ئهڤرۆ نيوز:
ئەندامەکا پەرلەمانێ عیراقێ ژ فڕاکسیۆنا پارتی دیموکراتی کوردستان ئاشکرا کر، ھەلبژارتنێن داھاتی دێ کورسیکێن کوردان و عەرەبێن سونە دێ کێم بن، خویارکر ژی، ھەکە پشتی ھەلبژارتنان کورد ھەلویستەکێ ئێکگرتی وەرنەگرن دێ دەر ئەنجام بیاڤێن ئابووری و دارایی دێ ل گورەی بەرژوەندا شیعابن و نە د بەرژوەندیا کوردان دابن و دێ پتر کورد پرت و بەلاڤبن و ئەڤە دێ بەرژوەندا شیعان دابیت چونکە دبیت ھندەک لیستە بچن پشکداری حوکمەتێ بن.
نەجیبا نەجیب ئەنداما فڕاکسیۆنا پارتی دیموکراتی کوردستان ل پەرلەمانێ عیراقێ بۆ رۆژناما ئەڤرۆ گۆت: چونکی عیراق پتری شیعەنە ھەلبژارتن بھێنەکرن ژی دێ ئەنجامێن ھەلبژارتنان پتر د بەرژوەندا شیعان دابن نە دەولەتا عیراقێ، شیعان قەرز وەرگرتینە و بھایێ پەترۆلێ زێدەبوویە و بودجە ھەموو بۆ پرۆژێن باشورێ عیراقێ ژ بەغدا و بن دا ھاتیە تەرخانکرن.
ھێشتا گۆت: ھەلبژارتن ئانکو تەناھی و ئارامی ھەیە و ئەڤە دێ بۆ شیعان باش بیت، چونکی ھەر سەرۆک وەزیران بۆ شیعانە و دەستور ناھێتە بجھئینان بتنێ دڤێت بەرژوەندا شیعان دابیت و پێگەھێ عیراقێ وەک وەلاتێن ئەمریکا و سعودی و بریتانیا وەبەرھێنانێ بکەن و پەترۆل گران بووی و مەزاختی کێم بووینە و دیسا بزاڤ دھێتەکرن کو گەندەلی نەمینت و ئەڤە ھەموو قوناغەکا نوو و باشە بۆ شیعان.
نەجیبا نەجیب ئەو ژی گۆت: چونکی دەڤەرێن سونی ھاتینە ژناڤبرن، نابینم ھەلبژارتنێن داھاتی دێ بەرژوەندا دەڤەرێن سونی دابن، چونکی کورسیکێن سونا دێ کێم بن و 55 کورسیک ھەبوون و پێشبینی دھێتەکرن کورسیکێن وا ببنە 45 و ئەڤ دەە کورسیکێن دی ژی ھەر بۆ شیعان بچن، باراپترا ئەو سونێن دەر دکەڤن ژی ھەر دبەرژوەندا شیعان دا تاخڤن و ل سەر تایێن وانە.
ھەمان ئەندام پەرلەمان گۆت: کورد ژی ژ سالا 2014 وەرە ھەتا نوکە نە بودجە یە و نە مووچە و ھەموو پرۆژە ھاتینە روستاندن و بەرھێنان ھاتیە راوستاندن و ئەڤە دێ مینت ل سەر پەیوەندیێن ھەرێما کوردستانێ ل گەل بەغدا، دڤێت کورد ئێک ھەلویست بن، یان پێکڤە گۆتبا ئەم پشکدایێ ھەلبژارتنان دا ناکەین، یان ژی دەست ھەلاتا زورینە نە بەرژوەندا کوردان دایە، چەوا؟ ھەکە کوردان پێکڤە گۆتبا ئەم پشکداریێ د کریارا سیاسی دا ناکەین دڤێت شریک بین وی دەمی کورد دێ شێن پەیوەندیێن ئابووری و سیاسی و قانوونی ل گەل بەغدا دروست بکەن و دا کوردان رۆلەک ھەبیت و دا گڤاشتنێن دەرڤە ھەبن و ئەگەر کوردان وەک شیعا ڤیا کو ژ 2014 وەرە زورینە یە حوکمەت، نوکە کورد وەک ئابوور دێ لدووڤ دلێ وانبیت و گەلەک کێشە ناھێنە چارەسەکرن وەک مادێ 140 و پێشمەرگە.
نەجیبا گۆت: ھەلبژارتنێن داھاتی دێ کورسیکێن کوردان ل دەڤەرێن مادێ 140 کێمن و پێشتر مە 65 ھەبوون و ئەگەر ھەتا 65 ئەڤان ھەلبژارتنان ژی بەین ئەگەر تەوافق نەبیت چ مفا بۆ کوردان تێدا نینە، نوکە بریارا دارایی و ئێمناھیێ کوردان چ رۆل نینە ل عیراقێ، ھەموو شیعەنە.
ھێشتا گۆت: ئەگەر پشتی ھەلبژارتنان کورد ھەلویستەکێ ئێکگرتی نە وەرگرن دێ دەر ئەنجام بیاڤێن ئابووری و دارایی دێ ل گورەی بەرژوەندا شیعابن و نە بەرژوەندا کوردان بن و دێ پتر تەفریقە کەڤیتە ناڤ کوردان و ئەڤە دێ بەرژوەندا شیعان دابیت چونکە دبیت ھندەک لیستە بچن پشکداری حوکمەتێ بن.
نەجیبا گۆت: پشتی ھەلبژارتنان ھندە چارە سەری دێ دروست بن لێ دبیت ھەموو دبەروەندا مە و عیراقێ ژی دا نابن، ھەر شیعەکێ بیتە سەرۆک وەزیر یان نێزیکی ئەمریکا نە یان نێزیکی ئیرانێَ، ھەکە کێشێن ئابووری چارەسەر بکەن ژی ب وی رەنگی چارەسەرناکەن کێشە ب دووماھی بھێت، بتنێ ئەگەر کوردان پێکڤە گۆت ئەم پشکداری کریارا سیاسی نابینھەتا نەبیتە تەوافق و ئەڤە دێ کارتێکرنێ کەت.
نيشاندان