‌ ئه‌و ده‌ستكه‌فته‌ بهێنه‌ زێده‌كرن، ئه‌م بۆ وان دبێژين، رۆژه‌كێ به‌رى ريفراندۆمێ ورۆژه‌كێ ژى پشتى ريفراندۆمێ گۆتبوو‌ ده‌رگه‌هێ دانوستاندنێ ل گه‌ل به‌غدا ناگرين، هندى ده‌ليڤه‌ك بۆ دانوستاندنێ هه‌بيت، پارتى چو رێيێن دى بكارنائينيت”.

نێچيرڤان بارزانى دووپاتكر ژى” پارتى باوه‌ريا تمام ب مافێ چاره‌نڤيس يا هه‌ى ول ڤێرێ ول به‌غدا ول جيهانێ ژى خه‌باتێ بۆ دكه‌ت، پارتى ب پلان ڤه‌ دێ چيته‌ به‌غدا، بۆ هه‌رێما كوردستانێ يا گرنگه‌ كو پارتى ب سه‌نگ پشكداريێ دڤان هه‌لبژارتنان دا بكه‌ت”.
دياركر ژى” ئه‌م دخوازين هێزێن كوردستانى ل به‌غدا دئێك ده‌نگ بين وهه‌كه‌ مه‌ كێشه‌ك ل كوردستانێ هه‌بيت، دناڤ مالا خوه‌دا چاره‌ بكه‌ين، ئه‌م دخوازين پێڤه‌ ل به‌غدا ب هه‌موو كوردستانيان ل به‌غدا به‌رگريێ ژ كوردستانێ بكه‌ين”.

وه‌لاتيه‌كى خوه‌ كوشت

01/05/2018 17:15

1358

ئه‌ڤرۆنيوز:

وه‌لاتيه‌كێ 58 سالى ب چه‌كێ كلاشنكه‌فێ ئه‌ڤرۆ سێشه‌مبى 1/5/2018 ل سلێمانيێ دووماهى ب ژيانا خوه‌ ئينا

مالپه‌رێ كوردستانى تى ڤى به‌لاڤكر كو هه‌تا نوكه‌ چو رۆهنكرن ل سه‌ر خوه‌كشتنا وى وه‌لاتى نه‌هاتينه‌ دان.

خوارنا دەرمانان بێ ئاڤ زیانێن خوه‌ يێن هه‌ين

01/05/2018 16:42

229

ئه‌ڤرۆنيوز:

دەرمانسازه‌كى دياركر کو گیایێن سروشتی ژێدەرێن سەرەکی يێن دروستبوونا دەرمانانه‌ وپتريا دەرمانان ژ گیای دھێنە چێکرن و ھەروەسا ژێدەری گیانەوەری دەرمان دھێنە وەرگرتن کو پتریا ھورمون و ئەنسولینا ل ڤی ژێدەرەی دھێنە وەرگرتن، ھەروەسا ژێدەرێ ئەردی کانزای و مایکرۆ بایلۆجی و ژێدەرێن دەستکرد ژی، ئەڤە ژێدەرێن سەرەکی نە کو دەرمان ژێ بھێنە وەرگرتن و چێکرن.

ده‌رمانساز ياسر ئه‌حمه‌د گۆت” ب شێوەکێ گشتی ھەر دەرمانەکى مفا و زیانێن خوه‌ يێن هه‌ين و دبیت ھندەک جاران مەترسیا وی پتر مفایێ وی بیت، بەلێ ب شێوەکێ گشتی دەرمانان مفایێ خه‌ پتر ژ زیانان يێن هه‌ين ھەکە ب شێوەکێ دروست بھێتە بکارئینان و نەخوه‌ش پێگریێ ب دروستی پێ بکەت”.

ياسرى بۆ نوش نيوز زێده‌تر گۆت” خوارنا گەلەك دەرمانان د ده‌مه‌كى دا کاریگەریا خوه‌ یا نەرێنی ل سەر نەخوه‌شی يا هه‌ى، تایبەت دانعەمران، چونکى مرۆڤێ دانعەمر ئەو ھێز نینە، ھەروەسا زارۆ و ژنێن دوگیان ژی گەلەك جاران کارتێکرن لێ دھێتەکرن، ژ بەر ھندێ گرنگە دەمێ ھەر نەخوه‌شەك دەرمانەکى وەردگریت بۆ‌ نەخوه‌شیا خوه‌ پرسیارا نوشدارێ خوه‌ بکەت کا دێ چاوان بکارئینیت وهه‌كه‌ حەساسی ب دەرمانان ھەبیت، پێدڤيه‌ نوشدارى پێ ئاگەھدار بکەت”.

دياركر” ھەروەسا دڤێت ل دووڤ رێنمایێن نوشدارى، نەخوه‌ش دەرمانان ب کاربینیت ول وی دەمێ دیارکری بھێنە خوارن، نابیت زێدە یان کێم بکەی، ھەروەسا ئێک ژ تشتێن دی کو گه‌له‌ك ژ خەلکی دەرمانان دخۆن تایبەت حەبان بێ کو ئاڤێ ل گەل ڤەخۆن، خوارنا حەبا بێ ئاڤ مەترسیا ل سەر مروڤی ھەی، تایبەت دەرمانێن ئارامکەر و دەرمانێن خوین روونکرنێ و دژە زیندەك وەکو ئەسپرینێ، ئەڤە ھەموو قەرحێ بۆ مەعیدێ دروست دکەن، لەوما دڤێت ل گەل دەرمانان ئاڤ بھێتە ڤەخوارن”.

ناڤبری ھێشتا گۆت” دەرمان ماددەکێ کیمیاوی یە، ئێكسه‌ر یان نه‌ ئێكسه‌ر گوھۆڕینێ ل لاشێ مرۆڤی دا دکەت، لەوما خوارنا دەرمانی سەربەخوه‌ تشتەکێ شاشه‌، ھندەک جاران نەخوه‌ش ژی ب دروستی نەخوه‌شیا خوه‌ نزانیت ودێ لژ ده‌ف خوه‌ دەرمانان کریت و خۆت، ئەڤە ژی دێ کاتێکرنەکا نەرێنی کەتە سەر نەخوه‌شی و مفای لێ نابینیت”.

یاسر ئەو چەندە ژی گۆت”د مال دا دڤێت دەرمان بھێتە ھەلگرتن دوور ژ گەرمێ و تیشکا رۆژێ و ھەروەسا دوور ژ رتۆبەتێ بھێنە ھەلگرتن و ھەتا د لێنانگەھێ ژی دا نەھێتە ھەلگرتن، چونکى پلا گەرمێ یا بلندە و یا گرنگ ئەوە ئەڤ دەرمانە ل بەر دەستێ زارۆيان نەبن”.

فه‌يسبووك خزمه‌ته‌كا نوو زێده‌ دكه‌ت

01/05/2018 16:26

438

ئه‌ڤرۆنيوز:

كۆمپانيا فه‌يسبووك خزمه‌تگوزاريه‌كا نوو زێده‌ دكه‌ت، به‌لێ هه‌تا نوكه‌ هه‌موو بۆ هه‌موو بكارئێنه‌ر نه‌ڤه‌گرتيه‌.

خزمه‌تگوزاريا نوو يا فه‌يسبووكى پێك دهێت ژ (dislike) وبه‌روڤاژيا وێ (like) ئانكو كارڤه‌دان ل سه‌ر وان پۆست وبابه‌تێن كو ب دلێ بكارئێنه‌رى يه‌ يان نه‌.

ئه‌و خزمه‌تگوزاريه‌ نوكه‌ تنێ ل ئوستوراليا وئێرله‌ندا هاتيه‌ كاراكرن وچاڤه‌رێ كارڤه‌دانا بكارئێنه‌رێن فه‌يسبووكى ل وان هه‌ردو وه‌لاتان دهێته‌ كرن ژبۆ اراكرنا وێ خزمه‌تگوزاريا بۆ هه‌موو بكارئێنه‌رێن فه‌يسبووكێ.

باران بارين دێ ده‌ستپێكه‌ت

01/05/2018 15:54

2073

ئه‌ڤرۆنيوز:

رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ئه‌ڤرۆ سێشه‌مبى 1/5/2018 به‌لاڤكر، سوباهى رۆژا چارشه‌مبى باران بارين دێ ل هنده‌ك ده‌ڤه‌رێن هه‌رێما كوردستانێ ده‌ستپێكه‌ت.

بژار ئه‌كره‌م، به‌رپرسێ پشكا پێشبينيان ل ريڤه‌به‌ريا گشتى يا كه‌شناسيێ گۆت” پێشبينى دهێته‌ كرن سوباهى ئه‌سمان ئه‌ور بيت ودبيت ل هه‌ردو باژێرێن سلێمانيێ ودهۆكێ باران ب رێژه‌كا كێم بباريت”.

ناڤبرى دداخۆيانيه‌كا رۆژنامه‌ڤانى دا گۆت ژى” ل رۆژا پێنجشه‌مبى دبيت باران ل هنده‌ك ده‌ڤه‌رێن چيايى ل دهۆكێ وسلێمانيێ بباريت”.

ب وێنه‌: ل پارێزگه‌ها دهۆك دار دهێنه‌ بڕين و وێنێن داران ل جهێ وان دهێنه‌ دانان

01/05/2018 12:28

808

ئەڤرۆ نیوز، نەوزاد ھلۆری:

ل ناڤا سەنتەرێ قەزا بەردەرەش سه‌ر ب پارێزگه‌ها دهۆك ڤه‌ چەند دارەکێن مەزن ھەبوون، بەلێ ھندەک ژ وان ھاتینە بڕین و شوونا وان دیوار ھاتینە چێکرن و ل سەر وان دیواران وێنێن داران ھاتینە چێکرن.

ئیبراھیم حەسەن وەلاتیەکێ “بەردەرەش”ه‌ بۆ ئەڤرۆ نیوز گۆت: “کومەکا دارێن مەزن و کەڤن د ناڤا سەنتەرێ باژێرێ بەردەرەش دا ھەبوون، بەلێ ب مخابنى ڤە ژ لایێ جھێن پەیوەندیدار ب به‌ھانەیا بەفرەھکرنا جاددا و دروستکرنا خزمەتگوزاریان ھاتینە بڕین، ل شوونا وان چەند دیوار ھاتینە چێکرن و ل سەر وان دیواران وێنێن داران ھاتینە چێکرن کو دەربڕینێ ژ پاراستنا دارا و ژینگەھێ دکەن”.

زێدەتر گۆت: “بەھرا پتریا وان داران دکەڤنە ناڤا سەنتەرێ بازارێ بەردەرەش و تەنشت گورستانا بەردەرەش، د وەرزێن جودایێن سالێ دا خەلکەکێ زۆر قەستا بن وان داران دکر دا کو کەش و ھەوایەکێ خوه‌ش ھەلكێشن و بێھنا خوە بدەن”.

ئەوی وەلاتی داخواز ژ جھێن شولەژێ کر کو پێدڤی یە رێژەیا کەسکاتی و چاندنا داران زێدە بکەن و گۆتژی: (بەردەرش دکەڤیتە دەشتەکا بەفرەهـ و رێیەکا ستراتیژی ھەیە و رۆژانە ھزاران ترۆمبێلێن بارھەلگر تێدا دبۆرن و ژینگەھێ پیس دکەن، ئەڤە زێدەباری وێ یەکێ ھند کارگەھێن پیشەسازی ھەنە کو ئەو ژی ژینگەھێ پیس دکەن”.

ب گورەی زانیاریێن ئەڤرۆ نیوز د پلانێ دا بوو کو 20% رێژا کەسکاتی ل سنوورێ قەزا بەردەرش بھێتە زێدەکرن ب تایبەتی د ناڤا بازارێ بەردەرەش ، بەلێ کێمتر ژ 11% ژی ئەو رێژە نەھاتیە بجھکرن و ئەڤێ یەکێ وەلاتی دلگران کرینە.

مووچێ يه‌كا پاسه‌وانى دێ هێته‌ زێده‌كرن

01/05/2018 11:10

404

ئه‌ڤرۆ نيوز:

ڤێ هه‌يڤێ مووچێ وه‌زاره‌تا ناڤخۆ و هێزێن يه‌كێن پاسه‌وانى ب گۆره‌ى سيسته‌مێ نوو يێ پاشكه‌فتى هێته‌ به‌لاڤكرن، رێڤه‌به‌ريا گشتى يا ديوانا وه‌زاره‌تا ناڤخۆ رادگه‌هينيت كو پاشكه‌فتێ يه‌كا پاسه‌وانى د ناڤبه‌را 39% بۆ 50% دا هاتيه‌ كێمكرن.

ره‌وشا سه‌قايێ سوبه‌هى

01/05/2018 10:46

657

ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا پێنجشه‌مبى رێكه‌فتى 2ى گۆلانا 2018ێ دهێته‌ پێشبينيكرن ئه‌سمان ساهى بيت ل گه‌ل هنده‌ك ئه‌ورێن كێم.

پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه‌ كو ژ ئه‌ گه‌رێ هاتنا فشارێن بلندێن لاوازێن توركيا دهێته‌ پێشبينيكرن ئه‌سمان ساهى بيت ل گه‌ل هنده‌ك ئه‌ورێن كێم.

پشكا پێشبينيان خۆيا ژى كريه‌ كو نزمترين پلا گه‌رما پێشبينيكرى دێ 12 پله‌ بيت و بلندترين پله‌ ژى دێ 24 پله‌ بيت.

هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 5 بۆ15كم بيت د ده‌مژمێره‌كێ دا و ماوێ ديتنێ ژى دێ 10كم بيت د ده‌مژمێره‌كێ دا.

نيشاندان 1...1,000 2,000 1,8231,8241,825 2,820...3,681 زێده‌تر

لاپه‌ر 1,824 ژ 3,681