ئەڤرۆ نیوز ، زنار تۆڤی :
ئاهەنگا بەلاڤکرنا ئنسکلۆپیدیا پارێزگەها دهۆکێ
نووترين نووچه
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
- باسكێ سەدری: پشكدارییێ د وێ حوكمەتەكێ دا ناكەین یا کو چارچۆڤەیێ هەماهەنگیێ تێدا بیت
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
سه‌ره‌كى Facebook
ئێکەتیێ پێنج بەرپرسێن خوە دەرخستن
ئەڤرۆ نیوز ، زنار تۆڤی :
ئێکەتیا نشتیمانیا کوردستانێ پێنج بەرپرسێن دی یێن دناڤ رێزێن خوە دا دەرخستن،ئێکەتیێ ئەگەر ژی بۆ وێ ئێکێ زڤراندینە کو وان پێنج بەرپرسان پەیوەندی ب ئالیەکێ دیتر ڤه کریە.
د دو بریارێن جودا دا ئێکەتیا نشتیمانیا کوردستانێ، ل رۆژێن دەھـ و یازدەیی ڤێ هەیڤێ ژ لایێ مەکتەبا رێکخستنا ئێکەتیێ ڤە ھاتینە دەرکرن، سێ کارگێرێن مەلبەندان ل گەل دو ئەندامێن کۆمیتەیان د ناڤ رێزێن خوە دا دەرکرینە.
ئێکەتیێ د بریارێن خوە دا ئاشکرا کریە: کو ئەو بەرپرسێن دناڤ رێزێن ئێکەتیێ ھاتینە دەرخستن، بۆ لایەکێ دیتر یێ سیاسی کار دکەن.
بەری نوکە ژی مەکتەبا سیاسیا ئێکەتیێ ب ھەمان ئاوایی چەندین بەرپرسێن دی د ناڤ رێزێن خوە دا ب ھەمان ئەگەر دەرخستینە.
ل دەمێ ڤەشارتنا تەرمێن چار کەسان ته‌قینه‌ک روودایە و 24 کەسێن دیتر کرینە قوربانی
ئەڤرۆ نیوز ، زنار تۆڤی :
ئێڤاریا ئەڤرۆ پێنجشەمبی 12.4.2018 ل دەمێ ڤەشارتنا تەرمێن چەند کوشتیان ل قەزا شەرگات، بۆمبەکا چاندی تەقی و 20 کەسێن دیتر کرنە قوربانی.
ل سپێدەهیا ئه‌ڤرۆ پێنجشه‌مبی گروپەکێ چه‌كدارێن داعش هێرش كریه سه‌ر گوندێ ئه‌سدیره،لێ وەلاتێن وی گوندی روو ب روو داعشێ بووینە و چار وەلاتیێن وی گوندی هاتینە کوشتن.
لدووڤ ژێدەرێن ئەمنی یێن قەزا شەرگات یا سەر ب پارێزگەها سه‌لاحه‌دین ڤە، ئێڤاریا ئەڤرۆ ل دەمێ ڤەشارتنا تەرمێن وان چار وەلاتیێن کوشتی ل راخێ چەپێ یێ وێ قەزایێ، بۆمبەکا چاندی تەقیە.
وان ژێدەران گوتیە، کو لدووڤ ئامارێن دەستپێکی د وێ تەقینێدا 24 کەس هاتینە کوشتن و بریندار کرن.
د روودانەکا ترافیکێ دا 2 شۆفێر برینداربوون
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا دیارکرن:د روودانەکا ترافیکێ دا 2 کەس برینداربووینە.
ناڤهاتی ئەو یەک ژی دا خویاکرن:ئەڤرۆ پێنجشەمبی 12.4.2018 ل سەر جادا گشتی یا دناڤبەرا قەزا بەردەرەش و ناحیا روڤیا دا و ل نێزیک گوندێ جوجر روودانەک ژ جۆرێ لێگدان روودایە دناڤبەرا ترومبێلەکا بارهەلگر یا عێراقی و ترۆمبێلەکا بارهەلگر یا تورکی و د ڤێ روودانێدا هەردو شوفێر بریندار بووینە و زیان گەهشتینه وان ترۆمبێلان ژی.
حوكمه‌تا هه‌رێمێ پرۆژێ “خزمه‌ت” يێ ستراتيژى دێ ئه‌نجام ده‌ت
ئه‌ڤرۆنيوز:
دچارچۆڤێ چاكسازيێن حوكمه‌تا هه‌رێما كوردستانێ، جێگرێ سه‌رۆك وه‌زيرێن هه‌رێمێ پرۆژه‌كێ ستراتيژى ب ناڤێ”خزمه‌ت”بۆ خزمه‌تكرنا وه‌لاتيان به‌رچاڤكر، دووپاتكر ژى كو ئه‌ركێ حوكمه‌تا هه‌رێمێ ئه‌وه ب باشترين شێوه خزمه‌تا وه‌لاتيان بكه‌ت.
ئه‌ڤرۆ پێنجشه‌مبى 12/4/2018 مالپه‌رێ فه‌رميێ حوكمه‌تا هه‌رێما كوردستانێ به‌لاڤكر” قوباد تاله‌بانى جێگرێ سه‌رۆك وه‌زيران، ب مه‌ره‌ما به‌رچاڤكرنا ناڤه‌رۆك وچاوانيا بجهئينانا پرۆژه‌كێ ستراتيژى ب ناڤێ (خزمه‌ت)، ل گه‌ل رێڤه‌به‌رێن گشتى يێن ديوانێن وه‌زاره‌تێن حوكمه‌تا هه‌رێمێ وستافێ پرۆژێ خزمه‌ت كۆمبوو”.
دياركر ژى” جێگرێ سه‌رۆك وه‌زيران رۆناهى خسته سه‌ر پێنگاڤێن ده‌ستپێكرنا پرۆژێ خزمه‌ت وهوكارێن وى وگرنگيا په‌يره‌وكرنا وى پرۆژه‌ى خسته روو وه‌كو پشكه‌ك ژ چاكسازيێن حوكمه‌تا هه‌رێمێ، دووپاتكر ژى كو مه‌ره‌م ژ بجهئينانا وى پرۆژه‌ى تنێ باشتر خزمه‌تكرنا وه‌لاتيانه وئه‌ركێ حوكمه‌تێ پاراستنا سه‌ر ومالێ وه‌لاتيانه وگه‌هاندنا خزمه‌تگوزاريێن تايبه‌ت وگشتى يه”.
ئاماژه ب وێ چه‌ندێ ژى دا كو پرۆژێ (خزمه‌ت) دێ هه‌موو وان كاران ب خوه‌ڤه گريت، تايبه‌ت وگشتى، كو حوكمه‌تا هه‌رێمێ پێشكێشى وه‌لاتيان دكه‌ت وب شێوه‌كێ راسته‌وخوه يان نه‌راسته‌وخوه كاريگه‌رى ل سه‌ر ژيانا رۆژانه يا وه‌لاتيان هه‌ى.
قوباد تاله‌بانى گۆت ژى” ئارمانجێن پرۆژێ خزمه‌ت باشتركرنا ئاستێ خزمه‌تێ وكێمكرنا رۆتينێ يه ل داموده‌زگه‌هێن حوكمه‌تا هه‌رێمێ ل ده‌مێ ئه‌نجامدانا مامه‌لێن وه‌لاتيان”.
هه‌روه‌سا گۆت” پێدڤيه حوكمه‌تا هه‌رێمێ ژ روويێ قه‌بارێ وهژمارا وه‌زاره‌تان بهێته بچووك كرن وب وب هه‌يكه‌ليه‌ته‌كێ نوو وگونجاى كارێن خوه بكه‌ت وخزمه‌تێ بكه‌ت”.
جێگرێ سه‌رۆك وه‌زيرێن هه‌رێمێ، داخواز ژ رێڤه‌به‌رێن گشتى يێن ديوانێن وه‌زاره‌تان كر، دهه‌ڤكار بن ل گه‌ل تيمێن پرۆژێ خزمه‌ت بۆ وێ چه‌ندێ دنێزيكترين ده‌ليڤه دا بشێن ڤى پرۆژه‌ى بجهبينن ل هه‌موو داموده‌زگه‌هێن حوكمه‌تێ ورۆتين بهێته كێمكرن وب باشترين شێوه خزمه‌تێ پێشكێش بكه‌ن.
شاخه‌وان عه‌بدوللا:شه‌ش هه‌يڤه په‌ترۆلا كه‌ركووكێ دهێته تالانكرن
ئه‌ڤرۆنيوز:
ئه‌ندامه‌كێ جڤاتا نوونه‌رێن عيراقێ ژ فراكسيۆنا پارتى ديموكراتى كوردستان راگه‌هاند، ده‌مێ شه‌ش هه‌يڤانه په‌ترۆلا كه‌ركووكێ ناڤه‌گه‌ريت ۆ به‌غدا وچو كه‌سه‌كى ژى ل به‌رامبه‌ر ڤێ چه‌ندێ هه‌لويست نه‌بوو.
شاخه‌وان عه‌بدوللا، ئه‌ندامێ جڤاتا نوونه‌رێن عيراقێ ژ فراكسيۆنا پارتى ديموكراتى كوردستان ، د سميناره‌كێ دا ل زانكۆيا پۆليته‌كنيك يا هه‌ولێرێ گۆت ژى” هنده‌ك په‌رله‌مانتارێن كورد يێن ل به‌غدا، ده‌مێ داهاتێ په‌ترۆلا كه‌ركووكێ بۆ مووچێ خه‌لكێ كوردستانێ دهاته دابينكرن، دگۆت، په‌ترۆلا كه‌ركووكێ يا دهێته تالانكرن، به‌لێ ئه‌ڤه ده‌مێ شه‌ش هه‌يڤانه په‌ترۆلا كه‌ركووكێ ب تالانكرن دهێته هنارتن بۆ ئيرانێ، به‌لێ كه‌س ل سه‌ر وى بابه‌تى نا ئاخڤيت”.
شاخه‌وانى زێده‌تر گۆت” پاشه‌رۆژا ده‌ڤه‌رێن كێشه ل سه‌ر، پێدڤى ب ئێكگرتنى وئێكرێزيا ناڤمالا كوردى يه، بۆ ڤه‌گه‌راندنا پێشمه‌رگه‌ى بۆ كه‌ركووكێ، دڤێت هه‌موو ئاليێن سياسى يێن كوردستانى وێ ره‌وشا ل سه‌ر كه‌ركووكێ هاتيه سه‌پاندن، ره‌ت بكه‌ن”.
رێژا پاشكه‌فتا مووچێ وه‌زاره‌تا ناڤخوه هاته ئێكلاكرن
ئه‌ڤرۆنيوز:
رێژا پاشكه‌فتا مووچێ وه‌زاره‌تا ناڤخوه هاته ئێكلاكرن ودێ ب هه‌مان شێوێ مووچێ وه‌زاره‌تێن مه‌ده‌نى پاشكه‌فت ژمووچێ كامه‌ندێن وێ گريت.
سيامه‌ند ده‌رگه‌له‌يى، رێڤه‌به‌رێ گه‌نجينا سۆران دبه‌رپه‌رێ خوه يێ فه‌رمى دا ل سه‌ر تۆرا جڤاكى يا فه‌يسبووكى ل دووڤ باسنيوز، به‌لاڤكر” سيسته‌مێ پاشكه‌فتا مووچێ وه‌زاره‌تا ناڤخوه دێ ب هه‌مان سيسته‌مێ مووچێ فه‌رمانبه‌رێن شارستانى بيت، ژ بلى يه‌كه‌يا پاسه‌وانى ل زێره‌ڤانى ويه‌كه‌يا پاسه‌وانى ل به‌رگرى وهاوارهاتنا سلێمانيێ وپاسه‌وانى ل رێڤه‌به‌ريا گشتى يا پۆليسان”.
ترامپ ل دۆر هێرشكرنا ل سه‌ر سووريێ رۆهنكرنه‌كێ دده‌ت
ئه‌ڤرۆنيوز:
سه‌رۆكێ ئه‌مريكى ل دۆر دياركرنا ژڤانێ هێرشكرنا ل سه‌ر رژێما سووريێ رۆهنكرنه‌ك به‌لاڤكر.
ئه‌ڤرۆ پێنجشه‌مبى 12/4/2018، دۆنالد ترامپ سه‌رۆكێ ئه‌مريكا دبه‌رپه‌رێ خوه‌دا ل سه‌ر تۆرا جڤاكى تويته‌ر راگه‌هاند” من نه‌گوتيه دێ كه‌نگى هێرشێ ل سه‌ر سووريێ كه‌ين”.
ترامپى گۆت ژى” دبيت هێرشا ئه‌مريكا ل سه‌ر رژێما سووريێ ل ده‌مه‌كێ گه‌له‌ك نێزيك رووبده‌ت ودبيت ژى هه‌ما ئه‌و هێرش هه‌ر روو نه‌ده‌ت”.
ئه‌ڤ رۆهنكرنا ترامپى دده‌مه‌كى دا دهێت كو ل رۆژا چار شه‌مبى 11/4/2018 هوشدارى دابوو رووسيا وگۆتبوو” مووشه‌كێن نوو وزيره‌ك يێن ب رێڤه به‌ر ب سووريێ وبلا رووسيا خوه به‌رهه‌ڤ بكه‌ت”.
سه‌فين دزه‌يى: ژڤانێ چوونا شاندێ حوكمه‌تا هه‌رێمێ بۆ به‌غدا يێ ديار نينه
ئه‌ڤرۆنيوز:
په‌يڤدارێ فه‌رميێ حوكمه‌تا هه‌رێما كوردستانێ پێزانين ل دۆر چوونا شانده‌كێ بلند يێ حوكمه‌تا هه‌رێما كوردستانێ بۆ به‌غدا خستنه روو وئاشكرا كر كو هێشتا ئه‌و سه‌ره‌دانا يا ديار نينه.
سه‌فين دزه‌يى، په‌يڤدارێ فه‌رميێ حوكمه‌تا هه‌رێما كوردستانێ، به‌حسێ وى ده‌نگوباسێ دده‌زگه‌هێن راگه‌هاندنێ دا هاتيه به‌لاڤكرن سه‌باره‌ت چوونا شانده‌كێ حوكمه‌تا هه‌رێمێ ب سه‌رۆكاتيا نێچيرڤان بارزانى بۆ به‌غدا كر وئاماژه دا، به‌رده‌وام شاندێن ته‌كنيكى دناڤبه‌را هه‌ولێرێ وبه‌غدا هه‌بوون وسه‌ره‌دان وهانوچوون به‌رده‌وام هه‌بوون.
ل دۆر چوونا شاندێ بلند يێ حوكمه‌تێ بۆ به‌غدا، سه‌فين دزه‌يى بۆ باسنيوز گۆت” جارێ چوونا شاندێ سياسى ژ هه‌رێما كوردستانێ بۆ به‌غدا يێ ديار نينه”.
دخوازن كوردان ژی نوونه‌ر ل په‌رله‌مانێ لوبنانێ هه‌بن
ئەڤرۆ نیوز ، زنار تۆڤی :
كاندیدەکا باسکێ موسته‌قبه‌ل یێ لوبنانى داخواز دکەت،کو كوردان ژی نوونه‌رێن خوە ل په‌رله‌مانێ لوبنانێ هه‌بن و دبێژیت، كورد د خۆشی و نەخۆشیان دا ل گه‌ل سه‌عەد حه‌ریرى سه‌رۆكێ لوبنانێ بوون.
لدووڤ نووچەکێ سایتێ نه‌شره، رۆلا جارودى كو ئێک ژ كاندیدێن باسکێ موسته‌قبه‌ل یێ لوبنانیە و ل دەمێ كۆمبوونا وێ ل گه‌ل كۆمه‌لەکا خێرخوازى یا كوردان ل لوبنانێ گوتیە،كوردێن لوبنانێ پشکەکن ژ كۆمەلگەهێ لوبنانی و مافێ وانە کو نوونه‌رێن خوە ل په‌رله‌مانێ لوبنانێ هه‌بیت و پۆستێن گشتی لدووڤ قانوونێ ب ده‌ست ڤ بینن،ل گورەی وان بنه‌مایێن كو رێزێ ل یه‌كسانیێ د‌گرن.
هه‌روەسا گوتیە،كوردێن به‌یرووتێ به‌رەڤانی ژ ڤی باژێری كریە،ل دەمێ شه‌هیدبوونا ره‌فیق حه‌ریرى ل گه‌ل باسکێ مه بوون و ژڤێ زێدەتر ل خۆشی و نوخۆشیان ل گه‌ل سه‌رۆك سه‌عەد حه‌ریری بوون.
هه‌رچه‌نده ئامارەکا فه‌رمى نینە، به‌لێ لدووڤ هندەك ژ ڤەکۆلینان نێزیكى 200 هزار كوردان ل لوبنانێ هه‌نە و زۆربه‌یا وان ره‌گه‌زناما ڤی وەلاتی وه‌رگرتیه.
نيشاندان
WP Facebook Auto Publish Powered By : XYZScripts.com