ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 21 خزيرانا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1204 |
| 1 يۆرۆيێ ئه‌ورۆپى | 1390 |
| 1 ليرێ توركى | 275 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نیوز:
ژێده‌رێن رۆژنامه‌ڤانى یێن ئه‌ڤرۆ رۆژا پێنج شه‌مبى ئاماژه ب وێ چه‌ندێ كریه كو یاریزانێ به‌لچیكى راجا ناینگولان یێ هێلا ناڤین یا روما ئیتالى رازى بویه بهێـه ڤه‌گوهاستن بۆ یانا ئه‌نترمیلان.
رۆژناما سكاى سپورت یا ئیتالى د په‌یامه‌كى دا كو ل سایتێ خوه به‌لاڤ كریه دیاركریه راجا ناینگۆلان رازى بویه یانا روما یا ئیتالى ل هاڤینا ئه‌ڤ ساله بجهپلیت و به‌ر ب یانا ئه‌نترمیلان یا ئیتالى بچیت به‌رامبه‌ر كوژمێ 24 ملیۆن یورویا كو یانا وى ژى رازى بویه لسه‌ر ڤى كومێ به‌رامبه‌ر ده‌ستبه‌ردانا وى بۆ یانا ئه‌نترمیلان ژبه‌ركو ناینگولان ژى حه‌ز دكه‌ت یاریێ لژێر سه‌رپه‌رشتیا راهێنه‌رێ خوه یێ به‌رێ لوشیانو سپالێتى بكه‌ت.
هه‌ژى گۆتنێ یه ناینگولان ل سالا 2014 ژ یانا كالیارى په‌یوه‌ندى ب یانا روما كربوو ژ وى ده‌مى هه‌تا ئه‌ڤرۆ شیابو 28 گۆلان توماربكه‌ت.
ئه‌ڤرۆ نيوز، عه‌زيز هه‌ورامى:
ئه‌ڤرۆ ل سه‌ر داخوازيا چالاكڤانان بۆ مانگرتنا سه‌رتاسه‌رى ل دژى كاودانێن ئه‌منى يێن باژێرێ خانه‌قين و داخوازيا ڤه‌گه‌ريانا هێزێن پێشمه‌رگێ كوردستانێ، دوكاندار و فه‌رمانبه‌رێن هه‌موو چين و توێژێن باژێرێ خانه‌قين ده‌ست ب مانگرتنێ كريه.
ئه‌كبه‌ر حه‌يده‌ر، جێگرێ به‌رپرسێ لقا 15 يا پارتى ديموكراتى كوردستان ل خانه‌قين بۆ ئه‌ڤرۆ نيوز گۆت: “ئه‌م وه‌كو پارتى ل باژێرى هه‌موو پشته‌ڤانيا ڤێ مانگرتنا مه‌دنى يا وه‌لاتيانين و دژى كاودانێن ئه‌منى يێن باژێرى نه كو سۆپا و حه‌شدا شه‌عبى نه‌شێن ئه‌منيه‌تا وێ ب پارێزن”.
پشتى خيانه‌تا 16ى ئوكتوبه‌رێ ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ ژ لايێ سۆپا و حه‌شدا شه‌عبى يا عيراقى ڤه هاتنه داگيركرن و ره‌وشا ئه‌منى يا ده‌ڤه‌رێن كوردستانى گه‌له‌ك خراب بوويه و چه‌كدارێن داعش ژى ئه‌ڤ چه‌نده ب ده‌ليڤه ديتيه و رۆژانه وه‌لاتيان د ره‌ڤينن و تيرۆر دكه‌ن.
ئه‌كبه‌ر حه‌يده‌ر، ئاماژه ب وێ چه‌ندێ ژى كر كو پشتى 16ى ئوكتۆبه‌رێ كاودان تێكچووينه و ب ده‌هان وه‌لاتى هاتينه ره‌ڤاندن و تيرۆركرن و هێرش كريه سه‌ر گۆندێن كوردى و ژ ترسا گۆندێن خوه بجهـ هێلاينه، حوكمه‌تا عيراقێ نه‌ڤێت وه‌لاتيان ب پارێزيت دا كو كورد جهێن خوه چوول بكه‌ن و ب وێ چه‌ندێ ژى ديموگرافيا ده‌ڤه‌رێ بهێته گوهۆڕين”.
حوكمه‌تا عيراقێ ژ ترسا دا هێزه‌كا مه‌زن يا فرقا 5 يا سۆپايى بريه به‌ر سينگێ خوه‌نيشانده‌ران بۆ هێرشكرنه سه‌ر مانگرتيان ل سه‌ر هه‌بوونا هه‌ر لڤينه‌كێ.
ئه‌ڤرۆ نیوز:
یاریزانێ هه‌لبژارتیێ مه‌غرب نوره‌دین ئمرابت د داخویانیه‌كێ دا بۆ رۆژناما ده‌یلى مێل یا بریتانى ئاشكراكر كو دادڤانێ ئه‌مریكى مارك گیگر یێ یاریا هه‌لبژارتیێ وان دگه‌ل هه‌لبژارتیێ پرتوگال د چارچوڤێ یاریێن گه‌را دویێ ژ كوما دویێ داخوازا تیشێرتێ رونالدوى كریه.
زێده‌تر ڤى یاریزانى دیاركر ده‌مێ نیڤا ئێكێ ژ یاریێ ب دوماهى هاتى ب پێشكه‌فتنا هه‌لبژارتیێ پرتوگال ب گۆلا كرستیانوى دادڤانێ یاریێ داخواز ژ رونالدوى كریه تیشێرتێ خوه پشتى ب دوماهى هاتنا یاریێ بده‌تێ و وى ئه‌ڤ چه‌نده ژى كلیپه‌ر پێپێ به‌ره‌ڤانێ هه‌لبژارتیێ پرتوگال گوه لێ بویه، ئه‌ڤ چه‌نده ژى ئاماژێ ب وێ چه‌ندێ ده‌ت كو دادڤانێ یاریێ حه‌ژێكه‌رێن رونالدویه.
ئه‌ڤرۆ نيوز:
وه‌زيرێ به‌رێ يێ دارايى و ئابوورى ل حوكمه‌تا هه‌رێما كوردستانێ باييز ته‌له‌بانى وه‌غه‌را دووماهيێ كر.
به‌رى نيڤرۆيا ئه‌ڤرۆ رۆژا پێنجشه‌مبى رێكه‌فتى 21ى خزيرانا 2018ێ “پاييز سه‌عيد محه‌مه‌د ته‌له‌بانى” وه‌زيرێ دارايى و ئابوورى ل كابينا پێنجێ يا حوكمه‌تا هه‌رێما كوردستانێ وه‌غه‌را دووماهيێ كر.
ئه‌ڤرۆ نيوز، فاتما مزوورى:
ئه‌نگێلا مێركل شيره‌تكارا ئه‌لمانیا ل گه‌ل ئیمانوێل ماكرۆن سه‌رۆكێ فه‌ره‌نسا دا ل به‌رلینێ جڤیا و هه‌ردو ل سه‌ر یه‌كخستنا یه‌كیتیا ئورۆپا ده‌ربارێ پرسا كۆچبه‌ران و چه‌ند دۆسه‌یێن دی یێن جیهانی رێكه‌فتن.
ئه‌گێلا مێركل د جڤینێ دا گۆت: “ئه‌ز دكارم ب زه‌لالی بێژم كو ئه‌و هه‌موو تشتێ ئه‌م ل سه‌ر رێككه‌فتينه، حوكمه‌تا ئه‌لمانیا و په‌رله‌مانێ وێ ژی پشتگریا وان دكه‌ن”.
ئێكه‌تيا ئورۆپا د حه‌فتیا داهاتى دا دێ لۆتكه‌كی كو ب ئێكلايكه‌ر دهێته دیتن، ل سه‌ر ئاستێ سه‌رۆك و سه‌ركردێن ئێكه‌تيێ ده‌ربارێ پرسا په‌نابه‌ر و كۆچبه‌ران كو نها پرسا گه‌رم یا وه‌لاتێن ئورۆپا یه ساز بكه‌ت.
وه‌زیرێ ناڤخوه‌یا ئه‌لمانیا ژی دو حه‌فتی ل پێش مێركل دانایه هه‌تا كو ل گه‌ل ئێكه‌تیا ئورۆپا ل سه‌ر پرسا په‌نابه‌ران رێك بكه‌ڤن، به‌روڤاژی ڤێ یه‌كێ ژی وه‌زیرێ ناڤخوه‌ی نه‌چار دبن كۆچبه‌ران ل سه‌ر سنورێ وه‌لاتێ خوه ڤه‌گه‌رینن و ده‌ربكه‌ن.
مێركل و ماكرۆن كو نوونه‌رێن دو وه‌لاتێن زلهێز یێن ئێكه‌تیا ئورۆپانه، ده‌ربارێ ئاوایێ رووبرووبوونا قه‌یرانا كۆچبه‌ر و په‌نابه‌ران كو ب سه‌ر ئێكه‌تيێ دا كرينه ئێك ده‌نگ.
هه‌ردو دبێژن پێدڤيه قه‌یرانا كۆچبه‌ران ژ ژێده‌رێ خوه ڤه بهێته چاره‌كرن، هه‌روه‌يا داخوازا مافێ په‌نابه‌ریێ ژ وه‌لاته‌كێ ئێكه‌تيا ئورۆپا دڤێت ل ده‌رڤه‌يى ئاخا ئێكه‌تيێ ئه‌نجام بده‌ت، هه‌روه‌سا هه‌ردو داخواز دكه‌ن هژمارا پاسه‌وانێن ده‌ریایا ئورۆپا زێده‌تر ببيت.
ئه‌ڤرۆ نيوز، فاتما مزوورى:
ژ ئه‌نجامێ بۆمبه‌بارانا فرۆكێن شه‌رى يێن وه‌لاتێ توركيا ده‌ڤه‌را برادۆست يا سه‌ر ب قه‌زا سۆران ڤه، ئاگر ب وێ ده‌ڤه‌رێ كه‌فتيه.
ئه‌ڤرۆ سپێدێ ژى فرۆكێن شه‌رى يێن وه‌لاتێ توركيا ب گرانى بنگه‌هـ و باره‌گايێن په‌كه‌كێ ل ده‌ڤه‌رێن خنێره، لۆلان، خواكورك و گه‌ليێ موخارێ يێن ده‌ڤه‌را برادۆست بۆردۆمان كرن.
ژ ئه‌نجامێ بۆمبه‌بارانێ فرۆكێن توركيا، ئاگر ب چه‌ند ده‌ڤه‌رێن برادۆست كه‌فتيه.
ئه‌ڤه د ده‌مه‌كى دايه دوهى د روونشتنا جه‌ماوه‌رى يا بانگه‌شه‌يا هه‌لبژارتنان دا سه‌رۆك كۆمارێ توركيا ره‌جه‌ب ته‌يب ئه‌ردوگان راگه‌هاند كو فرۆكێن وان دوجاران چيايێ قه‌نديل بۆمبه‌بارانكريه.
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ جڤاتا قه‌زا خانه‌قين راگه‌هاند كو د پێناڤى ڤه‌گه‌ريانا ئارامى و ئاسايشێ بۆ خانه‌قين وه‌لاتى و كاسبكاران مانگرتنا سه‌رتاسه‌رى راگه‌هاند و دوكان و بازارێن خوه داخستن.
سه‌مير محه‌مه‌د، سه‌رۆكێ جڤاتا قه‌زا خانه‌قين، د داخۆيانيه‌كێ دا گۆت: “مانگرتن ل سه‌ر داخوازا ژماره‌كا چالاكڤانێن مه‌ده‌نى يێن خانه‌قين بوويه”.
كاسبكار و دوكاندارێن باژێركى ل ده‌مژمێر 8:00ى سپێدێ دوكان داخستينه و هه‌تا ده‌مژمێر 12:00ى نيڤرۆ دوكانان ب روويێ وه‌لاتيان دا ڤه‌نه‌كه‌ن.
سه‌مير محه‌مه‌د زێده‌تر گۆت: “ئه‌و كاودانێن نه‌خواستى ل پشتى روودانێن 16ى ئوكتوبه‌رێ ل خانه‌قين دروست بووينه، بووينه ئه‌گه‌رێ مانگرتنێ چونكو ژ وى ده‌مى خه‌لك هاتيه كوشتن و ره‌ڤاندن و مال تالان كرينه، به‌لێ چو كه‌س ل سه‌ر وان روودانان ناهێته ده‌سته‌سه‌ركرن”.
جەعفەر شێخ مستەفا، بەرپرسێ لقێ پازدە یێ پارتی ل خانەقین بۆ ئەڤرۆ نيوز ئاشکرا کر کو ئەڤە بۆ دەمێ چەند رۆژانە چەکدارێن داعش لڤینێن خوە ل سنوورێ قەزا خانەقین زێدەکرینە و مەترسیا داعش گەھشتیە سەنتەرێ قەزایێ و د ناڤ سنوورێ باژێڕڤانیا خانەقین دا بەری چەند رۆژان سەرۆک عەشیرەتەک ھاتە کوشتن و مەترسیا ڤالاھیا ئەمنی ل 300 گۆندێن دەوروبەرێ خانەقین ھەیە و ژوان ژی 150 گۆندان گەف ل سەر ھەنە و پتر د بن کۆنتڕۆلا داعشن نە ژ ھێزێن عیراقی و گۆت: “ئەڤە ژی بوویە ئەگەر رۆژانە چەکدارێن داعش خەلکێ سڤیل بکەنە ئامانج و ھێرشی سەر وەلاتیان دکەن”.
ئەڤرۆ نیوز:
دادگەھا فیدرال یل عیراقێ د روونشتنا ئەڤرۆ دا بڕیار دا کو ھەلوەشاندنا دەنگێن تایبەت و ئاواران و دەنگدانا دەرڤەی وەلاتی نەیا قانوونی یە و ھەڤدژی مافێن دەنگدانێ یە بۆ دەنگدەران و رەتکریە.
دادگەھا فیدرالی یا عیراقێ ئەڤرۆ بۆ بڕیاردان د دەبارەی ھەلبژارتنێن 12ی گۆلانێ دا و دانوستاندنێ ل سەر سکالا سەرۆک کۆماری و پارتی دیموکراتی کوردستان و کۆمسیۆنا بلندا سەربەخۆیا ھەلبژارتنان کۆم بوو.
دادگەھا فیدرالا عیراقێ د کۆنگرەکێ رۆژنامەڤانی دا راگەھاند کو راستڤەکرنا قانوونا ھەلبژارتنان ژ لایێ جڤاتا نوونەرێن عیراقێ ڤە یا دستووری یە”.
ئاماژە ب وێ چەندێ ژی کر کو د جڤاتا نوونەرێن عیراقێ د روونشتنا 6ی خزیرانێ دا پشت بەستن ل سەر پەیرەوێ ناڤخۆ کریە، ژ بەر ھندێ بڕیارا ھژمارتنا دەنگان ب دەست بڕیارەکا دستووری یە”.
دا زانین ژی کو ژناڤبرنا دەنگێن دەرڤەی وەلاتی و دەنگێن تایبەت یێن ھەرێما کوردستانێ و مەرجدارکرنا دەنگدانا ئاواران ل عیراقێ ب ھەدەردانا دەنگایە.
دادگەھا فیدرال نەڤەشارت ژی کو ھەتا خولا بھێت یا جڤاتا نوونەران د روونیت، دەرکرنا بڕیاران ژ لایێ ڤێ خولا جڤاتا نوونەران ڤە یا قانوونی یە.
پارێزەرێ پارتی دیموکراتی کوردستان ژی د داخۆیانیەکا رۆژنامەڤانی دا ئاشکەرا کر کو بڕیارێن دادگەھا فیدرال ھەتا رادەکێ باش ل دووڤ حەزا پارتی دیموکراتی کوردستانن.
نيشاندان
