ئه‌ڤرۆ نيوز:
پشتى كو حه‌یده‌ر عه‌بادى سه‌رۆكێ لیستا نه‌سر سه‌ره‌دانا موقته‌دا سه‌در رێبه‌رێ بزاڤا سه‌در كرى، هه‌ڤپه‌یمانیه‌ك راگه‌هاند.
دیدارا سه‌در و عه‌بادى ب ئێكه‌م دیدار و كومبوونا ڤان هه‌ردو سه‌ركردان دهێت پشتى دروستكرنا هه‌ڤپه‌یمانیا د ناڤبه‌را سائیرون و فه‌تح دا ب سه‌رۆكاتیا هادى عامرى كو ب پلا دووێ ل رێزبه‌ندا قه‌وارێن سه‌ركه‌فتى د هه‌لبژارتنێن په‌رله‌مانێ عیراقێ دا دهێت.
ئه‌ڤرۆ نيوز، فاتما مزوورى:
حه‌یده‌ر عه‌بادی سه‌رۆك وه‌زیرێن عيراقێ و سه‌ركرده‌یێ گشتی یێ هێزێن چه‌كداری ته‌كه‌ز ل سه‌ر كرنگیا پارێزگاریكرن ل بێلایه‌نیا هێزێن چه‌كداری یێن عێراقی و نه‌كه‌فتنا وان دبن باندۆرا هێز و ئالیێن سیاسی دا كر و راگه‌هاند كو ب سه‌ده‌ما پێشكێشكرنا ڤێ هژمارا مه‌زن یا قوربانیان و كاركرن ب شێوه‌یه‌كی پیشیانه وه‌لاتیێن عيراقێ باوهریهك مه‌زن ب هێزێن چه‌كدار هه‌یه.
د گۆتارا خوه دا ل كۆلیژا به‌ره‌ڤانيا نشتیمانی ل زانینگه‌ها به‌ره‌ڤانى ژبۆ ڤه‌كولینێن له‌شكرى حه‌یده‌ر عه‌بادی راگه‌هاند سازیێن له‌شكرى ل سه‌ر بنه‌مایێ به‌رژه‌وه‌ندی و پارێزگاری كرن ژ وه‌لاتیان هاتیه ئاڤاكرن و گۆت: “عيراق به‌ر ب روویێ گه‌ف و مه‌ترسیێن مه‌زن هاتیه، به‌لێ د رێیا ئێكرێزی د ناڤبه‌را پێكهاتان به‌ر ب روویێ مه‌ترسیان دبن و دێ سه‌ركه‌ڤن.
عه‌بادی هه‌روه‌سا راگه‌هاند كو هێزێن ئه‌منی و له‌شكرى سه‌ركه‌فتنه‌ك مه‌زن د شه‌رێ ل دژی داعشێ دا ب ده‌ست خوه ڤه ئينايه و ئه‌ڤ ئێكه ژی ب هه‌ڤكاریا هێزێن ئه‌منی و له‌شكرى و وه‌لاتیان دا چێبوو ژ به‌ر وێ یه‌كێ باوهریهك د ناڤبه‌را وه‌لاتیان و وان هێزان دا دروست بوويه.
سه‌رۆك وه‌زیرێن عيراقێ هه‌روه‌سا راگه‌هاند كو ره‌وشا هه‌ریێمایه‌تی ل به‌رانبه‌ر عيراقێ به‌ره‌ڤ باشتر بوونێ ڤه دچيت.
ئه‌ڤرۆ نيوز، فاتما مزوورى:
په‌يڤدارێ ده‌سته‌يا گه‌شتوگۆزارا هه‌رێما كوردستانێ دووماهى ئامارێن گه‌هشتياران بۆ رۆژێن جه‌ژنێ راگه‌هاند كو 255 هزار گه‌شتيار هاتينه ناڤ هه‌رێما كوردستانێ.
ئه‌ڤرۆ رۆژا شه‌مبى نادر رۆستى په‌يڤدارێ ده‌سته‌يا گه‌شتوگۆزارێ ل هه‌رێما كوردستانێ د داخۆيانيه‌كێ دا ئاماژه ب وێ چه‌ندێ كر كو كه‌رتێ گه‌شتوگۆزار رۆژ بۆ رۆژێ باشتربوون و زێده‌بوونێ ب خوه ڤه دبينيت.
ئاشكه‌را كر كو وه‌لاتى ژى ب روويه‌كێ گه‌ش سه‌ره‌ده‌ريێ ل گه‌ل گه‌شتياران دكه‌ن دا كو دووباره سه‌ره‌دانا هه‌رێمێ بكه‌ن و ئابوورێ مه پێشڤه‌چوونه‌كا باشتر ب خوه ڤه ببينيت.
په‌يڤدارێ ده‌سته‌يا گه‌شتوگۆزارێ ل هه‌رێما كوردستانێ گۆت: “د 10 رۆژێن بۆرى دا زێده‌تر 255 هزار گه‌شتياران هاتينه ناڤ هه‌رێما كوردستانێ و وه‌كو هه‌ڤبه‌ركى ل گه‌ل سالا بۆرى ئه‌ڤ رێژه 5% زێده بوويه”.
زێده‌تر گۆت: “دهێته پێشبينيكرن داهاتێ گه‌شتيارى د ڤان 10 رۆژا دا زێده‌ترى 70 مليار ديناران بيت”.
ئاماژه ب وێ چه‌ندێ ژى كر كو 91% يا گه‌شتياران ل خوارا عيراقێ هاتبوون و گۆت: “هژمارا گه‌شتياران ژ ئيرانێ 25% كێم كريه”.
ئه‌ڤرۆ نيوز:
به‌رى ده‌مه‌كێ كێم ياريا هه‌ردو هه‌لبژارتيێن كوريا باشوورى و مه‌كسيك ب دووماهى هات د به‌رژه‌وه‌ندا هه‌لبژارتيێ مه‌كسيك دا ب دو گۆلان به‌رامبه‌ر گۆله‌كێ، هه‌ردو گۆلێن هه‌لبژارتيێ مه‌كسيك ژ لايێ كالۆس فيلازكويز ل ده‌قيقا 26ێ ژ په‌نه‌لتيێ و هێرنادنێز ل ده‌قيقا 66ێ و گۆلا ئێكانه يا هه‌لبژارتيێ كوريا باشوور ژى ژ لايێ ياريكه‌رێ وێ هيون مينگ سۆن ل ده‌قيقا 3+90 هاته تۆماركرن.
ئه‌ڤرۆ نيوز:
به‌رى ده‌مه‌كێ كێم ياريا هه‌ردو هه‌لبژارتيێن كوريا باشوورى و مه‌كسيك ب دووماهى هات د به‌رژه‌وه‌ندا هه‌لبژارتيێ مه‌كسيك دا ب دو گۆلان به‌رامبه‌ر گۆله‌كێ، هه‌ردو گۆلێن هه‌لبژارتيێ مه‌كسيك ژ لايێ كالۆس فيلازكويز ل ده‌قيقا 26ێ ژ په‌نه‌لتيێ و هێرنادنێز ل ده‌قيقا 66ێ و گۆلا ئێكانه يا هه‌لبژارتيێ كوريا باشوور ژى ژ لايێ ياريكه‌رێ وێ هيون مينگ سۆن ل ده‌قيقا 3+90 هاته تۆماركرن.
ئه‌ڤرۆ نيوز، فاتما مزوورى:
وه‌زيرێ ژ ده‌رڤه يێ توركيا ئاشكه‌را كر كو ئه‌ڤه ماوه‌كه شه‌ر و پێكدادان د ناڤبه‌ر ئيران و په‌كه‌كێ دا كێم بووينه و ئه‌ڤه دبيته ده‌ليڤه بۆ وان كو د ده‌مێ بهێت دا هێرشێ بكه‌ته سه‌ر ئيرانێ.
مه‌ولود چاویش ئۆغلۆ وه‌زیرێ ده‌رڤه یێ توركیا دوهى د د هه‌ڤدیتنا تله‌ڤزیۆنی دا گۆت: “په‌كه‌كه و ئیران د نها دا گه‌هشتینه قووناغ و پێكدادانێن كێم یێن د ناڤبه‌را وان دا، ئیران ژی دزانيت كو ڤان گرۆپان ب شێوه‌یه‌كی نهێنی خوه د ناڤا ئاخا وه‌لاتێ وان دا ڤه‌شارتیه، به‌لێ د هه‌ر ده‌مه‌كی دا ئه‌گه‌رێ وێ چه‌ندێ هه‌یه ئه‌ڤ گرۆپه ئیرانێ بكه‌ته ئارمانج.
د درێژاهیا ئاخفتنێن خوه دا چاویش ئۆغلۆى گۆت: “گه‌ر په‌كه‌كه د نها دا هێریشێ نه‌كه‌ته سه‌ر ئیرانی رامانا هندێ ناده‌ت كو د ده‌مێن بهێت دا ڤی كاری ناكه‌ت، به‌رپرسێن ئیرانێ ژى ڤێ چه‌ندێ دزانن”.
د هه‌ڤدیتنێ دا وه‌زیرێ ده‌رڤه یێ توركیا چاویش ئۆغلۆ، هنده‌ك هوربینی ل به‌رچاڤ گرتبوون ل دۆر ئۆپه‌راسیۆنێن له‌شكری یێن وه‌لاتێ خوه ل دژی بنگه‌ێن په‌كه‌كێ ل قه‌ندیل كو د ناڤا وێ ژی دا به‌حسا هاريكاریا هێزێن ئیرانێ ژی كربوون.
هه‌روه‌سا چاویش ئۆغلۆى د به‌رێ ژی دا ئاماژه ب وێ یه‌كی كربوو كو توركیا هه‌تا نها د وان ئۆپه‌راسیۆنان دا یێن كو د ئاغا عیراقێ دا ل دژی په‌كه‌كێ ئه‌نجام دابوون چو هاریكاریه‌ك ل گه‌ل ئیرانێ نه‌بوویه و عیراقێ و ئیرانێ ژی د ئۆپه‌راسیۆنێن نها دا چو هاریكاریه‌ك نینه.
ئەڤرۆ نیوز،ھەژار مەعروف:
بەری دەمەکێ کێم یاریێن گەرا ٣٣ ژ قوناغا دوێ یا خۆلا پلا نایاب یا عیراقێ ب دووماھیی ھاتن و یانا زەورا سەرکێشیا خولێ پاراست پشتی شیای سەرکەفتنەکا گرنگ ژ دەرڤەی یاریگەھا خوە تومارکری و پێنگاڤەکا مەزن ھاڤێت بۆ خوە بو برنا ناسناڤێ خولێ پشتی ب سەرکەفتی ل سەر یانا نەجەف ب دو گولان بەرامبەر گولەکێ و ب ڤی ئەنجامی زەورا خالێن خوە گەھاندنە ٧٨ خالان ل رێزا ئێکێ دھێت و ب جوداھیا شەش خالان ژ یانا یانا جەویە ئەوا ل رێزا دوێ دھێت ب ٧٢ خالان پشتی ئەوژی ئەڤرۆ شیای ب سەرکەفت ل سەر یانا دیوانیە ب دو گولان بێ بەرامبەر .
یانا نەفت ژی شیا سەرکەفتەکا گرنگ ل سەر یانا حدود توماربکەت ب دو گولان بەرامبەر گولەکێ و خالێن خوە گەھاندنە ٧١ خالان و رێزا سیێ پاراست و یانا شورتە ب ٧٠ خالان رێزا چارێ دھێت پشت ئەوژی ئەڤرۆ شیای سەرکەفتنێ ل سەر یانا ئەمانە بەغدا توماربکەت ب سێ گولان بَ بەرامبەر .
ژلایەکی دیڤە تیمێن پاشڤەزفرینێ ژی ھەتا نوکە شەرێ مانا خوە دکەن کو نوونەرا کوردستانێ یانا زاخۆ ھیڤێن ئەوێ لاواز بووینە کو ل رێزا دووماھیێ و ٢٠ دھێت ب ١٨ خالان کو ئەنجامێن ئەڤرۆ ھیڤیەکا دی دا زاخۆ پشتی ئەنجام د بەرژوەندیا وێ دا ب دووماھیی ھاتین کو دیوانیە خوسارەت بوو ل گەل یانا جەویە ب دو گولان بێ بەرامبەر خالێن دیوانیە مان ٢٢٥ خال و یانا حسێن ھەتا نوکە نیڤا دوێ یە یا خوسارەتە ب سێ گولان بێ بەرامبەر ل گەل نەفت میسان کو ب ڤی ئەنجامی خالێن حسێن دێ ھەر مینن ٢٧ خال و ھەردیسان دوھی کەربەلا وەکھەڤبوو ل گەل نەفت ئەلجنوب کو خالێن وێ ژی مان ٢٤ خال.
ھەلویستێ خۆلا عیراقێ پشتی یاریێن گەرا ٣٣
ئه‌ڤرۆ نيوز، فاتما مزوورى:
كۆمسيۆنا مافێ مرۆڤى يا سه‌ر ب نه‌ته‌وێن ئێكگرتى دخوازين ڤه‌كۆلين ل دۆر بنپێكرنا مافێن مرۆڤان ل فه‌نزوێلا بهێته كرن.
دوهی رۆژا ئه‌ينى زه‌یده ره‌عد حوسێن كۆمسیارێ مافێن مرۆڤان یێ سه‌ر ب نه‌ته‌وێن ئێكگرتی سه‌رباری دیاركرنا دلگرانیا خوه د ده‌ربارێ كوشتنا ده‌هان كه‌سان ل فه‌نزوێلا راگه‌هاند.
دا زانين ژى كو پێدڤيه ڤه‌كۆلينه‌كا دروست و ئێكسه‌ر ل هه‌مبه‌ر كوشتنا سياسيێن فه‌نزوێلا بهێته كرن.
هه‌روه‌سا ره‌خنه ژى ل به‌رپرسێن فه‌نزوێلا گرتن ب سه‌ده‌ما كێمخه‌مى و خوه‌دزين ژ به‌رپرساتيێ و ڤه‌كۆلينا هێزێن ئه‌منى ب تۆمه‌تێن كو بۆ هاتينه ئاراسته كرن سه‌باره‌ت كوشتنا ب ده‌هان كه‌سانێن سياسى يێن وى وه‌لاتى.
ره‌عه‌د حسێن راگه‌هاند ژى كو كێمخه‌ميا به‌رپرسێ حوكمه‌تێ و بنپێكرنا مافێن مرۆڤان نيشانا وێ يه‌كێ يه كو ل فه‌نزوێلا حوكمه‌تا قانوونێ سه‌روه‌ر نينه.
كۆميسارێ مافێن مرۆڤان يێن نه‌ته‌وێن ئێكگرتى داخواز ژ جڤاتا نوونه‌ران كريه كو كۆمسيۆن ڤه‌كۆلينان كو مه‌زنترين لژنا لێپرسينێ يه د ده‌بارێ مافێن مرۆڤان دا بۆ دانوستاندنا وان بابه‌تان بهێته راسپاردن.
نه‌ڤه‌شارت ژى كو دبيت پێدڤى ب وێ چه‌ندێ بكه‌ت دادگه‌ها سزايێن نێڤده‌وله‌تى ژى د ڤان ڤه‌كۆلينان دا پشكدار ببيت.
نيشاندان