NO IORG
نووترين نووچه
Facebook

174

ئه‌ڤرۆ نیوز، زنار:
یاریزانێ هه‌لبژارتیێ كولومبیا كارلوس سانشێز بۆ یاریزانێ د موندیالا ئه‌ڤ ساله‌ دا كارتا سور وه‌رگرتى و بۆ یێ دویێ د مێژوویا موندیالێ دا.
د چارچوڤێ یاریێن كوما هه‌شتێ دا د یاریا نه‌ڤبه‌را هه‌لبژارتیێ ژاپون و كولومبیا دا ئه‌وا ب سه‌ركه‌فتنا ژاپونێ ب دو گۆلان به‌رامبه‌ر گۆله‌كێ ب دوماهى هاتى د ڤێ یاریێ دا دادڤانێ یاریێ یێ سلوڤاكى دامیر سكوبینا ل ده‌قیقه‌یا سیێ ژ یاریێ یاریزانێ هه‌لبژارتیێ كولومبیا كارلوس سانشێز ب كارتا سور ژ یاریێ ده‌رخستى ده‌مێ د ناڤ ده‌ڤه‌را په‌نه‌لتیێ دا ته‌په‌ ب ده‌ستى دورخستى ب ڤێ چه‌ندێ كارلوس دبیته‌ یاریزانێ ئێكێ كارتا سور وه‌ردگریت د موندیالا ئه‌ڤ ساله‌دا ل وه‌لاتێ روسیا و دبیته‌ یاریزانێ دویێ د مێژوویا موندیالێ بله‌زترین یاریزان كارتا سور وه‌ردگریت پشتى یێ ئوروگواى خوسێ ئه‌لبێرتو پاتیستا د موندیالا 1986 ل مه‌كسیك ل چركه‌یا 54 ژ ده‌سپێكا یاریێ ب كارتا سور هاتیه‌ ده‌رخستن.

167

ئه‌ڤرۆنيوز:

په‌يڤدارێ دادگه‌ها فيدرالى يا عيراقى راگه‌هاند، رۆژا پێنجشه‌مبيا داهاتى 21/6/2018 دادگه‌ها فيدرالى دێ روونشتنه‌كێ ل دۆر تانا هه‌ر ئێك ژ پارتى ديموكراتى كوردستان وفوئاد مه‌عسووم وكۆمسيۆنێ ئه‌نجام ده‌ت.

ئياس سامۆك، په‌يڤدارێ دادگه‌ها فيدرالى يا عيراقى، دبه‌ياننامه‌كێ دا گۆت” دادگه‌ها فيدرالى ل رۆژا پێنجشه‌مبى دێ ل دۆر وان تانێن ل به‌رانبه‌ر راستڤكرنا سيێ يا قانوونا هه‌لبژارتنان ئه‌وا ژلايێ په‌رله‌مانێ عيراقێ ڤه هاتيه‌ كرن‌، كۆمبيت”.

دياركر” ئه‌و تانه‌ ژلايێ هه‌ر ئێك ژ فوئاد مه‌عسووم سه‌رۆك كۆمارا عيراقێ وكۆمسيۆنا بلند يا هه‌لبژارتنان وپارتى ديموكراتى كوردستان هاتينه‌ تۆماركرن”.

ل شه‌شێ ڤێ هه‌يڤێ، په‌رله‌مانێ عيراقێ دروونشتنه‌كێ دا راستڤه‌كرنا سيێ بۆ قانوونا هه‌لبژارتنان كر وبريار دا دوباره‌ هژمارتنا ده‌نگان ب ده‌ست بهێته‌ ئه‌نجامدان وكارێ جڤاتا كۆمسياران بهێته‌ راوه‌ستاندن ودادوه‌ر ل شوونا وان بهێنه‌ دانان.

182

ئه‌ڤرۆنيوز:

ريڤه‌به‌رێ سولينان ل پارێزگه‌ها زيقار ل باشوورێ عيراقێ ئاشكراكر كو 150 قه‌پاخێن مه‌نهولان ل رۆژێن جه‌ژنێ ژ تۆرێن سولينان ل جادێن پارێزگه‌هێ يێن هاتينه‌ دزين ودياركر كو ئه‌ڤه‌ دزيه‌كا رێكخستيه‌ تۆرا سولينێن زيقار تووشبوويێ.

محه‌مه‌د هاشم، ريڤه‌به‌رێ سولينێن پارێزگه‌ها زيقار بۆ (المربد) گۆت” مه‌ هه‌موو شيانێن خوه‌ يێن خستينه‌ كارى بۆ قه‌ره‌بووكرنا وان قه‌پاخێن مه‌نهولان ودانانا هنده‌كێن دى ل جهێن وان ژبۆ پاراستنا گيانێ وه‌لاتيان”.

دياركر ژى” مه‌ رێڤه‌به‌ريا پۆليسێن پارێزگه‌ها زيقار يا ئاگه‌هداركرى ل دۆر ڤێ دزيا رێكخستى”.

284

ئه‌ڤرۆنيوز:

به‌رپرسه‌كێ ئه‌مريكى ئاشكراكر ئه‌و توپبارانكرنا ئه‌سمانى ل سپێده‌يا رۆژا دوشه‌مبى ل سه‌ر بنگه‌هێن حه‌شدا شه‌عبى ل ده‌ڤه‌را ئه‌لبوكه‌مال ل رۆژهه‌لاتا سووريێ ل سه‌ر سنوورێ عيراقێ، ژلايێ ئه‌مريكا وهه‌ڤپه‌يمانان نه‌هاتيه‌ ئه‌نجامدان، به‌لكو ئيسرائيلێ يا ئه‌نجامداى.

به‌رپرسه‌كێ ئه‌مريكى بۆ ئاژانسا فرانس پرێس گۆت” چه‌ندين ئه‌گه‌ر يێن هه‌ين كو ئه‌مريكا بگه‌هيته‌ وێ باوه‌ريێ كو ئيسرائيلێ ئه‌و توپ بارانكرنا ئه‌سمانى ل سپێده‌يا دوشه‌مبيا بۆرى ل بنگه‌هێن حه‌شدا شه‌عبى ل ده‌ڤه‌را (ئه‌لهرى) ل باژێرێ ئه‌لبوكه‌مال يێ سه‌ر ب پارێزگه‌ها ديرلزۆر يا سوورى ئه‌نجامدايه‌”.

پێشتر په‌يڤدارێ وه‌زاره‌تا به‌رگريا ئه‌مريكى ب تمامى ره‌تكربوو كو فرۆكێن ئه‌مريكى ئه‌و توپ بارانكرنه‌ ئه‌نجامد دابيت، كو ئه‌نجامێ وێ هێرشا ئه‌سمانى هژماره‌كا زۆر ژ چه‌كدارێن حه‌شدا شه‌عبى وسه‌ربازێن ئيرانى هاتبوونه‌ كوشتن.

85

ئەڤرۆ نیوز ، زنار تۆڤی :

وەسا بریاره‌ ل دوماهیا ڤێ حه‌فتیێ دادگه‌ها فیدرالی یا عێراقێ كۆمببیت و هژماتنا دەنگان ب ده‌ست ئێكلا بكه‌ت.

ل رۆژا پێنجشه‌مبی 21 خزیرانا 2018 دادگه‌ها فیدرالی یا عێراقێ دێ كۆمبیت و دێ هه‌لویستێ خوه ‌یێ دوماهیێ ل دۆر بریارێن په‌ڕله‌مانێ عێراقێ و راستڤه‌كرنا سیێ یا قانوونا هه‌لبژارتنان دیاركه‌ت و دێ بابه‌تێ هژمارتنا ده‌نگان ب دەست ئێكلاكه‌ت.

ژیێ ڤێ خولا په‌رله‌مانی هەتا 30 ڤێ هەیڤێ مایه‌ و دادگه‌ها فیدرالی دێ بریارا دوماهیێ ده‌ت ل سەر پەسەندکرنا په‌رله‌مانتارێن نوو ، یان ژی ده‌نگ دووباره‌ بهێنه‌ ڤاڤارتن و ژیێ حوکمه‌تا عیراقێ بهێته‌ درێژكر‌ن.

هەژی گوتنێ یە کو ل سه‌ر داخوازا سه‌رۆكاتیا په‌رله‌مانی و ئەو لایەنێن ژ ئه‌نجامێن هه‌لبژارتنان نه‌ د رازی ، په‌رله‌مانێ عێراقێ د 3 روونشتنێن نه‌ئاسایی دا ، بریارا هژمارتنا ده‌نگان ب دەست ل سه‌رانسه‌ری عێراقێ و هه‌لوه‌شاندنا ئه‌نجامێن ده‌نگدانا تایبه‌ت یا هه‌رێما كوردستانێ ده‌رکربوو.

78

ئه‌ڤرۆنيوز:

رێڤه‌به‌رێ پۆليسێن قه‌زا وناحيێن كه‌ركووكێ ئاشكرا دكه‌ت، چه‌كدارێن رێكخراوا داعش يا تيرۆرستى ل ناڤ باژێرێ كه‌ركووكێ شانێن نڤستى يێن هه‌ين وهه‌ر ده‌مه‌كێ بڤێت دشێن ره‌وشا ئه‌منى يا وى باژێرى تێكبده‌ن.

عه‌ميد (سه‌رحه‌د قادر) رێڤه‌به‌رێ پۆليسێن قه‌زا وناحيێن كه‌ركووكێ گۆت” شوڤا 17/6/2018 چه‌كدارێن داعشێ ل سنوورێ خورماتوو خالا پشكنينێ دانابوو وچه‌ند كه‌س كوشتن وهنده‌ك كه‌س ژى وه‌كو بارمته‌ ل گه‌ل خوه‌ برن، هه‌روه‌سا رۆژانه‌ ل سنوورێ قه‌زا حه‌ويجه‌ كار وچالاكيان دژى هێزێن ئه‌منى ئه‌نجام دده‌ن”.

گۆت ژى” چه‌كدارێن داعشێ ل ده‌رڤه‌ى باژێرێ كه‌ركووكێ هيزا خوه‌ يا هه‌ى، ل گه‌ل وێ چه‌ندێ هێزا سه‌ربازى وشانێن نڤستى ل ناڤ باژێرێ كه‌ركووكێ يێن هه‌ين، به‌لێ زێده‌تر چاڤێ وان يێ ل سه‌ر پشكا سه‌ربازى وب وێ رێ كار وچالاكيێن سه‌ربازى ئه‌نجام دده‌ن”.

عه‌ميد سه‌رحه‌د قادر زێده‌تر بۆ باسنيوز گۆت” هه‌رده‌مێ چه‌كدارێن داعشێ دخوازن، ب رێيا شانێن خوه‌ يێن نڤستى دشێن ره‌وشا ئه‌منى يا كه‌ركووكێ تێكبده‌ن، له‌وما چه‌كدارين داعشێ به‌رده‌وام مه‌ترسيه‌كا مه‌زنن بۆ ناڤ كه‌ركووكێ”.

دياركر ژى” ژبه‌ركو كه‌ركووكێ چه‌ندين تايبه‌تمه‌نديێن خوه‌ يێن هه‌ين، ب تنێ هێزه‌كا دياركرى نه‌شێت ره‌وشا ئه‌منى ل وى باژێرى بپارێزيت ول دووماهيێ هه‌موو پێكهاتێن وێ پێكڤه‌ دشێن ره‌وشا كه‌ركووكێ بپارێزن، به‌لێ بۆ پاراستى باژيرى ژ هه‌ر حاله‌ته‌كا نه‌ چاڤه‌رێكرى، پێدڤيه‌ پێشمه‌رگه‌ وه‌لاتيێن كه‌ركووكێ بپارێزيت”.

456

ئەڤرۆ نیوز ، زنار تۆڤی :

ئەکتەر و نمایشكارا ناڤدار یا ئه‌مریكی كیم كارداشیان ب دوور نابینیت کو ل پاشه‌رۆژێ خوه‌ ژ بۆ سه‌رۆكاتیا ئه‌مریكا به‌ربژار بكه‌ت.

كیم كارداشیانێ د به‌رسڤا پرسه‌كا تۆرا سی ئێن ئێن یا ئه‌مریكی دا ل دۆر به‌ربژاركرنا خوە بۆ پۆستێ سه‌رۆكاتیا ئه‌مریكا راگه‌هاندیە ، هەتا نوکە وێ هزر نه‌كریه‌ خوه‌ ژبۆ خۆلا بهێت یا سه‌رۆكاتیا ئەمریکا به‌ربژار بكه‌ت ، لێ ئەو ب دوور نابینیت کو ئەڤ چەندە پرۆژێ وێ بیت ل داهاتی.

نووچەیێ به‌ربژاركرنا كیم كارداشیانێ كارڤه‌دانێن مه‌زن د تۆرێن جڤاكی دا ل دووڤ خوه‌ هێلاینە و پرانیا بكارهێنه‌رێن تۆرێن جڤاکی ژی ل دژی هزرا كارداشیانێ راوه‌ستیاینه‌.

كیم كارداشیان نمایشكه‌ر و ئه‌كته‌را ئه‌مریكی یا ناڤدار نوکە د ژیێ 37 سالیێ دایه و‌ ل باژێرێ لوس ئه‌نجلوس ژ دایک بوویە ، وەکو دیار هه‌ڤالینیا وێ یا ل گه‌ل ئەکتەرا ناڤدارا ئەمریکی پاریس هیلتۆن ، بوویه‌ ئه‌گه‌ر كو ئێكه‌م جار سازیێن راگه‌هاندنێ گرنگیێ ب وێ بده‌ن.

720

ئه‌ڤرۆ نيوز:

چو دەما پرچا خوە نەھێلە بێ کو تۆ گولاڤێ بکاربینی، ئانکو بھێلێ بێھنا کەڤشکی ژ پرچا تە بێت، وان جورێن شامپویا ب ھەلبژێرە یێن پشتی شووشتنێ ژی بێھنا وێ ھەر دمینیت، ئەڤە ھندەک رێیێن باشن داکو بێھنەکا خوش ژ پرچا تە بێت:

ــ زەیتا گیزا ھندێ بکاربینە بەری تو سەرێ خوە دشووی ب نیڤ دەمژمێرێ.
ــ پشتی تۆ پرچا خوە ب شامپوو و بەلسەمی دشووی وی َماسکێ ب ھەلبژێرە یا تۆ حەزژێ بێھنا وێ دکەی و بدانە.
ــ پودرا زارۆیا دگەل وێ گولاڤا تۆ حەزژێ دکەی تێکەل کە و سەرێ خوە و پاتکا خوە بدە.
ــ پرچا خوە ب سیشواری ھشک کە و وێ سپرا تو حەزژێ بێھنا وێ دکەت ل لەشێ خوە ب رەشینە ژ دوورڤە.
ــ ئەگەر پرچا تە یا ھشک بیت ھەر رۆژ نە شوو بەلکو رۆژەکێ نە ئێکێ، و ھەر رۆژ وێ گولاڤا تۆ حەزژێ دکەی لێبکە و نوو کەڤە داکو دژی بێھنا خوھێ ب راوەستیت.

106

ئه‌ڤرۆ نيوز، فاتما مزوورى:

جڤاتا پیران یا ئەمریکا پرۆژێ قانوونا بودجەیا بەرەڤانیێ یێ سالا 2019ێ پەسەند کر، د وی پرۆژێ قانوونێ دا ژی فرۆتنا فرۆکێن F-35 بۆ تورکیا قەدەغە کر.

د پرۆژێ قانوونا ل جڤاتا پیران دا ھاتیە پەسەندکرن دا ھاتیە، وەزیرێ بەرەڤانیێ پلانەک پێشکێشی کۆمیتەیێن کۆنگرەسێ و کۆمیتەیێن پەیوەندیدار دکەت، تێدا فرۆتانا فرۆکەیێن F-35 بۆ تورکیا قەدەیە.

پرۆژێ قانوونا جڤاتا پیران، قەدەغەکرنا فرۆتانا فرۆکەیێن F-35 بۆ تورکیا، ب ھەولا کرینا تورکیا یا سیستەما بەرەڤانیێ S-400 ڤە گرێ دا.

تورکیا و رۆسیا د كانوونا ئێكێ يا 2017ێ دا ل سەر کرینا سیستەمێ بەرەڤانیێ S-400 بۆ تورکیا پێکھاتبوون.

ھەروەسا ل سەر ھەڤکاریا تەکنۆلۆژی یا پێشخستنا بەرھەمئینانا S-500 ل تورکیا ژی پێکھاتبوون.

ڤێ یەکێ ژی کارڤەدانەکا نەرازیبوونێ ژ لایێ ئەمریکا و ناتۆیێ ڤە ل دژی خوە ئینا.

واشنتۆن گۆت کو کرینا S-400 ژ لایێ تورکیا دێ ب ئاوایەکی نەرێنی باندۆرێ ل کرینا فرۆکێن F-35 بکەت.

وەزیرێ دەرڤە یێ تورکیا مەولود چاویش ئۆغلو ژی گۆت: “ئەم ناخوازین پەیوەندیێن خوە ب ئەمریکا تێک ببەن، لێ ھەگە ئەمریکا فرۆکێن F-35 نەدا مە، ئەم دێ ژ روسیا یان ژ ھەر وەلاتەکی ناتۆیێ کرین.

94

ئەڤرۆ نیوز، ژیمان سەعید:
کۆمسیونا بلند یا سەربەخوەیا ھەلبژارتن و راپرسیان ل ھەرێما کوردستانێ راگەھاند کو ھەتا نوکە چو ھەڤپەیمانی نەھاتینە وەرگرتن.
شورەش حەسەن، بەرپرسێ پەیوەندی و راگەھاندنێ ل کۆمسیونا بلند یا سەربەخوەیا ھەلبژارتن و راپرسیان ل ھەرێما کوردستانێ، بۆ ئەڤرۆ نیوز گۆت: “38 پارت و لایەنێن سیاسی ناڤێن خوە بۆ ھەلبژارتنان تۆمار کرینە”.
بەرپرسێ پەیوەندی و راگەھاندنێ ل کۆمسیونا بلند یا سەربەخوەیا ھەلبژارتن و راپرسیان ل ھەرێما کوردستانێ زێدەتر گۆت: “ناڤێن بەربژارێن لایەنێن سیاسی ژی دێ ل ھەیڤا بھێت ھێنە وەرگرتن”.
شورەش حەسەن ئاشکەرا ژی کر کو ھەتا نوکە چو لایەنێن سیاسی داخوازا ھەڤپەیمانیێ تۆمار نەکریە، “سێ لایەنێن سیاسی دڤیا ھەڤپەیمانیێ گرێدەن، بەلێ ھاتە رەتکرن و نوکە ئەو دشێن تانێ ل کۆمسیۆنێ بدەن ب ریێن قانوونی”.
ب گۆرەی رێنمایێن کۆمسیۆنا بلندا سەربەخۆیا ھەلبژارتنا ل رۆژا دوشەمبی دەرگەھێ تۆمارکرنا ھەڤپەیمانیان ھاتیە ڤەکرن و بڕیارە ھەتا سوبەھی بھێتە دایخستن.
دەربارەی پاقژکرنا تۆمارا دەنگدەران ژی، شورەش حاجی خۆیا کر کو ئەڤە ماوەکە کار د پاقژکرنا تۆمارا دەنگدەران دا دھێتە کرن و بڕیارە بەری ھەیڤا تیرمەھێ ب دووماھی بھێت.
بڕیارە ل 30ی ئیلۆنا ئەڤ سالە، ھەلبژارتنێن پەرلەمانێ کوردستانآ ب رێڤە بچن و ئێکەتی ژی دخوازیت ئەڤ ھەلبژارتنە بھێنە پاشخستن، د بەرامبەر دا کۆمسیۆن و حوکمەت دخوازن ھەلبژارتنێن جڤاتێن پارێزگەھان ژی د ھەمان دەم دا بھێنە ئەنجام دان.

نيشاندان1...1,0002,0001,8881,8891,8902,8903,890...4,617زێده‌تر لاپه‌ر 1,889 ژ 4,617
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
82 queries in 0.471 seconds.
WP Facebook Auto Publish Powered By : XYZScripts.com