ئهڤرۆنيوز:
فرۆكێن توركى سپێدهيا ئهڤرۆ ئهينيێ 6/4/2018، دهڤهرا نێروهورێكان ل سنورێ قهزا ئامێديێ توبپارانكرن.
ژێدهرهكى ژناڤ سهنتهرێ ناحيا شێلادزێ بۆ ئهڤرۆ نيوز دياركر” فرۆكێن توركى سنورێن گوندێن مازيێ وشاجا وبێزهلێ وچهندين جهێن دى توپبارانكرن”.
دهيته زانين بهرى چهند رۆژان فرۆكێن توركى دو پر ل دهڤهرا نێروهورێكان پهقاندبوون كو نێزيكى 50 گوندان پێكڤه گرێددان.
ئەڤرۆ نیوز ، زنار تۆڤی :
رێڤەبەریا گشتی یا سەقاناسی و بیڤهلهرزێن ههرێما كوردستانێ د راگههاندنەکێدا پێشبینێن خوە بۆ دۆخێ سەقایێ ئەڤرۆ ل باژێرێن باشورێ كوردستانێ راگههاندیە.
ئهڤرۆ ئهینیێ شهشی نیسانێ كاریگهریا بلند یا فشارا توركیا و نزمیا فشارا لاواز یا دهریا سوور روو ل كوردستانێ کریە،ل ههولێرێ ئەسمان یێ ساهیە و هندەک عهور هەیە،ل سلێمانیێ و كهركووكێ ئەسمان یێ ساهیە و هندەک عهور هەیە، ل دهۆكێ ژی ئەسمان ساهیە و پارچێن عهوری هەنە،پشتی نیڤرۆ بۆ نیڤ عهوری دێ هێته گوهۆرین، بلندترین پلا گهرمێ 27 پله و نزمترین پله ژی 13 پلا سیلیزی یە.
پلێن گهرمێ ژی ب ڤی رەنگی نە،ل ههولێرێ ژی بلندترین پلا گهرمێ 25 پله و نزمترین ژی دێ 14 پله بیت، ههروهسا ل سلێمانیێ بلندترین پلا گهرمێ 24 پله و نزمترین ژی 13 پله یە،ل باژێرێ دهۆكێ ژی پلێن گهرمێ دناڤبەرا 24 و 13 پلەیان دانە و ل كهركووكێ ژی دناڤبەرا 27 و 16 دانە.
ئەڤرۆ ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا دیارکرن:کو ل شەڤا بوری د روودانەکا ترافیکێ دا چار کەس برینداربووینە.
ناڤهاتی ئەو یەک ژی دا خویاکرن:ل شەڤا بوری و ل
دەمژمێر (9:30) خولەک ل سەر جادا سەرەكی یا باتیفا بۆ قەزا زاخۆ و ل نێزيك گوندێ سیرکوتکی ترۆمبێلەکا تایبەت BWM یا رەنگێ رەش وەرگەریایە و د ئەنجامێ وێ روودانێ دا چار کەس ب سڤکی بریندار بووینە و ههروهسا زیانێن بهرچاڤ ژی ب ترۆمبێلێ كهفتینە.
ئهڤرۆنيوز:
دچارچۆڤێ گهرا 21 ژ خۆلا تهپا پێى يا عيراقێ بۆ يانێن پلا ناياب، ئهڤرۆ پێنجشهمبى يانا زاخۆ ل سهر ئهردێ ياريگهها خوه يانا حدود مێهڤانكر ويارى ب وهكههڤيێ بێ گۆل ب دووماهى هات.
ب ڤى ئهنجامى خالێن يانا زاخۆ گههشتنه 14 خالان ول رێزا 19 وبهرى دووماهيێ دهێت ويانا حدود خالێن خوه گههاندنه 27 خالان ول رێزا 10 دهێت.
ئهڤرۆ نیوز:
دادگهههكا هندستانێ ئهڤرۆ ئهكتهرێ ناڤدار یێ بۆلیوۆدێ سهلمان خان ب تاوانبار ههژمارت ب سووچا كوشتنا دو گیانهوهرێن كووڤی یێن گهفا بریانێ ل سهر ههی ل سالا 1998.
ل گۆری گۆتنا دۆزگهریێ هاته سهلماندن كو سهلمان خان ل سالا 1998ێ پشكداری گهشتهكا نێچیرێ دا كرییه و دو گیانهوهرێن كێموێنه و بهر گهفا نهمانێ كوشتینه.
هێشتا بریارا سزادانێ بۆ ناڤهاتی نههاتیه ڤهبڕين لێ چێدبیت سالهكێ ههتا شهش سالان بهێته زیندانكرن.
سهلمان خان ب بهرههڤبوونا ههژمارهكا مهزن یا پۆلیسان و حهژێكهرێن وی ل دادگههێ ئامادهبوو.
ئهڤرۆ نیوز:
كهسهكی ل زانكۆیا ئۆسمانغازی ل پارێزگهها ئهسكیشههرا باكۆرێ رۆژئاڤا توركیا تهقه كر و چار كهس كوشتن.
هێرشكهر كو لێكۆلین ل زانكۆیا ئۆسمانغازی دنڤیسین تهقه كر و هاریكاریێ راگرێ كۆلیژێ و سكرتێرێ فاكولتیێ و مامۆستهیهكێ زانكۆیێ و كارمهندهك كوشتن.
پۆلیسان هێرشكهر گرت لێ ئهگهرێن هێرشێ نههاتن زانین.
ئەڤرۆ نیوز ، زنار تۆڤی :
بەرەڤانێ بەرێ یێ هەلبژارتیێ بەرازیل د هەڤپەیڤینەکێ دا دایە خویاکرن،کو نەیمار داسیلڤا یاریکەرێ هەلبژارتیێ بەرازیل یێ نەههق نهبوو ب ئەگەرێ مێسی ژ بارسێلۆنا بچیت،هەروەسا دڤێت نەیمار وێ راستیێ ژی بزانیت،کو هندی مێسی و کریستیانۆ رۆنالدۆ ههبن پێدڤیه ئەو ب پلا سییێ یێ رازی بیت.
ئەڤرۆ نیوز ، زنار تۆڤی :
ئەمیندارێ گشتی یێ جڤاتا وەزیرێن عێراقێ راگەهاندیە،ک پەیوەندیێن دناڤبەرا هەردو حوکمەتێن هەرێما کوردستانێ و حوکمەتا عێراقێ د گەشەسەندنێ دانە و گفتوگۆ دناڤبەرا وان دا د بەردەوامن.
مەهدی عەلاق ئەمیندارێ گشتی یێ جڤاتا وەزیرێن عێراقێ راگەهاندیە،کو پەیوەندیێن نوکە یێن دناڤبەرا هەولێر و بەغدا دا د گەشەسەندندنێ دانە و ل سەرجەم واراندا بەرهەم هەیە.
هەڤدەم ئاماژە ب هندێ ژی کر،کو دەربارەی دەرگەهێن سنووری و فڕۆکخانان و کێشێن دیتر گفتوگۆ د بەردەوامن، ”بۆ هندێ کو ب گەهینە ئەنجامێن باش“.
ئەڤرۆ نیوز ، زنار تۆڤی :
رۆژناما عهرهب یا لهندهنى دبێژیت، عهفرینێ شكەستن ب لووتكهیڵ سێ قۆلی یا دناڤبەرا توركیا و ئێرانێ و رووسیا ئینا،یا کو ل دوو رۆژێن بوری ل ئەنقەرە برێڤە چووی.
رۆژناما عهرهب یا لهندهنى د راپۆرتەكێدا دەرخستیە کو عهفرین خالا ناكۆكیێ دناڤبەرا لووتكهیا سێ قۆلی یا رووسیا و ئێران و توركیا بوویه، ئەڤەژی بەیانناما وانە.
ل دوو رۆژێن بوریدا لووتكهى ئهنقهره دناڤبەرا سهرۆكێن ههرسێ وەلاتێن ئیران و توركیا و رووسیا هاتیە ئهنجامدان، ل دەمێ بەلاڤبوونا بهیانناما دوماهیێ یا وێ لووتكهیێ، تهلهڤزیۆنا فهرمى یا ئیرانێ بەلاڤ كریه، کو حهسهن رووحانى سهرۆكێ ئیرانێ داخواز دکەت کو باژێرێ عهفرینێ رادهستى رژێما بهشار ئهسهدی بکەت.
رۆژناما عهرهب گوتیە ژی، ئیرانێ دڤێت پارێزگاریێ ل دهستههلاتا بهشار ئهسهدی بكەت،لێ توركیا دڤێت دەلیڤا شەرێ سار یێ دناڤبەرا رووسیا و ئهمهریكا ب دەست بێخیت بۆ هندێ کو دهستههلاتا خوە ل سووریێ زێدە بكەت، ئهڤێ ژی دو ئاراستێن ل دژی ئێک د پەیوەندیێن وێدا هەنە،ئەرێ رووسیا ب سهرۆكاتیا ڤلادیمێر پوتینی دێ شێت هەڤسهنگیا ڤێ بهرژهوهندیێ راگریت.
ههر چهنده د بهیانناما دوماهیێ دا بەحس ل چارهسهركرنا كێشا سووریا هاتیە كرن ژ روویێ سیاسیڤه، ههر سێ وەلاتان دووپاتی ل ڤێ خالێ كریه، بهلێ لدووڤ رۆژناما عهرهب ئهوا د وێ كۆمبوونێ دا رووی دای بەرۆڤاژی ڤێ خالێ یه، ب واتایا هندێ ئهوا ل سووریا ل مهیدانا شەری روو ددەت دێ رێگر بیت ل چارهسهركرنا كێشێن سووریێ ب رێیا سیاسیڤه،ب تایبهتى ئهوا ل عهفرینێ و غۆتهیا رۆژههلات روو ددەت.
توركیا ل 18 ئادارێ عهفرین داگیر كریه،لدووڤ ههموو قانوونێن نێڤدهولەتی داگیركاری ئهنجام دایه، ئیرانێ پێداگیرى ل سهر ڤەكێشانا توركیا دکەت نهكو ب تنێ ژبەر هندێ پێشێلکاریا قانوونی كریه، بهلكو ئیرانێ دڤێت زۆربهیا دەڤەرێن سووریا بۆ رژێما ئهسهدی ڤەگەرینیت.
لدووڤ چاڤدێرێن سیاسى، لووتكهیا سێ قۆلی یا ئهنقهره ب تنێ بۆ فشاركرنێ بوو ل سهر ئهمریكا،لەوما وەلاتێن رۆژئاڤا كارڤەدانەکا ئهرێنی بۆ ڤێ لووتكهیێ نهبوو، نیلسن ئانهن وهزیرێ دهولهتێ یێ ئهڵمانیا بۆ كاروبارێن دهرڤە، ئەڤ لووتكهیە ب لووتكهیا شەری وهسف كریە.
نيشاندان