ئه‌ڤرۆنيوز:

ئه‌ڤرۆ سێشه‌مبى 26/6/2018 ڤيان يوسف پێندروى سه‌رۆكا سه‌نته‌رێ پێشمه‌رگه‌ يێ ره‌وشه‌نبيرى ژئه‌گه‌رێ نه‌خوه‌شيه‌كا گران وه‌غه‌ركر.

ڤيان يوسف، ژدايكبوويا سالا 1978 بوو، ئه‌فسه‌ر بوو ب پله‌يا موقه‌ده‌م ل فه‌رمانده‌يا دهۆكێ يا پێشمه‌ركێ كوردستانێ ودامه‌زرێنه‌را سه‌نته‌رێ پێشمه‌رگه‌ يێ ره‌وشه‌نبيرى بوو.

ئه‌ڤرۆ نیوز ، نه‌وزاد هبۆرى:

 ئێڤاريا‌ ئه‌ڤرۆ گه‌نجه‌ك ل رووبارێ خه‌بات خه‌ندقى و تیمێن نقومڤانان ژى مژوولێ ده‌رئینانا ته‌رمێ وى نه‌.

 حه‌یده‌ر بلباس، رێڤه‌به‌رێ به‌ره‌ڤانیا باژێرى ل قه‌زا خه‌بات بۆ ئه‌ڤرۆ نیوز گۆت: (ئێڤاريا ئه‌ڤرۆ كۆمه‌كا گه‌نجان ب مه‌ره‌ما مه‌له‌ڤانیان قه‌ستا رووبارێ خه‌بات كر، به‌لێ ب مخابنیڤه‌ ژ ئه‌گه‌رێ نه‌شاره‌زایيێ د مه‌له‌ڤانیان دا ئێك ژ وان گه‌نجان خه‌ندقى).

زێده‌تر گۆت: (ئه‌و گه‌نجێ حه‌ندقى ناڤێ وى ئه‌ركان محه‌مه‌ده‌ و ژدایكبوویێ سالا 1999 یه‌ و خه‌لكێ گونده‌كێ ده‌وروبه‌رێ قه‌زا خه‌باته‌ و نها تیمێن به‌ره‌ڤانیا باژێرى و نقومڤانێن خه‌بات مژوولێ لێگه‌ریانا ته‌رمێ وى نه‌).

ب گۆره‌ى پێزانينێن ناڤبرى ئه‌ڤ ساله‌ ل سنورێ قه‌زا خه‌بات هه‌شت كه‌س د رووبارێن ده‌ڤه‌رێ دا خه‌ندقینه‌ و ته‌رمێن هه‌مويان هاتینه‌ ده‌رئینان و ره‌وانه‌كرن بۆ نوشداریا داد و پاشان راده‌ستى كه‌سوكارێن وان كرینه‌.

ئه‌ڤرۆ نیوز ، نه‌وزاد هلۆرى:

 ئه‌ڤرۆ د رێورسمه‌كێ ژ هه‌ژى دا ب به‌هه‌ڤبوونا سكرتاریه‌تا ئافره‌تێن كوردستانێ و شاندنێ لقێ 18ێ پارتى وهژماره‌كا كه‌سوكار و خه‌لكێ ده‌ڤه‌رێ ، تاجه‌ گولینه‌ ب هه‌لكه‌فتا نووژه‌نكرنا گۆرێ مارگرێت جۆرج ئێكه‌م پێشمه‌گا ژن و ئێكه‌م شه‌هیدا ژن د شۆره‌شا ئیلونێ دا هاتنه‌ دانان.

 ڤیان سلێمان، سكرتێرا ئافره‌تێن كوردستانێ ل گه‌ل هژماره‌كا زۆر یا ئافره‌تان و نوونه‌راتیا لقێ 18ێ پارتى و كه‌سوكار و خێزانا پێشمه‌رگا ژن مارگرێت جۆرج و هژماره‌كا زۆر یا ژن و خه‌لكێ ده‌ڤه‌رێ تاجه‌ گولینه‌ ل سه‌ر گۆرێ وێ ل گوندێ دوورێ ل ده‌ڤه‌را به‌روارى بالا هاته ‌دانان پشتى كو هاتیه‌ نووژه‌نكرن.

دهێته‌ زانین كو مارگرێت ئێكبوویه‌ ژ ژنێن كریستیان ل ده‌ڤه‌را به‌روارى بالا كو ب ئێكه‌مین پێشمه‌رگا ژن دهێته‌ نياسين  كو رۆله‌كێ به‌رچاڤ د ناڤ پێشمه‌رگێن قاره‌مان دا هه‌بوویه‌ د بزاڤا رزگاریخوازیا كوردستانێ هه‌تاكو شه‌هید دبیت.

 ل چه‌ند رۆژێن بۆرى ژى تیمه‌كا هونه‌رى رابوون ب چێكرنا كلیپه‌كا نوو ل سه‌ر ژیان و خه‌باتا مارگرێتێ و دهێته‌ چاڤه‌رێكرن كو دده‌مه‌كێ نێزیك دا ئه‌و كلیپ بهێته‌ به‌لاڤكرن.