ئه‌ڤرۆ نیوز:
ئه‌ڤرۆ، ره‌جه‌ب ته‌یب ئه‌ردۆغان، سه‌رۆكێ توركیا دیار كر كو ئه‌و ب وێ هیڤیێ یه هه‌تا ئه‌ڤ شه‌ڤه عه‌فرینێ كۆنترۆل بكه‌ن، لێ هه‌ر زوو سه‌رۆكاتییا توركیا رۆنكرنه‌ك به‌لاڤ كر و راگه‌هاند، مه‌ره‌ما ئه‌ردۆغانی ئه‌و بوو كو دێ ئه‌ڤ شه‌ڤه دا ب ته‌مامی عه‌فرینێ دۆرپێچ كه‌ن نه دێ كۆنترۆل كه‌ن.
ژ ئالیێ خوه ڤه كوردێن رۆژئاڤایێ كوردستانێ كۆنترۆلكرنا عه‌فرینێ ژ ئالیێ توركیا ڤه د ئه‌ڤ شه‌ڤه دا ب خه‌ون رۆژك ناڤ كر.
ئەڤرۆ نیۆز، سەباح زوهێر:
ژێدەرەکێ ژ نەخۆشخانا تەنگاڤیا ل قەزا ئاکرێ بۆ ئەڤرۆ نویز راگەهاند کو ئەڤرۆ سپێدێ کەسەکێ ئاگر بەردایە مالا خوە و مالا وی هاتیە شەوتاندن و د ئەنجامدا چار زاروێن وی بەر ب ڤێ روودانێ کەفتی نە، سێ ژ وان ب گرانی برینداربووینە و رەوشا وان یا ساخلەمیێ نەیا باشه و ب تنێ رەوشا ئێک ژ وان یا باشە.
گۆت ژی، ئەڤ کەسێ ئەڤ روودانە ئەنجامدای بابێ وان زارۆیانە و ل تاخێ خرپێ ل ئاکرێ یێ خۆجهە و رەوشا وی یا دەروونی نەیا باشە و ئەڤە بوویە ئەگەر کو ئە ڤێ روودانێ دروست بکەت و ئەڤ کەسە ژی هاتیە گرتن و ڤەکۆلینێن پولیسێن ساخلەمیێ ل دور بوویەرێ د بەردەوامن.
ئەڤرۆ نیۆز ، زنار تۆڤی :
پشتی ته‌مامبوونە هووربینیێ د لیستا مووچە‌خۆرێن هه‌ردو وه‌زاره‌تێن په‌روه‌ردێ و ساخلەمیێ ل حوکمه‌تا هه‌رێما كوردستانێ دا،بڕیاره مووچێ فه‌رمانبه‌رێن وان وه‌زاره‌تان ل رۆژا ئێکشه‌مبیێ بێی پاشه‌كه‌فت بهێته خه‌رجکرن.
ژێدەرەکێ بۆ مالپه‌رێ به‌غداد ئه‌لیەوم گوتیە:پشتی سه‌رەدانا عه‌لی عه‌لاق، پارێزگارێ بانكا ناڤه‌ندیێ عێراقێ بۆ هه‌ولێرێ و سازدانا چه‌ند كۆمبوونان دەربارهی لقێن بانكێن عێراقی، لێك تێگه‌هشتنەک دەربارهی ره‌شنڤیسێ دابه‌شكرنا مووچەی چێبوویە.
وی ژێدەی گوتیە،دەمێ دابه‌شكرنا مووچێ وان هەردو وه‌زاره‌تان دێ کەڤیته رۆژا ئێکشه‌مبێ و بێی پاشه‌كه‌فت دێ هێتە دابه‌شکرن.
ئەڤرۆ نیوز ، زنار تۆڤی :
داستانا کاروانێ پیرۆز سترانەکا نەتەوەیی یە ل سەر سەرکردێ نەتەوا کورد مەلا مستەفا بارزانی هاتیە چێکرن،دەمێ کو ل سالا 1947 ل ئیرانێ ل گەل هەڤالێن خوە یێن پێشمەرگە بەرەف ئێکەتیا سۆڤیەت ڤەچووین و ل رووبارێ ئەرەز دەرباربووین،کو داستانەکە ژ هەژی سەرکردێ نەتەوا کورد بارزانیێ نەمر هاتیە چێکرن.
سترانبێژ رێکێش سەیرانی بۆ ئەڤرۆ نیوز دیارکر:کو وان کارەکێ ژ هەژی ئەنجامدایە،کو ئەو ژی چێکرنا داستانا کاروانێ پیرۆزە،کو ئەو سترانە 7 خولەکان یا درێژە و ژ پەیڤێن هەلبەستڤان ئەدیب چەلکی یه و ژ ئاوازا حەسەن شەریفی یە و ژلایێ وی ڤە هاتیە گوتن و ژ دەرهینانا حسێن حەسەنیە،هەروەسا دیارکریە،کو ئەڤ سترانە ل وەلاتێ تورکیا هاتیە تۆمارکرن و بریاربوو ل 14.3 یا ئەڤ سالە بهێتە بەلاڤکرن،لێ ل هەیڤا بهێت ئەڤ سترانە دێ هێتە بەلاڤکرن.
رێکێش سەیرانی گوتیە ژی،ئەڤ کارە ب بیرهاتنا 70 سالیا چوونا بارزانی و هەڤالێن وی ل دوماهیا بهارا 1947 بۆ ئێکەتیا سوڤیەتا جاران هاتیە ئامادەکرن و ل ناڤەراستا هەیڤا بهێت ئەڤ داستانە دێ هێتە بەلاڤکرن.
ئه‌ڤرۆ نيوز:
شاهۆز حسێن، هه‌ڤسه‌رۆكێ په‌يه‌دێ، د كۆنگره‌كێ رۆژنامه‌ڤانى دا ل هه‌ولێر راگه‌هاند كو حوكمه‌تا توركيا بۆ هێرشا خوه يا سه‌ر عه‌فرينێ چه‌كدارێن داعش ب كار دئينيت.
شاهۆز حسێن د وى كۆنگرێ رۆژنامه‌ڤانى دا ئاشكه‌را ژى كر كو توركيا هه‌موو جهێن سڤيل و خزمه‌تگۆزارى دكه‌ته ئارمانج و گۆت: “له‌شكرێ توركيا چه‌كێ قه‌ده‌غه‌كرى ژى ب كار ئينايه و ل نه‌خۆشخانا عه‌فرينێ ئه‌ڤ چه‌نده هاتيه سه‌لماندن كو غازا كلۆر ب كار ئينايه”.
خۆيا ژى كر كو هه‌ر چو بنپێكرنا هه‌بيت له‌شكرى توركيا كريه ژ به‌زاندنا سنورێن ده‌وله‌ته‌كا هه‌ڤسۆ و ژ ناڤبرنا جهێن خزمه‌تكارى وه‌كو جهێن دابينكرنا ئاڤا ڤه‌خوارنێ و ترۆمبێلێن ئه‌مبۆلانس و هه‌ر تشتێ بۆ مرۆڤاتيێ دهێته ب كار ئينان ژناڤبرينه.
دا زانين ژى كو سه‌رۆكێ ده‌وله‌تا توركيا دابوو زانين كو ئه‌و دێ د چار رۆژان دا عه‌فرينێ گرن، به‌لێ ئه‌ڤه 54 رۆژه به‌رخودانا عه‌فرينێ يا به‌رده‌وامه و گۆت: “ئه‌ڤ به‌رخودانه يا هه‌موو گه‌لێ كورد و سوريايه”.
هه‌ڤسه‌رۆكێ يه‌په‌گێ نه‌ڤه‌شارت ژى چه‌ند وه‌لاتێن هه‌رێمى و نێڤده‌وله‌تى پشته‌ڤانيا ئۆپه‌راسيۆنا ده‌وله‌تا توركيا بۆ سه‌ر رۆژئاڤايێ كوردستانێ و باژێرێ عه‌فرينێ دكه‌ن.
ده‌رباره‌ى مه‌ره‌ما ده‌وله‌تا توركيا ژى هه‌ڤسه‌رۆكێ يه‌په‌گێ گۆت: “ده‌وله‌تا توركيا دڤێت ديموگرافيا عه‌فرينێ ب گوهۆڕيت”.
هيڤى ژى حوكمه‌تا هه‌رێما كوردستانێ كر كو هه‌لويسته‌كێ زه‌لال هه‌بيت و گۆت: “هه‌تا نوكه چو هه‌لويستێن زه‌لال ژ حوكمه‌تا هه‌رێما كوردستانێ نه‌هاتينه ديتن.
ئه‌ڤرۆ نيوز:
ب مه‌ره‌ما ڤه‌كرنا فرۆكخانێن هه‌رێما كوردستانێ و ب رێڤه‌برنا ده‌رگه‌هێن سنورى وه‌زيرێن ناڤخۆ يێن هه‌رێما كوردستانێ و عيراقێ يێ د كۆمبوونێ دا.
ب مه‌ره‌ما ژ نێزيك ئاگه‌هدار بوون ل سه‌ر چاوانيا ب رێڤه‌چوونا كارێن ده‌رگه‌هێن سنورى و ڤه‌كرنا فرۆكخانه‌يان قاسم ئه‌عره‌جى، وه‌زيرێ ناڤخۆ يێ عيراقێ ئه‌ڤرۆ سه‌ره‌دانا هه‌ولێرێ كريه.
به‌رى كۆمبوونا ل گه‌ل وه‌زيرێ ناڤخۆ يا هه‌رێما كوردستانێ، وه‌زيرێ ناڤخۆ يێ حوكمه‌تا عيراقێ سه‌ره‌دانا هه‌ردو رێڤه‌به‌ريێن ره‌گه‌زنامه و ساپسۆرتێن هه‌ولێر ژى كربوو
ئەڤرۆ نیوز ، زنار تۆڤی :
مایكل پۆمپی سیاسەتڤان و كارسازێ ئەمریکی و رێڤەبەرێ(سی ئای ئەی)، ئەندامێ جڤاتا نوونەرێن ئەمریكا بوو ل سەر ویلایەتا كانساس ل 201 تاکو 2017،ل 18ی نۆڤەمبەرا 2016 دۆنالد ترەمپی، سەرۆكێ ئەمریكا كاندید كر بۆ پۆستێ رێڤەبەرێ ئاژانسا سی ئای ئەی و ل 23 كانوونا دویێ 2017 جڤاتا پیرێن ئەمریكا رەزامەندی نیشاندا و هەر وێ رۆژێ ئەو پۆستە وەرگرت.
پۆمپی ل شارێ ئۆرانج ل ویلایەتا كالیفۆرنیا ژ دایك بوویە،ل سالا 1991 چوویە ریزێن سوپایێ ئەمریكا و برواناما دكتۆرایێ د قانوونێ دا ل زانكۆیا هارڤارد بدەستڤە ئینایە.
ل 17 نۆڤەمبەرا 2016 دۆنالد ترەمپی، سەرۆكێ ئەمریكا پۆمپیۆ بۆ وەرگرتنا پۆستێ رێڤەبەرێ (سی ئای ئەی) كاندید كریە و ل 24 كانوونا دویێ 2017 ب فەرمی ئەو پۆستە وەرگرت پشتی رەزامەندیا جڤاتا پیران ل سەر،نوکە بوویە وەزیرێ دەرڤە یێ ئەمریکا.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا پێنجشه‌مبى رێكه‌فتى 15ى ئادارا 2018ێ دهێته پێشبينيكرن ئه‌سمان دێ ژ ئه‌ورێن كێم بۆ ئه‌ورێن ته‌مام هێته گوهۆڕين.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن بلندێن وه‌لاتێ توركيا دهێته پێشبينيكرن ئه‌سمان ژ ئه‌ورێن كێم بۆ ئه‌ورێن ته‌مام هێته گوهۆڕين.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 8 پله بيت و بلندترين پله ژى دێ 20 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 5 بۆ 10كم بيت د ده‌مژمێره‌كێ دا و ماوێ ديتنێ ژى دێ د ناڤبه‌را 9 بۆ 10كم دا بيت.
نيشاندان