ئه‌ڤرۆ نيوز:
ل دووڤ پێشبينێن كه‌شناسيا هه‌رێمێ، ئه‌ڤرۆ ل دهۆكێ بارانه و ل هنده‌ك ده‌مان باران دێ ب هێز باريت، د 24 ده‌مژمێرێن بوورى دا 16 ملم بارانێ ل دهۆكێ بارينه، زاخۆ 3 ملم، ئاكرێ 34، ئاميديێ 14، بامه‌رنێ 10 ملم.
سه‌قايێ ئه‌ڤرۆ
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سهرهكى Facebook
چار سەرکردێن مەزن یێن داعشێ ل تورکیا هاتنە گرتن
ئەڤرۆ نیوز ، زنار تۆڤی :
هێزێن سوپایێ تورکیا ل باژێرل ئزمیر چار سەرکردێن دیار یێن داعشێ دەستگیرکرن،کو دناڤا وان دا ئێک ئەمیرێ وێ رێکخراوێ بوویە ل پارێزگەها دێرەزور ل سوریا.
ژێدەرەکێ ئەمنی یێ تورکی بۆ ئاژانسا ئانادۆل ئاشکراکریە،کو تیمەکا دژی تیرۆرێ ل ئزمیر،پشتی وەرگرتنا زانیاریێن سیخوری دەربارەی بزاڤێن وان چار سەرکردەیێن داعشێ بۆ تورکیا،شیان وان داعشان د ئۆپەراسیۆنەکێدا دەستگیر بکەن.
هەروەسا گوتیە،ئێک ژ وان گڕتیان یێ تۆمەتبارە ب کوشتنا 700 وەلاتیێن مەدەنی ل باژێرێن سوریا و ئێک بوویە ژ کەسێن نێزیکی ئەبوبەکر بەغدادی.
هەر چار گرتی هاتینە ڤەگوهازتن بۆ ئێکەیەکا ئەمنی ل باژێرێ ئزمیر بۆ ڤەکۆلینێ.
ناتۆ:دێ هاریکاریێن خوە بۆ پێشمه‌رگه‌ی زێده كه‌ین
ئەڤرۆ نیوز ،زنار تۆڤی :
ئه‌میندارێ گشتى یێ (ناتۆ) راگه‌هاند،کو وان پلانەکا تایبه‌ت هه‌یه بۆ زێووەکرنا هاریكاریێن سه‌ربازی بۆ هێزێن سه‌ربازی یێن عێراقێ و پێشمه‌رگەی.
ستو لیتنبرگ، ئه‌میندارێ گشتى یێ ناتۆ گوت ژی هەڤپەیمانیا مە پلانەکا تایبه‌ت هه‌یه بۆ زێدەكرنا مه‌شقێ ب هێزێن عێراقی و پێشمه‌رگەی،ئەڤ و سەرەرای هاریكاریێن زێدەتر بۆ وان.
هەڤدەم هایكو ماس، وه‌زیرێ ده‌رڤە یێ ئه‌لمانیا كو وەلاتێ وی ئێكه ژ ئه‌ندامێن دیار یێن ناتۆی،کو وی پشکداری د كۆنفرانسێ وه‌زیرێن ده‌رڤە یێن ناتۆی دا،كو ل برۆكسل کریە، هه‌لویستێ وەلاتێ خوە ل سه‌ر ڤێ پێنگاڤێ ده‌ربری و راگه‌هاند کو پێدڤیه ئاخفتنێن زێدەتر دڤی واری دا بكه‌ین.
ترامپ ل دۆر بكارئینانا هێزێ دژی ئیرانێ داخویانی دا
ئه‌ڤرۆ نیوز:
دۆنالد ترامپ، سه‌رۆكێ ئه‌مریكا ئه‌ڤرۆ د گه‌ل ئه‌نگێلا مێركل شیره‌تكارا ئه‌لمانیا ل كۆچكا سپی كۆم بوو و د پرێسكۆنفرانیسه‌كى دا ل دۆر بكارئینانا هێزێ دژی ئیرانێ داخویانی دا.
ترامپ د به‌رسڤا پرسیاریا بكارئینانا هێزێ دژی ئیرانێ گۆت: ئه‌ز نابێژم كا دێ هێزا سه‌ربازی دژی ته‌هران بكارئینین یان نه لێ ئه‌ز وه پشتراست كه‌م كو ئیران چه‌كێ ئه‌تۆمی چێناكه‌ت و رێ پێ ناهێته دان وێ یه‌كێ بكه‌ت، هوون دشێن پشتراست بن.”
ترامپ و مێركلێ به‌حسێ چالاكیێن ئیرانێ یێن ئه‌تۆمی و ره‌فتارا وێ یا دوژمنكارانه كر و مێركلێ ژی گۆت: ئێدی رێككه‌فتنا ئه‌تۆمی بتنێ هه‌مبه‌ری ئیرانێ به‌س نینه و ئه‌م د گه‌ل ترامپ رێككه‌فتین كو به‌رهنگاری ره‌فتارا دوژمنكارانه یا ئیرانێ ل سووریێ ببین.
هه‌ڤده‌م ترامپ ژ وه‌لاتێن رۆژهه‌لاتا ناڤین خواست پشكدارییا خوه د به‌رهنگابوونا داعش دا زێده بكه‌ن.
چاویشئۆغلو و پۆمپیۆ ل سه‌ر باژاره‌كێ رۆژئاڤا كوردستانێ رێككه‌فتن
ئه‌ڤرۆ نیوز:
وه‌زیرێ ده‌رڤه یێ توركيا راگه‌هاند، ئه‌و و وه‌زیرێ ده‌رڤه یێ نوو یێ ئه‌مریكا هه‌ڤبۆچوونن ل دۆر ڤه‌كێشانا هێزێن كوردى ژ منبج.
مه‌ولود چاویشئۆغلو دیار كر، ئه‌و و پۆمپیۆ ل سه‌ر نه‌خشه‌رێیه‌كێ رێككه‌فتینه بۆ ده‌رخستنا هێزێن كوردى ژ منبج.
منبج ل رۆژئاڤایێ كوردستانێ یه و د بن كۆنترۆلا جڤاتا سه‌ربازی یا منبج دایه كو سه‌ر ب هه‌سه‌دێ یه و يه‌په‌گه سه‌ركێشیا وێ دكه‌ت.
پۆمپیۆ ئێكه‌م كۆنگرێ رۆژنامه‌ڤانی وه‌ك وه‌زیرێ ده‌رڤه یێ ئه‌مریكا سازكر
ئه‌ڤرۆ نیوز:
مایك پۆمپیۆ پشتی ژ ئالیێ كۆنگرێسی ڤه هاتییه په‌سه‌ندكرن، ئه‌ڤرۆ ئێكه‌م كۆنگرێ رۆژنامه‌ڤانی وه‌ك وه‌زیرێ ده‌رڤه یێ ئه‌مریكا ساز كر.
پۆمپیۆ د ئێكه‌م كارێ خوه دا وه‌ك وه‌زیرێ ده‌رڤه پشكداری كۆمبوونا وه‌زیرێن ناتۆ ل برۆكسل كر و راگه‌هاند: ئه‌مریكا شاشیێن به‌ری نها دوباره ناكه‌ت.
هه‌روه‌سا گۆت: ئه‌ز دێ سه‌ره‌دانا رۆژهه‌لاتا ناڤین كه‌م و مژارا رێككه‌فتنا ئه‌تۆمی گۆتوبێژ كه‌م، هه‌تا نها واشنتۆن چ بریار ل دۆر ڤه‌كێشانێ ژ وێ رێككه‌فتنێ نه‌داینه لێ نه‌راستڤه‌كرنا وێ چێدبیت وان نه‌چاری گاڤه‌كا وه‌سا بكه‌ت .
ل گۆرى ناڤهاتي، ناتۆ په‌يوه‌ندييان باش ناكه‌ت د گه‌ل رۆسيا هه‌تا مۆسكۆ كريارێن خوه نه‌گوهريت و بنپێكرنا قانوونێن نێڤده‌وله‌تى رانه‌گريت.
شه‌ش كه‌سان ژ ئێك خێزان گيانێ خوه ژده‌ست دا
ئه‌ڤرۆ نیۆز، عه‌زیز هه‌ورامی
ئه‌ڤرۆ ئه‌ينيێ 27/4/2018 ل ده‌مژمێر چارێ ئێڤارى ل سه‌ر رێيا ناحيا زه‌راين ل قه‌زا ده‌ربه‌نديخان دروودانه‌كا هاتنوچونێ دا پێنج كه‌سان ژ ئێك خێزان گيانێ خوه ژ ده‌ست دا وكه‌سه‌ك ژى ژ هه‌مان خێزان برينداربوو، به‌لێ وى ژى ل نه‌خوه‌شخانێ گيانێ خوه ژده‌ست دا.
كه‌مال كاكه ئه‌حمه‌د، به‌رپرسێ راگه‌هاندنا نه‌خوه‌شخانا شه‌هيد ره‌ئووف به‌گ ل قه‌زا شاره‌زوور بۆ ئه‌ڤرۆ نيوز گۆت” دروودانه‌كا لێكدانا دو ترومبێلان دا ژ جۆرێ نيسان ده‌بل وبارهه‌لگره‌كێ، پێنج كه‌سان ژ ئێك خێزان گيانێ خوه ژ ده‌ست دا وكه‌سه‌كى دى ژ هه‌مان خێزان ب گرانى برينداربوو ول نه‌خوه‌شخانێ گيانێ خوه ژ ده‌ست دا”.
گۆت ژى” هه‌موو قوربانى ژ ئێك خێزانن وخه‌لكێ قه‌زا شاره‌زورێ نه”.
سپێده‌يا ئه‌ڤرۆ ئه‌ينيێ ژى روودانه‌كا دى يا لێكدانێ دناڤبه‌را دو ترومبێلان روودابوو ودئه‌نجامدا دو كه‌سان گيانێ خوه ژده‌ست دابوو وچار كه‌سێن دى ژى برينداربوون.
ل ڤێ ده‌ڤه‌را هه‌رێمێ به‌فر بارى
ئه‌ڤرۆنيوز:
ژئه‌گه‌رێ هاتنا پێله‌كا سه‌رمايێ ونزمبوونا پلێن گه‌رمێ، سپێده‌يا ئه‌ڤرۆ ئه‌ينيێ 27/4/2018 ل به‌فر ل چيايێن سنورێ قه‌زا پنجوين ل پارێزگه‌ها سلێمانيێ بارى.
به‌رپرسێ پشكا كه‌شناسيێ ل قه‌زا پنجوين، به‌هادين حه‌سه‌ن دداخۆيانيه‌كا رۆژنامه‌ڤانى دا گۆت” ئه‌ڤرۆ سپێدێ به‌فر ل ده‌ڤه‌را چه‌مێ شرين ل پنجوينێ بارى، به‌لێ چونكى ل وێ ده‌ڤه‌را چيايى يا بلند مه چو ئاميرێن كه‌شناسيێ نينن، ئه‌م نزانين رێژا وێ به‌فرا بارى چه‌نده”.
به‌ربژاره‌كا هه‌لبژارتنان ب توندى هاته قوتان
ئه‌ڤرۆنيوز:
به‌ربژاره‌كا ژن بۆ هه‌لبژارتنێن جڤاتا نوونه‌رين عيراقێ ب توندى ژئاليێ وه‌لاتيه‌كى ڤه دهێته قوتان وه‌كو نه‌رازيبوونه‌ك ژ وێنه‌كێ وێ يێ داناى ل سه‌ر ستوونه‌كا كاره‌بێ ل ده‌ڤه‌ره‌كا ناڤه‌راستا به‌غدا.
ئيمان جه‌بار، به‌ربژارا ليستا (ئه‌لفه‌تح) ب سه‌رۆكاتيا هادى عامرى، ئه‌ڤرۆ ئه‌ينيێ 27/4/2018 راگه‌هاند” به‌رى دو رۆژان ده‌مێ ئه‌ز ل گه‌ل تێما خوه يا كارێ بانگه‌شا هه‌لبژارتنان دگه‌ريام بۆ به‌لاڤكرن وهه‌لاويستنا پۆسته‌رێن خوه يێن بانگه‌شا هه‌لبژارتنان وده‌مێ گه‌هشتيمه ده‌ڤه‌را سيناعه ل نێزيك ده‌رگه‌هێ زانكۆيا ته‌كنولۆژى يێ تايبه‌ت ب ده‌ركه‌فتنا قوتابيان ڤه وده‌مێ دانانا پۆسته‌ره وێنه‌كێ من ل سه‌ر شوسته‌ى بێ كو سه‌رپێچيا قانوونى بكه‌م يان زيان ب دوكان يان خانيێن وه‌لاتيان بكه‌ڤيت يان پۆسته‌ره‌كێ دى يێ هه‌لبژارتنان بهێته ڤه‌شارتن، كه‌سه‌ك ل گه‌ل بابێ خوه هات وپرسياركر ئه‌ڤه وێنێ كيش به‌ربژارێ يه وژ كيش عه‌شيرێ وبنه‌مالێ يه ؟ وب ڤێ پرسيارا وى وه‌سا دياربوو كو عه‌شيره‌تان جهێن دياركرين يێن هه‌ين وبزاڤكر وێنه‌ى ب درينيت”.
وێ به‌ربژارێ دياركر” ده‌مێ تيما من يا بانگه‌شا بۆ دوپاتكرى هه‌كه ئه‌و وێنه جهێ دلته‌نگيا وى بيت، دێ راكه‌ن، ب ده‌نگه‌كێ بلند هه‌وار كر كو ئه‌و دێ وێنه‌ى درينيت وده‌ست ب گوتنا جڤينێن گه‌له‌ك كرێت كر”.
ئاماژه دا” ئه‌ز دترومبێلێ دا بووم وده‌مێ من زێده‌گاڤى وئاخڤتنێن وى ديتين، من ب رێيا موبايلى ڤيديۆ كر وهنده‌ك وێنه من بۆ گرتن، به‌لێ ئه‌و هات وهێرشى من كر وئه‌ز قوتام وخوين ژ ده‌ڤێ من هات وئازار گه‌هاندنه ده‌ستێ من ژى وپاشى خه‌لكى ئه‌و ژمن دووركر”.
ديسا گۆت” من چه‌ندين جاران په‌يوه‌ندى ب پۆليسان كر ل سه‌ر هژمارا 104 وهه‌ر دگۆت دێ نوكه گه‌هين، به‌لێ هه‌ر كه‌س نه‌هات ونه‌چار بووم ئه‌ز ب خوه چومه بنگه‌هێ پۆليسان ومن سكالا ل سه‌ر وى كه‌سى تۆماركر ول رۆژا ئێكشه‌مبى دێ چم به‌رده‌م دادوه‌رى دا ئاخڤتنێن من وه‌ربگريت”.
وه‌زاره‌تا دارايى رێنمايه‌كا دارايى ده‌ردكه‌ت
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ رێنمايه‌كا نوو ل دۆر وه‌رگرتنا مۆله‌تا بێ مووچه ژئاليێ فه‌رمانبه‌ران ڤه ده‌ركر.
دوێ رێنمايا وه‌زاره‌تا دارايى وئابوورى يا هژمار (8) يا سالا 2018 كو يا تايبه‌ته ب مۆله‌تا بێ مووچه وئيمزا رێباز حه‌ملان وه‌زيرێ دارايى وئابوورى ل سه‌ره وئاراسته‌ى هه‌موو وه‌زاره‌ت وفه‌رمانگه‌هێن نه گرێداى ب وه‌زاره‌تان ڤه كريه، هاتيه ” ل ده‌مێ وه‌رگرتنا مۆله‌تا بێ مووچه، پێدڤيه رازيبوونا سه‌رۆكاتيا جڤاتا وه‌زيران بهێته وه‌رگرتن”.
نيشاندان
WP Facebook Auto Publish Powered By : XYZScripts.com