ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ رێژێن باران بارينا 24 ده‌مژمێرێن بۆرى ل ويستگه‌هێن جودا يێن هه‌رێما كوردستانێ راگه‌هاند.
نووترين نووچه
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
- باسكێ سەدری: پشكدارییێ د وێ حوكمەتەكێ دا ناكەین یا کو چارچۆڤەیێ هەماهەنگیێ تێدا بیت
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
سهرهكى Facebook
هه‌لويستێ رۆسيا ل سه‌ر هێرشكرنا سه‌ر سوريا
ئه‌ڤرۆ نيوز:
ئاخفتنكه‌رێ ب ناڤێ وه‌زراه‌تا ژ ده‌رڤه يا رۆسيا ده‌رباره‌ى هێرشكرنا ئه‌مريكا، برتيانيا و فره‌نسا بۆ سه‌ر رژێما ئه‌سه‌د راگه‌هاند كو ئه‌وان سێ وه‌لاتان، وه‌لاته‌كێ خودان سه‌روه‌رى كره ئارمانج كو بزاڤێ دكه‌ت پشتى چه‌ند سالان ژ هێرشێن تيرۆرستان ژيانا خوه ئاسايى بكه‌ت.
ماريا زاخارۆڤا، ئاخفتنكه‌رێ ب ناڤێ وه‌زاره‌تا ژ ده‌رڤه يا رۆسيا روو كره وانشنتۆن، له‌نده‌ن و پاريس و گۆت: “دياره هوون د ته‌مام نينن، هه‌وه هێرش كريه سه‌ر پايته‌ختێ سوريا، د ده‌مه‌كى دا بزاڤه‌ك ل به‌ر سينگى بوو، بۆ چاره‌كرنا سياسى و دابينكرنا داهاتيه‌كى”.
زاخارۆڤا به‌حس ل سوريا دكه‌ت و دده‌ته زانين كو ب سێ قووناغان هاته تاقيكرن، “ده‌سپێكێ ئه‌وا ب بهارا عه‌ره‌بى دهاته نياسين و پاشان ژى داعش و نوكه ژى مووشه‌كێن ئه‌مريكى يێن زيره‌ك”.
ژ لايه‌كێ دژى ڤه ئه‌ناتۆلى ئه‌نتۆنيوڤ، بالوێزێ رۆسيا ل ئه‌مريكا راگه‌هاند: “هێرشكرنا سه‌ر سوريا بێ سزا نابۆريت”.
ئه‌نتۆنيۆڤ، ته‌كست ل سه‌ر وێ چه‌ندێ ژى كر كو ئه‌مريكا مه‌زنترين گۆگه‌هێن چه‌كێ كيمياوى ل جيهانێ يێن هه‌ين، ژ به‌ر هندێ ژى چو مافێن ئه‌خلاقى نينن لۆمه‌ى وه‌لاتێن دى بكه‌ت”.
ئاخفتنێن ڤان به‌رپرسێن رۆسى د ده‌مه‌كى دانه كو به‌رى چه‌ند ده‌مژمێره‌كان ئه‌مريكا، بريتانيا و فره‌نسا هێرشێن ئه‌سمانى بۆ سه‌ر رژێما ئه‌سه‌د ئه‌نجام دان ب تۆمه‌تا “ب كارئينانا چه‌كێ كيمياوى يێ قه‌ده‌غه‌كرى ل دژى گه‌لێ خوه”.
سێ وه‌لاتیێن ئێک خێزان یێن ناحیا شێلادزێ بووینه ئارمانجا فروكێن توركیا
ئه‌ڤرۆ نیوز ، ئێقبال عومه‌ر:
سێ وه‌لاتیێن ناحیا شێلادزێ ل روژا شه‌مبى رێكه‌فتى 7/ 4/2018 سه‌ره‌دانا ده‌ڤه‌را دوسكى ژوریا كربى ب مه‌ره‌ما پانجارێ گیایێ بهارى و هه‌روه‌سا بو ب سه‌خبێركرنا مێشین هنگڤینى كو ل وان ده‌ڤه‌را ب خودان دكه‌ن به‌لێ تاكو نها دبێ سه‌رو شینن.
دڤى واریدا سالح جبرائیل پسمامێ هه‌رسێ وه‌لاتیانه بو ئه‌ڤرو نیوز د ده‌ته دیاركرن , كو هه‌رسێ وه‌لاتى پسمامێت وى نه و هه‌رسێ یێت ئێك خێزانن و برایێت ئێكن و خه‌لكێ گوندێ نێروا سیتوى نه ژ هوزا دوسكى ژوریان و پێشمه‌رگه‌نه و گوت: ل روژا شه‌مبى رێكه‌فتى 7/4/2018 ب مه‌ره‌ما پانجارێ گیایێ بهارێ و بو ب سه‌خبێركرنا مێشێن هنگڤینى وان سه‌ره‌دانا ده‌ڤه‌را خوه‌كربى ل گه‌ندێ نێوه سیتوى به‌لێ تاكو نها ئه‌م چو ژێ نزانین كاد ساخن یان نه.
زێده‌تر گوت: ب گوتنا كه‌سه‌كى كو ژ ده‌ف وان هاتیه و گوتیه مه به‌رى چار روژان فروكێن توركیا ئه‌و شكه‌فتا كو هه‌رسێ برایێت ئێك یێن بناڤێ تاهر محه‌مه‌د و مه‌جید محه‌مه‌د و ره‌مه‌زان محه‌مه‌د دناڤ دا وارگه‌هێ خوه چێكربى بویه ئارمانجا فروكێن توركیا ساروخه‌ك ل وێ شكه‌فتێ دایه و ناڤێ شكه‌فتێ, (شكه‌فتا جامێره) دناڤبه‌را گوندێ نێروه سیتوى و گوندێ تتم دایه, به‌لێ دیار نینه كا ئه‌و دناڤ شكه‌فتێ دابین ده‌مێ فروكێ ساروخ لێ داى یان نه, و ئه‌ڤه حه‌فت روژه ئه‌م چو ژێ نزانین و لوێ ده‌ڤه‌رێ هێلا تێله‌فونێ ژى لێ نینه, ل هند جهان دشێن تێلونێ بكه‌ن و هه‌ر دما دچونه وێ ده‌ڤه‌رێ جارجار وان تێله‌فون بو مالێن خوه دكرن, لێ ئه‌ڤه بوماوێ حه‌فت روژانه وان چو تێله‌فون نه‌كرینه.
ئیسماعیل محه‌مه‌د تتمى شایه‌تحال و كو ل نێزیكى وێ رویدانێ بو دبێژیت: من ب چاڤێن خوه دیتیه كو فروكێن توركیا ئه‌و شكه‌فتا كو هه‌رسێ وه‌لاتى دناڤ دا وارگه‌هێ خوه چێكرى بویه ئارمانجا فروكێن توركیا به‌لێ ئه‌ز نزانم كاوى ده‌مى هه‌ر دناڤا شكه‌فتێ دابین یان نه, به‌لێ هه‌رسێ برا ده‌واره‌ك دگه‌ل خوه ئینابى و ئه‌ڤه بوماوى چار روژان بى ده‌وارا وان هه‌ر ل ئێك جى بو و وان نه‌قل نه‌كربى ئانكو نه‌ڤه گوهاستبى ژوى جى و كورتانێ وى هه‌ر ل سه‌ر پشتێ بى و خارببى بن زكێ وێ ده‌وارێ , له‌وما بومن ببو جهێ گومانێ ئه‌ڤ هه‌رسێ وه‌لاتى یێن بناڤێ تاهر محه‌مه‌د و مه‌جید محه‌مه‌د و ره‌مه‌زان محه‌مه كو هه‌رسێ برایێت ئیكن یێن بوینه ئارمانجا فروكێن توركیا ئه‌ڤجا من ژى كه‌سوكارێن وان هایدار كرینه كو بچن ل وان بگه‌رێن كا دساخن یان ژى بوینه ئارمانجا فروكێن توركیا.
وەزارەتا ئەوقافێ:بانگەشەیا هەلبژارتنان دناڤا پەرستگەهان دا قەدەغەیە
ئەڤرۆ نیوز ، زنار تۆڤی :
پەیڤدارێ وه‌زاره‌تا ئه‌وقافا حوکمەتا هه‌رێمە کوردستانێ راگەهاندیە،کو وان هۆشداری دایە هەموو کاندید و لایەنێن سیاسی،کو ب هیج شێوەکێ بانگەشەیا هەلبژارتنان دناڤا پەرستگەهان و جهێن ئاینی نەکەن.
نه‌به‌ز ئیسماعیل پەیڤدارێ وەزارەتا ئەوقاف و کاروبارێن ئاینی گوتیە، مزگه‌فت و جهێن ئاینی پیرۆزیا خوە هه‌یه و نابیت ژ‌لایێ هیچ كه‌سەکێ ڤە بۆ بەرژەوەندی و سیاسەتێ بهێنە ب کار ئینان.
گوتیە ژی،بۆ ڤێ مەبەستێ رێکێ ناده‌ین بۆ هه‌لاویستنا پۆسته‌ر و ریكلامێن هیچ کاندیدەکێ لایه‌نێن سیاسی دناڤا مزگه‌فت و ناڤەندێن ئاینی، هه‌ر كه‌سەکێ وی كاری بكەت،دێ لێپێچینه‌وه‌یا قانوونی ل گه‌ل كه‌ین.
نەبەز ئیسماعیلی گوتیە ژی،مە ماموستایێن ئاینی هایدار کرینە،کو د گۆتارێن خوە دا بانگه‌شێ بۆ هیچ كه‌س و لایه‌نەکێ نەکەن، بەرۆڤاژی دێ بەرپرسیار بن.
ئەڤرۆ شەمبیێ بانگەشەیا هەلبژارتنێن پەرلەمانێ عێراقێ دەست پێكریە،کو بریارە ل رۆژا 12 ئەیارێ بهێنە ئەنجامدان.
ئەمریكا و بریتانیا و فرنسا هێرش کرە سەر سووریێ
ئەڤرۆ نیوز ، زنار تۆڤی :
ل بەرێ سپێدەهیا ئەڤرۆ شەمبیێ ئەمریكا بریتانیا و فرنسا هێرش بۆسەر چەند بنگەهێن سەربازی و ناڤەندا ڤەکۆلینێن حوکمەتا سووریا دەستپێکریە.
وەزیرێ بەرەڤانیا ئەمریکا دەربارەی وان هێرشان راگەهاندیە،کو وان پێگەهەکێ چەکێن کێمیایی و ناڤەندا ڤەکۆلینێن سووریێ ل دیمەشقێ کرینە ئارمانج،دیسا مە هەولدایە کو د وان هێرشاندا هیچ کەسەکێ سڤیل نەبیتە ئارمانج و قۆناغا ئێکێ یا هێرشێن مە ب دوماهی هاتیە.
هەروەسا دەربارەی هەماهەنگیا هەڤپەیمانێن ئەمریکا بۆ وێ هێرشێ وەزیری بەرەڤانیا ئەمریکا گوتیە: هەڤپەیمانێن مە بەشەک بوون ژ وان هێرشێن هاتینە ئەنجامدان،لێ مە هەماهەنگی ل گەل رووسیا نینە و مە بزاڤکرینە کو بەرئێک کەفتن روونەدات.
هەروەسا وەزیرێ بەرەڤانیا بریتانیا ژی راگەهاندیە،کو 4 فرۆکێن تۆرنادۆ د وێ هێرشا ئەسمانی دا پشکداربووینە.
دەربارەی ئارمانجا وان هێرشان تیرێزا مەی، سەرۆک وەزیرێن بریتانیا گوتیە: مەبەستا مە رووخاندنا رژێما بەشار ئەسەدی نینە،د وان هێرشێن مە ئەنجامداین، هێرشێن مە هاتینە دیارکرن و دێ د ئاراستەکری بن.
ئەڤ هۆکارە دبنە ئەگەرێ دیتنا خەونێن نەخۆش
ئەڤرۆ نیوز ، زنار تۆڤی :
دکتۆر نیل ستانلی سەرۆکێ بەرێ یێ رێکخراوا نڤستن یا بریتانی دبێژیت،هەکە مرۆڤ د ژوورەکا گەرمدا بنڤیت دێ خەونێن نەخۆش بینیت،لەوما دڤێت پلا گەرماتیا ژوورێ دناڤبەرا 16 بۆ 18 پلەیان دابیت،هەتاکو ب ئاسانی خەوا مرۆڤی بهێت.
د راپۆرتەکێدا نیل بۆ رۆژناما ئیندپندنت دیارکریە،کو دڤێت پلا گەرماتیا لەشێ خوە بینینە خوار هەتاکو بەردەوام ل 37 پلەیا سەدیدا جهگیر ببیت .
دیسا نیل ستانلی شیرەتان دکەت،کو دڤێت مرۆڤ د ژوورەکا هین دا بنڤیت،هەتاکو ژ چەندین کێشەیێن نە نڤستنێ وەکی پخپخێ و وەستیانا هەناسەدانێ خوە بپارێزین .
هەروەسا دبێژیت،هەکە مرۆڤ بەری نڤستنێ خوارنێ بخوت دێ پلەیا گەرما لەشێ مرۆڤی زێدە بیت و دێ ب زەحمەت مرۆڤ نڤیت و دێ خەونێن نەخۆش ژی بینیت.
ئەڤرۆ ئێکەم گەشتا ئەسمانی یا راستەوخۆ ژ بەرلین بۆ هەولێرێ دەست پێکر
ئەڤرۆ نیوز ، زنار تۆڤی :
پشتی راگرتنا گەشتێن ئەسمانی ژ لایێ بەغداڤە بۆ ماوەیەکێ درێژ،ئەڤرۆ ئەینیێ 13.4.2018 جارەکادی ئێکەمین گەشتا ئەسمانی یا راستەوخۆ ژ فرۆکخانا تێگەل بەرلین بۆ فرۆکخانا هەولێرێ دەست پێکریە،هەروەسا د ڤێ حەفتیا بهێت دا دێ گەشتێن ئەسمانی یێن راستەوخۆ ل دوسلدرۆف و فرانکفورت و میۆنشن بۆ هەولێرێ دەست پێکەن.
باران بارين دێ به‌رده‌وام بيت
قۆناغا دويێ يا بايۆمه‌تريا مووچه‌ى دێ هێته بجهئينان
ئه‌ڤرۆنيوز:
چه‌ند پرۆژه‌ك بۆ قۆناغا دويێ يا بايۆمه‌تريا مووچه‌ى دێ هێنه پێشكێشكرن بۆ جڤاتا وه‌زيران، رێڤه‌به‌رێ ته‌كنولۆژيا پێزانينان ژى ل جڤاتا وه‌زيرێن هه‌رێمێ رادگه‌هينيت” ژمێرياريێن فه‌رمانگه‌هان دێ بنه سيسته‌مه‌كێ ئه‌لكترۆنيێ ئۆنلاين وسيسته‌مێ ئه‌لكترۆنى بۆ چه‌ند ته‌خێن مووچه‌خۆران دێ هێته بجهئينان” دبێژيت ژى” ل ده‌مه‌كێ نێزيك جڤاتا وه‌زيران دێ بريارێ ل دۆر قۆناغا دويێ يا بايۆمه‌تريا مووچه‌ى ده‌ت”.
هيوا ئه‌فه‌ندى، رێڤه‌به‌رێ فه‌رمانگه‌ها ته‌كنولۆژيا پێزانينان ل جڤاتا وه‌زيران گۆت” ل دۆر پرۆژێن قۆناغا دويێ ژ سيسته‌مێ بايۆمه‌ترىا مووچه‌ى كو ئێكه ژ پرۆژێن گرنگ، مه داخوازى يا پێشكێشى جڤاتا وه‌زيران كرى ودێ ل ڤان نێزيكان جڤاتا وه‌زيران بريارێ ل سه‌ر ده‌ت”.
هيواى دداخۆيانيه‌كا رۆژنامه‌ڤانى دا زێده‌تر گۆت” دقۆناغێ دويێ دا، چه‌ند پرۆژه‌ك دێ هێنه بجهئينان وه‌كو دروستكرنا ژمێرياريا ئه‌لكترۆنى كو ئه‌وژى سيسته‌مه‌كێ ئۆنلاينه بۆ هه‌موو فه‌رمانگه‌هان، دڤى سيسته‌مى دا ليستا مووچه‌ى دێ هێته ئه‌لكترۆنيكرن وهه‌ر فه‌رمانبه‌ره‌كى دێ فايله‌ك هه‌بيت كو هه‌موو داتايێن وى تێدانه ل گه‌ل باوه‌رنامێ وئاستێ زمانى وكاركرن ورۆژێن بێهنڤه‌دانێ دده‌مێ هه‌يڤه‌كێ دا”.
دياركر ژى”شێوازێ كه‌ڤن يێ كارێ ژمێرياريێ نامينيت ودێ بيته سيسته‌مه‌كێ ناڤه‌ندى وئۆنلاين”.
ئاشكراكر ژى” پرۆژێن دويێ وسيێ پێكدهێن ژ دروستكرنا سيسته‌مه‌كێ ئه‌لكترۆنى بۆ مووچه‌خۆرێن (خانه‌نشينى، شه‌هيدان وئنفالكريان، تۆرا جڤاكى) كو به‌رهه‌ڤكرنا ليستا مووچێن وان وشێوازێ ژمێريارى دێ بيته ئه‌لكترۆنى.
گۆت ژى”پشكا دويێ يا پرۆژێ بايۆمه‌تريا مووچان ئه‌و چه‌نده ژى ب خوه‌ڤه گرتيه كو ژ چو كه‌سه‌ك ل هه‌ر فه‌رمانگه‌هه‌كا حوكمه‌تێ ناهێته دامه‌زراندن تاكو تۆمارا بايۆمه‌ترى نه‌كه‌ت وئه‌نجامێ وێ ژى ده‌رنه‌چيت، بۆ وێ چه‌ندێ دا دياربيت ئايا ل جهه‌كێ دى مووچه‌ى وه‌ردگريت “.
به‌غدا كێشه‌كا دێ بۆ هه‌رێما كوردستانێ دروست دكه‌ت
ئه‌ڤرۆنيوز:
رێكخه‌رێ پلێتا ئاهێن خوارنێ دناڤبه‌را وه‌زاره‌تا بازرگانيا عيراقێ وهه‌رێما كوردستانێ دا راگه‌هاند، به‌غدا بريار دايه كۆمپيوته‌رێ هه‌ولێرێ وسلێمانيێ ودهۆكێ يێ تايبه‌ت ب رێڤه‌برنا مامه‌لێن پلێتا ئاهێن خوارنێ بۆ ڤرێكه‌ين وب ڤێ چه‌ندێ دێ كێشه بۆ وه‌لاتيێن هه‌رێما كوردستانێ دروست بن.
وه‌زاره‌تا بازرگانى وپيشه‌سازى ل هه‌رێما كوردستانێ دده‌مێ بۆرى دا ره‌تكربوو چاپا نوو يا پلێتا ئاهێن خوارنێ بۆ سالا 2018 ژ به‌غدا وه‌ربگريت، ژبه‌ركو زمانێ كوردى ل سه‌ر پلێتێ هاتبوو لادان، پاشى وه‌زاره‌تا بازرگانيا عيراقێ زمانێ كوردى بۆ پلێتێ زێده‌كر وده‌مێ چه‌ند رۆژانه يا ڤرێكرێ هه‌رێمێ بۆ به‌لاڤكرنێ، به‌لێ ل گه‌ل وێ چه‌ندێ رێنمايه‌كا نوو يا ڤرێكرى كو بوويه ئه‌گه‌رێ كێشه‌كا دى.
حسێن سه‌برى، رێكخه‌رێ پلێتا ئاهێن خوارنێ دناڤبه‌را وه‌زاره‌تا بازرگانيا عيراقێ وهه‌رێما كوردستانێ گۆت” به‌غدا رێنمايى بۆمه ڤرێكريه وب فه‌رمى داخواكريه كومپيوته‌رێ هه‌ولێرێ وسلێمانيێ ودهۆكێ يێ تايبه‌ت ب پلێتا ئاهێن خوارنێ بۆ ڤرێكه‌ين وبه‌غدا دبێژيت نابيت كومپيوته‌رێ تايبه‌ت ب پلێتا ئاهێن خورانێ ڤه ل هه‌رێما كوردستانێ بيت، كو ژ سالا 1991 وهه‌تا ئه‌ڤرۆ يێ ل هه‌رێما كوردستانێ”.
حسێن سه‌برى زێده‌تر بۆ مالپه‌رێ فه‌رميێ پارتى ديموكراتى كوردستان گۆت” ل دووڤ وێ بريارا به‌غدا، هه‌موو مامه‌لێن وه‌لاتيێن هه‌رێما كوردستانێ يێن تايبه‌ت ب پلێتا ئاهێن خوارنێ ڤه دێ ل به‌غدا بن وئه‌و دێ كاركه‌ن ودبێژين مامه‌له دێ ب رێيا پۆسته‌ى بۆمه ڤريكه‌ن، مه‌ژى پۆسته نينه وهه‌ر مامه‌له‌كا كێشه هه‌بيت، پێدڤيه وه‌لاتى سه‌ره‌دانا به‌غدا بكه‌ت تاكو بۆ بهێته چاره‌كرن”.
گۆت ژى” تنێ ل پارێزگه‌ها دهۆكێ سێ هزار سه‌رۆك خێزانان كێشه يا بۆ دروست بووى، ئه‌ڤه ژ بلى پارێزگه‌هێن هه‌ولێرێ وسلێمانيێ كو ئامارێن تمام يێن وان ل به‌ر ده‌ست نينه، له‌وما مه دوهى ب فه‌رمى داخوازيه‌ك ئاراسته‌ى وه‌زاره‌تا بازرگانيا هه‌رێمێ وحوكمه‌تا هه‌ريمێ كريه بۆ چاره‌كرنا ڤێ كێشێ وچاڤه‌رێ دكه‌ين تا بزانين ئه‌نجامێ هه‌ماهه‌نگيێ ودانوستاندنان ل گه‌ل به‌غدا دێ چاوان بيت”.
نيشاندان
WP Facebook Auto Publish Powered By : XYZScripts.com