ئەڤرۆ نیوز:
پێشبینیا تە بۆ یاریا فرنسا و ئۆرگوای چییە؟……… کیژ هەلبژارتی دێ ب سەرکەڤیت.
نووترين نووچه
- مەبەستا وان ئەوە مووچە و قووتێ وەلاتییێن هەرێما كوردستانێ ببڕن
- چالاكییێن مەسرور بارزانی پرسێن كوردستانێ د ئێخیتە سەر نەخشەیێ گرنگیپێدانا نێڤدەولەتی
- پشكا رەوشەنبیری و راگەهاندنا پارتی دیدارا كاریگەرییا ئەدەبێ زارەكی ل سەر مۆزیكا كوردی سازكر
- خەلكێ شنگالێ ژ قانوونا لێبۆرینا گشتی د رازی نینن
- سەرۆك بارزانی: گەلێ كورد دێ هەر گەهیتە سەربخوەییێ
- نێچیرڤان بارزانی و تۆبیاس لیندنەر دوماهی پێشهاتێن ئیراقێ و سووریێ گەنگەشەكرن
- پێدڤییە هەرێما كوردستانێ د رێككەفتنێن ئیراقێ و بریتیش پێتڕۆلیۆمدا پشكدار بیت
- مەسرور بارزانی ل داڤۆسێ چەندین دیدارێن گرنگ ئەنجامدان
- فازل میرانی سەرەدانا خەباتكەران دكەت
- بۆ چارەسەركرنا كێشەیا مۆچەیان هەرێمێ دو پێشنیاز بۆ بەغدا یێن هەین
سهرهكى Facebook
پێکهاتیێ سەرەکی یێ هەلبژارتیێ ئۆرگوای و فرنسا
ناڤێ یانا نوو یا پاولینیۆى ئاشكرا بوو
ئه‌ڤرۆنیوز:
راپۆرتێن رۆژنامه‌ڤانى ژئیسپانیا، ئه‌ڤرۆ ئه‌ینیێ 6/7/2018 یانا نوو یا یاریكه‌رێ هه‌لبژارتیێ به‌رازیلێ ویانا به‌رشه‌لونا یا ئیسپانى پاولینیۆى ئاشكراكر.
رۆژناما (موندۆ دیپۆرتیڤۆ) یا كاتالۆنى به‌لاڤكر كو پاولینیۆ رازى بوو جاره‌كادى بزڤریته‌ڤه بۆ یانا خوه یا به‌رێ ئه‌وژى جوانجزۆ یا چینى ل ڤێ هاڤینێ.
وێ رۆژنامێ دیاركر كو جوانجزۆ دێ 50 ملیۆن یورۆیان ده‌ته به‌رشه‌لونا ل به‌رامبه‌ر پاولینیۆى كو به‌رشه‌لونا ل هاڤینا بۆرى ب گۆژمى 40 ملیۆن یورۆیان ژ جوانجزۆ كرى بوو.
ئاماژه دا كو پاولینۆى ئه‌گه‌رێن خوه یێن هه‌ین رازى ببیت بزڤریته یانا خوه یا چینى یا به‌رێ، ئه‌وژى نه پشت به‌ستنا ڤالڤیردى ل سه‌ر وى دگه‌له‌ك یاریێن گرنگ دا ل وه‌رزێ بۆرى، دهه‌مان ده‌مدا نێزیكبوونا هاتنا یاریكه‌رێ به‌رازیلى یێ گه‌نج ئارسه‌ر میلۆ ژ یانا جریمیۆ یا به‌رازیلى وگرنگیدانا یانا به‌رشه‌لونا ب كرینا فرانكى دى یونج ژ ئه‌یاكس ئه‌مستردام یا هوله‌ندى.
سەرۆک وەزیرێن تورکیا: سوپایێ تورکیا 350 کیلۆمەترێن دوجا هاتیە دناڤا ھەرێمێ دا
ئەڤرۆ نیوز ، زنار تۆڤی:
سەرۆک وەزیرێن تورکیا راگەھاند، سوپایێ وەلاتێ وی رووبەرێ 350 کیلۆمەترێن دوجا ل ناڤا ھەرێما کوردستانێ گرتینە و ئۆپەراسیۆنێن وان ل دژی گەریلایێن پەکەکێ د بەردەوامن.
بینالی یلدرم د دیدارەکێ دا بۆ ئاژانسا ئەنادۆل یا تورکی راگەھاند، کو سوپایێ تورکیا 350 کیلۆمەتر ل ناڤا ھەرێما کوردستانێ گرتینە، ئەو رووبەر ژی ژ سنۆرێ ئیرانێ دەست پێ دکەت تا رووبارێ خابووری، ئۆپەراسیۆنێن وان ژی ل قەندیلی د بەردەوامن.
بینالی یلدرم گۆت: ھەر ژ دەریا ناڤەراست هەتا رۆژئاڤایێ رووبارێ فوراتی ل باکۆرێ سووریێ سوپایێ وان ل وان دەڤەران ھەیە.
ئەڤە ماوێ سێ هەیڤانە چالاكیێن سوپایێ توركیا ل دژی په‌كه‌كێ ل هه‌رێما كوردستانێ زێده‌بووینه، سەرۆک وەزیرێن ھەرێما کوردستانێ ژی ل چارشەمبیا بوری راگەھاند بوو، حوکمه‌تا هه‌رێمێ چەندین جاران داخواز ژ پەکەکێ کریە ھەرێما کوردستانێ نەکەنە مەیدانا شەرێ خوە ل گەل تورکیا.
بەرێ بنیاتی بۆ قونسولخانا ئەمریکا ل هەولێرێ هاتە دانان
ژێڤەکرن و خوارنا نینۆكان چاوا دروست دبیت؟
ئەڤرۆ نیوز ، زنار تۆڤی:
نینۆك خوارن ئێكه ژ وان كارێن كو مرۆڤ تووشی كێشێن ساخلەمیێ دکەت و ل دەمێ مرۆڤ نیگه‌ران دبیت ڤی کاری دکەت.
پشکەکا زۆر ژمە فێرى خوارن و ژێڤەکرنا نینۆکان بووینە، ئه‌ڤ حاله‌ته ژ لایەکێ ڤە دبیته ئەگەرێ زیان گه‌هاندنێ ب ساخلەمیێ و ژ ئالیەکێ دیترڤە زیانێ دگەهینیتە نینۆكان، خوارنا نینۆکان پەیوه‌ندی ب ره‌گه‌زەکێ یان ته‌مه‌نەکێ ڤە نینه، به‌لکو هه‌ردوو ره‌گه‌ز و هه‌موو ته‌مه‌نەک تووشی ڤی حالەتی د‌بن.
هه‌روه‌سا نینۆك خوارن ل دەف زارۆیان د ژیێ سێ بۆ چار سالیێ ده‌ست پێ دکەت هەتا ژیێ حه‌فت سالیێ و هەتا ژیێ مەزن بوونێ به‌رده‌وام دبیت.
هۆكارێن خوارنا نینۆكان بۆ ڤان ئەگەران ڤەدگەرن:
.خوارنا نینۆكان ئێكە ژ ھۆكارێن سه‌ره‌كی یێن دوودلیێ و تورەبوونێ و ھه‌ستكرن ب بێزاریێ.
. ب ئەگەرێ خوهدانێ و تێكچوونا خه‌وێ هۆكارەکێ دیتره بۆ هندێ بكه‌ڤیه حالەتێ نینۆك خوارنێ.
. ب ئەگەرێ گەلەک به‌تالیێ د ژیانێدا.
. گەلەک جاران ب ئەگەرێ هەبوونا پیستێ هشک ل رەخێن نینۆکان ڤە، نینۆکان دخون و ژێڤەدکەن.
نینۆك خوارن کارەکێ خرابه و یێ پەیوه‌سته ب نەرێکیا بارێ ده‌روونی و ئه‌ڤ حاله‌ته لدەف زارۆیێن یێ زۆره و دەمێ نەشێن رق و تۆره‌بوونا خوە ده‌رببرن ڤی كاری دكه‌ن.
بلندترین پلا گه‌رمێ ل جیهانێ ل پارێزگەهەکا عیراقێ هاتیە تۆماركرن
ئەڤرۆ نیوز ، زنار تۆڤی:
ل 24 دەمژمێرێن بوریدا ل پارێزگەها عه‌ماره یا عیراقێ بلندترین پلا گه‌رمێ ل جیهانێدا هاتیە کرن.
وێستگه‌ها پله‌یسه‌رڤیل یا ئه‌مریكی خشته‌ک بەلاڤەکریە کو ناڤێ وان باژێران ئاشكراكریه كو ل 24 دەمژمێرێن بوریدا بلندترین پلا گه‌رمێ تێدا هاتیە تۆماركرن.
لدووڤ وی خشته‌ی باژێرێ عه‌ماره و 8 باژێرێن دیتر یێن عیراق و كوێتێ و ئیرانێ بلندترین پلا گه‌رمێ تێدا هاتیە تۆماركرن كو گه‌هشتیه 51 پله‌یان.
په‌رله‌مان دێ كۆم بيت
ئه‌ڤرۆ نيوز:
برياره دوشه‌مبيا بهێت په‌رله‌مانێ كوردستانێ كوم ببيت و چه‌ندين پرسان دانوستاندنان ل سه‌ر بكه‌ت، سه‌رۆكاتيا په‌رله‌مانێ كوردستانێ داخواز ژ هه‌مى په‌رله‌مانتاران كريه به‌رهه‌ڤى كومبوونا رۆژا دوشه‌مبى ببن كو برياره دانوستاندن ل دۆر كێشا ب بازاركرنا به‌رهه‌مێ جوتياران و ياسايا رێيێن گشتى يێن هه‌رێما كوردستانا – عيراق، هه‌روه‌سا دێ دانوستاندن سه‌باره‌ت هه‌لبژارتنێن هه‌رێما كوردستانێ ب به‌رهه‌ڤبوونا ئه‌ندامێن ده‌سته‌يا كومسيونا سه‌ربخويا هه‌لبژارتنان هێته كرن.
سەرۆك بارزانی پشكداريێ د رۆژا نيشتمانى يا ئه‌مريكا دا دكه‌ت
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ پێنجشه‌مبى 5/7/2018 پشكدارى د مه‌راسيمێن رۆژا نيشتمانى يا ئه‌مريكا دا كر.
كونسۆلخانا ئه‌مريكا ل هه‌ولێرێ ب به‌رهه‌ڤبوونا هژماره‌كا مه‌زن ژ باليۆز وكونسۆلێن وه‌لاتان وكه‌سايه‌تيێن سياسى وئيدارى ورێكخراوێن جڤاكێ مه‌ده‌نى، مه‌راسيمێن رۆژا نيشتمانى يا ئه‌مريكى ب رێڤه‌چوون.
دۆگڵاس سڵیمان باڵیۆز و كین گرۆس كونسۆلی ئەمەریكا لە هەولێرێ خوه‌شحاليا خوه ب به‌رهه‌ڤبوونا سه‌رۆك بارزانى نيشان دا ودووپاتى ل پێشڤه‌برنا په‌يوه‌نديێن هه‌رێما كوردستانێ وئه‌مريكا دبوارێن سياسى وئابوورى وكه‌لتوورى وهه‌روه‌سا هاريكاريا له‌شكرى ل شه‌رێ دژى تيرۆرێ كر.
هه‌روه‌سا زێده‌بارى ئاماژهدان ب گرنگى وپێگه‌هێ هه‌رێما كوردستانێ، به‌رچاڤكر كو ئه‌مريكا مژوولى دروستكرنا مه‌زنترين كونسۆلخانه‌يه ل سه‌ر ئاستێ جيهانێ ل باژێرێ هه‌ولێرێ وئه‌و ژى ئاماژه‌كا رۆهنه بۆ ب هێز مانا په‌يوه‌نديێن دناڤبه‌را ئه‌مريكا وهه‌رێما كوردستانێ.
فرۆكێن توركى ده‌ڤه‌را سيده‌كان توپ بارانكر
ئه‌ڤرۆنيوز:
جاره‌كادى فرۆكێن له‌شكرێ توركى ده‌ڤه‌را سيده‌كان توبپارانكر وبۆ ئه‌گه‌رێ سوتنا پيش ودارستانا ده‌ڤه‌رێ.
ل ئێڤاريا دره‌نگ يا ئه‌ڤرۆ، ل دووڤ سه‌ته‌لايتا كوردستان، فرۆكێن له‌شكرێ توركى ب به‌هانه‌يا هه‌بوونا بنكه وباره‌گايێن په‌كه‌كێ، هه‌ر ئێك ژ چيايێ شه‌كيو وگه‌لى ماله‌مه‌لا وكه‌وه‌رت ل ده‌ڤه‌را سيده‌كان توپبارانكرن وبۆ ئه‌گه‌رێ سوتنا پيش ودارستانا وێ ده‌ڤه‌رێ.
نيشاندان
WP Facebook Auto Publish Powered By : XYZScripts.com