ئەڤرۆ نیوز ، زنار تۆڤی :
پەرلەمانتارەکێ ئێکەتیێ ب دژواری بەرسڤا بەرهەم سالحی سەرۆكێ لیستا هەڤپەیمانی و دادپەروەریێ ددەت و دبێژیت، ئەو سەرۆكێ حكوومەتێ و جێگرێ سكرتێرێ گشتی بوو، بۆچی نوکە بەحسێ دزینا نەفتێ دكەت،ئەو ب خوە ل دەستهەلاتا جێبەجێكرنێ بوو.
محەمەد عوسمان،حەمەسوور دووشیوانی،د لێدوانەکێدا گوتیە، بەرهەم سالح جێگرێ سكرتێرێ گشتی و سەرۆكێ حوکمەتا هەرێما كوردستانێ بوو پێشتر، بۆچی ل وی دەمی بەحسێ دزینا نەفتێ نەدكر و بزاڤا راوەستاندنێ نەددا، ئەو بلندترین بەرپرسێ دەستهەلاتا جێبەجێكرنێ بوو د حوکمەتێ و حزبێ دا، بۆچی پشکداری د چارەسەریا كێشان نە دكر.
زێدەتر گوتیە، پێدڤیه دوور بكەڤی ژ بكارئینانا وان پرسان بۆ بانگەشەیا هەلبژارتنان و بزاڤان بۆ شكاندنا یێن دیتر، كو ماوەکێ ئێكجار زۆر مە هەموویان پێکڤە كار كریە د چارچۆڤێ ئێکەتیێ دا، بەلێ ئەو گوتنێن ئەو دکەت پشکەکن ژ موزایەدێن سیاسی و هیچ خزمەتا كوردان ناكەت، نە نوکە و نە د داهاتی دا،لەوما دڤێت تۆ وان ئاخفتنان بهێلی.
بەرهەم سالح د ئاهەنگەکا جەماوەری یا لیستا نیشتمانی كو هەڤپەیمانیا وی و كۆمەل و گۆران تێدایە، دووپات كریە كو رێکێ نادەن ئەوێن نەفتا كەركووكێ ددزی و یاریی ب چارەنڤیسێ خەلكێ دكر، جارەکڵ دیتر كارێن ژڤی جۆری دووبارە بكەن.
نيشاندان
