ئه‌ڤرۆ نيوز:

بەرپرسی لقێ شنگال یێ پارتی دیموکراتی کوردستان دیارکر، جڤاتا شەرعی یا شنگالێ بەر ب شنگالێ چوون بۆ دەستپێکرنا کارێ خوەیێ فەرمی ل ناڤا سەنتەرێ قەزایێ لێ ھندەک گرۆپ ولایەنیێن سیاسی رێگری ل وانا کرن و نەھێلا دەست بکراێ خوە بکەن.

قادر قەچاخ، بەرپرسێ لقی 17یێ پارتی دیموکراتی کوردستان ل قەزا شنگال بۆ ئەڤرۆ گۆت: ئەڤە دوو رۆژە جڤاتا شنگال بزاڤان دکەت، بچنە ناڤ سەنتەرێ شنگالێ دا و دەست بکارێ خوە بکەن، لێ پەکەکە وحەشدا شەعبی وەکو خڕڤە بوونەکێ دروستکرن و نەھێلان جڤاتا شنگال بزڤڕتە کارێ خوە ل شنگالێ، حەشدا شەعبی پرۆپاکندەک دناڤا خەلکێ دا بەلاڤکریە ئەو دێ شنگال چوول کەن، وەکو دیتر تشتەکێ دێ نێنە وئاستەنگان بۆ ئێدارا شەرعیی یا شنگال دروست دکەن.

وەیس نایف بەدل، سەرۆکێ جڤاتا قەزا شنگال بۆ ئەڤرۆ راگەھاند، بڕیار ھاتیە دان جڤاتا شنگالێ بزڤڕتە ناڤا سەنتەرێ قەزا شنگالێ ودەست ب کارێ خوە بکەن، بۆ خزمەتکرنا وەلاتیان ئەم چووینە شنگال لێ پەکەکێ و گرۆپێن سیاسی یێن ئێزدیان وەسا خەلکێ تێگەھاندن ئێدارا شەرعیی یا شنگال قبوول نەکەن، وگەفیێن خوەپێشاندانا ونەرازیبوونی کرن، ھەکە ئێدارا شەرعیی یا شنگال زڤرتە قەزا شنگال.

ناڤبری ئاشکرا کر، نوکە ئەو یێ کاردکەن کو کومبونەکێ ل گەل نوونەرێ عەبادی ئەنجام بدەن، دابزانن مە بڕیارا ھەوە بجھئێنا لێ ھندەک لایەنیێن سیاسی ئاستەنگ دروستکرن، و ئەم دبەرھەڤێن بچینە قەزا شنگال دەوامێ بکەن.

سەرۆکێ جڤاتا قەزا شنگال گۆت: ئەو کەسێن بازرگانیی ب کەیسا شنگال و ئێزدیان دکەن، ئەو کەس ئاستەنگن بۆ زڤڕینا ئێدارا شەرعی یا شنگال.

ئەڤرۆ نيوز:
سەرۆکاتیا پەرلەمانێ عیراقێ بزاڤا بۆ درێژکرنات ژیێ پەرلەمانی دکەت، ھەتا ھژمارتنا دەنگان بدەستی ب دووماھی دھێت، ئەندامەکێ فڕاکسیۆنا پارتی دبێژیت، سەرۆک پەرلەمان و ھەردو جێگرێن وی حزبێن وانا د ھەبلژارتنێن عیراقێ دا تووشی شکەستنێ بووینە.

شاخەوان عەبدوللا ئەندامێ پەرلەمانێ عیراقێ بۆ رۆژناما ئەڤرۆ گۆت: ل گۆڕ دستورێ عیراقێ تەمەنێ پەرلەمانێ عیراقێ ل 1-7- 2018 دێ ب دووماھی ھێت، چو دەرە ڕێ نینە بۆ درێژکرنا تەمەنێ پەرلەمانی ل گۆڕ دستورێ عیراقێ، و گەلەک ب ئاشکرایی د مادێ (51) یێ دستوری دا ھاتیە کو تەمەنێ پەرلەمانێ بتنێ چوار سالن و د ئێکەم روونشتنا پەرلەمانی دەستپێدکەت و سالا چارێ ب دووماھی دھێت، کو دبیتی رێککەفتی 1-7- 2018.

شاخەوان عەبدوللای ھەروەسا گۆت: ھەموو ئەو ھوسە و ھەلایا نوکە ل پەرلەمانێ عیراقێ دھێتە کرن، ژ ئالیێ وان فڕاکسۆن و ئالیێن سیاسی یێن تووشی شکەستنێ بووین و خەلکێ دەنگ نەدایە وان دھێت.

جێگرێ سەرۆکێ فڕاکسیۆنا پارتی زێدەتر ئاشکراکر، ھەرسێ ئەو کەسێن دەستەیا سەرۆکاتیا پەرلەمانی عیراقێ برێڤە دبەن، ئەو و حزبێن وان ل ھەلبژارتنان شکەتینە، سەرۆکێ پەرلەمانی سەلیم جبوری، و جێگرێ وی یێ بزاڤا گۆڕان ئارام شێخ محەمەد، و ھومام حەمودی یێ سەرب لیستا جڤاتا بلندا ئیسلامیا عیراقێ، وانا دڤێت تەمەنێ پەرلەمانی درێژ بکەن، داکو چەند ھەیڤێن دیتر ددەستھەلاتێ دا بیمنن و ل پارە و دستھەلاتا عیراقێ و ئیمتیازاتێن بەر دەستێن وانا زێەتدر مفای وەربگرن، نەک ژ بەر ھندێ کو سەروەری و قانوونا عیراقێ ڤەگەرینن.

شەخاوان عەبدوللای ئاماژەدا ھندێ، فڕاکسیۆنا پارتی دیموکراتی کوردستان ل پەرلەمانێ عیراقێ بتنێ بو وێ چەندێ مایە رێگریێ ل بڕیارێن نەدستوری و نەقانوونی دژی کوردان بگریت، کو ھەکە پارتی نەبا دا دەنگێن پێشمەرگەی و دەنگێن تایبەت ھێنە سۆتن.