ئه‌ڤرۆ نیوز، زنار:
راهێنه‌رێ هه‌لبژارتیێ ئسپانیا فێرناندو هێرو د كونگره‌كێ روژنامه‌ڤانى دا ئاماژه‌ ب به‌رهه‌ڤبونا كارفاخالى دا و په‌سنا ئاستێ هه‌لبژارتیێ ئیرانێ.
د ڤى كونگره‌ى دا ئه‌وێ هاتیه‌ رێكخستن بۆ هیروى یاریا وان هه‌مبه‌ر هه‌لبژارتیێ ئیرانێ دیاركر كو دانى كارفاخال ستێرا ریال مه‌درید و هه‌لبژارتیێ ئسپانیا نوكه‌ یێ د ئاماده‌ باشیێ دا بۆ یاریا هه‌مبه‌ر ئیرانێ ژ كوما دویێ و راهێنانێن خوه‌ ب شێوه‌كێ سروشتى لگه‌ل تیمێ كرینه‌ و چو كێماسى د تیمێ دا نینن.
ژلایه‌كێ دى ڤه‌ هیێروى په‌سنا ئاستێ هه‌لبژارتیێ ئیرانێ كر و گۆت: ئیران هه‌لبژارتیه‌كێ بهێزه‌ ژلایێ هێرشبه‌ریێ و به‌ره‌ڤانیێ ڤه‌ و د 37 یاریێن بورى دا كێمترین رێژا گۆلان لسه‌ر هاتیه‌ توماركرن له‌ورا یا ب ساناهى نابیت سه‌ركه‌فتنێ توماربكه‌ین لێ دێ ب هه‌مى هێزا خوه‌ یاریێ كه‌ین بۆ ده‌ستڤه‌ ئینانا سێ خالان.

ئەڤرۆ نيوز:
یانا ئەرسینال یا ئنگلیزی نێزیکی تەمامکرنا ھەڤبەستەکێ بویە ل ڤەگوھاستنێن نوکە یێن یاریزانا.
زێدەتر راپورتێن روژنامەڤانی داینە ئاشکەراکرن کو بیرند لینو گولپارێزێ یانا بایر لێڤەرکوێزن یێ نێزیکی ڤەگوھاستنا ناڤا رێزێن یانا ئەرسینال بووی ب ھەڤبەستەکێ بو ماوێ پێنج سالان.
دھێتە پێشبینیکرن کو لینو ببیتە یاریزانێ دویێ بھێتە ناڤا رێزێن ئەرسینال پشتی ھاتنا راھێنەرێ نوو ئونای ئیمری پشتی بەرەڤانێ سویسری ستیڤان لیشتشتاینر ئەوێ ب ڤەگوھاستنەکا ئازاد ھاتیە یانێ پشتی ھەڤبەستا وی ل یوڤانتوس ب دووماھی ھاتی.
یواکیم لوف راھێنەرێ ھەلبژارتیێ ئەلمانیا بو پێکھاتیێ دەستپێکی یێ ھەلبژارتیێ ئەلمانیا لینو داخوازکربوو، لێ دووڤدا دوورخست پشتی پێکھاتیێ سەرەکی یێ ٢٣ یاریزانی ھەلبژارتی.
لینو ل وەرزێ بوری د خولا ئەلمانیا دا شیابوو ل ١٠ یاریان پاراستنێ ل سەر تورا گولا یانا خوە ژ ھەژاندنێ بکەت و دھێتە ھژمارتن پێگوھور بو ماوەکێ درێژ بو گولپارێزێ نوکە یێ یانا ئەرسینال بیتر تشیک ئەوێ ژیێ وی گەھشتیە ٣٦ سالیێ.

ئه‌ڤرۆ نیوز، زنار:
راهێنه‌رێ هه‌لبژارتیێ مه‌غرب هێرڤى رینارد دیاركر هه‌ر تشتێ د شیان دا بیت دێ كه‌ن پێخه‌مه‌ت راگرتنا رونالدوى.
د كونگره‌كێ رۆژنامه‌ڤانى دا راهێنه‌رێ هه‌لبژارتیێ مه‌غرب رینارد دیاركر بۆ یاریا خه‌مبه‌ر پرتوكال كو وى پلانه‌كا باش دانایه‌ بۆ راگرتنا ستێرا جیهانى و هه‌لبژارتیێ پرتوگال كرستیانو رونالدۆ بۆ ڤێ مه‌ره‌مێ دێ دو یاریزانان ته‌رخانكه‌ین چاڤدێریا وى بكه‌ن ل ده‌مێ هێرشێن مه‌ترسیدار بۆ سه‌ر گۆلا مه‌غرب په‌یدادبن ئه‌ر چه‌ندێ دێ یا مه‌حال بیت بشێن یاریزانه‌كێ وه‌كى وى بهێته‌ راگرتن لێ ئه‌ڤ چه‌نده‌ بۆ وێ چه‌ندێ یه‌ مه‌ترسیا وى كێم بكه‌ین و هه‌ر ده‌مێ ئه‌ڤ چه‌نده‌ بجه هات دێ شێن هزر د سه‌ركه‌فتنێ دا كه‌ین.

ئه‌ڤرۆ نیوز، زنار:
د نیڤا ئێكێ یا ڤێ یاریێ دا هه‌لبژارتیێ مسرێ ب ئاسته‌كێ باش هاته‌ دیتن و شیان چه‌ندین جاراد یاریێن گه‌را دویێ دا ژ كوما ئێكێ خه‌ونا هه‌لبژارتیێ مسرێ موندیالا روسیا ب دوماهى هات پشتى توشى خوساره‌تیا دویێ بون د قاره‌مانیێ دا و ڤێ جارێ ژى لسه‌ر ده‌ستێ هه‌لبژارتیێ روسیا ب سێ گۆلان به‌رامبه‌ر گۆله‌كێ.
ن هێرشێن مه‌ترسیدار لسه‌ر گۆلا روسیا په‌یدابكه‌ن نه‌شیان چو گۆلان د ڤێ نیگێ دا بكه‌ن و ئه‌ڤ نیڤه‌ بێ گۆل ب دوماهى هات.
د نیڤا دویێ دا هه‌ر ژ ده‌سپێكێ د هێرشه‌كا هه‌ڤدژ دا به‌ره‌ڤانێ مسرى ئه‌حمه‌د فه‌تحى ب خه‌له‌تى ڤه‌ گۆله‌ك لسه‌ر وه‌لاتێ خوه‌ توماركر ل خوله‌كا 47، پشتى ڤێ گۆلێ مورالا یاریزانێن روسیا بهێزتر لێهات و شیان گۆلا دویێ ژى ب رێكا یاریزانێ خوه‌ چیریچیڤ توماربكه‌ن ل ده‌قیقه‌یا 59 و دیفدا ب سێ خوله‌كان دزیوبا شیا گۆلا سیێ ژى بكه‌ن و ئه‌نجامێ یاریێ ئێكلا بكه‌ن سه‌ره‌راى هندێ كو محه‌مه‌د سه‌لاح شیا ئه‌نجامێ یاریێ كێم بكه‌ت ب توماركرنا گۆله‌كێ ل ده‌قیقه‌یا 73 ب رێكا په‌نه‌لتیێ لێ تێرا وێ چه‌ندێ نه‌كر وه‌لاتێ خوه‌ قورتال بكه‌ت و خه‌ونا فیرعه‌ونێن مسرى ب دوماهى هات د موندیالێ دا ب دو خوساره‌تیان به‌رامبه‌ر هه‌لبژارتیێ روسیا ب ڤێ سه‌ركه‌فتنێ ب فه‌رمى سه‌ركه‌فت بۆ قوناغا شازدێ پشتى دو سه‌ركه‌فتن ل دووڤ ئێك ئیناین.

ئەڤرۆ نيوز:
جیڤانوکا یانا بایرن میونخ یێ بەرێ لوسار ماتیوس گومانا ژ نشتیمانی و ڤیانا یاریزانێ ھەلبژارتیێ ئەلمانیا یێ بنیات تورکی مەسعود ئوزێلی یا ھەی.
ئوزێل ل ڤێ دووماھیێ کەفتیە ھەمبەر رەخنەیێن مەزن پشتی بەلاڤەبونا وێنەیێ وی ل گەل سەروکێ تورکیا رەجەب تەیب ئەردوگانی و ل ھەمبەر ڤێ چەندێ ئوزێلی بێ دەنگی ھەلبژارتیە و بەرسڤ نەدایە.
زێدەتر ماتیوسی دداخویانیەکێ دا بو روژناما بێلد یا ئەلمانی خویاکریە کو ئوزێل ھەتا نوکە ئەگەرێن ڤان دانوستاندنان نزانیت و ئەو نزانیت خەلک ل ئەلمانیا چو ھزر دکەت ژ یاریزانەکێ ل ناڤا ھەلبژارتیێ وان یێ نشتیمانی.
زێدەتر ناڤھاتی ئاشکەراکر ئەوا جھێ سەرەنجراکێشانێ ژ زمانێ جەستەی ئەوە کو ئەف یاریزانە ھەست ب ئارامیێ ناکەت ب درێسێ ھەلبژارتیێ ئەلمانیا و وەسا دھێتە دیتن کو نەڤێت یاریێ بو ھەلبژارتیێ ئەلمانیا بکەت.

ئەڤرۆ نیوز:
ھنگافتنا گولپارێزێ ھەلبژارتیێ تونس د موندیالا روسیا دا بو ئەگەرێ ب دووماھی ئینانا کاروانێ وی د ڤێ قارەمانیێ دا.
معز حەسەن ل خولەکا ١٦ یا یاریا ھەلبژارتیێ وەلاتێ خوە ل ھەمبەر ھەلبژارتیێ ئنگلتەرا ل ئێڤاریا روژا دوشەمبی د چارچوڤێ کوما حەفتێ دا توشی ھنگافتنێ بویە.
زێدەتر ل دور ڤی بابەتی ژێدەرەکێ نێزیک ژ تیمێ نوشداری یێ ھەلبژارتیێ تونس ئاشکەراکریە کو ھنگافتنا ل دەستێ ڤی یاریزانی بویە ئەگەر ل دو یاریێن بھێت پشکداریێ نەکەت ل ھەمبەر بەلجیکا و بەنەما.
ھەلبژارتیێ تونس ل یاریا خوە یا ئێکێ توشی خوسارتیێ ببو ب گولەکێ بەرامبەر دو گولان و یاریا دویێ ل روژا شەمبی دێ ل ھەمبەر ھەلبژارتیێ بەلجیکا کەت.

ئه‌ڤرۆ نیوز، زنار زوبێر:
هه‌لبژارتیێ سینیگال شیا مفاى ژ خه‌له‌تیێن پوله‌ندا وه‌رگرن سه‌ركه‌فتنه‌كا گرنگ و ب ساناهى لسه‌ر هه‌لبژارتیێ پوله‌ندا توماربكه‌ن ب دو گۆلان به‌رامبه‌ر گۆله‌كێ د یاریێن كوما هه‌شتێ دا.
د نیڤا ئێكێ دا هه‌لبژارتیێ سینیگال شیا نیڤا یاریگه‌هێ كونترول بكه‌ت و ده‌لیڤه‌ نه‌دا هه‌لبژارتیێ پوله‌ندا ب ساناهى خوه‌ نێزیكى گۆلا وێ بكه‌ت و ده‌رئه‌نجام شیان گۆلا ئێكێ ل ده‌قیقه‌یا 37 ژ یاریێ توماربكه‌ن ب خه‌له‌تیا به‌ره‌ڤانێ پوله‌ندا ده‌مێ د لێدانا شوته‌كێ دا ته‌په‌ ب وى كه‌فتى و ئاراستێ ته‌پێ گوهورى بۆ ئه‌گه‌رێ گۆلا ئێكێ و نیڤا ئێكێ سینیگال ب ڤى ئه‌نجامى پێشكه‌فتنا خوه‌ ب گۆله‌كێ بێ به‌رامبه‌ر دوماهى بینن.
د نیڤا دویێ دا سنیگال ب هه‌مان شێواز شیان ئاسته‌كێ باش یاریێ بكه‌ن و ب خه‌له‌تیا یاریزانێ هێلا ناڤین یا پوله‌ندا كریچوڤیاك یاریزانێ سنیگال نیانگ شیا مفاى ژێ وه‌رگریت و گۆلا دویێ و پشت راستیێ بۆ وه‌لاتێ خوه‌ توماربكه‌ن ل ده‌قیقه‌یا 60، پشتى ڤێ گۆلێ یاریزانێن پوله‌ندا هه‌مى بزاڤ كرن بۆ كێمكرنا ئه‌نجامێ یاریێ ئه‌ چه‌نده‌ ژى ل ده‌قیقه‌یا 85 بجه هات ده‌مێ یاریزانێ پوله‌ندى كریچوڤیاك شیاى ب سه‌رى گۆلا ئێكێ توماربكه‌ن پشتى ڤێ گۆلێ ژبه‌ر شێوازێ به‌لاڤبون و به‌ره‌ڤانیا چر له‌ورا یارى ب سه‌ركه‌فتنا سینیگال ب دو گۆلان به‌رامبه‌ر گۆله‌كێ ب دوماهى هات.

ئه‌ڤرۆ نیوز، زنار:
ستێرا هه‌لبژارتیێ به‌رازیل نیمار داسێلڤا راهێنانێن ئه‌ڤرۆ یێن هه‌لبژارتیێ به‌رازیل بجه هێلان پشتى ژ ئه‌گه‌رێ هنگافتنێ نه‌شیاى به‌رده‌وامیێ بده‌تێ.
د ڤى چارچوڤه‌ى نوژدارێ تایبه‌ت یێ هه‌لبژارتیێ به‌رازیل دیاركر كو ژ ئه‌گه‌رَ هه‌ست كرن ب ئێشانێ د پێ خوه‌ یێ راستێ دا نیمار نه‌شیا به‌رده‌وامیێ بده‌ته‌ راهێنانێن ئه‌ڤرۆ دگه‌ل تیمێ له‌ورا نه‌چاربوو بجه بهێلیت و یا دیار نینه‌ كا دێ سوبه‌هى شێت پشكداریێ كه‌ت د راهێنانان دا یان نه‌ و دێ چاره‌سه‌ریا پێدڤى بۆ هێته‌ كرن پێخه‌مه‌ت ب زوترین ده‌م دوباره‌ ڤه‌گه‌ریته‌ راهێنانان لێ پشته‌ڤانێن به‌رازیل پشت راستكرن كو بۆ یاریا بهێت نیمار دێ یێ به‌رهه‌ڤ بیت.